O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida “Bobolar izidan” jurnali taqdimoti bo‘lib o‘tdi

O‘zbekiston Milliy kutubxonasi direktori Umida Teshabayeva “Bobolar izidan” jurnalining ushbu loyihasi xalqimizning tarixi, ilm-fani va adabiyotini keng qamrovli o‘rganishi barchamizga manfaatli bo‘lishiga ishonch bildirar ekan, kutubxona jamoasi ham bu xayrli yo‘lda jurnal ijodkorlariga yaqindan ko‘mak berishiga va ushbu jurnallarning xalqaro elektron resurslar bazalariga kirishini va bu orqali shubhasiz jahon olimlari e'tiboriga tushishiga ishonch bildirdi.

Tadbirda jurnal ijodkorlari bobokalonlarimiz hayoti, Turk xoqonligining ma'naviy-ma'rifiy hayotini o‘rganishga bag‘ishlangan Oltoy va Ozarbayjonga qilgan ekspedisiyalari davomida to‘plangan ilmiy kuzatuvlar, tahlillar, safar taassurotlari, maqolalar, she'rlar va fotomateriallar haqida o‘z taasurotlari bilan o‘rtoqlashdilar. BATAFSIL

O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida Alisher Navoiy nomidagi O‘zbekiston Milliy kutubxonasi hamda Diplomat universiteti o'rtasida hamkorlik memorandumini imzolash marosimi bo‘lib o‘tdi.

Ilg‘or ta’lim texnologiyalari hamda xalqaro standartlar asosida faoliyat yuritib, 12 ta bakalavriat va 4 ta magstratura yo‘nalishiga ega bo‘lgan Diplomat universiteti yurtimiz uchun yuqori malakali, raqobatbardosh mutaxassislarni tayyorlashni maqsad qilgan.

Mazkur Memorandumning asosiy maqsadi – ikki tomon o‘rtasidagi hamkorlikning aniq shartlari hamda ustuvor yo‘nalishlarini belgilashdan iborat. Ushbu hujjat doirasida ilmiy-tadqiqot faoliyatini rivojlantirish, axborot-resurslar almashinuvini kengaytirish hamda zamonaviy kutubxona xizmatlarini takomillashtirish bo‘yicha qo‘shma loyihalar amalga oshiriladi.

Ushbu hamkorlik kelgusida ta’lim, ilm-fan va axborot-kutubxona sohasida samarali natijalarga xizmat qilishi kutilmoqda.

2026-yil 14-aprel kuni O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida Oxbridge International School o‘qituvchi va o‘quvchilari ishtirokida davra suhbati bo‘lib o‘tdi.

Tadbirda maktabning xalqaro standartlarga mos ta’lim tizimi, bolalar bog‘chasidan yuqori sinflargacha bo‘lgan uzluksiz dasturi hamda turli mamlakatlardan kelgan o‘quvchilar uchun yaratilgan bag‘rikeng va zamonaviy muhit haqida ma’lumot berildi. Shuningdek, 20 dan ortiq davlatlardan kelgan malakali o‘qituvchilar jamoasi alohida ta’kidlandi.

Tadbir davomida maktab faoliyati, ta’lim imkoniyatlari va innovatsion yondashuvlarni aks ettiruvchi videorolik namoyish etildi. Yakunda o‘quvchilar tomonidan musiqiy chiqishlar taqdim etildi.
BATAFSIL

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Kitobsevar_millat

2026-yil 14-aprel kuni O‘zbekiston Milliy kutubxonasida VI Respublika “Kitobxonlik haftaligi” doirasida Abdulla Qodiriyning nabirasi Sherkon Qodiriy hamda Qatag‘on qurbonlari xotira muzeyi xodimlari ishtirokida “Ilm-ma’rifat va erkinlik – jadidlar orzusi” mavzusida davra suhbati bo‘lib o‘tdi.

Tadbirda adib ijodini targ‘ib qilish, uning hayoti, qatag‘on davri taqdiri va o‘zbek adabiyotidagi o‘rni haqida so‘z yuritildi. Shuningdek, Milliy kutubxona fondidagi noyob nashrlar va qo‘lyozmalar raqamli formatda namoyish etilib, jadid adiblari merosiga bag‘ishlangan ko‘rgazma tashkil etildi.

Ishtirokchilar Abdulla Qodiriyning “O‘tgan kunlar” va “Mehrobdan chayon” asarlarining ahamiyati hamda adib merosini o‘rganish borasidagi tadqiqotlar haqida fikr almashdilar.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website