Respublika axborot-kutubxona markazi  tomonidan tashkil etilgan old.libedu.uz online platforma orqali “Elektron kutubxona maʼlumotlar bazasini shakllantirish va foydalanish asoslari” o’quv dasturi asosida 22-yanvardan 18-fevral kunlari malaka oshirish o’quv kurslari tashkil etildi.

O‘quv kursi doirasida  O‘zbekiston Musulmonlar idorasi hamda Imom Buxoriy nomidagi Toshkent islom instituti kutubxona mutaxassislari kasbiy mahoratini oshirish, ularni zamonaviy bilim va ko‘nikmalar bilan boyitish orqali kutubxonalar faoliyati samaradorligini yuksaltirish va foydalanuvchilarga xizmat ko‘rsatish sifatini takomillashtirishga qaratilgan mashg‘ulotlar muvaffaqiyatli yakunlandi.

  Kursni muvaffaqiyatli tamomlagan mutaxassislarga egallagan bilim va malakalarini tasdiqlovchi sertifikatlar topshirildi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

Joriy yilning 23-fevral sanasida Alisher Navoiy nomidagi O‘zbekiston Milliy kutubxonasida 1–28-fevral kunlari o‘tkazilishi rejalashtirilgan “Odamlar va hayvonlar o‘rtasida quturish kasalligining tarqalishini oldini olishda FVDQT xizmatlarining hamkorlikdagi harakatlari” mavzusida tadbir tashkil etildi.

Tadbir Milliy kutubxona rahbariyati hamda mutaxassis-xodimlari uchun mo‘ljallangan bo‘lib, unda mutasaddi tashkilotlar vakillari ishtirok etdilar. Jumladan, O‘zbekiston Respublikasi Sog‘liqni saqlash vazirligi huzuridagi Toshkent shahar Yunusobod tumani Sanitariya-epidemiologik osoyishtalik va jamoat salomatligi bo‘limi xodimi Jumaniyozova Bibixon Alaberganovna hamda “Ma’rifat markazi” FVB boshlig‘i, kapitan A. Ashirov tadbirda qatnashdilar.

Tadbir davomida kapitan A. Ashirov so‘zga chiqib, O‘zbekiston Respublikasi aholisi va hududlarini favqulodda vaziyatlardan muhofaza qilish, fuqaro muhofazasi hamda yong‘in xavfsizligini ta’minlash bo‘yicha 2026-yilga mo‘ljallangan asosiy vazifalar haqida ma’lumot berdi.
Shuningdek, “Ma’rifat markazi” direksiyasi hamda Milliy kutubxona binolarida yong‘in xavfsizligini yanada kuchaytirish, mavjud tizimlarni takomillashtirish va aniq profilaktik choralarni amalga oshirish yuzasidan belgilangan vazifalar alohida ta’kidlandi.

Sanitariya-epidemiologik osoyishtalik va jamoat salomatligi bo‘limi vakili Jumaniyozova Bibixon Alaberganovna tomonidan:
“Odamlar va hayvonlar o‘rtasida quturish kasalligi tarqalishining oldini olishda FVDQT xizmatlarining hamkorlikdagi harakatlari”, “Quturish kasalligi – o‘ta xavfli yuqumli kasallik” mavzularida amaliy seminar hamda maxsus taktik o‘quv mashg‘ulotlari o‘tkazildi. Tadbir davomida quturish kasalligining kelib chiqish sabablari, yuqish yo‘llari, profilaktika choralari, favqulodda vaziyatlarda tezkor va hamkorlikdagi harakat algoritmlari batafsil tushuntirildi.

Mazkur tadbir xodimlarning favqulodda vaziyatlarga tayyorgarligini oshirish, sanitariya-gigiyena qoidalariga rioya etish hamda jamoat xavfsizligini ta’minlashda muhim ahamiyat kasb etadi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website