💎💎💎💎💎💎💎💎💎💎
💎💎💎💎💎

💎YANGILIKLAR BILAN YONMA-YON💎

💎So‘nggi yillarda ta’lim tizimida amalga oshirilayotgan islohotlar o‘qituvchilarning kasbiy rivojlanishiga yangicha yondashuvni talab qilmoqda. Avvallari malaka oshirish jarayonini ko‘proq rasmiylik, uzoq masofaga qatnash va sertifikat olish bilan bog‘liq jarayon deb bilgan bo‘lsak, bugungi kunda bu tizim mazmunan boyib, amaliy va innovatsion ruh kasb etganligini to‘liq angladik.

Aprelda Navoiy viloyati pedagogik mahorat markazida o‘tkazilgan malaka oshirish kurslari shaxsan men uchun ana shunday yangilangan tizimning yorqin namunasi bo‘ldi. Dastlab kursga eski qarashlar bilan kelgandim. Ammo qisqa vaqt ichida bu fikrlarim butunlay o‘zgardi.

Ilk kunlardanoq intizom va mas’uliyatga alohida e’tibor qaratilgani, darslarga kech qolmaslik qat’iy talab sifatida belgilangani, ustozlarning har bir tinglovchini eslab qolishi va individual yondashuvi menga ma'qul keldi. Intizom va hurmat bor joyda shaxs sifatida shakllanish qulay kechadi degan fikrdaman.

Mashg‘ulotlarda turli interfaol metodlar, innovatsion yondashuvlar va zamonaviy pedagogik texnologiyalar o‘rganildi. Ayniqsa, o‘qituvchilarning o‘z tajribasi asosida samarali metodlarni taqdim etishi orqali 20 dan ortiq yangi usullar bilan tanishdim. Bu metodlar dars jarayonini jonlantirish, o‘quvchilarni faol ishtirok etishga undash va ularning qiziqishini oshirishda muhim ahamiyatga ega.

Shuningdek, zakovat o‘yinlari va qo‘g‘irchoq teatri kabi faoliyatlar o‘qituvchilarning ijodiy qobiliyatini yuzaga chiqarishda samarali vosita bo‘lib xizmat qildi. Bunday mashg‘ulotlar orqali nafaqat bilim, balki jamoaviylik, erkin fikrlash va o‘zini ifoda etish ko‘nikmalari ham rivojlandi.

“Milliy ta’lim yaratilishida innovatsion yondashuvlar” mavzusida o‘tkazilgan xalqaro ilmiy-amaliy anjuman esa kursning eng muhim voqealaridan biri bo‘ldi. Unda ta’limda sun’iy intellektdan foydalanish, tanqidiy fikrlashni rivojlantirish va o‘quvchilarning mustaqil o‘rganish ko‘nikmalarini shakllantirish masalalari muhokama qilindi.

Mutaxassislar ta’kidlaganidek, faqatgina ma’lumotni yodlash o‘quvchining mavzuni to‘liq tushunganini anglatmaydi. Muhimi, o‘quvchi o‘z fikrini mustaqil ravishda kengaytira olishi va bilimni amaliyotda qo‘llay bilishidir. Shu nuqtai nazardan, muammoli ta’lim yondashuvi alohida ahamiyat kasb etadi. Unda avvalo muammo qo‘yiladi, so‘ng muhokama qilinadi va yakunda yechim topiladi. Bu esa o‘quvchilarda tahlil qilish, sabab-oqibatni anglash va mustaqil qaror qabul qilish ko‘nikmalarini rivojlantiradi.

Sun’iy intellekt masalasiga alohida to‘xtalib o‘tildi. U ta’lim jarayonida katta imkoniyatlar yaratadi: ma’lumotlarni tezkor qayta ishlash, tarjima qilish, tahlil qilish va o‘quvchilar faoliyatini nazorat qilish imkonini beradi. Biroq u o‘qituvchi o‘rnini to‘liq bosa olmaydi. Sababi, sun’iy intellektda insoniy hissiyot, motivatsiya berish va tarbiyaviy ta’sir yetishmaydi. Shu bois, eng samarali model — o‘qituvchi, o‘quvchi va sun’iy intellektning hamkorlikda ishlashidir.

Yana bir muhim masala — yoshlarning raqamli muhitga tobora chuqur kirib borayotgani bilan bog‘liq. Bu jarayonda ularning kitob o‘qishga bo‘lgan qiziqishi kamayib borayotgani kuzatilmoqda. Shuning uchun milliy qadriyatlar, an’ana va urf-odatlarni zamonaviy shakllarda, xususan, qisqa videolar va raqamli kontentlar orqali targ‘ib qilish zarur.

Xulosa qilib aytganda, malaka oshirish kurslari men kabi o‘qituvchilar uchun nafaqat yangi bilimlar, balki yangicha fikrlash, zamonaviy yondashuv va kuchli motivatsiya manbai bo‘ldi. Endilikda dars jarayonida interfaol metodlar, innovatsion texnologiyalar va sun’iy intellektdan samarali foydalanish orqali o‘quvchilarning qobiliyatini rivojlantirish, ularni mustaqil fikrlaydigan shaxs sifatida shakllantirish asosiy vazifamizga aylanishi lozim.

Bir oylik ushbu tajriba men uchun katta maktab bo‘ldi. Bu davrda olgan bilim va ko‘nikmalarim kelgusi faoliyatimda muhim o‘rin tutadi.

💎Xurshida Hosilova,
Qiziltepa tumani 39-maktab o‘qituvchisi

🖋Navoiy viloyati PMM
matbuot xizmati

🕊 Telegram  🌍Veb-sayt  📱Facebook 📱 Instagram 📺YouTube

📣📣📣📣📣

🔓🔓🔓🔓🔓🔓

Qayta tayyorlov kurslarida o‘qishni istaganlar diqqatiga!

Navoiy viloyati pedagogik mahorat markazi Maktabgacha va maktab ta’limi tizimida pedagog kadrlarni kasbiy qayta tayyorlash, kasbiy va pedagogik qayta tayyorlash, pedagogik faoliyat yuritish bo‘yicha o‘quv kurslari qabuliga start beradi!

🔹Kurs kimlarga mo‘ljallangan?

✅Oliy ma’lumotli (Bakalavr, magistr) pedagog va nopedagog talabgorlar hujjat topshirib o‘qishlari mumkin.

📍Kurslarga ariza topshirish esa juda oson.

Navoiy viloyati pedagogik mahorat markazi qayta tayyorlash kurslari uchun ishga tushirilgan onlayn platforma orqali➡️retrain.uzedu.uz ro‘yxatdan o‘tasiz va arizangizni onlayn yuborasiz.

📍Manzil: Karmana tumani Toshkent ko‘chasi 41-A uy (Navoiy viloyati Pedagogik mahorat markazi binosi)

☎️ Murojaat uchun:
+998973210292

🖋Navoiy viloyati PMM
matbuot xizmati

🕊 Telegram  🌍Veb-sayt  📱Facebook 📱 Instagram 📺YouTube

Ⓜ️Ⓜ️Ⓜ️Ⓜ️Ⓜ️
Ⓜ️Ⓜ️Ⓜ️Ⓜ️

👍Navoiy viloyati Pedagogik mahorat markazi mutaxassislari tomonidan Konimex tumani "Karak ota" MFY hududida joylashgan "RADUGA" oilaviy nodavlat maktabgacha ta’lim tashkilotida pedagoglar uchun mobil malaka oshirish mashg‘ulotlari tashkil etildi.

👍Ushbu jarayonlarda pedagoglar faol qatnashib, o‘z kasbiy bilim va ko‘nikmalarini boyitish imkoniyatiga ega bo‘ldilar.

👍Mashg‘ulotlar “Muloqot va til ko‘nikmalarini shakllantirish” mavzusiga bag‘ishlanib, nazariy bilimlar bilan bir qatorda amaliy ishlanmalar ham olib borildi.

👍Trening davomida tarbiyachilarga bolalar nutqini rivojlantirish, samarali muloqot usullarini qo‘llash, interfaol metodlardan foydalanish yuzasidan muhim tavsiyalar berildi.

👍Amaliy qismda esa ishtirokchilar turli o‘yinlar va mashqlar orqali o‘z tajribalarini mustahkamlab, o‘zaro tajriba almashishdi.

👍Yakunda pedagoglar mazkur mobil malaka oshirish mashg‘ulotlari ularning kasbiy faoliyatida muhim o‘rin tutishini alohida ta’kidladilar.

👍Bunday tashabbuslar ta’lim sifatini yuksaltirish, pedagoglarning salohiyatini oshirish hamda bolalarning nutqiy rivojiga xizmat qiladi.

🖋Navoiy viloyati PMM
matbuot xizmati

🕊 Telegram  🌍Veb-sayt  📱Facebook 📱 Instagram 📺YouTube