2026-yil 11-fevral kuni O‘zbekiston Milliy kutubxonasida Zahiriddin Muhammad Bobur tavalludining 543 yilligiga bag‘ishlangan “Bobur yurgan yo'llarda” mavzusida ma’naviy-ma’rifiy tadbir bo‘lib o‘tdi.

Tadbirda O‘zbekiston Milliy kutubxonasi direktor o'rinbosari N. Xoldorova mazkur tadbirning mohiyati hamda Bobur hayoti va faoliyatini o‘rganishning ahamiyati haqida fikr bildirdi.

Tadbirda so‘zga chiqqanlar, boburshunos olim, fizika va matematika fanlari doktori, akademik Abdulla A'zam, O‘zbekiston Yozuvchilar uyushmasi a'zosi, adiba va shoira, Temuriy va Boburiy malikalar haqidagi romanlar muallifi Shahodat Isaxonova, boburshunos olim, tarixchi, O‘zbekiston Yozuvchilar uyushmasi a'zosi Botirali Yo‘ldoshev, jurnalist va manbashunos, “Manbalar so‘zlaganda” ko‘rsatuvi muallifi Dildora Xasanova, filologiya fanlari doktori, adabiyotshunos olim, Madaniyat vazirligi huzuridagi Kinematografiya agentligining Kinoloyihalar bilan ishlash boshqarmasi boshlig‘i Shuhrat Hayitov, O‘zbekiston Respublikasi FA, tarix instituti ilmiy xodimasi Farida Sultonova, Badiiy ijodkorlar uyushmasi a'zosi, haykaltarosh Shohruh O‘rozovlar Boburning hayoti, serqirra ijodi va boy ma'naviy merosi, uning adabiy, ilmiy va falsafiy-diniy asarlarining bugungi kunda ham o‘z dolzarbligini yo‘qotmaganini ta'kidladilar. Shuningdek ular Boburning davlat arbobi sifatidagi faoliyati haqida so‘zladilar.

Tadbirda o‘zbek davlatchiligi tarixida Boburiylar sulolasining o‘rni va bugungi yoshlar ma'naviyatidagi ibratli jihatlari, Bobur adabiy merosi, sulola vakillarining jahon adabiyoti va san'atiga qo‘shgan hissalarini e'tirof etildi.

Tadbirda O‘zbekiston Davlat filarmoniyasi xonandasi, “Shuhrat” medali sohibasi Oyimxon To‘laeva hamda Milliy gvardiya xodimi Bobur qalamiga mansub mumtoz qo‘shiqlar ijro etdilar.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

2026-yil 11-fevral kuni O‘zbekiston Milliy kutubxonasida o‘zbek mumtoz adabiyotining yirik vakili, shoir, tarixchi, davlat arbobi, mohir sarkarda Zahiriddin Muhammad Bobur tavalludining 543 yilligi munosabati bilan “Murod vasling erur - ayla yod Boburni” deb nomlangan kitob-rasmli ko‘rgazma ochildi.

Kitob-rasmli ko‘rgazmada Bobur va Boburiylar hayoti va ijodiga dahldor adabiyotlar, Zahiriddin Muhammad Boburning tanlangan asarlari o‘rin olgan.

Ko‘rgazmaga taqdim etilgan kitoblardan tashqari foydalanuvchilar turli yillarda Bobur yubileylariga atab chop etilgan gazeta maqolalari bilan ham tanishish imkoniyatiga ega bo‘ladilar.

Birgina “Boburnoma” asari adabiy manba sifatida tarixiy voqealar tasviri, jonli sahnalarga boy. "Boburnoma" 30 ga yaqin fan sohalari bo‘yicha aniq, ilmiy ma'lumotlar beruvchi manbadir.

Bobur Mirzo “Mubayyin” da eng muhim islomiy ilmlarni saralab, o‘zining din olimi, faqih ekanini ham ko‘rsatgan. “Mubayyin” asari Hindiston yurishlari davrida, hijriy 928 (mil. 1521) yili she'riy yo‘lda tasnif etilgan. Bobur bu asarni farzandlariga bag‘ishlagan va butun kitobxonlarga yetkazishni orzu qilgan.

Bobur shu mavzuning davomi sifatida 1521-yilda soliq ishlari haqida ma'lumot beruvchi “Mubayyinul-zakot” asarini yozdi, 1504-yilda yangi alifbo “Xatti Boburiy”ni kashf qildi.

Unda she'rlar yozdi va Qur'on ko‘chirtirdi. Aruz vazni haqidagi “Risolai aruz” kabi asarlari bor. Unda Bobur turkiy aruzning tabiati, taraqqiyoti va she'riy asarlardagi ko‘rinishlari, aruzning 272 vazni va 21 bahrini ilmiy sharhlagan.

Boburning “Harb ishi” risolasi harbiy yurishlarga oid bo‘lib, unda Bobur askarlarning jangovor tayyorgarligi, mamlakatning harbiy siyosati haqida ko‘rsatmalar berilgan.

Ko‘rgazmada shuningdek, Pirimqul Qodirov, Qamchibek Kenja, Rahim Vohidov, Abdurashid Abdug‘ofurovlarning Zahiriddin Muhammad Bobur siymosini gavdalantirib, xarakterini keng kitobxonlar ommasiga ochib beruvchi tarixiy asarlari va Bobur asarlariga sharhlar taqdim etilgan.

Ko‘ragazmaga tashrif buyurgan foydalanuvchilar O‘zbekiston Milliy kutubxonasi fondidan o‘rin olgan Zahiriddin Muhammad Boburning hayoti va ijodidan xabardor etuvchi adabiyotlar bilan tanishdilar.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

Alisher Navoiy nomidagi Oʻzbekiston Milliy kutubxonasi direktori Umida Teshabayeva, direktorning axborot-kutubxona resurslarini shakllantirish bo’yicha o’rinbosari Alimardon Raxmonov hamda bir qator mas’ul xizmat rahbarlari bugun Sirdaryo viloyati axborot-kutubxona markazida boʻldilar.

Tashrif davomida rahbar va mas’ul xizmat rahbarlari markazning yangi binosi va uning faoliyati bilan yaqindan tanishdilar.

Shuningdek, tadbir doirasida Sirdaryo viloyati axborot-kutubxona markazi rahbarligi lavozimiga Karimov Oybek Abdunabiyevich tayinlandi.

Karimov Oybek Abdunabiyevichni ushbu mas’uliyatli lavozimi bilan tabriklab, kelgusi faoliyatida ulkan zafarlar va muvaffaqiyatlar tilaymiz.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Buyuk_shoir_Alisher_Navoiy_585_yilligi 2026-yil 7-fevral kuni Alisher Navoiy nomidagi O‘zbekiston Milliy kutubxonasida g‘azal mulkining sultoni Mir Alisher Navoiy tavalludining 585 yilligiga bag‘ishlangan “El netib topg‘ay menikim…” nomli kitob-rasmli ko‘rgazma ochildi.

Ko‘rgazmada Alisher Navoiyning ko‘p jildli asarlari, uning asarlariga sharhlar, Alisher Navoiy hayoti va ijodiy faoliyatiga, uning falsafiy fikrlariga oid turli yillarda chop etilgan kitoblar namoyish etilmoqda.

Shuningdek, mazkur ko‘rgazmada foydalanuvchilar e'tiboriga dunyo tillariga tarjima qilingan Navoiyning tanlangan asarlari, g‘azallari, ruboiylari, asarlar izohi, ijtimoiy-falsafiy va axloqiy g‘oyalarga yo‘g‘rilgan xikmatlari va turli aforizm, maqol va matallari taqdim etilgan. Millatimiz g‘ururi, merosimiz asoschisi, o‘zbek mumtoz adabiyotining eng yirik namoyondasi, o‘zbek xalqining ulug‘ mutafakkiri Alisher Navoiy jahon adabiyoti, madaniyatiga, insonlar baxt-saodati, xalq farovonligi, mamlakat obodonligi uchun qo‘shgan hissasi beqiyosdir. Navoiyning ijodi turkiy tillar adabiyoti rivojiga, hususan, zamonaviy o‘zbek va uyg‘ur tillari adabiyoti rivojiga turtki bo‘ldi.

Ko‘rgazmada foydalanuvchilar O‘zbekiston Milliy kutubxonasi kitob fondida mavjud Alisher Navoiy ijodining ustuni – besh dostonni o‘z ichiga olgan buyuk “Xamsa”si, “Istiqlol davri navoiyshunosligi”, “Navoiy g‘azaliyoti talqini”, “Mirni uqding – haqqa yetding”, “Fasohat mulkining sohibqironi”, Omonulla Madaevning “Navoiy bilan suhbatlar”, Lidiya Batning “Hayot bo‘stoni”, Nurilla Ahmedovning “Tarixiy shaxs talqini”, Shuhrat Sirojiddinov rahbarligida yozilgan “Navoiyshunoslik”, Abduqodir Haytmetovning “Navoiy lirikasi”, Dilbar Ro‘zievaning “Alisher Navoiy va Abdurahim Nizoriy” Alisher Navoiy hayoti, ijodi va merosini o‘rganishga bag‘ishlangan kitoblar bilan tanishish imkoniga ega bo‘ldilar.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website