1️⃣2️⃣3️⃣4️⃣5️⃣

ROSSIYA DELEGATSIYASI NAVOIY SHAHRIDA

🇺🇿🇷🇺Bugun Rossiya Federatsiyasi delegatsiyasi rasmiy tashrif bilan Navoiy shahriga keldi.

📍Delegatsiya a'zolarini Navoiy temir yo‘l vokzalida shahar hokimi Dilmurod Ergashev hamda “Navoiy Ishonch Gilamlari” MCHJ QK direktori Shavkat Xolnazarovlar kutib oldi.

📌Tashrifning asosiy maqsadi – O‘zbekiston, xususan Navoiy shahrining eksport va import salohiyatini o‘rganish, shuningdek, mahalliy ishlab chiqaruvchilarning faoliyati, imkoniyatlari hamda xalqaro hamkorlik istiqbollari bilan yaqindan tanishishdan iborat.

⚙️Delegatsiya a’zolari “Navoiy Ishonch Gilamlari” MCHJ QK korxonasiga tashrif buyurib, gilam mahsulotlari ishlab chiqarish jarayoni, qo‘llanilayotgan texnologiyalar, mahsulot sifati va tashqi bozorga yo‘naltirilgan eksport salohiyati haqida batafsil ma’lumotlarga ega bo‘ldilar. Korxonada Rossiya bilan savdo-iqtisodiy hamkorlikni kengaytirish istiqbollari yuzasidan samarali muzokaralar olib borildi.

👆Shuningdek, Navoiy shahri hokimi va korxona direktori tomonidan bugungi kunda O‘zbekistonda, ayniqsa iqtisodiyot, tadbirkorlik va sanoat sohalarida Muhtaram Prezidentimiz rahbarligida amalga oshirilayotgan izchil islohotlar, qulay biznes muhiti, investorlar uchun yaratilgan sharoit va imtiyozlar, jumladan soliq yengilliklari haqida ham batafsil ma’lumotlar berildi.

📖Navoiy Ishonch Gilamlari" MCHJ QK Navoiy shahrida joylashgan, 2003-yilda tashkil etilgan, yuqori sifatli gilamlar ishlab chiqarishga ixtisoslashgan qo'shma korxona. Bu yerda 3 smenada 500 nafargda yaqin ishchi faoliyat yuritadi va yillik savdo aylanmasi qariyb 130 milliard so'mni tashkil etadi.

🛒Korxonaning eksport salohiyati, ayniqsa Rossiya va boshqa MDH davlatlariga yo‘naltirilgan eksport hajmi va istiqboldagi hamkorlik yo‘nalishlari ham delegatsiya a’zolari tomonidan e’tirof etildi.

👌Navoiy viloyati hokimligi
Axborot xizmati

🧠Veb Sayt |✈️ Telegram | 🌐Facebook | 📸Instagram | ▶️ Youtube