#راجع_صح (٢) |

▪️ خلي نتفق من البداية كثرة المراجعات ما تحدد ولا مقياس قطعًا ...

• إياك تعتقد أنه هي بالمراجعتين أو ثلاثة ، أبدا ، المقياس الحقيقي للطالب هو مراجعته الأولى ، هل كانت صح لو لا ؟

زين شلون اعرف نفسي داراجع صح ، وأنه ممكن بهاي المراجعة احقق رغبتي ؟

▪️ لمن تراجع بعقلية أنه هي هاي أول وآخر مراجعة للمادة ، وبقوة وراها خلص امتحن وزاري ، فخلاص أنت بنسبة 70٪ دتراجع صح.

لأنه للأسف كثير طلاب ميراجع بشكل جدي ، ويخلي ببالو أنه ممكن يراجع مرة الخ فتلگي رخو ورگيك بالمراجعة الأولى ، وللاسف هي أهم ، لذلك أنت من تراجع مهما كان وقتك طويل او تحس انك ترجع مرة ثانية ، لازم تقرا أول مرة كأنه هي أول وآخر مراجعة تمام ؟

▫️ مراجعة وحدة ثكيلة ومركز بيها أحسن من ٣ مراجعات ، واضح ؟ لذلك لا يكون همك أنك تراجع مرتين أو ثلاثة ، خلي همك يكون انك دتراجع صح تمام ؟

▪️ ولا تبدي تراجع إلا تكون أمورك تمام ، يعني تراكم ماعندك ( أو ٩٠٪ مخلصهم) ، ثم يلا تبدي تراجع.

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#تنويه |

▪️ هسه رجعت شغلتلكم البوت ، تكدرون تستخدمونوا براحتكم ..

#ســالــم_ال_مـنــصــور

#راجع_صح (٣) |


▪️ كثير من الطلبة يسألون ، بأي مادة نبدي نراجع ؟ هل نبدي بالمواد عكس جدول الامتحانات الوزارية لو بكيفنا ؟

انطيكم رأيي الشخصي بالموضوع + إقتراح وانتوا براحتكم :

▫️ بالبداية شنو هو نبدي عكس الجدول ؟

- طلاب هو مو اول امتحان إسلامية وآخر امتحان فيزياء بالجدول ، فشنو أنت اول مادة تبدي تراجعها هي الفيزياء ثم كيمياء ثم رياضيات وهكذا لحد ماتصل إسلامية ، هي هاي مراجعة عكس الجدول ..

#رأيي |

- أنه الطالب يبدي يراجع المواد العلمية الأقل حفظًا وهو نازل يعني ( رياضيات ، فيزياء ، كيمياء ، أحياء) ثم آخر شي انكليزي ، عربي ، إسلامية ويطب يمتحن ، هالشي جدا مناسب.

▪️ زين عادي اراجع بغير ترتيب ؟

- كلش عادي أنت حر بس اهم شي تبدي بالمواد العلمية وآخر شي ، انكليزي ، عربي ، إسلامية.

▫️ جماعة #الادبي ...

- نفس الشي ، ابدي راجع براحتك بس اهم شي آخر شي يكون ، انكليزي ، عربي ، إسلامية.

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#توزيع_الايام
#جدول_المراجعة

• للأسف عدنا كثير من الطلاب تستعين بجداول جاهزة او تطلب من أشخاص معينين يساعدوهم بالجدول أو ينطوهم رأيهم بالجدول وهالشي مو صحيح ..

لذلك اليوم راح اعلمك شلون أنت تعتمد على نفسك من تحط الجدول وليش لازم انت تخلي الجدول ؟

▪️ أنت وحدك إللي لازم تحدد عدد ايام مراجعة كل مادة ، لأنه أنت وحدك تعرف مستواك بكل مادة ومدى ضبطك إلها وشكد محتاجلها ، مثلاً أنت بالإنكليزي زين ، فتحتاج بي مثلاً 5 أيام .. لكن بالكيمياء ممضبط مثل الإنكليزي فتحتاج 7-8 ايام مثلاً وهكذا ..

لذلك أنت بس تكدر تحدد الايام اللي تناسبك لكل مادة ، وجدًا غلط غيرك يخلي ، لأنه هو ميعرف مستواك العام بالمواد تمام ؟

خلاص هاي هي اتفقنا ؟

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#راجع_صح (٥)

كلام جداً مهم أنتبه عليه ..

▪️ أنت ودتراجع ، ميحتاج تعقد الأمور على نفسك ، اكتفي بالمنهج + وزاريات 2015 فما فوق ..

للأسف كثير من الطلاب تعقد الأمور على نفسها بدراسة الإثرائيات والوزاريات الكلش قديمة ..

هالشي زايد منكم ، يكفيك كلش تقرا منهجك مع الاسئلة الوزارية من 2015 وانت صاعد ، إذا فهمتهم طب للامتحان وأنت مطمأن ✅.

▫️ تقرا كل موضوع بالمنهج مباشرةً معاه الأسئلة الوزارية مباشرةً ، لا تعوف الوزاريات إلا تخلص المنهج ، ترى بهيج حالة استفادتك من الوزاريات تكون 20٪ فقط وتاكل منها صدمة نفسية جبيرة ..

ليش صدمة نفسية ؟!

لأنه انت من تخلص الكتاب وفرحان تجي تحل وزاريات تنصدم انك نصهم تخربط بيهم !!! وهالشي يدمرك نفسيا والله ويشكك بنفسك
والسبب بهالشي هو أنك طبيعي تناسيت بعض الملاحظات وكذا ف تتخربط بالحل ..

لكن لو تقرا كل موضوع مع وزارياته مباشرةً حتكون امورك لوز تمام ؟ واستفادتك من الوزاريات تكون 100٪.

#ونصيحة : ركز بس على الوزاريات اللي بيهم أفكار لأنه 85٪ من الأسئلة الوزارية هي من الكتاب نصا.

وهسه راح انزللكم ملفات بيها افكار ولوفات وزارية كلش تفيدكم ..

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#المراجعة_الذكية ...

#ســالــم_ال_مـنــصــور

#مراجعتي_صح

▪️ شلون أعرف نفسي جاي اراجع صح ؟!

1- تقرا وما تكول هذا يجي وهذا ما يجي.
2- تقرا كأنه هاي آخر مرة تراجعها للمادة.
3- تقراها ورقة وقلم.
4- تعزل الأفكار مال مادة بدفتر او تأشرهم على مصدرك.
5- كل موضوع تقراه تطلع على وزارياته.
6- ما تشربت المادة وسريع سريع.


شوف ذولي النقاط وقيسهم على نفسك ، وراح تعرف مراجعتك صح لو لا.

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#صحتك ..

▪️ حافظ على صحتك ..
▫️ صحتك حافظ عليها ..
▪️ صحتك عليها حافظ ..
▫️ حافظ عليها صحتك..

• للأسف اهمال صحتك حالياً يطلع عليك بالأمتحانات ، بأهم فترة بحياتك الامتحانية اهمالك لصحتك يظهر ..

• لذلك من هليوم ، حافظ على صحتك ، أشرب ماي كثير ، أكل خضروات ، فواكه ، سمك ، لحوم ، رياضة ، نوم ....الخ

حتى تبقى بنشاطك وما تخسر صحتك لا هسه ولا بعدين !

هسه تكول مو صايمين ؟ أي حبيبي الصوم صحة أصلا الك ، اني داحجي من تكون مفطر ، بالفطور ، بين الفطور والسحور ، بالسحور .. بعد رمضان ..

جديات هاي أهم شي ترى ، بالقرآن الكريم بس تهملها هسه تطلع عليك بالأمتحانات وتخسر الأول والتالي ..

بالتوفيق

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#الامتحانات


" امتحن نفسي بنماذج وزارية نهاية مراجعة كل مادة "

▪️ كثير من الطلاب يستفسرون عن الامتحان بنماذج وزارية نهاية كل مراجعة كل مادة ، وهل هذا الشي صحيح ؟! لو لا ؟

ج : مو صحيح ، واني شخصياً ما أنصح بهيج طريقة لأنها تأثيرها سلبي أكثر من ماهو إيجابي ، تأثيرها الإيجابي اكدر اخذو بغير طريقة وبشكل صحيح بدون أي تأثير ، فليش ادخل نفسي بهيج متاهة؟

▫️ زين ليش تأثيرها سلبي ؟!؟

ج : لأنه أنت من تخلص المادة ، إللي ممكن أنت تأخرت بيها اسبوع مراجعة ، وتجي أنت تطلع نسخ وزارية حتى تمتحن بيها ، فأنت بهيج حالة على الأغلب نص الاسئلة راح تتخربط بيها ، لأنه انت حتكون نسيت او راح عن بالك جزء من المعلومات والملاحظات وهالشي جدا طبيعي لان انت دتختبر نفسك بدون مراجعة امتحانية !! فهذا الشي يخلق عندك شعور الشك بدرسك وضبطك للمادة وتبدي تتسلل عليك الأفكار السلبية لحد ما تحسسك انك مو گد الوزاري بالتالي كلش ينزل مستواك.

بحالة وحدة فقط تكدر تختبر نفسك بنماذج وزارية نهاية كل مادة ، واللي هي انك بعد ماتراجعها المراجعة العامة ( اللي تطول اسبوع او أقل أو أكثر) ترجع تراجعها مراجعة ما قبل الامتحان يلا هسه تمتحن نفسك ! وهاي الطريقة تصرف وقت لأنه المراجعة ماقبل الامتحان تاخذ منك يومين+ تمتحن نفسك بنسخ وزارية هم ياخذ يوم فهاي 3 ايام تصير إضافية على كل مادة !!

ف هل يا ترى عندك هالوقت كلو ؟؟

وعلواه بس هيج ، لا المشكلة الدماغ مايظهر إمكانية كاملة بامتحان تجريبي انت تمتحنو لنفسك ! لأنه مو امتحان حقيقي فماتظهر كل طاقة دماغك ، فيعني مهما كان جوابك ماراح يكون مقياس لان امتحان مو حقيقي !

▪️ زين أنت شنو تنصحنا ؟!

ج : اني انصحك نهاية كل موضوع تقراه وزارياتو ( بعض الوزاريات اللي بيهم أفكار او كذا) وتحلهم وتعبر ، وبهيج حالة هم انت دتقرا المنهج هم انت امتحنت بالاسئلة الوزارية 😂 بدون أي تأثير سلبي سواء نفسي او صرف وقت وهاي هي !! وهكذا لكل مادة لحد ما اكمل.

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#للمرة_الالف ..

▪️ خلص تراكم ثم راجع ..
▪️ تراكم خلص ثم راجع ..
▫️ لا تراجع وعندك تراكم ..
▪️ راجع بعد متخلص تراكم ..

بعد عندك وقت أنت مو متأخر
كمل تراكماتك وراجع ...

بعد الأغلبية مديراجعون ... والكل ديقرون
الكل ديسجون ، چذاب اللي يكلك ماقرا
كلهم صايمين عن الأكل والشرب وفاطرين بالمواد شتحچي انت ..

كلهم شطار بس انت من ذولاك الناس ..

#ســالــم_ال_مـنــصــور

#شبكة_نيوتن_التعليمية
https://t.me/Newton1998

#مراجعتي_صح

▪️ شلون أعرف نفسي جاي اراجع صح ؟!

1- تقرا وما تكول هذا يجي وهذا ما يجي.
2- تقرا كأنه هاي آخر مرة تراجعها للمادة.
3- تقراها ورقة وقلم.
4- تعزل الأفكار مال مادة بدفتر او تأشرهم على مصدرك.
5- كل موضوع تقراه تطلع على وزارياته.
6- ما تشربت المادة وسريع سريع.


شوف ذولي النقاط وقيسهم على نفسك ، وراح تعرف مراجعتك صح لو لا.

#ســالــم_ال_مـنــصــور

#شبكة_نيوتن_التعليمية
https://t.me/Newton1998