ပဲခူးတိုင်းဒေသကြီးအစိုးရအဖွဲ့၏ ဦးဆောင်လမ်းညွှန်မှုဖြင့် (၂၉)ကြိမ်မြောက် လစဉ်အငြိမ်းစားနိုင်ငံ့ ဝန်ထမ်း များ ကျန်းမာရေးစောင့်ရှောက်မှုဆောင်ရွက်ပေးနေမှုအား တိုင်းဒေသကြီး ဝန်ကြီးချုပ် ဦးမျိုးဆွေဝင်း သွားရောက်ကြည့်ရှုအားပေး
ပဲခူး ဧပြီ ၂၂
ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းသည် အစိုးရအဖွဲ့တာဝန်ရှိသူများ၊ ဌာနဆိုင်ရာများ နှင့်အတူ ဧပြီလ(၂၂)ရက်နေ့ နံနက်ပိုင်းက ပဲခူးမြို့၊ အထွေထွေရောဂါကုဆေးရုံကြီးသို့ သွားရောက်၍ ပဲခူးတိုင်းဒေသကြီးအစိုးရအဖွဲ့၏ ဦးဆောင်လမ်းညွှန်မှုဖြင့် (၂၉)ကြိမ်မြောက် လစဉ်အငြိမ်းစားနိုင်ငံ့ ဝန်ထမ်း များ ကျန်းမာရေးစောင့်ရှောက်မှုဆောင်ရွက်ပေးနေမှုအပေါ် တိုင်းဒေသကြီး ဝန်ကြီးချုပ် သွားရောက် ကြည့်ရှု အားပေးခဲ့သည်။
          ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းသည် ပဲခူးမြို့ ခုတင်(၅၀၀)ဆံ့  အထွေထွေ ရောဂါကုဆေးရုံကြီးတွင် ကျန်းမာရေးစောင့်ရှောက်မှု လာရောက်ခံယူကြသည့် အငြိမ်းစားနိုင်ငံ့ဝန်ထမ်း များအား ကျန်းမာရေးဝန်ထမ်းများက စမ်းသပ်စစ်ဆေးကုသပေးနေမှု၊ ဌာနဆိုင်ရာများ၊ မြို့မိမြို့ဖများ၊ လူမှုရေးအသင်းအဖွဲ့များနှင့် ပရဟိတအဖွဲ့အစည်းများမှ ပူးပေါင်းပါဝင် ကူညီဆောင်ရွက်ပေးနေမှုနှင့် ရေသန့်နှင့် ကော်ဖီများ အခမဲ့တိုက်ကျွေးနေမှုများအား လိုက်လံကြည့်ရှု့ခဲ့ပြီး ကျန်းမာရေးစောင့်ရှောက်မှု လာရောက်ခံ ယူကြသည့် အငြိမ်းစားနိုင်ငံ့ဝန်ထမ်းများအား ရင်းရင်းနှီးနှီး လိုက်လံနှုတ်ဆက် အားပေးစကား ပြောကြားပြီး လစဉ်အငြိမ်းစား နိုင်ငံ့ဝန်ထမ်းများအား စဉ်ဆက်မပြတ် ကျန်းမာရေးစောင့်ရှောက်မှု ပေးနိုင်ရေးနှင့် ဆေးဝါးလိုအပ်ချက်မရှိစေရေး ဖြည့်ဆည်းဆောင်ရွက်ပေးခဲ့သည်။
         ပဲခူးတိုင်းဒေသကြီးအတွင်းရှိ ဌာနဆိုင်ရာလုပ်ငန်းနယ်ပယ်အသီးသီးတွင် တာဝန်ထမ်းဆောင်ခဲ့ကြ သည့် နိုင်ငံ့ဝန်ထမ်းများအနေဖြင့် အငြိမ်းစားယူပြီနောက် ကျန်းမာပျော်ရွှင် အသက်ရှည်စွာ နေထိုင်ရေး အတွက် ပဲခူးတိုင်းဒေသကြီးအစိုးရအဖွဲ့၏ ဦးဆောင်စီစဉ်မှု လစဉ် တိုင်းဒေသကြီးအတွင်း မြို့နယ်(၂၈) မြို့နယ်ရှိ ပြည်သူ့ဆေးရုံကြီးများ၌ ကျန်းမာရေးစောင့်ရှောက်မှု စစ်ဆေးပေးခြင်း၊ လူနာတစ်ဦးလျှင် အခမဲ့ဆေးဝါး (၁)လစာ လစဉ်ထောက်ပံ့ပေးခြင်း၊ ကာကွယ်ဆေးထိုပေးခြင်း၊ အခြေခံစားသုံးကုန်များအား သက်သာသောနှုန်းထားဖြင့် ရောင်းချပေးခြင်းများ ဆောင်ရွက်ပေးလျက်ရှိကြောင်း သတင်းရရှိသည်။

#PeopleMedia

နယ်စပ်ဖြတ်ကျော် ဝင်ရောက်မှုအပေါ် ဘင်္ဂလားဒေ့ရှ် နိုင်ငံရေးအသိုင်းအဝိုင်းက အပြင်းအထန် ရှုတ်ချ

ဧပြီ ၂၂ ၊ Western 24 News

ULA/AA အကြမ်းဖက် တပ်ဖွဲ့ဝင်တွေရဲ့ နယ်စပ် ဖြတ်ကျော်ကာ ဘင်္ဂလားဒေ့ရှ်နိုင်ငံပိုင်နက်အတွင်း လက်နက်ကိုင်ဆောင် ဝင်ရောက်ခဲ့မှုနဲ့ ပတ်သက်ပြီး ဘင်္ဂလားဒေ့ရှ်နိုင်ငံရေးပါတီ ဂျာမာသ်အလ်အစ္စလာမ် Bangladesh Jamaat-e-Islam က အပြင်းအထန် ရှုတ်ချကြောင်း ကြေညာချက်တစ်စောင်ကို ဧပြီလ ၂၀ ရက်နေ့က ထုတ်ပြန်ထားပါတယ်။
-
ဘင်္ဂလားဒေ့ရှ်နိုင်ငံ၊ ဘန်ဒါဘန်ခရိုင်အတွင်း ဧပြီလ ၁၆ ရက်နေ့နဲ့ ၁၇ ရက်နေ့တို့မှာ ကျင်းပခဲ့တဲ့ ဒေသခံတွေရဲ့ သင်္ကြန်ပွဲတော်အတွင်း ULA/AA အကြမ်းဖက်  တပ်ဖွဲ့ဝင်အချို့လာရောက် ပျော်ပါးနေကြတဲ့ ဓာတ်ပုံတွေ လူမှုကွန်ရက်ပေါ် ပြန့်နှံ့လာပြီးတဲ့နောက် ဘင်္ဂလားဒေ့ရှ်နိုင်ငံရေးအသိုင်းအဝိုင်းကြား ပြင်းပြင်းထန်ထန် ဝေဖန်မှုတွေ ထွက်ပေါ်လာပြီး မကြာခင်မှာပဲ ဘင်္ဂလားဒေ့ရှ်နိုင်ငံရေးပါတီကြီး တစ်ခုဖြစ်တဲ့ ဂျာမာသ်အလ်အစ္စလာမ် Bangladesh Jamaat-e-Islam ကအပြင်းအထန် ရှုတ်ချကြောင်း ထုတ်ပြန်လာတာ ဖြစ်ပါတယ်။
-
ဂျာမာသ်အလ်အစ္စလာမ် Bangladesh Jamaat-e-Islam ရဲ့ ထုတ်ပြန်ချက်အတွင်း ဘင်္ဂလားဒေ့ရှ်ပိုင်နက်အတွင်း ၁၀ ကီလိုမီတာအထိ လက်နက် ကိုင်ဆောင် ဝင်ရောက်ခဲ့ကြတဲ့ ULA/AA အကြမ်းဖက်အဖွဲ့၏  လုပ်ရပ်သည် ဘင်္ဂလားဒေ့ရှ်နိုင်ငံရဲ့ အချုပ်အခြာအာဏာအပေါ် ခြိမ်းခြောက်မှုဖြစ်ကြောင်း၊ ဘင်္ဂလားဒေ့ရှ်ဥပဒေနဲ့ နိုင်ငံတကာဥပဒေတွေကို ULA/AAအဖွဲ့က ပေါ်ပေါ်ထင်ထင် ချိုးဖောက်တာဖြစ်ကြောင်းနဲ့ လက်ရှိယာယီအစိုးရအနေနဲ့ အဆိုဖြစ်ရပ်နဲ့ ပတ်သက်ပြီး ဖြေရှင်းချက်ပေးဖို့ ထုတ်ပြန်ချက်ထဲ ဖော်ပြထားပါတယ်။ ဂျာမာသ်အလ်အစ္စလာမ် Bangladesh Jamaat-e-Islam ပါတီသည် ဘင်္ဂလားဒေ့ရှ်နိုင်ငံရဲ့ အကြီးဆုံးအတိုက်အခိုက်ပါတီတွေက တစ်ခုဖြစ်ပါတယ်။
-
ULA/AA အကြမ်းဖက် တပ်ဖွဲ့ဝင်တွေရဲ့ လက်နက်တွေကိုင်ဆောင်ကာ ဘန်ဒါဘန်က သင်္ကြန်ပွဲအတွင်း ပျော်ပါးနေကြတဲ့ ဓာတ်ပုံတွေ ပေါ်ထွက်လာပြီးနောက် ဘင်္ဂလားဒေ့ရှ်နိုင်ငံရေး အသိုင်းအဝိုင်းကြား ဝေဖန်မှုများ  မြှင့်တက်လာနေသည်။
-
ULA/AAအကြမ်းဖက်အဖွဲ့တွင်  အပေါ် ဘင်္ဂလားဒေ့ရှ်ယာယီအစိုးရအဖွဲ့ရဲ့ ဆက်ဆံမှုအပေါ်လည်း အားမလိုအားမရ ဖြစ်မှုတွေ များပြားနေပြီး၊ လုံခြုံရေးလျော့ရဲမှုကြောင့် AAအကြမ်းဖက်အဖွဲ့၏ လှုပ်ရှားမှုက ဘင်္ဂလားဒေ့ရှ်အထိ ရောက်ရှိလာခြင်း ဖြစ်သဖြင့် ဘင်္ဂလားဒေ့ရှ်အာဏာပိုင်တွေအပေါ် ပြည်သူတွေရဲ့ ဝေဖန်မှုများလည်း မြင့်တက်နေကြောင်း သိရသည်။

https://www.tiktok.com/@kothet8888888/photo/7496119366044454151?is_from_webapp=1&sender_device=pc&web_id=7402886078983980545