📚 Milliy kutubxonaga amaliy tashrif

Talabalarda kasbga bo‘lgan qiziqishni oshirish hamda nazariy bilimlarni amaliyot bilan uyg‘unlashtirish maqsadida Muhammad al-Xorazmiy nomidagi Toshkent axborot texnologiyalari universitetining Kutubxona-axborot faoliyati ta’lim yo‘nalishi 2–3-bosqich talabalari uchun Alisher Navoiy nomidagi O‘zbekiston Milliy kutubxonasiga amaliy tashrif tashkil etildi.

Tashrif davomida talabalar: kutubxonaning asosiy faoliyat yo‘nalishlari, zamonaviy axborot-kutubxona xizmatlari, fondlar tizimi, foydalanuvchilarga xizmat ko‘rsatish jarayonlari bilan yaqindan tanishdilar

Shuningdek, ular uchun kutubxona bo‘ylab ekskursiya tashkil etilib, sohaning amaliy jihatlari haqida batafsil ma’lumotlar berildi.

Ekskursiya yakunida Milliy kutubxona direktori Umida Teshabayeva talabalar bilan uchrashib, sohaning istiqbollari, kasbiy rivojlanish yo‘llari va kelajakdagi imkoniyatlar haqida motivatsion suhbat o‘tkazdi.

Rasmiy sahifalarimiz
Telegram l Instagram l YouTube l Facebook l Twitter l Website

Xalqaro ISSN agentligi bilan hamkorlikda zoom platformasi orqali tizimdagi o‘zgarishlar o‘rganildi.

2026-yil 22-aprel kuni O‘zbekiston Milliy kutubxonasi mutaxasislari Xalqaro ISSN agentligi tomonidan tashkil etilgan Zoom platformasi orqali o’quv seminarida ishtirok etdi.

ISSN Plus — bu xalqaro ISSN tarmog‘i va uning milliy markazlari uchun nashriyotlar bilan ishlashni yanada soddalashtirish va jarayonlarni avtomatlashtirish maqsadida ishlab chiqilgan maxsus platformadir.

O‘zbekiston milliy markazi ushbu tizimdan foydalanish orqali o‘z bazalarini xalqaro standartlarga to‘liq moslashtiradi.

Bu jarayonlar, Zoom platformasi orqali masofaviy tarzda amalga oshirilmoqda. Ushbu hamkorlik O‘zbekiston ilmiy va publitsistik nashrlarining jahon axborot maydoniga integratsiyalashuvini ta’minlaydi.
ISSN raqamiga ega nashrlar dunyo kutubxonalari va ma’lumotlar bazalarida oson topiladi; Xalqaro agentlik talablariga muvofiqlik nashrlar sifatini oshirishga xizmat qiladi.

📚 O‘zbekiston Milliy kutubxonasiga yangi kitoblar taqdim etildi

Alisher Navoiy nomidagi Toshkent davlat o'zbek tili va adabiyoti universiteti huzuridagi davlat tilida ish yuritish asoslarini o'qitish va malaka oshirish markazi direktori Azimov Inomjon Mamasodiqovich hamda Vazirlar Mahkamasi huzuridagi o'zbek tilini rivojlantirish jamg'armasi direktori Eminov Azizjon G‘ulomjonovich tomonidan O‘zbekiston Milliy kutubxonasiga kitoblar sovg‘a qilindi.

Taqdim etilgan adabiyotlarni kutubxona rahbari Umida Teshabayeva hamda direktor o‘rinbosari Nasiba Xoldorova qabul qilib oldi.

Ushbu tashabbus milliy ma’rifiy muhitni boyitish va kitobxonlar uchun yangi bilim manbalarini yaratishda muhim ahamiyat kasb etadi.

Endilikda mazkur kitoblardan barcha kitobxonlar erkin foydalanishlari mumkin.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website