📸 Sankt-Peterburq toplanışının 8-ci günü

“Neftçi” Rusiyanın Sankt-Peterburq şəhərində təlim-məşq toplanışını davam etdirir. Flaqman toplanışın 8-ci günündə bir məşqlə kifayətlənib. Bu gün Bakı vaxtı ilə saat 18:00-dan etibarən “Smena” stadionunda keçirilən hazırlıq prosesində “ağ-qaralar”la yeni müqavilə bağlayan kapitan Emin Mahmudov da iştirak edib. Bakıya qayıdıb sağlamlıq sponsorumuz “Liv Bona Dea Hospital”da müayinə olunan Aqil Məmmədovun olmadığı məşqdə əsasən toplu çalışmalar yerinə yetirilib.

Qeyd edək ki, “Sankt-Peterburq” otelində məskunlaşan komandamız iyulun 1-də “Matç TV Kuboku”ndakı ilk oyununda “Zenit”lə qarşılaşıb (1:3). Flaqman iyulun 8-i Bakı vaxtı ilə saat 20:30 Serbiyanın “Srvena Zvezda”, 15-i saat 15:00-da isə Türkiyənin “Fenerbahçe” klubu ilə üz-üzə gələcək. Hər iki görüş “Smena” stadionunda olacaq.

#TrainingCamp #Neftçi #MatchTV #MatchTVCup

📸 Rusiyanın Sankt-Peterburq şəhərində təlim-məşq toplanışında olan “Neftçi” “Matç TV Kuboku”nda növbəti oyununu keçirib. “Ağ-qaralar” “Smena” stadionunda “Srvena Zvezda”ya məğlub olub – 0:4. Qolları Mirko İvaniç (9-cu dəqiqə), Stefan Mitroviç (17-ci dəqiqə), Osman Bukari (45-ci dəqiqə) və Yovan Şlyiviç (81-ci dəqiqə) vurublar.

Qeyd edək ki, “Matç TV Kuboku”ndakı ilk matçında “Zenit”ə məğlub olan (1:3) komandamız sonuncu oyununu “Fenerbahçe”yə qarşı keçirəcək. Görüş iyulun 15-i Bakı vaxtı ilə saat 15:00-da “Smena” stadionunda baş tutacaq.

#NeftçiSrvenaZvezda #Neftçi #MatchTV #MatchTVCup

📸 Sankt-Peterburq toplanışının 13-cü günündə səhər məşqi

“Neftçi”nin Rusiyanın Sankt-Peterburq şəhərindəki təlim-məşq toplanışı davam edir. “Ağ-qaralar” toplanışın 13-cü günündə səhər məşqinə çıxıblar. Bu gün Bakı vaxtı ilə saat 12:00-dan etibarən “Smena” stadionunda keçirilən hazırlıq prosesində zədəli Emil Balayev iştirak etməyib. Əvəzində, komandamızın düşərgəsinə qayıdan digər qapıçımız Aqil Məmmədov məşqə qatılıb. Məşqdə əsasən fiziki təmrinlər və toplu çalışmalar yerinə yetirilib. Hazırlıq axşam məşqi ilə davam edəcək.

Qeyd edək ki, “Matç TV Kuboku”nda “Zenit” və “Srvena Zvezda” ilə qarşılaşmış “Neftçi” sonuncu oyununu “Fenerbahçe”yə qarşı keçirəcək. Görüş iyulun 15-i Bakı vaxtı ilə saat 15:00-da “Smena” stadionunda baş tutacaq.

#TrainingCamp #Neftçi #MatchTV #MatchTVCup

📸 “Neftçi” Rusiyanın Sankt-Peterburq şəhərindəki təlim-məşq toplanışını davam etdirir. Flaqman toplanışın 15-ci günündə bir məşqlə kifayətlənib. Bu gün Bakı vaxtı ilə saat 18:00-dan etibarən “Smena” stadionunda keçirilən hazırlıq prosesinə isinmə hərəkətləri ilə başlayan komandamızın üzvləri məşqə toplu çalışmalarla davam ediblər.

#TrainingCamp #Neftçi #MatchTV #MatchTVCup

📸 “Neftçi” yeni baş məşqçi ilə ilk məşqə çıxdı

Rusiyanın Sankt-Peterburq şəhərində təlim-məşq toplanışını davam etdirən “Neftçi” bu gün yeni baş məşqçi Adrian Mutunun rəhbərliyi altında ilk məşqə çıxıb. Bakı vaxtı ilə saat 18:00-dan etibarən “Zenit” klubunun təlim-məşq mərkəzində keçirilən hazırlıq prosesində məşqçilər korpusunun digər üzvləri – köməkçi məşqçi Alin-Nikolaye Çita, analitik məşqçi Aurelian-Boqdan Patraşku, fiziki hazırlıq üzrə məşqçi Miodraq Todorov və qapıçılar üzrə məşqçi Mihai-Qavril Nedeban da iştirak ediblər. Məşqdə isinmə hərəkətlərindən sonra əsasən toplu çalışmalar icra olunub.

Qeyd edək ki, “Matç TV Kuboku”nda “Zenit” və “Srvena Zvezda” ilə qarşılaşmış “Neftçi” sonuncu oyununu “Fenerbahçe”yə qarşı keçirəcək. Görüş iyulun 15-i Bakı vaxtı ilə saat 15:00-da “Smena” stadionunda baş tutacaq.

#TrainingCamp #Neftçi #MatchTV #MatchTVCup

📸 “Neftçi” “Matç TV Kuboku”nda sonuncu oyununu keçirib

Rusiyanın Sankt-Peterburq şəhərində təlim-məşq toplanışında olan “Neftçi” “Matç TV Kuboku”nda sonuncu oyununu keçirib. “Ağ-qaralar” “Smena” stadionunda “Fenerbahçe”yə məğlub olub – 0:1. Yeganə qolu 72-ci dəqiqədə Edin Dzeko vurub.

Qeyd edək ki, “Matç TV Kuboku”nda “Zenit” (1:3) və “Srvena Zvezda” (0:4) ilə də qarşılaşmış “Neftçi” Rusiyanın paytaxtına yollanaraq Moskva “Spartak”ı ilə yoldaşlıq oyunu keçirəcək. Bu matç iyulun 18-i Bakı vaxtı ilə saat 22:00-da “Otkrıtiye Bank Arena”da təşkil olunacaq və “Neftçi TV” vasitəsilə canlı yayımlanacaq. Komandamız iyulun 19-da Bakıya qayıdacaq və hazırlığını paytaxtda davam etdirəcək.

#NeftçiFenerbahçe #Neftçi #MatchTV #MatchTVCup