Xitoyga boʻlgan xizmat safari davom etadi. Shanhai RFID kompaniyasining kutubxonalar uchun ishlab chiqarilgan texnologiyalari o’rganildi

Shanhaidagi ushbu kompaniya tomonidan kutubxona faoliyati uchun zarur bo’ladigan barcha texnika va texnologiyalarni ishlab chiqaradi. Bular: kutubxona robotlari, aqlli kitob javonlari, invertarizatsiya qiluvchi robot, bolalar uchun maxsus infokiosklar, kitoblarni oldindan band qilish terminallari, kutubxona fondlarini uchun avtomatlashtirilgan saqlash texnologiyasi, stelizatorlar shular jumlasidandir.

Shuningdek, ushbu kompaniya UHF hamda HF tipidagi RFID chiplarini hamda ularni o’quvchi qurilmalarni ham ishlab chiqaradi.

Eng so’nggi innovatsion texnologiyasi bu avtomatlashtirilgan kitobga ishlov berish konveyridir. Ushbu konveyr orqali bir soatda 150 ta kitobga ishlov berish ishlari to’liq avtomatlashtirilgan tarzda amalga oshiriladi.

Bunda kutubxonaga kelib tushgan yangi kitoblarga shtrix kod yorliqlari va rfid chiplar o’rnatiladi, invertar raqam beriladi, kitobni OCR texnologiyasi yordamida sun’iy intellekt tizimi o’qib olib elektron katalogini tayyorlaydi va avtomatlashtirilgan axborot-kutubxona tizimiga yuklaydi, va nihoyat yakunda kitobni shikastlanishini oldini olish maqsadida laminatsiya qilinadi. Ushbu texnologiya yordamida kutubxonaga yangi qabul qilingan har qanday kitoblarni tez fursatda foydalanuvchiga yetkazib berilishini ta’minlash mumkin bo’ladi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Shanhai kutubxonasi ekotizimi

Shanhai shahridagi Shanhai kutubxonasi dunyodagi eng ko’p robotlar bilan jihozlangan kutubxona, sababi ushbu kutubxonada robotlar soni kutubxonachilardan ko’p. Yuzlab robotlar kutubxona xizmatlarini ko’rsatadi. Kitobxonlar uyga olib ketgan kitoblarini mashinadan tushmasdan turib kutubxona yaqiniga o’rnatilgan “Drive-Thru book return” qaytarish terminaliga topshiradi.

Mazkur terminal ichida joylashgan kitob tashuvchi robotlar o’zlariga o’rnatilgan qutilarga yetarlicha kitoblarni yuklaganidan so’ng avtomatik ravishda o’ziga ajratilgan yo’lak orqali ko’chadan kutubxona ichkarisiga harakatlanadi, va yomg’irli ob-havoda kutubxona mutaxassislari boshqaruv tizimi orqali robotning tashqarida harakatlanishini cheklab qo’yiladi.

Kutubxonaning umumiy maydoni 100 000 metr kvadratdan ortiq bo’lsada barcha o’quv xonalari foydalanuvchilar bilan gavjum, aqlli kitob javonlari orqali kitobxonlar o’zlari istagan kitoblarni tez va qulay topmoqdalar.

Ushbu kutubxona foydalanuvchilar oldindan joy band qilishi lozim bo’ladi, sababi foydalanuvchilar juda ham ko'p. Joy band qilish tizimi orqali esa xar bir foydalanuvchi kuniga 3 marta uch yarim soatdan o’ziga zarur bo’lgan o’rinni band qilishi mumkin bo’ladi deya o'z fikrlari bilan bo'lishmoqdalar manzilda bo'lib turgan O'zbekiston Milliy kutubxonasi Milliy umumta’lim elektron kutubxonasi xizmati rahbari Alisher Kattabekov.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

O‘zbekiston Milliy kutubxonasida stol tennisi, mini futbol, shaxmat va shashka bo‘yicha Toshkent shahar bosqichi musobaqalari hamda taqdirlash marosimi yuqori saviyada tashkil etildi. Mazkur sport tadbiri Toshkent shahar Sport boshqarmasi hamda “Nuroniylar” jamiyati hamkorligida o‘tkazildi.

Musobaqalarda nuroniylar faol ishtirok etib, sportga bo‘lgan qiziqishlari, faolligi va sog‘lom turmush tarziga sodiqliklarini namoyon etdilar. Bellashuvlar davomida ishtirokchilar o‘zaro do‘stona muhitda kuch sinashib, sportning inson salomatligi va kayfiyatidagi muhim o‘rni yana bir bor e’tirof etildi.

Ayniqsa, shaxmat va shashka bahslaridagi teran tafakkur, stol tennisidagi chaqqonlik hamda mini futboldagi jamoaviy ruh tadbirga o‘zgacha shukuh bag‘ishladi. Musobaqa nafaqat sport bellashuvi, balki nuroniylarning faol hayot tarzi va jamiyatdagi o‘rnini mustahkamlovchi muhim ma’naviy uchrashuvga aylandi.

Tadbir yakunida faol ishtirokchilar va g‘oliblar munosib taqdirlandi.