Eron delegatsiyasi va Milliy kutubxona Hamkorlik memorandumini imzoladilar.
2025-yil 21–22-may kunlari O‘zbekiston Milliy kutubxonasiga Eron Islom Respublikasi Astan Quds Razaviy majmuasi kutubxonalar, muzeylar va arxivlar tashkiloti raisi Sayid Jalol Husayniy boshchiligidagi delegatsiya tashrif buyurdi.

Tashrif davomida ikki ilm dargohi — O‘zbekiston Milliy kutubxonasi va Astan Quds Razaviy majmuasi o‘rtasida hamkorlik memorandumi imzolandi.

Memorandum doirasida quyidagi yo‘nalishlarda hamkorlik belgilab olindi: qo‘lyozmalar, qadimiy kitoblar va nodir nashrlar bilan ishlash, kataloglar tuzish hamda ularni saqlash; elektron yetkazib berish, raqamlashtirish, konservatsiya va avtomatlashtirish bo‘yicha tajriba almashish; va boshqa tashabbuslarni birgalikda amalga oshirish.

Mazkur tashrif O‘zbekiston va Eron o‘rtasidagi ilmiy-ma’rifiy hamkorlikni yangi bosqichga olib chiqdi.
📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

AQSHning Yel universiteti delegatsiyasi Milliy kutubxonada

Bugun AQSHning Yel universiteti delegatsiyasi O‘zbekiston Milliy kutubxonasiga tashrif buyurdi. Delegatsiyaga Markaziy Osiyo bo‘yicha tarix professori, slavyan tillari va adabiyoti bo‘yicha dotsent Kler Ruzin boshchilik qilmoqda.

Delegatsiyani kutubxona bo’ylab rahbar o‘rinbosarlari Nasiba Narmuratovna va Sobir Bazarkulovichlar kutib olib, kutubxonaning faoliyati, kataloglar, arxiv kartochkalari, kitoblar buyurtma tartibi hamda “Nodir” o‘quv zali bilan tanishtirishdi, va ular o'zlarini qiziqtirgan savollarga javob oldilar.

Tashrif yakunida mehmonlar Milliy kutubxonadagi iliq kutib olishlar va boy ma'lumotlar yaratilgan sharoitlardan katta taassurotlar bilan chiqishdi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#onlayn_kitob_mutolaa

✅ O‘zbekiston Milliy kutubxonasida kitobxonlik madaniyatini rivojlantirish, kitob o‘quvchi yoshlar safini yanada kengaytirish maqsadida “Onlayn kitob mutolaa” klubi tashkil etildi. Klubda kitobxon yoshlar o‘zlari o‘qigan kitoblari haqida qiziqarli munozaralar olib borishadi.

📌 Klubning aprel oyida bo‘lib o‘tgan ilk soni Risolat Haydarovaning go‘zal tabiat tasviri, ijtimoiy muhit aks etgan asarlaridan biri — "Mag'rura" kitobi muhokamasiga bag'ishlandi.

📌2025-yil 23-may kuni bo‘lib o‘tgan navbatdagi sonida esa @metodika_natlib guruhida “G‘alabaning 80 yilligi” munosabati bilan front va frontorti voqealari aks etgan quyidagi asarlar muhokamasi bo‘ldi:
1.Said Ahmad “Ufq”;
2.Uchqun Nazar “Chayon yili”;
3.O‘tkir Hoshimov “Ikki eshik orasi”.

📌Aytish joizki, loyihamiz har oyda 1 marotaba o‘tkaziladi.

BATAFSIL

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website