За некалькі секунд да таго, як пацярпела наша журналістка Наталля Лубнеўская.

Па дэманстрантах каля Рыгі зноў лупяць гранатамі, спецыяльная машына разбівае барыкады.

Адбылася зачыстка Пушкінскай. Гэта здарылася пасля таго як большасць дэманстрантаў разышлася сама. Шэрагі сілавікоў кідалі пад ногі пазасталым дэманстрантам выбух-пакеты і стралялі ў іх шумавымі гранатамі. Пры наступе на дэманстрантаў сілавікі разбілі шкло ў аўтамабілях, якія стаялі перад іх шэрагам. Напэўна, яны лічаць, што ў гэтых аўтамабілях сядзяць дэманстранты.

Прэзідэнт Літвы заявіў, што ЕС варта абмеркаваць санкцыі ў дачыненні да Беларусі, паведамляе Delfi.

Аказваецца, дэманстранты стаялі таксама каля Маяка Мінска, гэта станцыя метро Усход. Там адбываецца разгон.

Пушкінская, Сурганава, Каменная Горка, Серабранка, Кальварыйская, Няміга, Якуба Коласа, Грушаўка, Міхалова, Малінаўка... Няпоўны спіс лакацый, дзе сёння збіраліся дэманстранты ў Мінску. Але галоўнай формай пратэсту быў рух аўтамабіляў, якія сігналілі, і ўзаемнае вітанне кіроўцаў з пешаходамі.

Ад галоўнага рэдактара Нашай Нівы Ягора Марціновіча прыйшла эсэмэска СОС. Гэта значыць, што ён затрыманы. Мы ведаем, што ён вяртаўся дахаты на сваёй машыне пасля асвятлення падзей на вуліцах.

2:02 ночы - новыя магутныя выбухі ў Мінску. Магчыма, яшчэ недзе разганяюць дэманстрантаў. Мы пакуль не ведаем, дзе адбыліся гэтыя выбухі і што гэта было.

СМЕРЦЬ ДЭМАНСТРАНТА Ў МІНСКУ. 10 ЖНІЎНЯ - НОВАЯ ЧОРНАЯ ДАТА БЕЛАРУСКАЙ ГІСТОРЫІ.
Калі вы бачылі, як гэта здарылася, напішыце ў наш @NashaNivaBot