طبطبة بـ عنوان :
​لابد من بعد المطاريش .. معـواد
ولا بد من بعد المواجع .. عـوافي

​اضِف الى ذلك :
​واللـيل لو يكسيك وحـشة عتيمة
بكرا تبي تكسب بك الشمس معروف

وأقسم لي الخير و الخيره و عقلٍ رشيد .

-"خفيف خطوة وظهر الأرض ياسعني"زي لما احد يقولك"صدره شمالي"تحس الكلمة تنُم عن خفة ورحابة ما يعلم بها إلا الله تحس إنك ريشة وحتى يمكن تغلبها بالخفة طييير إلا طير.

- «يُعرف أصل المرء من آداب فُراقه.»
شيء دايم أقيس فيه نسبة ندمي على خسارة الأشخاص والأصدقاء من حياتي: المشاكل هذي، هل بتخليك تضرني بشي؟ أو تخليك تحترم العيش والملح وتحفظ الود؟ غالبًا كلها تنتهي بالندم على كل ذرة معروف أسرفتها في غير محلها، بس برضو أتأكد من صحتي في اتخاذ القرار الصح دايم.

سليمان المانع في بداياته كان معروف بأسم الغريب وشافته احدى المعجبات وقالت "هذا الغريب ؟ شكله غلط" .. ورد عليها بأبيات :

كان الرجوله بالمظاهر والاشكال
عزالله اني ماعرفت الرجوله

وكان الرجوله بالمواقف والافعال
عزالله اني مرتوي ياخجوله .

المبادي ثابته وسلّومنا حفظ الوداعه.

- الاسلوب إلليّ أتخذه في علاقاتي اختصره سعد علوش ببيت واحد يقول فيه:"إلليّ بيجي مرحبا وأقولها وأفعل,والليّ يبي يروح جعل الله يسهل له".

مرحباً أما بعد :
​بعض الهروج قصرها أطيب ومن عاف طرّاد الحكي لقى بالسلامة غنيمة ...وقيل في سياق ذلك :

« ويوم شفت إن التشرّه هجمته مرتدّة »
صار لي فترة مفعّل خدمة المتغاضي » .

‏والحال مثل ما قال عبدالرحمن بن بديع :‏"وعن زحمة الناس ودّي بالخلا الخالي".

عن الحال:

​على سبيل التمني جعل حظي يجيب
لي حاجةٍ في ضميري حيل ودي بها

​ماهي شفا عن مرض ولا مواصل حبيب
يعلم بها اللي غيوب الناس يدري بها

​أقول بكره تصير ودوم ظني يخيب
وأصبح بها في صميم البال وأمسي بها

​يارب حقق لروحي ما تبي يا مجيب
قدام لا هادم اللذات يقفي بها

‏" يا الله بحظٍ عظيم .. وهقوةٍ ما تخيب "