Беларусы на вуліцах Варшавы з чарговай акцыяй пратэсту і салідарнасці.

"Чарговы дзень у Беларусі - гэта чарговы дзень пад акупацыяй.
І спакваля на тэрыторыю мірнай Беларусі прыходзіць вайна! Спачатку ў нас з'яўляюцца парэшткі бандыцкага фармавання ПВК "Вагнер", потым прыязджае тактычная ядровая зброя, затым размяркоўваецца шматтысячны кантынгент расейскіх вайскоўцаў і вось ужо Лукашэнка ў вайсковым мундзіры на мяжы з Польшчай ды Літвой заяўляе, што Беларусь рыхтуецца да вайны!..

Мы пытаемся - да якой вайны рыхтуецца саманазваны беларускі генералісімус?!
Мы пытаемся - чыя гэта вайна і ці патрэбная яна беларускаму народу?!
Мы пытаемся - калі дыктатар спыніць грамадзянскую вайну ўнутры краіны супраць грамадзянаў Беларусі?!

Мы маем шмат пытанняў, мы маем шмат чаго сказаць і мы не маем намеру маўчаць! Таму мы кожны раз выходзім, каб задаць нязручныя пытанні беларускім уладам і расказаць усяму свету пра тыя злачынствы, што адбываюцца ў Беларусі штодня і якія не спыняюцца ўжо амаль чатыры гады!
Жыве Беларусь!" ✊

🤍❤️🤍 Беларусы Масквы больш за тры гады працягваюць збірацца  штотыдзень, пісаць лісты і падпісваць паштоўкі беларускім палітвязням!

"Палітвязні - нашы героі!
Гэтым разам лісты і паштоўкі з віншаваннямі з Днём Народзінаў, а таксама словы падтрымкі, павінны атрымаць беларускія палітвязні:

Каско Аляксандр, Колькасць Валянцін, Мацкевіч Вольга, Кандыба Вячаслаў, Галубко Цімафей, Давыдзюк Кірыл, Комар Аляксандр, Лавор Уладзімір, Пятух Вольга, Аўрамцаў Уладзімір, а таксама Сцяпан Латыпаў - заказны ліст!

Жыве Беларусь! 🤍❤️🤍".

Дня Волі шмат не бывае.

Так сваё нацыянальнае свята святкавалі беларусы ў Катавіцах у Польшчы.

Са Святам!
Жыве Беларусь 🤍❤️🤍

Лісты палітвязням— найменьшае, што можна зрабіць.
Беларусы Бельгіі павіншавалі з Днём Народзінаў палітвязняў, якія нарадзіліся ў красавіку.
⚪🔴⚪

У Варшаве прайшоў вечар памяці Алеся Пушкіна
У  Беларускай прасторы «Робім разам» гучалі ўспаміны пра Алеся Пушкіна, а таксама выстаўленыя да прагляду  карціны мастака з прыватнай калекцыі. 🙏