#INFOLIB_2025 O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida o‘quv zallariga kelgan yangi adabiyotlar koʻrgazmasi

Haftalik doirasida kutubxonaning o‘quv zallarida yangi kelgan adabiyotlar koʻrgazmalari tashkil etildi.
“Ijod” o‘quv zalida “Mutolaa yangi olamlarni ochadi” deb nomlangan ko‘rgazmada taniqli san'atkorlar hayoti va ijodi, ularning san'atda qoldirgan izlari, yaratgan fil'mlari, gavdalantirgan obrazlari, bastalagan kuylari haqida hikoya qiluvchi kitoblar bilan bir qatorda o‘zbek kino, teatr va musiqa san'ati tarixi, buguni bilan tanishtiruvchi kitoblar o‘rin olgan.

“Istiqbol” o‘quv zalida “Yangi sahifalar dunyosi” deb nomlangan ko‘rgazmada biznes, psixologiya, pedagogika, tarix, siyosatshunoslik, jurnalistika sohalariga oid yangi nashrlar bilan bir qatorda jahon adiblari shohasarlarining o‘zbek tilidagi tarjimalari ham taqdim etilgan.

“Yangi kitob bilan uchrashuv” deb nomlangan ko‘rgazmada esa “Tafakkur” o‘quv zaliga kelgan yangi kitoblar bilan tanishish mumkin. Mazkur ko‘rgazmadan taniqli yozuvchi va shoirlarning yangi asarlari qayta nashr qilingan kitoblari kitobxonlar e'tiboriga havola qilingan.

O‘zbekiston Milliy kutubxonasi mutaxassislarining ijodiy yondoshuvi tufayli paydo bo‘lgan kitobxon portali, jahon va o‘zbek adabiyotining tarixi, buguni va kelajagi haqidagi ko‘rgazma, o‘quv zallari peshtoqlarida mutolaaga jalb etuvchi motivasion bezaklar Haftalik mehmonlarida alohida qiziqish uyg‘otdi. 📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

#INFOLIB_2025 O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida kutubxona boʻylab ekskursiyalar bo‘lib o‘tdi

Ekskursiya davomida mehmonlar O‘zbekiston Milliy kutubxonasining tarixi, faoliyati, imkoniyatlari, xizmat turlari, kitob fondi va foydalanish qoidalari bilan tanishdilar.
Ro‘yxatga olish tartiblari bilan boshlangan va Milliy kutubxona kitob muzeyi, ko‘rgazmalar zali, kafedralar, o‘quv zallar, kataloglar va kartoteka zallari, elektron katalaoglar zali bo‘ylab davom etgan mazmunli va batafsil ekskursiya “INFOLIB O‘ZBEKISTON-2025” XIV Milliy axborot-kutubxona haftaligiga kelganlarda katta taassurot qoldirdi.

O‘zbekiston Milliy kutubxonasi mutaxassislari tashrif buyurganlarni audio- va info-kiosklar, interaktiv panellarlardan foydalanish, ular orqali o‘zlariga kerakli ma'lumotlarni olish va kitoblar buyurtma qilish tartiblari bilan tanishtirdilar. Shuningdek, ularga o‘quv zallarida yaratilgan qulay sharoitlar bilan bir qatorda kutubxona xizmatlaridan masofadan turib foydalanish imkoniyatlari haqida ham keng ma'lumot berildi.

Haftalik davomida kutubxona foyesida Milliy kutubxona tarixi, buguni, uning tasarrufidagi kutubxonalarda amalga oshirilgan ijobiy o‘zgarishlar, respublikamizda foydalanishga topshirilgan zamonaviy kutubxonalar haqida videoroliklar namoish etib borildi.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

#INFOLIB_2025 2025-yil 10-noyabr kuni O‘zbekiston Milliy kutubxonasida “INFOLIB O‘ZBEKISTON–2025” XIV Milliy axborot-kutubxona haftaligi doirasida yuridik fanlari doktori, professor Komil Sendorovning “Or-nomus xuni” nomli kitobi taqdimoti bo‘lib o‘tdi.

Tadbirda adabiyot ixlosmandlari, huquqshunos olimlar, ijodkorlar, asarda ko‘tarilgan dolzarb mavzular, yozuvchining detektiv janrdagi yondashuvi va badiiy mahorati xususida fikr almashdilar.

Komil Sindarov — yurtimizdagi taniqli olim, tajribali huquqshunos va sermahsul ijodkorlardan biridir. U yuridik fanlari doktori, professor bo‘lib, bugungi kungacha 150 ga yaqin ilmiy maqola, bir qator monografiyalar va o‘quv qo‘llanmalarining muallifi sanaladi.
U o‘z mehnat faoliyatini Samarqand davlat universitetida o‘qituvchilikdan boshlagan. Keyinchalik uzoq yillar davomida O‘zbekiston Respublikasi prokuratura va sud tizimida mas’ul lavozimlarda faoliyat yuritib, yurtimizda huquqiy tizimning rivojiga salmoqli hissa qo‘shgan.

Professor Komil Sindarov mamlakatimiz tomonidan bir necha bor e’tirof etilib, O‘zbekiston Respublikasi mustaqilligining 1 yilligi, 15 yilligi va 25 yilligi esdalik nishonlari bilan taqdirlangan.
U shuningdek O‘zbekiston Yozuvchilar uyushmasi a’zosi bo‘lib, badiiy ijodda ham faol. Muallifning o‘nlab she’riy to‘plamlari, 16 ta detektiv asari mavjud bo‘lib, ularning barchasi o‘quvchilar orasida keng ommalashgan. Uning ayrim asarlari rus va ingliz tillariga tarjima qilingan.

“Or-nomus xuni” kitobi taqdimoti adibning ijodiy faoliyatidagi navbatdagi muhim voqea sifatida baholandi va tadbir ishtirokchilari tomonidan yuqori qiziqish bilan kutib olindi.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website