📚2025-yil 17-noyabr kuni O‘zbekiston Milliy kutubxonasida “Kitobxon onalar kuni” o‘tkazildi. Unda Oila va xotin-qizlar qo‘mitasi vakillari, O‘zbekiston Milliy kutubxonasi tasarrufidagi axborot-kutubxona markazlari mutaxassislari (Zoom orqali), Ma’naviyat va ma’rifat markazi tuman bo‘limi vakillari, olima, adiba ayollar va jamoatchilik vakillari qatnashdilar.

📝Tadbirda Oila va xotin-qizlar qo‘mitasi tashabbusi bilan nashr etilgan “Ayol. Tarix. Tamaddun” kitob-albomining taqdimoti o‘tkazildi.

📝So‘zga chiqqanlar o‘zbek ayollarining kitobxon, ziyoliligi va millatning ma’naviy kamolotida onalarning ilmiy salohiyatini ta’kidladilar.

📝“Ayol. Tarix. Tamaddun” kitob-albomida yurtparvarlik, ma’rifat va ezgulik timsoli bo‘lgan ayollar siymosida tamaddunlarning davomiyligi yorqin aks etgan.

📝“Sharq uyg‘onish” davrida ta’lim va ma’rifat eshiklarini ochgan; “Buyuk sulolalar” davrida davlat ishlarida maslahatchi, sarkarda homiy sifatida faoliyat yuritgan; “Xonliklar davri”da madrasa qurdigan, kitobat va ilmni taraqqiy ettirgan ayollar barchasi o‘z nomlarini tarix sahifalariga muhrlab ketganlar.

Yettita bo‘limdan iborat kitob-albom o‘zbek va ingliz tillarida chop etilgan.

📝Kitob-albom mamlakatimiz tarixi, tamadduni va ma’naviy merosida ayollarning beqiyos o‘rnini yorituvchi muhim asardir. Asar miloddan avvalgi VII asrdan XIX asrgacha yashagan va tadqiqotlarda yetarli o‘rganilmagan tarixiy ayollar haqidagi qimmatli ma’lumotlarni o‘z ichiga oladi.

📖 Kitob 7 ta bo‘limdan iborat:
• Avlodlarni ilhomlantiruvchi onalar – buyuk shaxslarni tarbiyalagan ulug‘ ayollar.
• Ayollar jasorati – Umay ona, Barchin, Nana kabi qahramon obrazlar.
• Muhtasham o‘zlik – To‘maris, Qabaj xotun, Saroymulkxonim, Mohlaroyim (Nodirabegim) va boshqalar.
• Ayollar qadamjolari – Bibi Naima ona, Modarixon madrasasi, Qizbibi majmuasi kabi ziyoratgohlar.
• Ayollarning unvon va maqomlari – “Xotun”, “Malika”, “Shohbonu” kabi tarixiy atamalar.
• Tangalardagi siymolar – ayol hukmdorlar timsolining qadimgi tangalardagi o‘rni.
• Ayollar huquqlari va nikoh shartnomasi – “Avesto”, Islom huquqi va voqifalar merosi.

📘 Kitob ayollarning davlat boshqaruvi, ilm-fan, madaniyat va jamiyat taraqqiyotida tutgan o‘rnini yanada yoritishga xizmat qiladi. Uning ikkinchi qismi ham yaqin vaqtda o‘zbek va ingliz tillarida nashr etilishi rejalashtirilgan.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

📚Bugun kutubxonamizda taqdimoti boʻlib oʻtgan “Ayol. Tarix. Tamaddun” kitob-albomi Milliy kutubxonamizga taqdim etildi

Bugun Milliy kutubxonamizda “Ayol. Tarix. Tamaddun” nomli noyob kitob-albomining taqdimoti bo‘lib o‘tdi. Tadbir doirasida mazkur nodir nashr kutubxona fondiga sovg‘a sifatida topshirildi.

Kitob insoniyat taraqqiyotida ayollarning tutgan o‘rni, ularning tarixiy merosi va tamaddun rivojiga qo‘shgan ulkan hissasini yorituvchi boy ma’lumotlar, foto-lavhalar va tarixiy manbalar bilan alohida ahamiyat kasb etadi.

📖Milliy kutubxona jamoasi ushbu qimmatli sovg’a uchun samimiy minnatdorchilik bildirar ekan, nashrning ikkinchi qismini ham tez orada kutubxonamiz fondidan o‘rin olishini katta mamnuniyat bilan kutayotganliklarini ta’kidladilar.

🤝 Xotin-qizlar qo‘mitasiga bunday ma’rifiy loyihani amalga oshirgani va kutubxonamizga taqdim etgan e’tibori uchun chuqur minnatdorlik izhor etamiz.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

✅ 2025-yil 18-noyabr kuni O‘zbekiston Milliy kutubxonasi “Adolat” zalida O‘zbekiston Respublikasining Davlat bayrog‘i tasdiqlangan kunga bag‘ishlangan “Hurlikni ulug‘lab hilpirar mag‘rur” nomli kitob-rasmli ko‘rgazma ochildi.

📚 Ko‘rgazmada O‘zbekiston bayrog‘ining qabul qilinishi bilan bog‘liq hujjatlar, kitoblar, davriy matbuotda shu mavzuda chop etilgan maqolalar, shuningdek, O‘zbekiston Respublikasi, uning suvereniteti va O‘zbekistonning davlat ramzlari haqidagi kitoblar namoyish etilmoqda.

📚 O‘zbekiston Respublikasining davlat bayrog‘i ramzi mamlakatimiz hududida ilgari mavjud bo‘lgan g‘oyat qudratli saltanatlar bayroqlariga xos bo‘lgan eng yaxshi an'analarni davom ettirgan holda respublika tabiatiga xos xususiyatlarni, xalqimizning milliy va madaniy o‘zligini ham aks ettiradi. Hozirgi kunda milliy bayrog‘imiz xalqaro tashkilotlar peshtoqida, nufuzli anjumanlar to‘rida, sport musobaqalarida xilpirab yurtdoshlarimizning vatanparvarlik tuyg‘usi, mamlakatimizning obro‘-e'tibori ramzi bo‘lib kelmoqda.

📚 Ko‘rgazmada taqdim etilgan kitoblar Davlat ramzlari, xususan bayroqning muqaddasligini, ulug‘vorligini aks etadi va uning davlatchilikda tutgan o‘rnini ta'riflaydi. Davlat ramzlari har bir mamlakatning suvereniteti va mustaqilligini ifodalovchi muqaddas timsollardir.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website