🍜 Toshkentdagi eng zo‘r kuksini tanlaymiz!

6 ta joydan kuksi tatib ko‘rdik. Qiziq, har doim ham eng qimmati eng mazalisi bo‘ladimi?

Qaysi kuksi g‘olib chiqqanini bilish uchun videoni oxirigacha ko‘ring.

Degustatsiyada qatnashganlar:
1️⃣ Chenson — 37 500 so‘m
2️⃣ Yapona Mama — 39 000 so‘m
3️⃣ KeyTown — 55 000 so‘m
4️⃣ Elephant — 40 000 so‘m
5️⃣ Miso — 55 000 so‘m
6️⃣ Wok — 49 000 so‘m

Yana nimani sinab ko‘raylik? Izohlarda yozing 👇

nechpul — Oʻzbekistonda nima, qayerda va qancha turishini bilamiz. Obuna boʻling!

Jennifer opaning konsertiga eng arzon chipta — 800 ming so‘m. Lekin o‘sha pulga yana nimalar qilish mumkin:

🔘 Bolalarga maktabga kiyim-kechak olib berish
🔘 Uyda 25 porsiya osh pishirib, hammani to‘ydirish
🔘 2 oyga yetadigan kommunal to‘lovni yopib qo‘yish

Yana nimalarga yetadi deb o‘ylaysiz?👇

Yozning tugashiga ham 23 kun qoldi. Yana nimalarga ulgurish mumkin

Agar iyun va iyulni uyda va ishda o‘tkazgan bo‘lsangiz, avgustning oxirigacha ulgurishingiz mumkin bo‘lgan 5 ta joyni topdik.

Mazza Fest’ga borish 🌭

Ochiq havoda piknik uyushtirib, o‘zbek pop-madaniyati yulduzlarini tinglash, ovqatlanish uchun o‘nlab tamaddixonalardan taomlarni tatib ko‘rish.

Qachon: 29-30-avgust
Qayerda: UzExpo Markazi
Narxi: 1-kunlik chipta — 60 000 so‘m, ikki kunlik chipta — 80 000 so‘m. Chiptalarni payme tickets’dan sotib olish mumkin.

Akvaparkda cho‘milish 🌊

Yozning asosiy vazifasini bajarish — ochiq havoda cho‘milish. Siz uchun shaharning eng yaxshi akvaparklari haqida ma’lumot yig‘ganmiz:
🔘 “Тoshkent” akvaparki,
🔘 Аtlantis,
🔘 Aqualand,
🔘 Faqat qizlar kirishi uchun mo‘ljallangan basseynlar.

Narxi: 100 000 so‘mdan 180 000 so‘mgacha. Bolalar uchun 50 000 so‘mdan 100 000 so‘mgacha.

Comic Con’ga borish 🦸🏻

Marvel yulduzi Shon Gann bilan suratga tushish, "Utopiya shou” («Утопия шоу») yutuberi bilan uchrashish, kospleylarni tomosha qilish, merch sotib olish.

Qachon: 10-avgust
Qayerda: Humo Arena
Narxi: kattalar uchun 245 000 so‘mdan boshlanadi, bolalar uchun esa 145 000 so‘m. Dastxat-sessiyalar chiptalari alohida sotiladi. 845 000 so‘mga VIP-chiptani xarid qilish mumkin.

Sirdaryo uzra uchish 🚁

Xuddi Gollivud blokbasteridagi kabi, qush parvozi balandligida daryo panoramasini ko‘rish va Toshkent dengizigacha uchib borish!

Qachon: istalgan sanadan 2 kun oldin, dam olish kunlarisiz
Qayerda: Sirdaryo shahri aeroporti
Narxi: 15 daqiqalik parvoz uchun 1 000 000 so‘m. Bir soat uchun 4 000 000 so‘m

Bino tomida film tomosha qilish 🎬

Ochiq osmon ostida film tomosha qilish, keyin esa yulduzlar ostida Toshkent panoramasidan ilhom olish mumkin.

Qachon: har kuni 20:00 dan 00:00 gacha.
Qayerda: Sayoxat ko‘chasi, 2.
Narxi: bir kishi uchun 60 000 so‘mdan 80 000 so‘mgacha.

nechpul — Oʻzbekistonda nima, qayerda va qancha turishini bilamiz. Obuna boʻling!

Mashina olayotganda eng muhimi — pushaymon bo‘lmaslik. Pulingizni shamolga sovurmaslik uchun, oldindan yaxshilab tekshirish shart.

Siz uchun oddiy va tushunarli tekshiruv ro‘yxatini tuzdik — xizmat ko‘rsatishdan tortib, yashirin nosozliklargacha.

O‘qing va bozordan mashina olmoqchi bo‘lgan tanishlaringizga ham yuboring 👇

www.nchpl.uz/uz/posts/kak-proverit-mashinu

Ba’zan jarima sizga adashib kelishi ham mumkin. Bunday paytda uni e’tiroz qilib bekor qildirish huquqingiz bor 🚙

Buni qanday qilish mumkin?
1️⃣ my.gov.uz orqali onlayn yuborasiz.
2️⃣ Yoki YHXBga shaxsan borasiz, elektron xat orqali ham topshirish mumkin.

E’tibor bering: shikoyatni qaror chiqqan kundan boshlab 10 kun ichida topshirish kerak. Arizangiz ko‘rib chiqilayotgan vaqtida jarimani to‘lash shart emas. Lekin hujjatlar noto‘g‘ri rasmiylashtirilsa, shikoyat rad qilinishi mumkin.

Maqolada qaysi hujjatlar kerak bo‘lishi va shikoyatni qanday to‘g‘ri yozish kerakligi haqida aniq ko‘rsatmalar bor 👇
www.nchpl.uz/uz/posts/avtojarima

Kvartira ijaraga olish faqatgina mos variantni topish degani emas.

Ba’zida ijara bosh og‘rig‘iga aylanishi mumkin, ayniqsa hujjatlar tekshirilmasa yoki shartlar aniq belgilanmasa. Biz pulni yo‘qotmaslik va ko‘chada qolmaslik uchun tushunarli yo‘riqnoma tayyorladik.

👉 www.nchpl.uz/uz/posts/arenda?utm_source=tg

Ijara uchun kvartirani qayerdan izlash kerak? 👁👁

Variantlar ko‘p: e’lon saytlaridan, telegram kanallaridan yoki rieltorlar orqali topishingiz mumkin. Har bir usulning o‘ziga yarasha qulayliklari ham, xavflari ham bor.

E’lonlar. Eng mashhur sayt — OLX. Lekin u yerdagi ko‘pchilik e’lonlarni aslida agentlar joylashtiradi. Ular kvartira haqida bo‘rttirib yozishi, narxni ataylab pastroq ko‘rsatishi yoki to‘liq bo‘lmagan ma’lumot berishi mumkin — maqsad shunchaki sizni qo‘ng‘iroq qilishga majbur qilish.

Biroq boshqa variantlar ham bor. Masalan, realting.uz saytida e’lonlar anchagina ko‘p va narxlar ham haqiqatga yaqin ko‘rinadi. Hattoki u yerdagi izohlarda odamlar kvartira topib olgani haqida yozib qoldirishadi — bu esa saytdagi ma’lumotlarga nisbatan ishonch uyg‘otadi.

Telegram kanallar. Bu, uy-joy topishning eng qulay usullaridan biri. Ba’zida to‘g‘ridan-to‘g‘ri mulkdor bilan kelishish va rieltorning komissiyasiga xarajat qilmaslik mumkin. Lekin, bu yerda ham vositachilar ko‘p.

Quyida kvartira qidirish kanallari keltirilgan:

🟢«KVARTIRA TOSHKENT ARENDA IJARA»;
🟢«KVARTIRA TOSHKENT ARENDA MAKLER»;
🟢«Kvartiralar ijarasi | Аренда квартир 24/7»;

Shuningdek, mos variantni kutmasdan, guruh chatlarida, masalan, relokantlar chatida o‘zingiz so‘rov yuborishingiz mumkin — sizga mos variantlar yuboriladi.

Agar o‘zingiz qidirishga vaqt sarflashni istamasangiz, filtrli telegram-botni ulashingiz mumkin: u, sozlamalaringiz asosida variantlarni tanlaydi va e’lonlar chiqishi bilanoq ularni sizga yuboradi. Bu, yaxshi kvartiralarni qo‘ldan boy bermaslikka yordam beradi — ayniqsa, agar siz uy-joy tezda band bo‘ladigan mashhur hududda qidirayotgan bo‘lsangiz.

Vaqtingizni tejashni istasangiz, filtrli telegram-botlardan foydalanishingiz mumkin: ular siz belgilagan mezonlarga qarab e’lonlarni saralab beradi va yangisi chiqishi bilan sizga yuboradi. Ayniqsa, mashhur hududlarda kvartiralar tez band bo‘lib ketadigan paytda bu usul juda asqotadi.

Ko‘chmas mulk agentliklari yoki xususiy rieltorlar. Bunda ehtiyotkorlik muhim. Agar vositachi bilan ishlashni xohlasangiz, professional assotsiatsiyaga a’zo bo‘lgan rieltorga murojaat qiling. Ularning qo‘lida QR-kodli ID-karta bo‘ladi va uning haqiqiyligini tekshirish mumkin. Bu, hech bo‘lmaganda, odam rasmiy ishlayotganini va bitimdan keyin g‘oyib bo‘lib ketmasligini kafolatlaydi.

Hozircha ikkita assotsiatsiya mavjud:

1️⃣Rieltorlik tashkilotlari uyushmasi saytida a’zolar ro‘yxati bor.
2️⃣O‘zbekiston rieltorlari gildiyasi: boshlang‘ich sahifada ham gildiya a’zolarining qisqa ro‘yxati mavjud, lekin kengaytirilgan reyestr ochilmaydi; gildiyaga a’zolik yiliga 100 000 so‘mni tashkil etadi va ID-karta olish huquqini beradi.

Xususiy rieltorlar bilan esa yanada ehtiyot bo‘lish kerak, chunki firibgarlik ko‘p hollarda aynan ular orasida uchraydi. Eng yaxshi yo‘l — tanishlaringiz tavsiya qilgan vositachi bilan ishlash. Agar kimdir u orqali kvartira topib rozi bo‘lsa, bu siz uchun ham ma’lum bir kafolat bo‘ladi. Internetdan notanish odamga ishonishdan ko‘ra, tavsiyaga tayanish xavfsizroq.

nechpul — Oʻzbekistonda nima, qayerda va qancha turishini bilamiz. Obuna boʻling!

💰💰💰 Eng qimmat joylar – Shayxontohur va Mirobod. Bu tumanlarda bir xonali uy ijarasi o‘rtacha960 va 855 dollar turadi. Yunusobod ham markazga yaqin, lekin biroz arzonroq: bu yerda uy ijarasi o‘rtacha 788 dollar. Taqqoslash uchun, butun Toshkent bo‘yicha bir xonali uy narxi 437 dollar atrofida.

Shunday qilib, markazdagi kvartiralarni ijaraga beradigan mulkdorlar yaxshi daromad qilishlari mumkin.

💰💰 O‘rtacha narxdagi tumanlar orasida Sergeli va Mirzo Ulug‘bek ajralib turadi. Sergelida hozircha narx pastroq – o‘rtacha 678 dollar. Tuman tez rivojlanayotganini hisobga olsak, vaqt o‘tib narxlar oshishi ham mumkin.

Mirzo Ulug‘bekda esa uylarning tanlovi keng va yetib olish qulay. Bu yerda bir xonali kvartira o‘rtacha 676 dollar.

💰 Arzonroq ijara izlayotganlar uchun Yashnobod qulay variant bo‘lishi mumkin. Yashnobodda bir xonali uy 562 dollar atrofida. To‘g‘ri, bu yerda qurilish zich va eski kvartiralar ko‘p uchraydi.

Chilonzorda esa tanlov doim keng va narx yanada past – o‘rtacha 544 dollar.

* realting.uz tadqiqoti ma’lumotlariga asoslanib.

Siz kvartirani ijaraga berasizmi yoki olasizmi? Izohlarda narxlar haqida o‘z fikringizni yozing👇

nechpul — Oʻzbekistonda nima, qayerda va qancha turishini bilamiz. Obuna boʻling!