9-may — Xotira va qadrlash kuni munosabati bilan Alisher Navoiy nomidagi O‘zbekiston Milliy kutubxonasida uzoq yillar samarali faoliyat olib borgan faxriy xodimlar holidan xabar olindi.

Kutubxona direktori Umida Teshabayeva, O‘quv zallari xizmati rahbari Odina Karimova hamda Fondlarni saqlash xizmati rahbari Matluba Mirxojayevalar boshchiligida mehnat faxriylari yo‘qlandi, ularga ehtirom ko‘rsatildi.

Xususan, Xorijiy adabiyotlar bo‘limida faoliyat yuritgan Hamidova Malika, Adabiyotlarni saqlash bo‘limida ishlagan Shomansurova Mastura hamda Mo‘minova Sayyoralar bilan samimiy uchrashuv tashkil etildi.

Suhbat davomida faxriylarning kutubxona tizimidagi ko‘p yillik mehnati, soha rivojiga qo‘shgan hissasi va bugungi avlod uchun o‘rnak bo‘ladigan fidoyiligi alohida ta’kidlandi.

Bunday uchrashuvlar yillar davomida sharaf bilan xizmat qilgan insonlarni qadrlash, ularga hurmat va e’tibor ko‘rsatishning amaliy ifodasidir.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚 Alisher Navoiy nomidagi O‘zbekiston milliy kutubxonasida “Burch, jasorat, matonat!” shiori ostida ma’naviy-ma’rifiy tadbir bo‘lib o‘tdi.

Tadbirda shoir va tarjimon, “Do‘stlik” ordeni sohibi Zikrilla Ne’mat Vafoiyning “Yovqur o‘g‘lonlar yodi” nomli kitobi taqdimoti o‘tkazildi.

Mazkur kitob Mustaqillik yillarida Vatan himoyasi yo‘lida halok bo‘lgan 206 nafar harbiy xizmatchi va huquq-tartibot organlari xodimlari xotirasiga bag‘ishlangan.
Tadbirda taniqli adib va olimlar ishtirok etib, kitobning ma’naviy-ahloqiy ahamiyati, unda aks etgan jasorat va fidoyilik timsollari haqida fikr bildirdilar.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

✅ 2026-yil 8-may  kuni O‘zbekiston Milliy kutubxonasida Xotira va Qadrlash kuniga bag‘ishlangan “Xotira abadiy  - qadr muqaddas” deb nomlangan kitob-rasmli ko‘rgazma ochildi.

📚 Ko‘rgazmada o‘zbek askarlarining fidokorona jasoratlari, janglarda ko‘rsatgan qahramonliklari, xalqimizning front orti jobozliklari va o‘g‘illarini yo‘qotgan onalarning sabrlari aks ettirilgan asarlar va fotosuratlar o‘rin olgan.


📚 Asarlar o‘zbek xalqining bag‘rikengligi, mehr-muruvvati urush oqibatlaridan aziyat chekkan turli  xalq vakillarini hayotini saqlash bilan bir qatorda, ularga hayotga, kelajakka ishoch bag‘ishlagani haqida hikoya qiladi.

📚 Ko‘rgazmada Ikkinchi jahon urushida halok bo‘lgan va bedarak yo‘qolgan yurtdoshlarimizning familiyasi, ismi, otasining ismi, viloyatlar va tumanlar kesimida alifbo tartibida berilgan “Xotira” kitobi, “Подвиг и память” (Jasorat va xotira) kitoblari alohida o‘rin egallagan.