#INFOLIB_2025

2025-yil 13-noyabr kuni O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida “Tong yulduzi” gazetasi tomonidan chop etilgan “Bolalik kunlarimda...” kitobining taqdimoti bo‘lib o‘tdi

Tadbir Maktabgacha va maktab ta’limi vazirligi,

O‘zbekiston Yozuvchilar uyushmasi, O‘zbekiston Jurnalistlar uyushmasi hamda O‘zbekiston Respublikasi bolalar va o‘smirlarining “Tong yulduzi” gazetasi hamkorligida o‘tkazildi.

O‘quvchilar ushbu kitobdan “Tong yulduzi” gazetasida yoritilgan mamlakatimizdagi taniqli ijodkorlar, ilmu fan fidoyilari hamda el ardog‘idagi san’atkorlarning bolalik xotiralari, o‘quvchilik davridagi qiziqarli voqealari bilan tanishish imkoniga ega bo‘lishdi.

Tadbirda ta'kidlanishicha, “Tong yulduzi” gazetasida qator ruknlar mavjud bo‘lib, ulardan, ayniqsa, “Bolalik kunlarimda...” rukni mushtariylar orasida ommalashgan. Mazkur ruknda yoritilgan har bir qahramonning bolaligi, hayot yo‘lidagi sinovlar va ularni yengishda chekkan zaxmatlari o‘quvchilarga ibrat maktabi bo‘lib xizmat qiladi.

“Bolalik kunlarimda...” kitobi ham “Tong yulduzi” yoritgan olam” kitobi kabi O‘zbekiston Milliy kutubxonasi fondiga va tizimdagi 200 dan ortiq kutubxonalarga hamda respublikamizdagi ijod maktablari va umumta’lim maktablari kutubxonalariga tarqatildi.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

#INFOLIB_2025
2025-yil 13-noyabr kuni O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida kutubxonalar uslubchilari uchun o‘quv seminarlari bo‘lib o‘tdi

O‘zbekiston Milliy kutubxonasi, Qoraqalpog‘iston respublikasi, Toshkent shahar, viloyatlar va tuman (shahar) axborot-kutubxona markazlari mutaxassislari uchun tashkil qilingan mazkur maktab dasturidan hududiy axborot kutubxona markazlari tomonidan 2023-2024 yillarda ishlab chiqilgan metodik qo’llanmalar tahlili, “Metodik qo‘llanmalarni tuzish texnologiyasi” mavzusida seminar hamda “Aholiga nostatsionar kutubxona xizmati ko‘rsatishni toʻgʻri tashkil etish va hujjatlarni yuritish” mavzusiga bag‘ishlangan seminar-trening o‘rin olgan.

Unda hududiy axborot-kutubxona markazlari tomonidan 2023-2024-yillarda ishlab chiqilgan metodik-bibliografik qo‘llanmalar yuzasidan o‘tkazilgan tahlil natijalari muhokama qilindi, hududiy axborot-kutubxona markazlari tomonidan metodik qo‘llanmalarni talab darajasida ishlab chiqilishini ta’minlash maqsadida 2022-yil Alisher Navoiy nomidagi O‘zbekiston Milliy kutubxonasi tomonidan tayyorlangan “Metodik qo‘llanmalarni tuzish texnologiyasi” axborot-kutubxona muassasalari mutaxassislari uchun metodik qo‘llanma yuzasidan tushuntirish olib borildi, aholiga nostatsionar kutubxona xizmatini ko‘rsatishni tashkil qilish masalalari xususida so‘z bordi.

Seminar-treningning asosiy maqsadi - hozirgi kunda yuzaga kelayotgan muammolar va ularning yechimlari, hujjat yuritishdagi asosiy kamchiliklarni birgalashib ko‘rib chiqib aniq mexanizmini yaratish, hisobot kundaliklarini to‘g‘ri to‘ldirish yuzasidan amaliy tavsiyalar berishdan iborat.

“Metodistlar maktabi” da 14 ta hududiy axborot-kutubxona markazlarining ilmiy-metodika xizmati xodimlari hamda o‘quv zallarida faoliyat olib boruvchi xodimlar ishtirok etdi.

Mutaxassislar uchun 3 ta mavzu asosida seminar-treninglar tashkil etildi. Bular:
• Hududiy axborot-kutubxona markazlari tomonidan 2023-2024-yillarda ishlab chiqilgan metodik-bibliografik qo‘llanmalar tahlili;
• Metodik qo‘llanmalarni tuzish texnologiyasi: muammo va yechimlar;
• Aholiga nostatsionar kutubxona xizmati ko‘rsatishni to‘g‘ri tashkil etish va hujjatlarni yuritish.
Seminar-trening tarzida o‘tkazilgan ushbu tadbirda oflayn tarzda 80 ga yaqin va onlayn tarzda 150 dan ortiq mutaxassis-xodimlar ishtirok etishdi.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website

#INFOLIB_2025

2025-yil 13-noyabr kuni O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida “Madaniy merosga ochiq yo'l: nodir nashrlarni saqlash, kataloglashtirish va raqamli texnologiyalar yordamida kitobxonlar uchun imkoniyatlarni kengaytirish amaliyoti” mavzusida seminar bo‘lib o‘tdi

O‘zArxiv agentligi, O‘zbekiston Respublikasi Fanlar akademiyasi Sharqshunoslik instituti bilan hamkorlikda tashkil etilgan seminarda nodir adabiyotlar, ularning turlari, saqlanishi hamda tartibga soluvchi normativ huquqiy hujjatlar, arxiv hujjatlari va kutubxona manbalari, O'zbekistonda qo'lyozmalarni kataloglashtirish sohasining rivojlanishi haqida so‘z bordi.

Shuningdek, seminar davomida noyob hujjatli merosni “Jahon xotirasi” ro‘yxatiga kiritish bo‘yicha nomzodnoma tayyorlash hamda raqamli texnologiyalar yordamida nodir adabiyotlardan kitobxonlarning foydalanish imkoniyatlarini kengaytirish masalalari muhokama qilindi.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website