‏يوم جاء وجهك صباحٍ فيه مال الضيق داعي
‏جادت الدنيا سلام وسافرت بالعين قرّة.

يام القوام المنصهر
‏بين العدامه والوجود

‏مري على القاع القفر
‏خليّ هماليله تجود

‏وغطي نحرك عن المطر
‏لاتنبت اطرافه ورود ♥️.

ذنب اللقى .. خلّه على عاتق الليل
‏الذنب معـك .. بـ حـدّ ذاته فضيلة

‏آخذ " يدينك " من يدين .. المقابيل
‏وتاخذ " يديني " من يدين .. القبيلة

‏وتذوب بأطراف الحديث التفاصيل
‏وردة ‏
وليل
وشمعتين
وجديلة .

قصيد ما يخلّي قلبك القاسي علي يلين
‏تعزيني شهادة سامعه وانصاف قرّايه !

‏ما جابتك سود الليالي ، والأيام
‏أنا أعرفـك من قبلها لو تْدقق

‏متأكد أني كنت اشوفك فـ الأحلام
‏ الواضح أنك كنت حلم وتحقق

– سعود بن مبارك

‏مياسه الجوف يابنت السحاب الغزير
‏القاع من تحت ساقك صار مجرى نهر

‏فلي شعرك وتمادي في جسدك المثير
‏لين البلل في قميصك يبرز احلى خصر

‏وان قيل ان المطر بعده يفوح احلى عبير
‏قلنا : عبيرك غدى يهطل علينا مطر

‏صبي جمالك على الدنيا جنون ومصير
‏ياتغرق بك الارض .. يا يغرقون البشر !

– عبدالله السرحاني

‏يوم قلت إنتهينا وأنت كلّك عفاف
‏وما بقى لي كلام وما بقى لك بقى

‏ليه بيّحت مكنونك على أخر مطاف
‏ودمع عينك لحاله يخلف اللي هقى

‏لازم نواجه أقسى مرحله ما نخاف
‏ما تجي الراحه إلّا بعد طول الشقى

‏من كثر ما تعوّدنا على الإختلاف
‏نلتقي في الفراق و نفترق في اللقى

– شامان بن وقيان

حبيبي لاحبيب إلا حبيبي خاتم الأحباب
‏أشوفه خامس الأربع جهات وثامن أعجوبة

‏من يقول المحبة للحبيب الأولي كذااااب
‏علاقاتي مع أحبابي ذنوب وحبه التوبة

صباااح الخير ♥️

أتذكُرُ العهدَ الّذي لِي قُلتَهُ:
الغدرُ بينَ قُلوبِنا لا يُقبَلُ؟

ها أنتَ أهملتَ الفؤادَ وخُنتَهُ
للهِ ذنبُك! أمثلُ قلبِي يُهمَلُ؟

قُبلة الشعر ، سلوة خاطري وانشراحه
‏كل ما احرر قيود القصيده نصتها

‏ما بقى للنسم في وسط صدري مساحه
‏يوم هبت ذعاذيع الهوى من جهتها

‏فاتنة كل جيل ، ومشغلة كل ساحة
‏ما غلب طول صبري ، غير طول رقبتها

‏وحشة الليل ما فيها سكينه وراحه
‏قبل توقد شموع الحب في زاويتها

‏كل ما بان وجه الليل واسدل جناحه
‏جددت لي دلال الذكريات قهوتها

‏معتبر كل رحله في هواها سياحة
‏وكل سجه من اطراف الحديث سرقتها

‏وكل ضيقة صدر من قبلها مستباحه
‏حاربتها بضحكة سنّها وهزمتها

‏يا هوى البال والعاشق دموعه سلاحه
‏ولا بقى في عيونه دمعةٍ ما بكتها

‏لا يزيدك غلوّه فالمحبة بجاحه
‏لدي العين ، قبل الوقت يظلم بختها

‏ليت الايام تاخذ من سماحك سماحه
‏وتنبعث مجمل الاحلام من مقبرتها

‏ادري ان الفرص ماهيب دايم متاحه
‏ان تداركتها ولا السنين ادركتها

‏ما يعرف المحارب فالحروب استراحة
‏لا تغرك علوم العالم وفلسفتها

– محمد خالد السبيعي

‏إنّ الاحتضان الشِّعري يشبه الاحتضان
الجسدي، يغلق كلّ منفذ على بؤس العالم

- إندريه بروتون

دخيل العيد

وأفراح القلوب

وشوفة الغالين

على كثر إزدحام البال ..

خلّني على بالك !

عيدكم مبارك ♥️.

عذب السجايا، واللمى، ناسع الجِيْد
‏ما يجهل حمول الهوَى من نقلها

‏جِيْت أنسج لضحكة هدبك المواريد
‏وأكتب قصايد فيك، وتقول: قِلها..

‏أستدرك اسمك بين الأبيات وأزيد
‏وأداري ديارك.. وأغنَّي فـ أهلها

‏كم عذَّبتني في رجاك المواعيْد
‏والأرض ضاقت، والمشاوِيْر وَلْهى

‏من رقَّة عيونك تميل العناقيْد
‏كيف أرتمي في ظلها، وأختزلها ؟

‏أحتاج منها يا أعذب الناس تأكيْد
‏عشان أراضيها، وأراضي زعلها .

– محمد السلطان