#الاهل ..

• الشي اللي لازم كل انسان على وجه الأرض يؤمن بي هو أنه الأهل يريدون دائمًا مصلحة أبناءهم مهما كانوا الأهل سيئين تمام ؟! هاي حطها على صفحة.

لكن #المشكلة هي وين ؟

- المشكلة هي بالسياسة الخاطئة إللي يتبعوها الأهل.. يعني هم يحسبون الأمور من وجهة نظرهم بس ويجون على الإبن او البنت يلا امشي بيها .. هم بظنهم هي الأصح للابن او البنت لكن ممكن تكون غلط ! وعلى الأغلب تكون غلط حسب اللي عشتو وشفتو بحياتي 😁.

• بهاي الحالة الموضوع حيعتمد على #شخصية الابن او البنت ! أنه يتبعون كلام الأهل اللي مديناسب خططهم ! لو يتمرد ويسوي الشي إللي هو ديشوفو صح ويناسبو !

سالم وقتها تمرد واتبع اللي هو يشوفو صح ومشى بي وطنش وبلع وغلس واتحمل واتاذى من كلام الأهل والمحيط وبقى مصر على ماهو عليه والحمد لله هسه ديكول الف مرة الحمد لله أنه الله هداني أنه اتبع خطتي إللي اني خليتها بعيداً عن خطط ورغبة الأهل اللي لو اتبعها كان هو مو هو هسه !

ف يا ترى كم طالب وطالبة هم مثل سالم واهلو ؟ وشلون حتتعاملون مع الأمور !

مثلاً : اهلك يريدون تعيد وأنت متريد أو بالعكس اهلك يريدون تكمل وأنت تريد تعيد !
ممكن اهلك يريدونك تقرا خصوصي وأنت تريد تعتمد على نفسك !

هذا مثال بسيط ..

#انتبه : أني انصحك أنه تسوي إللي انت تشوفو مناسب لوضعك لأنه بالنهاية أنت أعلم الأشخاص بحالتك مع #الاستشارة ( بمعنى استشير أشخاص هم ) حتى تقرر القرار الأصح بأي شي تريد تسلكو بالحياة.

+++ #نصيحة ..

• أي شيء عندك ايمان بي اتبعو وحاول .. ولا تهتم لأحد لأنه بالنهاية هي الحياة حياتك أنت ، وبعدين خلي نتائج إرادتك وطموحك هي ترد على إللي كانوا ضد توجهاتك وسياستك مثل ما اني سويت 😁.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998