✅ 2026-yil 15-may kuni O‘zbekiston Milliy kutubxonasida Xalqaro oila kuni munosabati bilan “Oila-jamiyatning asosiy negizi”  deb nomlangan kitob-rasmli ko‘rgazma qo‘yildi.
📚 Ko‘rgazmada mamlakat taraqqiyoti va xalqning obod turmushi garovi bo‘lmish, jamiyatning bo‘lagi, insoniy va madaniy qadriyatlar va an'analarning davomiyligini  ta'minlovchi oilaning huquqiy me'yorlarini belgilovchi, oila huquqini himoya qiluvchi va uning dahlsizligini ta'minlovchi me'yoriy hujjatlar o‘rin olgan.
📚 Kitob-rasmli ko‘rgazmada o‘zbek oilalarining turmush tarzi, bayramlari va xordiq damlari aks ettirilgan gazeta va jurnallar sahifalaridan olingan rasmlar ham o‘rin olgan.
📚 Ko‘rgazma bilan tanishgan kitobxonlar oilaning muhimligi, uni mustahkamlash, unda tenglikni ta'minlashga qaratilgan, mustahkam va baxtli oila qurish mavzusiga bag‘ishlangan kitoblar bilan yaqindan tanishadilar va oilada vujudga keladigan muammolar, nizolarning oldini olish, ularni bartaraf etish to‘g‘risida kerakli ma'lumotlarga ega bo‘ladilar.

2026-yil 18–22-may kunlari O‘zbekistonlik kutubxona mutaxassislari Rossiya Davlat kutubxonasi tomonidan “Yangi avlod” dasturi doirasida tashkil etilgan “Hamdo‘stlik kutubxonalarining ta’lim sohasidagi hamkorligi” loyihasida ishtirok etmoqdalar.

Loyiha yosh mutaxassislar uchun “Raqamli muhit va kutubxona”, “Kutubxonadagi innovatsiyalar” hamda “Aloqa menejmenti” yo‘nalishlarida ikki bosqichli trening sifatida tashkil etilgan.

Amaliy bosqichda O‘zbekiston Milliy kutubxonasi mutaxassislari Xusnora Ashirmetova, Rayxona Rustamova, Buxoro viloyat AKM vakili Tahmina Luqmanova hamda Andijon viloyat AKM direktori o‘rinbosari Ilhomjon Muhtarov Rossiya kutubxonalari assotsiatsiyasi yillik Kongressida ishtirok etmoqdalar.

Shuningdek, tadbir davomida kasbiy stressga chidamlilik, o‘zini boshqarish va hissiy toliqishning oldini olishga bag‘ishlangan yangi o‘quv dasturi ham muhokama qilinadi.

BATAFSIL

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 18-may kuni O‘zbekiston Milliy kutubxonasida O‘zbekiston Respublikasi Vazirlar Mahkamasining qarori bilan tasdiqlangan «Ibratli oila» ko‘krak nishonini topshirish marosimi bo‘lib o‘tdi.

O‘zbekiston Respublikasi Prezidentining «Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida» 2022-yil 7-martdagi PF-87-son Farmoni ijrosini ta'minlash hamda farovon va barqaror oilalarning hayotiy tajribalarini ommalashtirish, oila institutini mustahkamlash, oilaviy qadriyatlarni saqlash va rivojlantirishga munosib hissa qo‘shgan O‘zbekiston Milliy kutubxonasi direktor o‘rinbosari Nasiba Xoldorovalar oilasiga berilgan “Ibratli oila” ko‘krak nishoni tantanali ravishda topshirildi.

Taqdirlash jarayonida kutubxona jamoasi mazkur oilaning sha'niga iliq so‘zlar izhor etdi,bunday yuksak mukofotga haqli ravishda e'tirof etilgani, bu oilaning yutuqlari, bu oilada e'zozlanib kelinayotgan milliy qadriyatlarga sadoqat,hurmat va ma'naviy birlik haqida so‘zladilar.