السلام عليكم ياجماعة 😊🔥❤️
رسالة تعريفية من أعضاء فريق Medboss لطلاب السنة السادسة✌️❤️✌️

بداية منرحب بالجميع بقناة فريقنا الجديد فريق الMedboss الخاص بعمل نوط خاصة لطلاب السنة السادسة ☺️😍
بمنشور سابق بإحدى قنوات فريقنا تعرفتو على مؤسسي الفريق وصار عندكم لمحة عامة عنهم 😊😇

#طيب نبدأ بالسؤال الاهم والي ببالكن شو رح نقدم وشو المميز عن غير فرق؟؟؟!!!!!
أول الشي اعتمد الفريق على #المراجع بالدرجة الاولى + ترميم من مصادر خارجية ومن كذا جامعة كون الفريق اصلا متشعب من جميع المحافظات 🔥✌️🔥
+ عامل الخبرة بالفريق بوضع ماهو هام من غير مصادر بحيث تصير المادة العلمية المشتتة سهلة الوصول + ضمان علامة أعلى خاصة بعد قرار تغيير البنوك الي صار وبحيث نضمن اغلب المعلومات المحتمل ورودها 💪✌️
ضفنا الشوامل كلها حتى دورة أيلول ٢٠٢٢ وعطيناها اللون الأحمر❤️
إضافات خارجية بالهايلايتر الفاتح💙
جمل هامة محتمل ورودها بالهايلايتر الاصفر💛
وبعض من أسئلة دورات الجامعات(خاصة بالجراحات✌️❤️)
وهاد كلو ضمن قالب وتنسيق احترافي ان شالله 😊❤️

#مثال مبسط لعملنا حتى يعرفو الطلاب نوعية عمل الفريق 👇
#الأطفال(ضربت طلاب أيلول) مثلا رح نضيف فيها ملاحظات من دكاترة دمشق وخارج المرجع😎😇 والقلبية كذلك الأمر وغيرها من المواد بحسب الحاجة
في مواد القلبية الهضمية... لتكون شاملة المرجع + إضافات خارجية، أما مواد كالانتانية والعصبية حرام نحط المرجع نفسو كون أسئلة قليلة مع حجم ضخم جدا بالمرجع وبياكلو وقت كتير لهيك عملنا تصويت لهيك مواد واختاروا نعمل ملخص الن شامل لجميع الفقرات الهامة والخارجية المحتمل ورودها وهاد الي مشينا عليه 😉😇
#الجلدية مرجع مع إضافات
#العيادات عبارة عن تلخيص لمراجع العينية والاذنية ووضع فقرات الشوامل مع فقرات هامة محتمل ورودها بالإمتحان مع إضافات خارجية حسب الأهمية
#النسائية شاملة للمرجع مع شواملها مع ذكر بعض المعلومات من دورات الجامعات الهامة وحذفنا فقط بعض الصور والكلام العابر اللا معنى له
#الجراحات حاولنا نجمع أكبر قدر من المعلومات بحكم تفرع اعضاء الفريق من جميع المحافظات وهاد شي يسر علينا وضع المعلومة من مقررات الجامعات ضمن قالب بنوطة وحدة🔥🔥

#بالمختصر رح نقدم نوطة اما شاملة للمرجع مع إضافات أو ملخص للفقرات الهامة مع إضافات وكلو حسب أهمية كل مادة 💪👌✌️❤️

نزلنا حالياً مادتين العظمية والاذنية
رح نكفي ان شالله خلال الأسبوع الأول من الشهر القادم بمواد :
قلبية جزء 1
هضمية وكبد
صدرية
عصبية
بقية الداخليات والمداواة والنفسي
جزء الاول من الاطفال
من شوي نزلنا اسماء المكاتب بجميع المحافظات والملفات صارت عندن جاهزة للطباعة بأيا وقت بتحبوه✌️💪
بالنسبة للسعر... رح تتراوح بين ال6000 وال9000 حسب عدد الصفحات والسعر المحلي للورق.... شغلة مابايدنا ابدا نظراً لغلا الأسعار مع اختلاف بسيط جدا بين محافظة واخرى حسب كل مكتبة وشو تكلفتها 🥺💙
الي بشوف نوعية الورق ركيكة هاد شي مو ذنبنا كون الطباعة بتخص المكاتب لهيك عليكن بس تعطونا خبر ونحن منحل الموضوع مع صاحب المكتبة بكل ود☺️❤️
ورح نضل متابعين معكم بذكر النكشات والاسئلة الخلافية وخطط دراسية مناسبة بقنوات الفريق الفرعية 😇💙
كلمة اخيرة ذكرتها زميلتنا ميسم حمشو عن موضوع الألوان
فقط بالعظمية كترنا شوية الوان لسهولة الربط والبصم كون معلوماتها معقدة واسمائها صعبة وهاد شي مرغوب من قبل اغلب الطلاب حتى يضمنو المادة بعقلن😇 وعالطباعة بتصير اروق واريح للعين ان شالله ☺️😊😎
اما بقية المواد اعتمدنا 3 الوان اساسية ذكرت فوق 👌💪
#أخيراً الي حابب يبلش نزلت خطة دراسية تبدأ اليوم وفيكم تبلشو من بكرا نهار مافي فرق بيناتنا 😂✌️❤️ونكرر تنزيل خطط كل مدة معينة ان شالله وهي رابط الخطة 😎
https://t.me/golden_minutes/286
لأي سؤال ببالكن ماتنسو تسألونا عبر بوت الفريق الخاص :
@NationalExambot

⁉️ بخصوص مادة #الأطفال والاستفسارات عنها

حالياً نزلنا الجزء الأول من المادة
وهو فعلياً الأهم والأضخم والأصعب

رح ينزل تباعاً الجزء 2 وثم الجزء 3 وبعده أطفال 1

🔴 الجزء الثاني رح يتضمن:
✔️الامراض العصبية (2 - 4)
✔️الامراض الدموية (2-3)
✔️الخباثات (2)
✔️الكبد (0-1)

عدد الصفحات 110 شاملين بالكامل
✍🏻 عدد الاسئلة وسطياً : 7 -10 اسئلة

🔴 بينما الجزء 3 رح يتضمن:
✔️الامراض الغدية + النمو والبلوغ (4-5)
✔️التحسس (0-1)
✔️الامراض الكلوية + الامراض التناسلية (2-4)
✔️الامراض الرثوية والهيكلية (0-1)

كل هدول بحدود 75-80 صفحة سهلين وخفاف
✍🏻 عدد الاسئلة وسطياً : 7 -10 اسئلة

🔴 القلبية متل ما حكينا سابقاً رح تنزل بنوطة القلبية ج2
والسبب انه أمراض القلب عند الأطفال نفسا ما بتختلف بين الداخلية والأطفال
لهيك ممكن يندرسوا سوا على عكس بقية الأقسام

🔴 أما الأطفال 1 رح تكون عبارة عن ملخص ب90-100 صفحة
👈🏻 مننصح بدراسته اخر شي لأنو متوسط الأهمية (6 - 10)
👈🏻 بيشمل 16 مبحث ولكن مع حذف واختصار الحشو غير المهم

⭕️ طيب ايمت الموعد التقريبي لكل نوطة ؟؟
👈🏻 كل أسبوع نوطة جديدة بحيث خلال 3 اسابيع كلن بكونوا نازلين نشالله ❤️🔥

#الأطفال الجزء الثالث
طلاب دفعة 2024

✅ كلنا شفنا كيف اخر 4 دورات عم تجي قلبية الاطفال من #دورات_دمشق نسخ لصق

✅ وشفنا كيف الاطفال بشكل عام في توجه لمنهاج ودورات الجامعات بغض النظر عن محتوى المرجع

🛑 لذلك بنسخة 2024 تم مراجعة و تدقيق اكتر من 400 سؤال دورة قلبية اطفال (دورات دمشق 2010 لحد الان) و اضافة كل افكار الدورات للنوطة

وهيك بقدر قلكن بثقة انو النوطة #شاملة_لدورات_دمشق_تماما و الهدف الاساسي كان اختصار الوقت و الجهد و التشتت

🛑 ونفس الشي بالنسبة للكلية راجعنا جميع دورات الجامعات الهامة وتم ترميمها واضافتها على النوط وتمييز الافكار ضمن لون خاص مميز

انشالله تلاقوها مفيدة ❤️❤️

نوطة الأطفال 2 الجزء التالت بالطباعة حالياً
يوم التنين بتكون متوفرة بدمشق والخميس بتوصل لبقية المكاتب والمحافظات

بطريق الطب الطويل كلنا بحاجة لحدا يدعمنا وخاصة بفترة الامتحانات لما نكون متوترين وخايفين ومو عرفانين من وين نبلش وكيف ندرس هالمادة وكيف بدنا نميز هي الحالة عن غيرا وكتير تفاصيل منغرق فيها وبنصير ندور على أي شي ممكن يساعدنا فكيف اذا كانت هي الفترة هيي على مدى سنة كاملة🥺💔

ولأنو كلنا مرينا بهي المرحلة ومنعرف الشعور يلي انتو فيه هلق قررنا نكون معكم ونقدملكم كلشي منقدر عليه كمحاولة لنخفف من وطأة الشعور يلي عم يغلي جواتكم 🔥❤️

ولأنو كل حدا فينا عندو شغف بمكان معين مكان طول عمرو بيحلم يكون فيه أو يوصلو❤️ أنا إيمان شغفي كان وح يضل من لما خطيت أول خطوة بطريق الطب ويمكن من قبل هيك بكتير هو طب الأطفال 💛

ولهاد السبب اخترت كون معكم بكورس مادة طب #الأطفال لحتى ندرس سوا ونتعلم سوا كل التفاصيل الحلوة لهالمادة❤️😍

شو ح نلاقي بهاد الكورس؟🤔

✔️خلال هاد الكورس حاولت إني ركز على كل الأفكار الهامة يلي ممكن تكون أفكار امتحانية اشرحها بأسلوبي الخاص حتى سهل دراسة المادة عليكم 💛❤️

✔️اعتمدت على عرض الحالات السريرية على شكل قصص نموذجية قد ترد كنص سؤال والتنبيه على العرض المميز لكل حالة هاد الشي بساعدنا نتوجه مباشرةً للحالة بدون ما نضيع بباقي التفاصيل ❤️

✔️إضافة صور وفيديوهات بتساعد على فهم الحالة ومقاربتا بشكل أفضل وبنفس الوقت بتقويلنا الجانب السريري 🥰

وبالأخير ما عندي شي قولوا إلا إني بتمنالكم من كل قلبي كل التوفيق والعلامات الحلوة وانشالله تكونوا عم تستفادوا من كلشي عم نقدموا سواء أنا أو أي حدا من زملائي بهالمشروع الحلو ❤️❤️

مشروع XCourseانطلق ليكون معكم رفيق وفي بهالطريق الطويل ❤️🔥

وهي رابط الفيديو الأول التمهيدي للمادة
https://youtu.be/Cb544bSYlvA?si=19ljTHP8cXqlYWk2

كل الحب الكم مني ومن كل الكادر ❤️
ناطرين آراءكم بفارغ الصبر💛

د.ايمان مصطفى

#الأطفال
#المنشور_الامتحاني

مرحبا طلابنا الغاليين🔥

بهالوقت أكيد التوتر سائد ومشاعر الخوف طاغية
والأغلب حاسس حاله نسيان وما عم يقدر يستذكر كمية المعلومات الهائلة.

هاد الشعور طبيعي جداً
وكلنا مرينا فيه
وما تخافوا معلوماتكن ما نسيتوها بس بحاجة فقط لإعادة ترتيب ومرور سريع🔥

🔺الخطة يلي اتبعتها بهالوقت (تقريباً آخر ١٥ يوم بالضبط)
كانت كالتالي، وللأمانة أنا برأيي هي الخطة الأمثل:
خصصت يوم لمراجعة كل داخلية مع أطفالها
طبعاً المراجعة عبارة عن قراءة بالدرجة الأولى
لأنه شبه مستحيل تتوقع من عقلك يعد المعلومات بصماً.
بالعكس هاد غلط لأنه رح تفرض على عقلك ستريس كبير ويضيع منك الوقت كله.

◀️ إذاً كالتالي:
خصص كل يوم لداخلية مع أطفالها بشكل سريع
مع التركيز على الجداول لأنه بجي منها
وكلشي ملونينه ومنوهين عنه بالنوط

✔️ شو الغاية يا ترى؟
الذاكرة البصرية ثم الذاكرة البصرية ثم الذاكرة البصرية
بحيث تعيد ترتيب المعلومات بذاكرتك

✔️ شو الأولوية بالترتيب؟
البعض بقولوا يتركوا اهم الداخليات لآخر كم يوم
بس يلي بشوفوا هو أنه لا
الأفضل أضمن الداخليات الأهم فالأهم بالإضافة أنه كلما قرب الفحص التوتر رح يكون أكبر وبالتالي التركيز أقل لهيك نرتب كالتالي:

(يلي بين قوسين عدد الاسئلة ضمن الأطفال)

صدرية (3-4)
هضمية (1-2)
قلبية (3)
خمجية (3-7) (الاطفال مهمة جداً بينما بالداخليات قليلة الأهمية)

ثم
غدية (1-3)
نمو وبلوغ (1-3)
دموية (2-3)
خباثات (1-2)
عصبية (2-4) ومداوة
كلية (2-3)
أطفال ١ (6-8)

بالنسبة للكبد والتحسس والرثوية واضطرابات الاعضاء التناسلية هدول كلن سوا عليهن سؤال واحد وينتركوا للاخر

واخر شي الجلدية لسبب كتير مهم أنها بصمية جداً وبحاجة اكون مراجعتها قبل الفحص بفترة قصيرة

🔺 بالنسبة للأطفال، بآخر كم دورة عم يعتمدوا ع دورات الجامعات اكتر من المرجع
الأهمية برأيي لدورات طرطوس ودورات دكتور أسد إبراهيم .. واذا ضل وقت فيني أتطلع على البقية متل دورات دمشق الاخيرة والبعث بس ما كتير تشتتوا حالكن لانو اغلب الملاحظات الهامة رممناها ونحن حاطين كلشي بالنوط.

بتلاقوا اهم دورات الجامعات هون بالرابط
https://t.me/MedBOSS_Team/3307

وفيكن تتبعوا الاسئلة يلي عم شاركها الفريق سابقا على قناة الاطفال
https://t.me/nationalexam_Ped

🔺فيما يخص الأطفال 1 كتير بيوصلنا اسئلة عنها وشو ندرس بحال ضيق الوقت والجواب انه اغلب الاسئلة محصورة ب4 مباحث

(( الطب حول الولادي + طب حديث الولادة + التغذية + التطور الروحي الحركي ))

هدول هنن الأهم وممكن ما تبقى تمرقوه فقرات دورات وتحلوا اخر دورة من الجامعات وهيك شملتوا كلشي مهم تقريبا

🔺 نصيحتي الأخيرة:
صدقاً الضغط النفسي أكبر من وهم الفحص بحد ذاته، لهيك ركزوا على أهدافكم، حاولوا تبعدوا عن المشتتات، بعدوا عن الغروبات يلي بنبعت عليها الأسئلة، لا تسألوا رفقاتكن شو درسوا

ركز على حالك وبس🔥❤️

كان معكم شهلا شماع صديقتكن بمادة الأطفال
كل الأمنيات بالتوفيق والنجاح للجميع❤️❤️