2026-yil 13-aprel kuni O‘zbekiston Milliy kutubxonasida “Kitobsevar millat” shiori ostida VI Respublika “Kitobxonlik haftaligi”ning tantanali ochilish marosimi bo‘lib o‘tdi.Mazkur haftalikka bir vaqtning o‘zida Qoraqalpoqiston Respublikasi va barcha viloyat axborot-kutubxona markazlarida ham start berildi.

Haftalikning ochilish marosimida O‘zbekiston Yozuvchilar uyushmasi raisi o‘rinbosari G‘ayrat Majid, O‘zbekiston Respublikasi Oliy Majlisi Qonunchilik palatasi deputati Dilnoza Azizova, “O‘zbekiston” nashriyoti bosh muharriri Muhiddin Omonov, Yoshlar ishlari agentligi Kitobxonlik madaniyatini rivojlantirish jamg‘armasi rahbari Xurliman Jumamurotova va O‘zbekiston Milliy kutubxonasi direktori Umida Teshabayevalar so‘zga chiqib haftalikning dolzarbligini e'tirof etdilar, uning mohiyati, yosh avlodning ma'naviy kamolotida tutgan o‘rnini ta'kidladilar.

O‘zbekiston Milliy kutubxonasi direktori Umida Teshabayeva yig'ilganlarni qutlar ekan, Haftalikni o‘tkazishdan ko‘zlangan asosiy maqsad, yurtimizda axborot-kutubxona sohasini yanada rivojlantirish, aholiga axborot xizmatlarini ko‘rsatish, joylarda axborot-kutubxona muassasalariga qaratilayotgan e'tibor haqida ma'lumot berdi. “Haftalik davomida yurtimiz kitobxonlarini hamda kutubxonachilik va nashriyot sohasi mutaxassislarini respublikamizda chop etilgan yangi kitoblar bilan tanishtirish, turli mahorat darslari, mutolaa tadbirlari, yozuvchi va adiblar bilan ijodiy uchrashuvlar, davra suhbatlari va boshqa qator ma’naviy, ma’rifiy, madaniy dasturlar tashkil etishni rejalashtirganmiz”, dedi U.Teshabayeva.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Kitobsevar_millat

✅ 2026-yil 13-aprel kuni O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida “Ko‘mak” loyihasining taqdimoti bo‘lib o‘tdi.

🏆 Chet tillar bo‘yicha C1 sertifikatiga ega yoshlarga o‘z o‘quv markazlarini ochish uchun 130 million so‘mgacha foizsiz ssuda berish imkoniyatlarini qo‘llab-quvvatlash maqsadida Yoshlar ishlari agentligining “Ko‘mak” loyihasi yo‘lga qo‘yildi.
Tadbir davomida tashkilotchilar “Ko’mak” loyihasi haqida ma'lumotlar taqdim etdilar. Ular loyihaning maqsadi, imkoniyatlari, ssuda olish, arizalarni topshirish talablari va loyihaning hozirgi xolati haqida ma’lumotlar berdilar.

🎥 Taqdimot avvalida “Ko’mak” loyihasi tomonidan jadid bobolarimiz haqida tayyorlagan videorolik namoyish etildi.

🥇 Suhbat chog‘ida tashkilotchilar yig‘ilganlar bilan turli interfaol o‘yinlar o‘ynadilar. G‘oliblar “Ko’mak”loyihasining esdalik sovg’alari bilan taqdirlandilar.