#سؤال_وجواب

● شوكت يخلص السادس مو خلصت روحي ؟
- هيانو خلص شبيك هانت.

● سالم قريت اول ٣ افصل احيـاء واحس روحي ناسي.
- طبيعي حبيبي لا تخاف.

● سالم بكد ما احبك راح اعيد سنه بالسادس علمودك.
- سنة مو سنه + بطلوا جذب.

● خايفين من الاسئلة لا تجي صعبة.
- سهلة ع القاري.

● تعبانين من الامتحانات.
- ديلا خلصت هانت.

● شنو رأيك أو أحساسك بأسئلة للدور الثاني ؟
- سهلة ع الدارس وصعبة ع ذولاك الناس.

● استاذ اسبوع يصير بي المستحيل؟
- طبعا.

● ليش الأمراض ما تجي الا وقت الامتحانات؟
- لان اهملت صحتك قبل الامتحانات.

● اسئلة انكليزي دور ثاني موحدة أدبي وعلمي؟
- اي.

● سالم معقولة اسئلة الدور الثاني تجي اصعب من اسئلة الدور الاول؟
- هي شغلة طالب دارس + تجي طبيعية مثل كل سنة.

#ســـالـــم_ال_مــنـــصـــور

#سؤال_وجواب |

● التحميل يشمل دفعة اللي راسب لو بس اللي اول سنة ؟

● زين اذا سويت تحميل اني راح امتحن
حسب منهج العام لو هذا المنهج ؟

هاي تفاصيل ما نعرفها الا وزارة التربية تنزل بيان توضح بي الأمور .. تمام ؟

#ســـالـــم_ال_مــنـــصـــور

#سؤال_وجواب |

● أستاذ بالبوت موجود الكتاب المؤشر لحد الفصل الثالث راح تنزل للفصل الرابع و الخامس؟!
- الرابع اسبوع الجاي ينزل اما الخامس ماكو كتاب مؤشر.

● شنو اخبار المدرسة الالكتونية أو الانتساب ؟
- بعد الأمور مو واضحة.

● عادي اقرأ وما الحك ؟
- عادي اما المو عادي انك ما تقرا.

● هذا بوت التواصل؟
- لا رقص.

● هل يوجد حُب في قلب استاذ سالم؟
- أكيد حبكم.

● اگص ايدي اذا جاوبت.
- كصها يلا.

● الشبكة ماتنعطي دروس يوم الجمعة والسبت مو؟
- اي عطلة.

● احس مالي خلك رغم طالبه معيده ؟
- طالبة مو طالبه ، معيدة مو معيده وعادي طبيعي مع الوقت يرجع الشغف.

● اكدر اسيطر عالمواد اذا ما درست بالعلطة؟
- اذا شديت حيلك.

#شبكة_نيوتن_التعليمية
https://t.me/Newton1998

#سؤال_وجواب |

● شيء طبيعي طالب السادس يحس روحه مخربط بالبداية؟
- جداً عادي مع الوقت ان شاء الله تترتب الأمور.

● سالم الي ما قره بالعطلة شيسوي؟
- يقرا بالدوام.

● منين نجيب الشغف ؟
- من الطموح.

● هو العندة سالم متخوفه اسئلة عالم❤️.
- فعلاً.

● سالم دفعة 2022 انطوهم عدم رسوب الهم الحق يعيدون سنة ثالثة ارجو الرد  ..
- اي ويبقون صباحي.

● و هم اكو اخبار عن التقليص؟؟
- لا بعد.

● تتوقع راح ينطون وحده منهن
يعني لو انتساب لو مدرسة الكترونية ؟
- اكيد.

● اعداد المعيدين الهائلة برأيك حتأثر على فد شي ؟ وشنو هوَ ؟
- ما تأثر.

● ليش معصب علينا ؟
- بالعكس ريلاكس.

● الوزارة شنو منتظرة ما تتحرك وتثبت على رأي !!!!
- اذا زمرد ثبتت هرموناتها هي تثبت على رأيها.

#شبكة_نيوتن_التعليمية
https://t.me/Newton1998

#سؤال_وجواب |

● شوكت إعلان نتائج الدور الثاني للصف السادس؟

- اتوقع منتصف الشهر او قريب (١٣-١٥ بالشهر).

الدليل : العام انتهى موعد امتحان الفيزياء او الاقتصاد( ادبي) دور ثاني يوم ٢٨-٩ واعلنت وزارة التربية النتائج يوم ١٦-١٠ يعني بعد اسبوعين من نهاية الامتحانات.

هاي السنة انتهت الامتحانات يوم ٢٩ فلو تحسب اسبوعين حتكون يوم ١٣-١٥ بالشهر والعلم عند الله.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#سؤال_وجواب |

● شنو متغير بالمناهج ؟

ج : شايلين كلمة تطبيقي واحيائي من الغلاف.

😆😆

#سؤال_وجواب |

▪️ هي ملاحظة لو ملاحضة؟
- ملاحظة.

▫️ليش المُعيد فاشل بنظر المُجتمع؟
- منو كاللكم ؟ ماكو هيج شي.

▪️ يكولون ان الاسئلة الوزارية هاي السنة راح تكون كلها واثرائية وما مطروقة .
- كذب.

▫️سالم حاير شلون اسخت واني منتظر نتائج دور ثالث ؟
- حقك.

▪️‏لحظة العَوض فقط ستفهمُ حڪمةَ الأبواب المُغلَقَة .
- فعلاً.

▫️او كلام مثل كأنو : احنا نعرف مستوى طالب بيكم شنو راح يطلع معدل بالسادس و احنا نعرف قابلية كل طالب ، أحباط ما اله داعي و احنا بعدنا محتارين بهوسة الخامس مو يم سادس...
- اول مرة ادري اكو ناس تتصف بصفة ربانية استغفر الله ! شنو يعرفون علم الغيب ؟

▪️شنو الشغلات الايجابية غير الرياضة الي لازم نسويها حتى ترتفع طاقتنا للدراسة ؟
- انتظام بالنوم والاكل.

▫️شنو جان شعورك من انقبلت طب عام
وشنو جان شعورك من تخرجت ؟
- اني اختصاص احياء وما احب لا الطب ولا اي شي يتعلق بي.

▪️ اني حاليا واصل فصل الثالث مكملة على الحذوفات زين لو لا ؟
- زين.

▫️سالم ملزمتك تحتوي على كل الوزاريات لو بيها نقص؟
- كاملة.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#سؤال ..

- هل وزارة التربية تحسب حساب هذا التعطيل و تعوض الطلاب وتدفع مواعيد امتحانات نصف السنة والوزاري لو لا ؟

هل وزارة التربية عدها نظرة بعيدة المدة وتخطيط ومراعية للتوقيتات والتأخيرات وتعوض الطالب ... لو سباحي ؟

#ننتظر_الايام ...

#ســـالـــم_ال_مــنـــصـــور

#سؤال_وجواب |

▪️ شلون اتعامل ويا الناس الحسودين الحشريين من ناحية الدراسة ؟
- اتجنبهم.

▪️ هم يجي يوم ونطلع من السادس ؟
- قادم وبسرعة البرق.

▪️كل مرة اكتب ما تجاوب فَ بطلتو ما اكتب🌚.
- خوش.

▪️ سالم هالعطلة نتقدم بالمواد لو ندرس القديم التراكمات؟
- اقرا تراكم (٣٠% من وقتي) و (٧٠%) امشي.

▪️ سالم جاي افكر بتأجيل مادة الاحياء لان متراكمة علي ؟
- الله يهديك.

▪️ سالم شهريات الاول والثاني راسبة!
- شوكت ناوية تنجحين؟

▪️ سالم اشلون اقنع اهلي انو درجاتي بل شهري ما تقييم للوزاري ؟
- مو مهم اهلج يقتنعون مهم انت.

▪️ششرط گعدة الصبح لطلاب السادس؟
- ابداً.

▪️عادي اترك الخصوصي حضوري اذا شفته ميفيدني هذي الفترة؟
- عادي جداً.

▪️سالم اليوم اخذت استراحة وباجر ابدي اقرا عادي 🙂
- امممم.

▪️سالم عادي ادرس بس على ملازمك بدون ملزمة وزاريات؟ لأن اساساً ملزمتك بيها وزاريات
- عادي.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#سؤال_وجواب

▪️ سالم احچي شي يطمننا
احنا الي صحينا مُتأخر ..

👇👇

#سؤال_وجواب

■ اكو امل رغم كل شي يوحي انه مستحيل ؟

👇👇

#الثالث_متوسط

كيفية توزيع الدرجة على الأسئلة لمادة الإنكليزي |


التقسيم حيكون كالتالي :-

1️⃣ #القطعةالخارجية 15 درجة (ثابتة دائماً )
و أسئلتها تجي على شكل فرعين كالتالي :-
- الفرع الأول أسئلة وأجوبة عليها (10درجات)
- و الفرع الثاني صح و خطأ عليه (5درجات).


2️⃣ #القطع_الاستيعابية 10درجات(ثابتة دائماً).


3️⃣ #القواعد 20 درجة (ثابتة دائماً).


4️⃣ #الإملاء_والإسقاطات_والتوصيلات 25 درجة
(ثابتة دائماً).


5️⃣ #سؤال_الخط_وعلامات_الترقيم ، طبعا سؤال
كلاوات😂 و مساعدة عليه 5 درجات (ثابتة دائماً).


6️⃣ #القطع_الأدبية 10 درجات (ثابتة دائماً).


7️⃣ #الإنشاء 15 درجة (ثابتة دائماً ).
اذا ما مضبط امور بالانشاء فضبطها هسا بعد اكو عندك وقت لأن درجة هواية و مضمونة و يساعدون كلشششش بي.


#ملاحظة_مهمة |

• دير بالك تترك أي شي فارغ ، حتى لو كلشي متعرف ، أكتب أي شي بالك او اي معلومة تعرفها ، مهما كانت بسيطة و حتى لو تحس مالها قيمة اكتبها ، لأن يخلون درجات و الله على كلشي ، ف درجة من هنا و هنا تنجمع و الله ، و يجوز درجة نجاحك توگف على هاي الدرجة و الدرجتين الي حتنقذك .

بالتوفيق ❤️

#شبكة_نيوتن_التعليمية
https://t.me/Newton1998

#للثالث_المتوسط

ملاحظات مهمة |


#سؤال_الخط_وعلامات_الترقيم

طبعا بالنسبة لسؤال الخط فيجي دائماً #بالسؤال_الثالث_الفرع_الأخير_D ، و يبدأ بكلمة (R-write) ، و هو عبارة عن جملة بس مجرد تنقلها مثل ما هي بخط واضح و مرتب حتى يخليك درجة + مع مراعاة الأتي :-


1️⃣ - من تنقل الجملة ، أول حرف من اول كلمة
تكتبو كابتل و الباقي كلو سمول ، ألا إذا كان
أكو بالجملة اسم شخص ، أو أسم دولة أيضا
اول حرف منهم يبدي كابتل.


2⃣ - بالنسبة لعلامات الترقيم ، ف بمجرد ما تشوف
بالجملة #أداة_إستفهام مثل :-
(What , Where , Why , Who , Which , How )
بنهاية الجملة تخلي علاقة الاستفهام (?)
أما إذا كانت جملة عادية ما بيها هاي الكلمات
فتخلي نقطة بنهاية الجملة (.)


3️⃣ - إذا شفت ( if ) بالجملة و طبعا عادة تجي
مع الجمل الي بيها #أدوات_الإستفهام ، فإذا
كانت بالوسط ، عادي لا تهتم الها و لا تعتبرها
موجودة أصلا و مجرد طبق الخطوات الفوگ
أما إذا شفتها بالبداية أول كلمة ، فلمن تكتب
الجملة ، حيكون اكو بالوسط #أداة_أستفهام
ف بس مجرد تخلي فارزة( ، ) قبل أداة الاستفهام
و تكمل الجملة عادي و بالنهاية لا تنسى علامة
الإستفهام.

#شبكة_نيوتن_التعليمية
https://t.me/Newton1998

#سؤال_وجواب |

- سالم اذا نغيب ومنمتحن مايصير نمتحن دور ثاني؟؟

👇👇

#سؤال_وجواب |

■ سالم احنا دفعة ٢٠٢٥ هل لازم ندرس بالعطلة ؟

👇👇

#سؤال_وجواب |

استاذ طريقة دراسة احياء
يوم تحضير ويوم بعده مراجعة وهكذا
صحيح طريقة؟

👇👇

#سؤال_وجواب |

▪️ انطينا نصائح علمود نبدي صح +شوكت نبدي نقرأ ؟

👇👇

#سؤال_وجواب |

▪️ السلام عليكم، شنو رأيك بالإنتساب مع خمس مواد بالمعهد والأحياء راح ادرسها عليك؟

👇👇