Joriy yilning 5-yanvar kuni Namangan viloyati Nodirabegim nomidagi axborot-kutubxona markaziga 27 yil davomida rahbarlik qilgan Mavluda Jo'raboyevani nafaqaga kuzatish munosabati bilan tadbir bo‘lib o‘tdi.

Tadbirda Alisher Navoiy nomidagi O‘zbekiston Milliy kutubxonasi direktori Umida Teshaboyeva, direktor o‘rinbosari Alimardon Rahmonovlar ishtirok etdi. So‘zga chiqqanlar ustozning kutubxonachilik sohasi rivojiga qo‘shgan hissasini va salmoqli ish faoliyitini alohida e’tirof etdilar.

Mavluda Gazidjanovnaning yarim asrdan ziyod mehnat faoliyati haqiqiy ibrat maktabidir. Ayniqsa, Namangan viloyati Nodirabegim nomidagi axborot-kutubxona markazidagi 27 yillik rahbarlik davrlarida: Kutubxona sohasiga zamonaviy axborot texnologiyalari keng joriy etildi;Xalqaro tajriba, xususan, Turkiya kutubxonachilik tizimining ilg‘or jihatlari mahalliy faoliyatga tatbiq qilindi; yuzlab shogirdlar tarbiyalanib, sohaning malakali kadrlari bo‘lib yetishdi.

Ushbu fidokorona xizmatlar davlatimiz tomonidan munosib e’tirof etilib, ustoz “Moʻtabar ayol” va “Axborot-kutubxona a’lochisi” ko‘krak nishonlari bilan taqdirlanganlar.

Muhtarama Mavluda Gazidjanovna! Ko‘p yillik zahmatli va sharafli mehnatingiz, sohaga baxshida etgan umringiz va bizga ko‘rsatgan beminnat ustozligingiz uchun Sizga cheksiz tashakkur aytamiz. Boy tajribangiz va o‘gitlaringiz biz uchun doimo qadrlidir. Sizga mustahkam sog‘lik, oilaviy xotirjamlik va baxt-saodat hamisha yor bo‘lishini tilaymiz!

Hurmat bilan, Alisher Navoiy nomidagi O‘zbekiston Milliy kutubxonasi jamoasi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

✅ 2026-yil 8-yanvar kuni O‘zbekiston Milliy kutubxonasida jurnalist va yozuvchi Xurshid Do‘stmuhammad tavalludining 75 yilligi munosabati bilan "So‘zga aylangan umr"  deb nomlangan ko‘rgazma qo‘yildi

📚 Toshkent Davlat universiteti (O‘zMU) ning jurnalistika fakultetini tugatgan Xurshid Do‘stmuhammadning ilk kitobi "Hovli etagidagi uy"  deb nomlanib 1989-yilda chop etilgan.
📚 Keyinchalik uning «Panoh», «Oromkursi». «So‘roq». «Sof o‘zbekcha qotillik», «Mahzuna», «Ibn Mug‘anniy», «Yolg‘izim — Siz», «Ko‘z qorachig‘idagi uy», «Jajman» asarlari, «Hijronim mingdir mening» qissa, hikoyalar, «Bozor» romani, esse va maqolalari nashr etilgan. Xurshid Do‘stmuhammad A. Ryunoskening «Rasyomon darvozasi» hikoyasini, T. Po‘latovning «Etti huzur-halovat va qirq qayg‘u-alam» romanini o‘zbek tiliga tarjima qilgan.
📚 Ko‘rgazmada jurnalist va yozuvchi Xurshid Do‘stmuhammadning badiiy va publisistik kitoblari o‘rin olgan.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

Bugun O'zbekiston Milliy kutubxonasida "Kutubxonachi" hujjatli filmining premyera namoyishi bo'lib o'tdi.

Habaringiz bor 2025-yilning 13-dekabr kuni Namangan viloyati Norin tumani da tashabbuskor fuqaro Muhammadamin Abdullayev tomonidan o‘z uy manzilida tashkil etilgan “Xalq kutubxonasi”ning rasmiy ochilish marosimi bo‘lib o‘tgan edi.

Bugun esa ushbu kutubxona ochilishi va faoliyatigacha davom etgan hayot yo'llarini, sinovli va sabrli kunlar tafsilotlarini "Kutubxonachi" hujjatli filmi orqali ko'rib guvohi bo'ldik. Ushbu hujjatli film g'oyasi O'zbekiston Milliy kutubxonasi direktori Umida Teshaboyevaning tashabbuslari orqali amalga oshirildi.

Yurtimizda kutubxonachilik sohasida faoliyat olib borayotgan har bir kutubxonachilarni keyingi yillar davomida "Kutubxonachi" hujjatli filmida doimiy ravishda ko'rib borish imkoniga egasiz, sababi ushbu loyiha ko'p yillar mobaynida kutubxonachilik sohasida faoliyat olib borayotgan kasb fidoyilari bilan yaqindan tanishish imkoniyatini beradi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website