တည်ဆောက်ထားသည်မှာ နှစ်ပေါင်း ၅၀ ကျော်ကြာမြင့်ခဲ့ပြီး အင်အားကြီးမားသည့် ငလျင်ဒဏ် ခံစားခဲ့ရသော်လည်း မပျက်စီးခဲ့သည့် စစ်ကိုင်းမြို့က ဇေယျာသီရိရုပ်ရှင်ရုံ။
-
https://www.tiktok.com/@kothet8888888/video/7496050801996025096?is_from_webapp=1&sender_device=pc&web_id=7402886078983980545

နိုင်ငံရေးသုံးသပ်ချက်တွေ ရေးတဲ့အခါ တခါတလေ စိတ်ခံစားချက်တွေနဲ့ ရေးလို့ မရဘူးဆိုတဲ့အကြောင်းကို အရင်းနှီးဆုံး မိတ်ဆွေ ဖြစ်တဲ့သူက သတိပေးဖူးတယ်။ သူပြောပြတဲ့ အကြောင်းအရာထဲမှာ ကိုယ့်စိတ်ထဲ မြဲစေတဲ့ အရာတစ်ခုကတော့ အသက်အရွယ်က ပေးတဲ့ ဆင်ခြင်တုံတရားပဲ။ ဒါက ဘယ်အရာနဲ့မှ တန်ဖိုး ဖြတ်လို့မရဘူး။
------
လားရှိုးနဲ့ပတ်သက်ပြီး တပ်အရိပ်အယောင် မမြင်ရသေးဘူးဆိုပြီး  ပြီးခဲ့တဲ့ရက်က သတင်းတွေမှာ မကြာခဏ တွေ့နေရတယ်။ ဧပြီ ၂၁ လောက်မန်းဒိတ်ပေးထားလို့ ဆေးရုံက စက်ပစ္စည်းတွေအပါအဝင် ထရန်စဖော်မာတွေကအဆုံး သိမ်းကြုံးသယ်နေတဲ့ မြင်ကွင်းမျိုး မြင်နေရမှတော့ လားရှိုးဟာ အနှေးနဲ့ အမြန်ပဲဆို သုံးသပ်လို့ရနေပြီးသားပါပဲ။ တရုတ်စေ့စပ်ရေး ကိုယ်စာလှယ်တွေအပါအဝင် ၃ ပွင့်ဆိုင် ဆွေးနွေးပွဲတွေ အသေးစိတ်ပြန်ထိုင်တယ်။ အဓိကကတော့ နှစ်ဖက်တပ်တွေနဲ့ အရွှေ့အပြောင်းကြားကာလဟာ အန္တရာယ်ကြီးပြီး မလိုလားအပ်တဲ့ အန္တရာယ် မဖြစ်စေချင်လို့ပါပဲ။ ဒါကို တပ်မတော်နေ့မှာ ဗခ ဇော်မင်းထွန်း ဖြေတဲ့ အင်တာဗျူး အစီအစဉ်ထဲက စကားကို အနက်ကောက် ခြေရာခံကြည့်ရင် ပိုပြီး ပေါ်လွင်လိမ့်မယ်။
------
မနေ့က တွေ့မိတဲ့ သတင်းတွေမှာ တပ်ရဲ့ လေကြောင်း တိုက်ခိုက်မှု တွေက ရွှေဘို၊ စဉ့်ကူး၊ ညောင်ပင်သာ ဘက်တွေကို သိသိသာသာ တိုက်ခိုက်မှု လုပ်နေတာ တွေ့ရတယ်။ သေသေချာချာ ပြန်စဉ်းစားရင် နောင်ချို လက်တကမ်းရှိနေတဲ့ တပ်က ရွှေမောဋောထက် မဲပုတ်ဘက် ပြန်ဆင်းသွားတာကလည်း လားရှိုးဖြစ်စဉ် လို မြို့မနာအောင် အချိန်ဆွဲနေသလား မှတ်ရတယ်။
------
ဘယ်လိုပဲ ဖြစ်ဖြစ် ပြည်သူတွေကို အသိပေးချင်တာက ပဲလှော်ကြား ဆားမညှပ်စေနဲ့လို့ပဲ သတိပေးချင်တာပါ။ အဓိက လားရှိုး ဖြစ်စဉ်ကိုပဲ နမူနာ ယူကြည့်စေချင်တယ်။ လားရှိုးကိုရဖို့ မဟာမိတ်တပ်ပေါင်းစုတွေ ဘယ်‌လို ပေးဆပ်ရသလဲဆိုတာ ကာယကံရှင်တွေကသာ အသိဆုံး ဖြစ်မှာပဲ။ ခုတော့ တပ်မတော်နဲ့ ကိုးကန့်ကြားမှာ ယေဘုယျအားဖြင့် သဘောတူညီချက်တွေ ရခဲ့ပြီလို့ တွေးလို့ရတယ်။ အရင်တခါ သုံးသပ်ခဲ့သလိုပဲ ကိုးကန်တပ်အနေနဲ့ တရားဝင် ရပ်တည်ခွင့်နယ်မြေနဲ့ အကြမ်းဖက် အဖွဲ့အစည်းဆိုတဲ့ အရိပ်ဆိုးက ကင်းလွှတ်ဖို့ လိုနေလိမ့်မယ်။ ဒါမှလည်း ၂၀၀၈ ပေးထားချက်အရ လောက်ကိုင်ဒေသမှာ ဒေသအစိုးရဆိုတဲ့  အခင်းအကျင်းမျိုး ပြန်သွားနိုင်လိမ့်မယ်။
-----
အဓိက တရုတ်ဘက်က ကြည့်ရင်လည်း ပြည်ထောင်စု လမ်းမပေါ်က မြို့တွေဟာ ဗဟို အစိုးရရဲ့ လက်အောက်မှာပဲ ရှိသင့်တယ် ဆိုတဲ့ အယူအဆသာ ရှိခဲ့ရင်.....မန္တလေး -မူဆယ် တကြောက မြို့တွေဟာ အစိုးရထိန်းချုပ်မှုအောက်ကိုပဲ မလွှဲ မသွေ ပြန်ရောက်လိမ့်မယ်။ ဆိုတော့....သပိတ်ကျင်းနဲ့ မတ္တရာဘက်က ပြည်သူတွေအနေနဲ့ အကြမ်းဖက် လက်နက်ကိုင်တွေနဲ့ အတူ ရှိမနေဖို့ လိုအပ်တယ်ဆိုတာ နားလည် သဘောပေါက်သင့်ပြီလို့ ထင်ပါတယ်။ မဟုတ်ရင်တော့ ....အချောင်သက်သက် အသက်တွေ စတေးပြီး ဒီတော်လှန်ရေး ဖြစ်စဉ်ကြီးမှာ လုံးပါး ပါးရလိမ့်မယ်။
-----
စစ်ရေးဆိုတာ နိုင်ငံရေး ဖြစ်စဉ်ရဲ့ အကိုင်းအခက်တစ်ခုပါပဲ။ စစ်ပန်းလာတဲ့အခါ ၊ နိုင်ငံရေး စကားဝိုင်းထဲ ပြန်ဝင်ကြရတာပဲ မဟုတ်လား။ သွေးကြွေးမှာ ဆွေးဆွေးစရာ မရှိဘူးဆိုပြီး တပ်မတော်ကို အပြုတ်တိုက်ဖို့ စဉ်းစားကတည်း နိုင်ငံရေး အသိဉာဏ် နည်းပါးလွန်းတယ်လို့ သုံးသပ်ခဲ့ဖူးပါတယ်။
--------
ခုပဲ ကြည့်။ လားရှိုးဟာ ဗဟိုအစိုးရ ရဲ့  လက်ထဲကို ကျည်တတောင့်မှ မသုံးဘဲ  ပြန်ရောက်ရပြီ မဟုတ်လား။ ပြောခဲ့ဖူးပါတယ်။ ဒီမိုကရေစီ အကြောင်းပြပြီး လူသတ်ဖို့၊ အစိုးရပြန်ဖြစ်ဖို့  လက်နက်ကိုင်တဲ့ အယူဝါဒ နာမည်ခံ  အဖွဲ့အစည်းရဲ့ ရည်ရွယ်ချက်နဲ့ တိုင်းရင်းသားဆိုတဲ့ ခေါင်းစဉ်အောက်ကနေ လက်နက်ကိုင်ကြတဲ့ ရည်ရွယ်ချက်တွေက ညှိနှိုင်းပုံခြင်း တူမှာ မဟုတ်ဘူးဆိုတဲ့အကြောင်း အကြိမ်တရာမက ပြောခဲ့ဖူးပါပြီ။ ဒီဖြစ်စဉ်တွေကိုကြည့်ပြီး  သင်ခန်းစာ မြန်မြန် ယူနိုင်ရင်တော့ အကောင်းဆုံးပါပဲ။


(နရီမိုး)

*အာသာဖြေတဲ့သတင်းအမှားများ*

ဧပြီလ ၁၈ ရက် ညပိုင်းက အေလာ လေဆိပ်ကို ရှော့တိုက်ဒုံး ၃လုံးနဲ့ ပစ်ခတ်လို့လေယာဥ်သိုလှောင်ရုံ တစ်ခု မီးလောင်ပျက်စီး ပြီး လေဆိပ်လုံခြုံရေးအဖွဲ့တွေ ထိခိုက်သေဆုံးတယ်ဆိုပြီး BMW အဖွဲ့က လူမှုကွန်ရက်ပေါ်မှာ သတင်းထုတ်ပြန်လာပါတယ်...

##အဲ့ဒီထုတ်ပြန်ချက်  ကို စကစ ဆန့်ကျင်ရေးသတင်းမီဒီယာ ၁၃ ခု ၊ ဆင့်ပွား မီဒီယာ Account ၁၆ ခု စုစုပေါင်း သတင်းမီဒီယာ အမည်ခံထားတဲ့ Account ၂၉ ခု က ဝမ်းသာအားရနဲ့ သတင်းမစိစစ်ပဲ ဖော်ပြခဲ့ကြပါတယ်

###စစ်ကောင်စီလော်ဘီ Account တွေ မှာတော့ အဲ့ဒီ့သတင်းကို ဟာသဖြစ်နေပြီး အေလာလေဆိပ် ထိခိုက်မှုမရှိကြောင်းနှင့် ငလျင်ကယ်ဆယ်ရေးလုပ်နေတဲ့  လေယာဥ်တွေကို အဝေးကလာရောက်နှောက်ယှက်လို့ လေဆိပ်ထဲ ရှော့တိုက်ဒုံးမကျပဲ အေလာလေဆိပ်နဲ့ မလှမ်းမကမ်းမှာ ရှိနေတဲ့ ရေလည်ရွာကနေအိပ်ခြံစည်းရိုးနားမှာ  မပေါက်ကွဲတဲ့ ရှော့တိုက်ဒုံး ၁ လုံး နဲ့ လယ်ဝေးတဝိုက်မှာ မပစ်ခတ်ရသေးတဲ့ ရှော့တိုက်ဒုံး ၈ လုံး သိမ်းဆည်းရမိခဲ့တယ်လို့တုန့်ပြန်ထားပါတယ်..

##BMW အဖွဲ့က သူတို့ရဲ့ မအောင်မြင်တဲ့ ပစ်ခတ်တိုက်ခိုက်မှု ကို အထင်ကြီးစေရန်နဲ့ သူတို့ကို ခိုင်းတဲ့ NUG အဖွဲ့ထံက ထောက်ပံ့မှုတွေ ရရှိဖို့လိမ်ညာပြီး သတင်းတင်ခဲ့တာကို  အခြားမီဒီယာတွေက စိစစ်ခြင်းမရှိပဲသတင်းအမှားတင်တာဖြစ်လို့ စစ်အုပ်စု ဘက်က ဟာသလုပ်ပြီးပြန်လည်တုန့်ပြန်ခံနေရတာဖြစ်ပါတယ်...

###အေလာလေဆိပ် တကယ်ထိခိုက်ပျက်စီးမှု ရှိလား? မရှိဘူးလား?ဆိုတာကို စိစစ်ဖို့ တိုက်ခိုက်မှု မဖြစ်ခင် ဧပြီလ ၁၆ ရက်နဲ့ တိုက်ခိုက်မှု ဖြစ်ပြီး ဧပြီလ ၁၉ ရက်နေ့တွေမှာ  ရိုက်ကူးခဲ့ ဂြိုလ်တု ဓာတ်ပုံ နှစ်ခု ကို နှိုင်းယှဥ် ကြည့်တော့ ရည်ညွှန်းထားတဲ့ အဆောက်အအုံတွေမှာ ထိခိုက်ပျက်စီးမှုရှိတဲ့ လက္ခဏာမျိုး  မတွေ့ရပါဘူး။

ဒါကြောင့် အေလာလေဆိပ်တိုက်ခိုက်ခဲ့တဲ့သတင်းဟာ BMW အဖွဲ့က အာသာဖြေ လိမ်ညာသတင်းသာ ဖြစ်ပြီး လေဆိပ်အနေနဲ့ ပုံမှန်အတိုင်း ငလျင်ကယ်ဆယ်ရေး လေယာဥ်ကြီးများ အတက်အဆင်းပြုလုပ်လျက်ရှိကြောင်းသတင်းရရှိပါတယ်........

နိုင်ငံတကာမှ ရောက်ရှိတဲ့အကူအညီပစ္စည်းတွေကို အချိန်မဆိုင်းဘဲ ဖြန့်ဝေပေးလျက်ရှိပါတယ်

ပဲခူးတိုင်းဒေသကြီးအစိုးရအဖွဲ့၏ ဦးဆောင်လမ်းညွှန်မှုဖြင့် (၂၉)ကြိမ်မြောက် လစဉ်အငြိမ်းစားနိုင်ငံ့ ဝန်ထမ်း များ ကျန်းမာရေးစောင့်ရှောက်မှုဆောင်ရွက်ပေးနေမှုအား တိုင်းဒေသကြီး ဝန်ကြီးချုပ် ဦးမျိုးဆွေဝင်း သွားရောက်ကြည့်ရှုအားပေး
ပဲခူး ဧပြီ ၂၂
ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းသည် အစိုးရအဖွဲ့တာဝန်ရှိသူများ၊ ဌာနဆိုင်ရာများ နှင့်အတူ ဧပြီလ(၂၂)ရက်နေ့ နံနက်ပိုင်းက ပဲခူးမြို့၊ အထွေထွေရောဂါကုဆေးရုံကြီးသို့ သွားရောက်၍ ပဲခူးတိုင်းဒေသကြီးအစိုးရအဖွဲ့၏ ဦးဆောင်လမ်းညွှန်မှုဖြင့် (၂၉)ကြိမ်မြောက် လစဉ်အငြိမ်းစားနိုင်ငံ့ ဝန်ထမ်း များ ကျန်းမာရေးစောင့်ရှောက်မှုဆောင်ရွက်ပေးနေမှုအပေါ် တိုင်းဒေသကြီး ဝန်ကြီးချုပ် သွားရောက် ကြည့်ရှု အားပေးခဲ့သည်။
          ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းသည် ပဲခူးမြို့ ခုတင်(၅၀၀)ဆံ့  အထွေထွေ ရောဂါကုဆေးရုံကြီးတွင် ကျန်းမာရေးစောင့်ရှောက်မှု လာရောက်ခံယူကြသည့် အငြိမ်းစားနိုင်ငံ့ဝန်ထမ်း များအား ကျန်းမာရေးဝန်ထမ်းများက စမ်းသပ်စစ်ဆေးကုသပေးနေမှု၊ ဌာနဆိုင်ရာများ၊ မြို့မိမြို့ဖများ၊ လူမှုရေးအသင်းအဖွဲ့များနှင့် ပရဟိတအဖွဲ့အစည်းများမှ ပူးပေါင်းပါဝင် ကူညီဆောင်ရွက်ပေးနေမှုနှင့် ရေသန့်နှင့် ကော်ဖီများ အခမဲ့တိုက်ကျွေးနေမှုများအား လိုက်လံကြည့်ရှု့ခဲ့ပြီး ကျန်းမာရေးစောင့်ရှောက်မှု လာရောက်ခံ ယူကြသည့် အငြိမ်းစားနိုင်ငံ့ဝန်ထမ်းများအား ရင်းရင်းနှီးနှီး လိုက်လံနှုတ်ဆက် အားပေးစကား ပြောကြားပြီး လစဉ်အငြိမ်းစား နိုင်ငံ့ဝန်ထမ်းများအား စဉ်ဆက်မပြတ် ကျန်းမာရေးစောင့်ရှောက်မှု ပေးနိုင်ရေးနှင့် ဆေးဝါးလိုအပ်ချက်မရှိစေရေး ဖြည့်ဆည်းဆောင်ရွက်ပေးခဲ့သည်။
         ပဲခူးတိုင်းဒေသကြီးအတွင်းရှိ ဌာနဆိုင်ရာလုပ်ငန်းနယ်ပယ်အသီးသီးတွင် တာဝန်ထမ်းဆောင်ခဲ့ကြ သည့် နိုင်ငံ့ဝန်ထမ်းများအနေဖြင့် အငြိမ်းစားယူပြီနောက် ကျန်းမာပျော်ရွှင် အသက်ရှည်စွာ နေထိုင်ရေး အတွက် ပဲခူးတိုင်းဒေသကြီးအစိုးရအဖွဲ့၏ ဦးဆောင်စီစဉ်မှု လစဉ် တိုင်းဒေသကြီးအတွင်း မြို့နယ်(၂၈) မြို့နယ်ရှိ ပြည်သူ့ဆေးရုံကြီးများ၌ ကျန်းမာရေးစောင့်ရှောက်မှု စစ်ဆေးပေးခြင်း၊ လူနာတစ်ဦးလျှင် အခမဲ့ဆေးဝါး (၁)လစာ လစဉ်ထောက်ပံ့ပေးခြင်း၊ ကာကွယ်ဆေးထိုပေးခြင်း၊ အခြေခံစားသုံးကုန်များအား သက်သာသောနှုန်းထားဖြင့် ရောင်းချပေးခြင်းများ ဆောင်ရွက်ပေးလျက်ရှိကြောင်း သတင်းရရှိသည်။

#PeopleMedia