“ECO (Iqtisodiy hamkorlik tashkiloti)” Milliy kutubxonalari  mutaxassislari onlayn yig‘ilish

2026-yil 12-fevral kuni  Turkiya Milliy kutubxonasi tomonidan tashkil etilgan “Saqlash, qo‘lyozmalar va nodir kitoblar”, “Raqamli kutubxonalar” hamda  “Ta’lim va tadqiqotlar” qo‘mitalarining  birinchi onlayn uchrashuvi o‘tkazildi.  Mazkur yig‘ilish “ECO (Iqtisodiy hamkorlik tashkiloti)” ga a’zo davlatlar Milliy kutubxonalari direktorlarining 7-Konferensiyasida qabul qilingan qarorlarga muvofiq tashkil etildi. Mazkur tadbirda Afg‘oniston, Ozarbayjon, Eron, Qozog‘iston, O‘zbekiston hamda Turkiya Milliy kutubxonalari mutaxassislari ishtirok etdi.
Uchrashuv davomida Qo‘mitaning asosiy vazifalari: yiliga ikki marta onlayn uchrashuv o‘tkazish, raisga muntazam hisobot taqdim etish, 2027-yilgacha mo‘ljallangan Mintaqaviy yo‘l xaritasini ishlab chiqishga hissa qo‘shish  kabi vazifalar muhokama qilindi.
Uchrashuv yakunida barcha a’zolarning faol ishtiroki va konstruktiv takliflari uchun minnatdorlik bildirildi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

✅ 2026-yil 15-fevral kuni O‘zbekiston Milliy kutubxonasida shoira Saida Zunnunova tavalludining 100 yilligiga bag‘ishlangan “She'r qalbiga ko‘chgan tug‘yonlar” deb nomlangan kitob-rasmli ko‘rgazma qo‘yildi.

📚 Iste'dodli shoira, jozibali nasriy asarlar muallifi Saida Zunnunovaning birinchi she'ri 1945-yili “Paxta fronti” gazetasida bosilgan. U “Gulxan” jurnali, “O‘zbekiston madaniyati” gazetasi va Badiiy adabiyot nashriyotida, shuningdek, O‘zbekiston Yozuvchilar uyushmasida maslahatchi bo‘lib xizmat qildi.

U o‘zbek xotin-qizlari hayotini o‘rganish, ular turmushidagi mashaqqatli jihatlarni yoritish maqsadida oila va muhabbat mavzuida bir qancha hikoya va qissalar yozdi. Uning “Gulbahor” hikoyalar to‘plamida ishchilar hayoti, oila va muhabbat mavzulari aks etgan bo‘lsa, “Gulxan” qissasining asosiy qahramoni ayollar bo‘lib, ularning yigirmanchi yillardagi kurashi o‘ziga xos badiiy bo‘yoqlarda ifodalangan. Adiba yozgan “Olov”, “Bo‘ylaringdan o‘rgilay”, “Direktor” kabi asarlarining qahramonlari ham ayollardir.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

2026-yil 16-fevral kuni O‘zbekiston Milliy kutubxonasida filologiya fanlari doktori Shuhratbek Hayitovning "Baburnaama", "Turkiy boburshunoslik" hamda "Bobur asarlari lug‘ati" nomli kitoblari taqdimoti bo‘lib o‘tdi.

Shuhrat Hayitov "Turkiy boburshunoslik" kitobida turkiy xalqlar adabiyotida Bobur ijodi, asarlarining  o‘rganganligini tadqiq etar ekan, turkiy xalqlar adabiyotida Bobur asarlarining tarjima nashrlaridan tashqari turli yillarda shoir asarlari, xususan, “Boburnoma”ning sohalar rivoji, fanlar taraqqiyotidagi o‘rni borasida ham qator ilmiy asarlar, dissertasiya va risolalar yozilganini e'tirof etadi. Bobur Mirzo ijodiga doir dastlabki ilmiy noshirlik ishlari turkiyalik olim F.Ko‘prulu tomonidan amalga oshirilganini, keyinchalik Yu.Bilol, T.Seyhan, A.Bilkan, A.Alparslon kabi turkiyalik olimlar tomonidan davom ettirilganini ta'kidlaydi. Shuningdek, Sh.Hayitov F.Ko‘pruluning “Boburnoma”, “Aruz risolasi”, “Mubayyin” kabi asarlariga doir ham chuqur ilmiy izlanishlar olib borganini, uning izdoshi bo‘lgan yana bir turkiyalik olim Rizo Nur tomonidan 1925-yilda chop etilgan “Bobur” nomli tadqiqotini tilga olgan.

Turk olimlarining tadqiqotlari Bobur, uning betakror ijodini, adabiy merosini o‘rganishdagi dastlabki qadamlardan sanaladi. Turkiyalik olimlar Yujel Bilol “Bobur devoni”ni,  Tanju Seyhan “Mubayyin”ni, Ali Fuot Bilkan “Risolai volidiya”ni turkchaga tarjima qilishgan.

Ma'lumki, “Boburnoma”ni ilk bor turkiyalik olim, “Qutadg‘u bilig”, “Hibat ul-haqoyiq” asarlari tarjimoni Rashid Rahmati Arat tarjima qildi va “Vaqoe” nomi bilan ikki jild holida nashr ettirdi.

Shuhrat Hayitov Bobur asarlari ichida “Boburnoma”ning keng o‘rganilganini, uni Mirzaxon ibn Bayramxon fors tiliga, Vitsen golland tiliga, J.Leyden, V.Erskin va A.Beverij, U.Tekstonlar ingliz tiliga, Pave de Kurteyl, Jon Lui Bakie Grammon fransuz tiliga, Mirzo Haydar Ko‘ragoniy, Rashid Attor Navdiy urduchaga, Rashit Rahmati Arat turkchaga, Mixail Sal'e ruschaga, Yugjit Navalpuriy hindiy tiliga tarjima qilganlar. Asar keyinchalik yapon, xitoy, arab tillariga ham o‘girildi.

Shuhrat Hayitov tomonidan tayyorlangan "Bobur asarlari lug‘ati" Zahiriddin Muhammad Bobur tavalludining 542 yilligi munosabati bilan nashrdan chiqqan bo‘lib, unda "Boburnoma", "Bobur devoni" va "Mubayyin" asarlaridagi so‘zlar izohi berilgan.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website