2025-yil 26-noyabr kuni O‘zbekiston Milliy kutubxonasida O‘zbekiston Yozuvchilar uyushmasi bilan hamkorlikda O‘zbekiston xalq yozuvchisi, shoir, olim, publisist, tanqidchi, dramaturg, tarjimon va jamoat arbobi Muso Toshmuhammad o‘g‘li Oybekning 120 yillik tavalludi munosabati bilan “Oybek ijodi sahifalarida” deb nomlangan xotira kechasi o‘tkazildi

Yozuvchi va shoirlar, adabiyotshunos va san'atshunos olimlar, Toshkent to‘qimachilik instituti talabalari va kutubxona foydalanuvchilari ishtirok etgan tadbirda Oybek ijodi, uning benazir va go‘zal she'riyati xususida so‘z yuritildi. So‘zga chiqqanlar uning asrlar oshib, sevib mutolaa qilib kelinayotgan romanlari va qissalari, hikoya va ocherklari, she'rlari va tarjimalari haqida fikr bildirdilar. Jumladan, Oybek kechagi kun ijodkorigina emas, balki bugun va ertangi kunimiz uchun ham ulug‘ xizmatlar qilgan, o‘zbek adabiyotini go‘zal asarlar va tarjimalar bilan boyitgan ulkan adib, hassos shoir va mohir tarjimon ekani e'tirof etildi. Oybek dushmanlar xurujiga uchragani, shu tufayli tildan qolib, qo‘li yozolmay qolganida, rafiqasi Zarifaxonim Saidnosirova uning biyron tili va chaqqon qo‘li bo‘lib, yana ko‘plab asarlarining yozilishiga ilhom bag‘ishlagani xotirlandi.

Xotira kechasida O‘zbekiston Yozuvchilar uyushmasi tomonidan Muso Toshmuhammad Oybek ijodiga oid romanlar, dostonlar, she'rlar, adabiy-tanqidiy maqolalar to‘plab chop etilgan “Tanlangan asarlar” adabiy-badiiy nashri taqdimoti ham o‘tkazildi, Oybekning hayot yo‘li va ijodiy faoliyati haqida hikoya qiluvchi hujjatli fil'm namoyish etildi hamda Toshkent to‘qimachilik instituti jamoasi tomonidan “Navoiy” asaridan parcha sahnalashtirildi.

Xotira kechasi doirasida O‘zbekiston xalq yozuvchisi, shoir, tarjimon va jamoat arbobi Muso Toshmuhammad o‘g‘li Oybekning hayoti va ijodiga bag‘ishlangan kitob-rasmli ko‘rgazma qo‘yildi. Unda O‘zbekiston Milliy kutubxonasi fondida mavjud Oybek ijodi bilan tanishtiruvchi adabiyotlar va shoir zamondoshlarining u haqidagi xotiralari o‘rin olgan.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

📚 Alisher Navoiy nomidagi O‘zbekiston Milliy kutubxonasi
🇺🇿 Axborot-kutubxona muassasalari mutaxassislarining malakasini oshirish va ularga metodik yordam ko‘rsatish maqsadida 2025-yil 24–28-noyabr kunlari o‘quv mashg‘ulotlari tashkil etdi.

Bugun mashg‘ulotlarda Qoraqalpog‘istondan tashrif buyurgan TАKM kutubxonachilari mutaxasislari ishtirok etishmoqda.

📖 Mashg'ulot davomida zamonaviy kutubxonachilik, axborot-resurslar bilan ishlash, innovatsion xizmatlar va metodik ko‘nikmalar bo‘yicha tajriba almashiladi.


📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

O‘zbekiston Milliy kutubxonasida Abdulla Qodiriy. “Tanlangan asarlar" kitobi taqdimoti boʻlib oʻtdi

2025-yil 26-noyabr kuni O‘zbekiston Milliy kutubxonasida buyuk o‘zbek adibi, romannavis, dramaturg va ma’rifatparvar Abdulla Qodiriyning uch asosiy asarini yagona majmuada jamlagan yangi saylanma taqdimoti o‘tkazildi.
Taqdimotda yozuvchi va shoirlar, adabiyotshunos olimlar, kutubxona foydalanuvchilari hamda adib ijodining ixlosmandlari ishtirok etdi. Unda Abdulla Qodiriy qalamiga mansub romanlar, hikoyalar va publisistik maqolalarning o‘zbek adabiyoti taraqqiyotidagi o‘rni, ularning yoshlar tarbiyasiga ta’siri haqida so‘z yuritildi.

📖 Yangi saylanmadan o‘rin olgan asarlar:
• “O‘tkan kunlar”
• “Mehrobdan chayon”
• “Diyori Bakr”

Mazkur uchlik yangi tartib, yangi tahrir va zamonaviy yondashuv asosida jamlanib, Qodiriy merosiga yanada chuqur nazar tashlash imkonini berdi. Ayniqsa, “Diyori Bakr”dagi she’rlar, hikoyalar va maqolalar adibning shaxsiyati, ma’naviy dunyosi, o‘z davri uchun kurashgan ijodkor sifatidagi qiyofasini yanada yorqinroq ochib berdi.

Tadbir davomida so‘zga chiqqanlar bu saylanma nafaqat adabiyot ixlosmandlari, balki milliy tarix, ma’naviyat va ma’rifat bilan qiziqadigan keng kitobxonlar ommasi uchun ham muhim adabiy voqea ekanini ta’kidladilar.

Shuningdek, yangi nashrni tatbiq etishda munosib hissa qo‘shgan ijodkor va tashkilotchilarga minnatdorlik bildirildi

📱Rasmiy sahifalarimizga obuna
bo‘ling!
✅Telegram l🌐 Instagram l 📹YouTube l✅ Facebook l🕊 Twitter l 🌐Website