📚O‘zbekiston va Rossiya kutubxonalari o‘rtasida muhim hamkorlik yo‘lga qo‘yildi

O‘zbekiston Milliy kutubxonasida Rossiya Davlat jamoat ilmiy-texnik kutubxonasi bilan hamkorlik to‘g‘risidagi memorandumni imzolash marosimi bo‘lib o‘tdi.

Mazkur kelishuv kutubxonachilik sohasida ikki tomonlama aloqalarni yangi bosqichga olib chiqishga xizmat qiladi. Xususan, tajriba almashish, zamonaviy axborot-resurslarini joriy etish, raqamlashtirish jarayonlarini rivojlantirish hamda mutaxassislar malakasini oshirish yo‘nalishlarida hamkorlikni kengaytirish rejalashtirilgan.

Tomonlar ilmiy-texnik axborotlar almashinuvi, qo‘shma loyihalarni amalga oshirish va kitobxonlar uchun yanada qulay xizmatlar yaratish borasida ham yaqindan hamkorlik qiladi.

Ushbu memorandum kutubxonachilik sohasida innovatsion yondashuvlarni rivojlantirish va xalqaro aloqalarni mustahkamlashda muhim qadam bo‘lib xizmat qiladi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

📚 “Hamma yaxshi narsalar – bolalarga!”

2026-yil 21-aprel kuni Alisher Navoiy nomidagi O‘zbekiston Milliy kutubxonasida“Buyuklar merosi” va “Jadidlar hayotidan” turkum kitoblari taqdimoti bo‘lib o‘tdi.

Taqdimotda kutubxona rahbari Umida Alimjanovna so‘zga chiqib, bolalar uchun sifatli va mazmunli asarlar yaratish muhimligini va bolalar adabiyotiga katta e'tibor qaratish kerakligini ta’kidladi.

Ushbu taqdimotda O‘zbekiston Yozuvchilar uyushmasi Bolalar va o‘smirlar adabiyoti kengashi rahbari Orif To‘xtash, Jamila Shermuhamedova, Zulfiya Mo‘minova kabi sohasinining yetuk mutaxasislari ishtirok etib, o'z nutqlarida bolalarda kitobxonlikni rivojlantirish, ularni mustaqil fikrlovchi qilib tarbiyalash masalalariga alohida e’tibor qaratdilar.

To‘plam muallifi To‘lqin Hayit ham bolalar uchun sifatli, mazmunli asarlar yaratish dolzarb vazifa ekanini ta’kidladi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website