Bugun kutubxona tizimida faoliyat olib borayotgan rahbarlar va mutaxassislar uchun “Media va axborot savodxonligi: faktchekingda sun’iy intellekt vositalaridan samarali foydalanish” mavzusida seminar-trening tashkil etildi. Ushbu seminarni media tadqiqotchi, jurnalist va trener Beruniy Alimov olib bordi.

👥Treningda kutubxona rahbariyati, mutaxassis xodimlari axborot xizmati mutaxassislari hamda multimedia studiyasi xodimlari offlayn Qoraqalpog‘iston Respublikasi, barcha viloyatlar hamda Toshkent shahar tuman (shahar) axborot-kutubxona markazlaridan mutaxasislar onlayn tarzda ishtirok etdilar.

📌 Mazkur treningda kutubxona rahbari Umida Teshabayeva ishtirok etib, bugungi axborot makonida kutubxonalar muhim o'rin egallashini, mediasavodxonlikni rivojlantirish, xodimlarni zamonaviy bilim va ko‘nikmalar bilan ta’minlash ustuvor vazifalardan biri ekanini qayd etdi.

Shuningdek, rahbar o‘rinbosarlari Alimardon Raxmonov va Nasiba Xoldorovalar ham treningda birgalikda ishtirok etib, seminar jarayonida ilgari surilgan g‘oyalarni amaliy faoliyatga bosqichma-bosqich joriy etish muhim ekanligini ta’kidlashdi.

💬 Bo'lib o'tgan seminar-trening davomida ishtirokchilar o‘zaro fikr almashib, ilmiy va amaliy tavsiyalar oldilar. Trening yakunida savol-javoblar tashkil etilib, mavzuga doir kerakli va muhim masalalar muhokama qilindi.

📌 Mazkur seminar-trening kutubxona tizimida mediasavodxonlikni mustahkamlash, xodimlarning zamonaviy ko‘nikmalarini rivojlantirishga xizmat qiladi. O'tkazilgan treninglarning kelajakdagi samarasi — ular amaliyotga qanchalik tez va to‘g‘ri tatbiq etilishida namoyon bo‘ladi. Axborot bilan ishlashda har birimiz media gigiyenaga amal qilsak va uni factcheking amalga oshirilib foydalanuvchiga yetkazish jarayonida zamonaviy yondashuvlar joriy etilsa, bu nafaqat xizmat sifatini, balki kutubxonaning nufuzini ham oshiradi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website