Alisher Navoiy nomidagi Oʻzbekiston Milliy kutubxonasi direktori Umida Teshabayeva, direktorning axborot-kutubxona resurslarini shakllantirish bo’yicha o’rinbosari Alimardon Raxmonov hamda bir qator mas’ul xizmat rahbarlari bugun Sirdaryo viloyati axborot-kutubxona markazida boʻldilar.

Tashrif davomida rahbar va mas’ul xizmat rahbarlari markazning yangi binosi va uning faoliyati bilan yaqindan tanishdilar.

Shuningdek, tadbir doirasida Sirdaryo viloyati axborot-kutubxona markazi rahbarligi lavozimiga Karimov Oybek Abdunabiyevich tayinlandi.

Karimov Oybek Abdunabiyevichni ushbu mas’uliyatli lavozimi bilan tabriklab, kelgusi faoliyatida ulkan zafarlar va muvaffaqiyatlar tilaymiz.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Buyuk_shoir_Alisher_Navoiy_585_yilligi 2026-yil 7-fevral kuni Alisher Navoiy nomidagi O‘zbekiston Milliy kutubxonasida g‘azal mulkining sultoni Mir Alisher Navoiy tavalludining 585 yilligiga bag‘ishlangan “El netib topg‘ay menikim…” nomli kitob-rasmli ko‘rgazma ochildi.

Ko‘rgazmada Alisher Navoiyning ko‘p jildli asarlari, uning asarlariga sharhlar, Alisher Navoiy hayoti va ijodiy faoliyatiga, uning falsafiy fikrlariga oid turli yillarda chop etilgan kitoblar namoyish etilmoqda.

Shuningdek, mazkur ko‘rgazmada foydalanuvchilar e'tiboriga dunyo tillariga tarjima qilingan Navoiyning tanlangan asarlari, g‘azallari, ruboiylari, asarlar izohi, ijtimoiy-falsafiy va axloqiy g‘oyalarga yo‘g‘rilgan xikmatlari va turli aforizm, maqol va matallari taqdim etilgan. Millatimiz g‘ururi, merosimiz asoschisi, o‘zbek mumtoz adabiyotining eng yirik namoyondasi, o‘zbek xalqining ulug‘ mutafakkiri Alisher Navoiy jahon adabiyoti, madaniyatiga, insonlar baxt-saodati, xalq farovonligi, mamlakat obodonligi uchun qo‘shgan hissasi beqiyosdir. Navoiyning ijodi turkiy tillar adabiyoti rivojiga, hususan, zamonaviy o‘zbek va uyg‘ur tillari adabiyoti rivojiga turtki bo‘ldi.

Ko‘rgazmada foydalanuvchilar O‘zbekiston Milliy kutubxonasi kitob fondida mavjud Alisher Navoiy ijodining ustuni – besh dostonni o‘z ichiga olgan buyuk “Xamsa”si, “Istiqlol davri navoiyshunosligi”, “Navoiy g‘azaliyoti talqini”, “Mirni uqding – haqqa yetding”, “Fasohat mulkining sohibqironi”, Omonulla Madaevning “Navoiy bilan suhbatlar”, Lidiya Batning “Hayot bo‘stoni”, Nurilla Ahmedovning “Tarixiy shaxs talqini”, Shuhrat Sirojiddinov rahbarligida yozilgan “Navoiyshunoslik”, Abduqodir Haytmetovning “Navoiy lirikasi”, Dilbar Ro‘zievaning “Alisher Navoiy va Abdurahim Nizoriy” Alisher Navoiy hayoti, ijodi va merosini o‘rganishga bag‘ishlangan kitoblar bilan tanishish imkoniga ega bo‘ldilar.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

Joriy yilning 12-fevral kuni Alisher Navoiy nomidagi O‘zbekiston Milliy kutubxonasi Ilmiy-metodik xizmati tashabbusi bilan navbatdagi metodik to‘garak tashkil etildi.

Metodik to‘garak mavzusi — “O‘zbekiston kutubxonalari uchun IFLA Butunjahon kongressi – 2026 da ishtirok etish imkoniyatlari” bo‘lib, uni Xalqaro aloqalarni tashkil etish xizmati mutaxasis Husniya Boysunova olib bordi.

Mazkur mashg‘ulotda IFLA Butunjahon kongressida ishtirok etish tartibi, xalqaro hamkorlik imkoniyatlari, ariza topshirish jarayonlari, hamda O‘zbekiston kutubxonalari uchun ochilayotgan istiqbolli yo‘nalishlar haqida batafsil ma’lumot beriladi.

Tadbirda Qoraqalpog‘iston Respublikasi, barcha viloyatlar hamda Toshkent shahar tuman (shahar) axborot-kutubxona markazlaridan jami 300 ga yaqin mutaxassis faol ishtirok etdi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website