📚 2026 yil 13-may kuni Alisher Navoiy nomidagi O‘zbekiston Milliy kutubxonasida “Ma’naviyat” nashriyoti tomonidan chop etilgan “Ahmadjon Muxtorov zamondoshlar xotirasida” kitobi taqdimoti bo‘lib o‘tdi.

Tadbirda yozuvchi va jurnalistlar, adabiyot hamda matbuot sohasi vakillari, olimlar, professor-o‘qituvchilar, talabalar va keng jamoatchilik ishtirok etdi.

Taqdimot davomida taniqli jurnalist, muharrir va jamoat arbobi Ahmadjon Muxtorovning milliy matbuot taraqqiyotidagi o‘rni, “Xalq so‘zi” va “Narodnoe slovo” gazetalarini tashkil etishdagi xizmatlari, muharrirlik maktabi, insonparvarlik fazilatlari va haqiqatga sadoqati haqida fikr yuritildi.

So‘zga chiqqanlar Ahmadjon Muxtorovning jurnalistikadagi jasorati, yosh ijodkorlarga bo‘lgan e’tibori va ustoz sifatidagi faoliyatini alohida ta’kidladilar. Kitobda jamlangan xotiralar orqali uning nafaqat mohir muharrir, balki samimiy inson sifatidagi qiyofasi ham yorqin aks etgani qayd etildi.

Xitoyga boʻlgan xizmat safari davom etadi. Shanhai RFID kompaniyasining kutubxonalar uchun ishlab chiqarilgan texnologiyalari o’rganildi

Shanhaidagi ushbu kompaniya tomonidan kutubxona faoliyati uchun zarur bo’ladigan barcha texnika va texnologiyalarni ishlab chiqaradi. Bular: kutubxona robotlari, aqlli kitob javonlari, invertarizatsiya qiluvchi robot, bolalar uchun maxsus infokiosklar, kitoblarni oldindan band qilish terminallari, kutubxona fondlarini uchun avtomatlashtirilgan saqlash texnologiyasi, stelizatorlar shular jumlasidandir.

Shuningdek, ushbu kompaniya UHF hamda HF tipidagi RFID chiplarini hamda ularni o’quvchi qurilmalarni ham ishlab chiqaradi.

Eng so’nggi innovatsion texnologiyasi bu avtomatlashtirilgan kitobga ishlov berish konveyridir. Ushbu konveyr orqali bir soatda 150 ta kitobga ishlov berish ishlari to’liq avtomatlashtirilgan tarzda amalga oshiriladi.

Bunda kutubxonaga kelib tushgan yangi kitoblarga shtrix kod yorliqlari va rfid chiplar o’rnatiladi, invertar raqam beriladi, kitobni OCR texnologiyasi yordamida sun’iy intellekt tizimi o’qib olib elektron katalogini tayyorlaydi va avtomatlashtirilgan axborot-kutubxona tizimiga yuklaydi, va nihoyat yakunda kitobni shikastlanishini oldini olish maqsadida laminatsiya qilinadi. Ushbu texnologiya yordamida kutubxonaga yangi qabul qilingan har qanday kitoblarni tez fursatda foydalanuvchiga yetkazib berilishini ta’minlash mumkin bo’ladi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website