تُراب من أعماق قلبه : ياااااااا الله !!!!!!!💔

علي :  صلي على النبي يا خيي ..

تُراب : اللهم صلّ على محمد و آل محمد 💔

__ كيف بدنا نخبر أهلو اسا

تُراب : أني اعفوني من هالمهمة ، اعفووني ، ما بقدر أعملها ، بعتو الرابط و الشيخ و شي مسعف و بعتو جاهة معهم اذا بدكم ، بس أني لا

__ خير خير ، هدّي انت بس


بعد ساعة ، عاد تُراب للمنزل ، وصل الى حارة منزل عمه على صوت الآااه و النواح .. دمعت عيناه ، فمحمد كان من أعز أقاربه الى قلبه ، محمد كان مسؤولًا كبيرًا أخفى هويته عن مجتمعه ، و لكن عرفه الجميع بعد استشهاده .. محمد مجهولًا في الأرض ، و معروفًا في السماء ..


عاد بعدها لمنزله و حبس نفسه في غرفته وسط دموع و آهات عائلته ..

في اليوم التالي ، بدأت مراسم التشييع .. ودّعت الأم ابنها بحرارة الفقد و الآلام ، دموعها غسلت ذنوب كل انسان ، بكت زهراء بكاء الفاقد المكسور قلبه .. كان رفيق أيامي فمن
يرأف بحالي الآن ..
حُمل النعش على الأكتاف ، تسابقت أيادي الأصدقاء لتتبارك من طُهر نعش شهيدنا و رايتنا الصّفراء ، ارتفعت الكفوف محمّلة بالسلام و الوداع .. أوصِل سلامنا يا محمد ، نثق بك فأنت الأمين على رسالتنا ...

بعد أشهر من هذا اليوم ، كان الشباب في العمل :

تٌراب : كان لازم كون عم بحكي مع أمين اسا

كرار : هنيئًا الو يا خيي شو بدنا نعمل

حسن : هيك الله كاتب

علي : بسيطة يا جماعة بسيطة

جواد : الحمدلله على كل حال ..

الجميع: ايه والله

أنهوا عمل اليوم و تناولوا طعامهم و خلدوا للنوم في تلك الليلة ..
و في ذاك الوقت ، شعر كرار أن النمل يسير على وجهه ، فبدأ يضرب على خديه لكي يرتاح .. و في الصباح استيقظ و وجد وجهه ممتلأ بالكريمة

كرار : تُراااااااااب

تُراب : هيك لبدو يفيّق

كرار : انت عامل فيي هيك صح

تُراب : لا حبيبي انت عملت هيك ، شوف ايدك

نظر ليده فوجد الكريمة عليها ، فعرف أنه لم يكن هناك نمل ، بل كانت حيلة من تُراب لينفذ العقاب العسير الذي وعده به منذ أشهر ..


كرار : والله لموتك تعى لهون

بدأ تُراب يركض و كرار يلحقه ، عندها مدّ علي قدمه أمام كرار فكاد أن يقع

كرار : وجع

علي : لاحقلي ابن حمايي

كرار : لأعمل عليكم حمى اسا اني بفرجيكم

حسن : طب روح غسّل وجهك و تعى بالأول

جواد : بدك تنتقم ولا تفزّع طيور انت ؟

عندها غسل وجهه و أمسك بخرطوم المياه و هجم على اصدقائه هجمة مرتدة ..

تُراب : ويلي رح أمرض اني اسا

حسن : اححححح

جواد : يكسر دايك يا كرار ملّيتني

علي : مش رح تفل عبيتك ناشف بتشوف يا كرار

أمسك علي بخرطوم آخر و ملأ كرار بالمياه من رأسه حتى قدميه

كرار  : معليش اذا ما في تضحيات ما في نصر .. غرررر🥶


بعدها عاد الشباب لمنازلهم ليتسلم البديل مكانهم ، يا الهي ما هذا المنظر هل هي حرب مياه ، الأرض مبتلة و البساط بحاجة للنشر .. هل كانو يعملون أم يلعبون


ذهب تُراب لمنزله و كانت جنى في ذاك الوقت تسقي الزرع في الحديقة .. و عندما شاهدته مبلل بهذه الطريقه :

جنى : يي شو صاير معك

تُراب : لا ولا شي ، حرب صغيرة مع الشباب

جنى : أديش عمرك 🤔

تُراب : 25 ليش

جنى : عشان شوف اذا بعدك ولد و بتلعب بالماي

تُراب : هههههه ، يلا اني رح فوت يعطيكي العافية

جنى : الله يعافيك ..


دخل تُراب ، و بعد لحظات رنّ هاتفه :

تُراب : بعدني لحقتش انشف يا زلمة

حسن : خيي ، رح قلك من الآخر ، زهراء بنت عمك يعني عاجبيتني و هيك ، و أني ناوي الخير ، عندي بيت بعيترون و عندي شغل و انت بتعرفني منيح

تُراب : ههههه ليش عم تعيّط

حسن: ولك لاا بس كنت متلبك و مش عارف شو احكي فبس رديت عليي دغري طلع معي الحكي

تُراب : حبيب القلب يا حسون ، أني لبعرفك ، ان شاء الله بحكيها و بردلك خبر ..


بعدها أتى علي لزيارة فاطمة من جديد ، و هناك عرض عليهم تُراب أن يخرج الجميع بنزهة لمغارة الريحان

علي : موافق

فاطِمة : و انييي


👵🏻 : و أني أكيد

👴🏻 : بداش سؤال 😅


تُراب : ناخذ معنا جنى و أم حسين و زهراء ؟

الجميع : ايه ليش لا ..

تجهّز الجميع في ذاك اليوم ، و غادرو في اليوم التالي لمغارة الريحان ، و هناك :

تُراب : قبل ما نفوت ، زهراء بدي اسألِك سؤال

زهراء : تفضل

تُراب : شو رأيك بحسن رفيقي ؟

زهراء : أيا واحد فيهم

تُراب : اللي التقيتي فيه عالطريق كزا مرة

زهراء : اه 😅

تُراب : شو ؟

زهراء : انو ليش السؤال ؟

تُراب : ولا شي الشب معجب و حكى فيكي

الجميع : عنجددد ؟؟

تُراب : اييه ، فشو رأيك يا زهراء ؟

زهراء : آااممم 😅

تُراب : شو ؟؟

زهراء : اتكل ع الله يا ابن عمي

تُراب : تماام و نِعم الوكيل لو انك رافضة كنت رجّعتكم عالبيت

👵🏻 : صحي انك سئيل 😒

داخل المغارة :

جنى : والله بخاف حاسة الأرض بتزحط

تُراب : لا بتزحط ولا شي ، مش ح يصرلك شي ليكي الكل عم يمشي

جنى : والله خيفاانة

تُراب : طب لحظة ، غمضي عيونك و اوهمي حالك يلا بلشي

أغمضت جنى عيناها :

تُراب : الأرض بتزحط ؟

جنى : لا

تُراب : رح توقعي ؟

جنى : لا

تُراب : رح تضلي هون و ما تفوتي ؟

جنى : لا

تُراب : رح تاخذي غيري ؟

جنى : لا

عندها فتحت عيناها بدهشة و نظرت نحوه

جنى : شو قلت ؟

تُراب : خلص وصلني الجواب رح فوت يلا الحقيني

جنى : ششششه 🙄

فرِح تُراب من هذا الأمر ، لأنه لو جنى معارضة للأمر لكانت عاودت شرح الموضوع .. لكنها لم تعارض



انتهت قصتنا بخطوبة علي و فاطمة .. جواب زهراء وصل لحسن لكنهم أجلوا الرسميات حتى سنوية شقيقها محمد
و أيضًا تُراب انتظر سنوية محمد حتى يقعد قرانه ..

كرّار تزوج بعد سنوات من فتاة جميلة صاحبة فكاهة مثله .. و جواد تزوج أيضًا من فتاة بعلبكية طبعها كطبعه ..
لم ينسَ أحد ضريح محمد من الزهور و الياسمين و البخور ، لم ينسه أحد من سورة يس و زيارة عاشوراء ، لم ينسوا القرآن عن روحه و الصلوات   فهذا أقل ما يمكننا تقديمه لمَن قدّم روحه من أجلنا ..


انتهت قصة أقدِم .. 🪻



؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرف بمحتوى القصة ..

تمت..

🦋 شَــذَّا طـاهِـرة 🦋:
᯽~⊰᯽⊱┈──╌•╌──┈⊰᯽⊱~
    •حَـــيٌ بَــعْـــد الإِرتِـــقَــاء‌ 2. ‌🕊️⁩
᯽~⊰᯽⊱┈──╌•╌──┈⊰᯽⊱~


الــحــلــقـــة الــتــاسِــعَــة عـشّـر _19_


كان الكُل قد اجتمع  في منزل " أم علي"  لرؤية علي والإطمئنان على صحته..
وفرصة ليتكلمو عن العرس وتجهيزاته، لكن الصدمة هذه المرة كانت من الوالدتين
حيث قالت أم محسن بالهجة الجنوبية الأصيلة معربةً عن دهشتها😅: شوووووي
وأكملت : كيف حتخلصو التجهيزات بأسبوعين وكم يوم

أم مريم: معك حق ياإختي
بعدين عندنا بس هلبنات مش معقول عرسهن يمر هيك ،  لازم  نجهزلن منيح ... أنا من رأي أجلو العرس لبعد شهر رمضان

مريم: ماما حبيبتي لي كيف كان عرسا لسيدة فاطمة الزهراء عليها السلام
مش هي وحيدة النبي الأعظم

ولاء: بعدين صح،شو  المتزوجات حيبطلو يشترو تياب وعفش للبيت
لنظل أشهر وأحيانا سنة نازلين بس عسوق!!

مريم: بعدين شو الفايدة نحجز بالصالة الفلانية ونعمل لمسات مانعملت بأي عرس بس ليحكو الناس ععرسنا
هيدا هو إقتداءنا بآل البيت عليهم السلام ؟؟

كادت أن تتكلم ولاء فقطعتها والدتها تخاطب أختها أم مريم: لك من راسنا عم نقترح بمحضر هيدون...والله ليتحول مجلسنا لدرس😅

محسن: لك هيدون خطر إذا اجتمعوا ...
قبل ماتكمل وحدة تكفي الثانية

أحمد : اي والله بيذكروني بمقطع الأية  فَتُذَكِّرَ إِحْداهُمَا الْأُخْری‌ 😂

محسن :لك الله معو لعلي وهادي🤣
تخيل يشهدو سوا بشي قضية ، لو أنا قاضي بطل قضاء😂

ولاء: خخخخخ مش مهضوم

محسن: عارف بس شفقان عصهرنا المظلوم😝

هادي:  شفق عحالك ، الشي الوحيد فيك الهضامة وصرت مش مهضوم😂

ولاء: 😜

•• بينما مريم وعلي كانو في عالم آخر عالم عليو و ماريت على قول محسن🤣

🎞🎞🎞⏳⏳⏳🎞🎞🎞⏳⏳⏳

الكُل على قدمٍ وساق ...
كيف لا والعدُ التنازلي لإقامة حفلة عرس ولاء ومريم التي ستكون في يوم واحد وعلى عجل وضيق ، فلم يتبقى الا القليل لموعد سفر هادي وعلي و عليه لازال عليهم الكثير من الأعمال غير المنجزة من جهة اتمام ما عليهم من مهام تخص شغلهم الخاص ومن جهة أخرى التحضير لحفلة العرس وتحضير المنزل ولوازمه و كل هذه الأمور التي لا تنتهي تقريباً ( الله يكون بعونهم 🤭)

والحمد لله أن الأميرتيّن لم تكن من محبات البذخ والترف وصرف الأموال في صالة عرس كبيرة وبطاقات وجلسات تصوير وفساتين مزركشة و مثيل هذه الزخرفات التي عرفت في وقتنا الحالي والتي تكلّف العروسين فوق طاقتهما ، لأجل ماذا ؟
لأجل أن لا يخجلوا أمام الناس ،
وكل هذه الأمور لا معنى لها فالأصح الإقتداء بمولاتنا سيدة نساء العالمين بحفل زفاف بسيط فيما يرضي الله يفرح له أهل السماء قبل أهل الأرض فلمن أراد حياة هنيئة وسعيدة وناجحة عليه أن ينتبه لهذه التفاصيل التي يغفل عنها الكثير
وهذا ما اختاراته الرفيقتيّن فهما كانت أجمل أحلامهما أن يكون عرسهما في ليلة واحدة بحفلة بسيطة مع الأقربون والمعارف تكون❤️

ولأخبركم أعزائي بعد التفاصيل الجميل والذكريات التي سبقت حفل العُرس الذي تقرر أن يكُون في

يوم ولادة مخلص البشريّة عجّل اللّٰه فرجهُ الشّـريف في يوم ال 15 من شعبان🌹
يوم إكتمل قمر آل بيت محمدٍ صلى اللّٰه عليه وآله أجمعين

•• فمنذ أن علمت الفتيات بقروب العرس استنفرنّ جميعا لمساعدتهما في تحضير جميع اللوازم من لوازم العرس و لوازم العروستين ولوازم السفر أيضاً
فحضرن منذ الأيام الأولى كُلاً من فاطمة ونور ( مع الطفل الذي في بطنها ) إلى منزل الجدّة لتلبيّت الأوامر

ولا أنسى نايا التي سبق وأن ذكرت بأنها تغيرت وأصلحت من نفسها أكتر وأصبحت تُحب أعمال الخير و الجمعات العائلية أكتر فقد أبدت مساعدتها بكل حبٍ ، ولم تتوانى يوماً عن اصطحاب الفتيات للتسوق بسيرتها ( كونها الأكبر حيث تتسع للفتيات ولأغراض التسوق )
فاليوم كان من المقرر ذهابها إلى عملها صباحا إلا أنها تفاجأت باتصالٍ من مريم مع بداية النهار :

مريم : صباحٌ مباركٌ بذكر محمدٍ وآل محمد يا حلوة ❤️

نايا : وصباحك مبارك مريومتي ، كيفك ، كيف الأوضاع حبيبتي

مريم : نشكر الله ، بتعرفي عم نركض لنلحق علوقت

نايا : حبيبتي الله يعينك خبريني بشو بدك ساعدك وخفف عنك

مريم : حبيبتي يا نايا ما تقصري ، ان شاء الله بنوقفلك بفرحتك

نايا : حبيبتي بعد بكييير 🙈

مريم : لكاتبو الله حبيبتي ، عكلن بدي عذبك اذا فاضية اليوم بدنا نمرق عالسوق نجيب كم غرض فقلت أحسن ما نتشمشط عالطريق نروح بسيارتك ..

نايا : ولو غالية والطلب رخيص ، تكة وبكون عندك

مريم : الله يرضى عليكِ ، تعي نتروق وبعدها نمرّ على فاطمة ونور

نايا : اوكي حبي ، يلا سلام ❤️

وبينما تجهزّت نايا للذهاب لبيت الخال ، كانت ولاء ومريم تعدان قائمة بأهم الأمور التي يجب إقتنائها والتي تُناسب المبلغ الذي معهما فهما مصممتان على شراء الأهم وفقط ولا يسرفا في التجهيز

و لا يكلفا زوجيهما 
فقد اتفقا مريم وولاء على ألا يشتريا الكثير من الملابس ويكتفيا ببعض الثياب لفصليّ الشتاء والصيف و يأخذان من ملابسهما القديمة ، على أن يصرفا باقي المبلغ في لوازم البيت عندما ينتقلان إلى بيتهما في ايران ..

وماإن إنتهينا من كتابة القائمة تحدثت ولاء : يلا حبيبتي مريم نجهز الطاولة هياها نايا قرّبت توصل

مريم : بس لحظة ما نسينا شي من لوازم البيت لنكتبها

ولاء : خلص عالطريق نتأكد مع الصبايا

مريم : اتكلنا عالله

وبعد قُرابة النصف ساعة اكملت نايا ومريم وولاء توضيب الصحون والطاولة واستأذنوا الجدة والآباء للذهاب للتسوق
مريم : يالله ، بدنا نستأذن توصونا بشي عالطريق

أبو مريم : انتبهوا عالطريق بس ، واي شي لزمكم أو بدكم ياه احكوني

أبو محسن : بأمان الله حبيباتي ❤️

الجدة : جيبولي معكم بزر 😂

نايا : من عيوني لأحلى تاتا بالدنيا 😘

⏳

بقيت الفتيات تشتري وتختار مايقارب 3 ساعّات، وعند هذا الحد قالت نور:
ياجماعة أنا مش بشهر التاسِع ، حاسة حالي حؤوْلد من كثر المشي

فاطمة: اي والله حرام ، بعدين أنا كمان جوعانة خلينا نكل بشي محل

نايا : فرصة وأجت لأعزمكم حسابي...
في مطعم كنت رحلو أيام الجاهلية الأكل فيه ولا أروع😅

نور : صبايا أنا هلأيام صرت أفهم عزحف مو بس علبطيئ😂
شي حدا يفهمني شو قصدا بأيام الجاهلية

نايا: قصدي أيام قبل التوبة ،وقت كنت منغمسة بالدنيا 😔
وإخترت  إسم أيام الجاهلية
لأنو ماكنت أعرف معنى صاحب العصر و الزمان "عج" ببعدو المعنوي، أنو هلإمام لولاها لساخت الأرض، ولولا دعاؤ لقنطنا !!
وبالأحاديث من لم يعرف إمام زمانه ، مات ميتة جاهلية

مريم: حبيبتي يانايا نحنا بكل لحظة نسهى عن ذكر الإمام ، وماننوي أعمالنا لتعجيل فرجو حنكون جاهلين لأبجدية ووجودنا...
وتذكري الله بالقرآن خص بالحب "التوابين"🫀

ولتلطيف الجو أردفت فاطمة: طب يلا خلينا ننوي أكلنا لقوة البدن لطاعة اللٰه لخدمة صاحب العصر و الزمان 😁

نور: عشنا بهنعمة وحضرنا فلسفة فاطمة 🤣

ولاء: طب يلا خلينا نمشي أحسن ما الكاتبة بتعطينا مفهوم للفلسفة ونبطل ناكل😂

وكأن مريم أحست بي🤭
فأردفت في أذنها هامسة: مش صايمين أنا وياك وفق برنامج أشهر النور؟؟

ولاء: شو كأنك نسيتِ دعوة الإمام الصادق

يتبع....


@tahira_50_313

   ᯽~⊰᯽⊱┈──╌•╌──┈⊰᯽⊱~


✍🏻م .طــــاه‍ـــــــرة♡~
✍🏻"أمن المتوكلون"♡~
            
               ᯽~⊰᯽⊱┈──╌•╌──┈⊰᯽⊱~

🦋 شَــذَّا طـاهِـرة 🦋:
᯽~⊰᯽⊱┈──╌•╌──┈⊰᯽⊱~
    •حَـــيٌ بَــعْـــد الإِرتِـــقَــاء‌ 2. ‌🕊️⁩
᯽~⊰᯽⊱┈──╌•╌──┈⊰᯽⊱~


الــحــلــقـــة العِــشّــرِيــن ~ _20_ ~


عندما نُرخي بزمام الأمور متيقنين  متوكلين علىٰ اللٰه عزوجل ، نقتدي بخير خلقه أل البيت عليهم السلام ...
في كل أمورنا حتى الرضا والقناعة في المهر و العُرس البسيط  فإنه يهيؤ الأمور من حيث لاندري
وهو القائل
"وَ أَنْكِحُوا الْأَيامى‏ مِنْكُمْ وَ الصَّالِحِينَ مِنْ عِبادِكُمْ وَ إِمائِكُمْ إِنْ يَكُونُوا فُقَراءَ يُغْنِهِمُ اللَّهُ مِنْ فَضْلِهِ وَ اللَّهُ واسِعٌ عَلِيمٌ"

فمن جهة فقد إتفقت نايا بمساعدة أحمد ومحسن وفاطمة ونور والجدة والجميع تقريبا على أن يجهزوا هم جميع أغراض بيت ولاء ومريم في ايران طبعا تحت إشراف علي وهادي فهما كانا يخططان لأن يفاجآ خطيبتيهما بهذا الخبر وخبر آخر عزما أن يُعلنا عنه في حفلة العرس 🙈
ومن جهة فإن الذهب الذي زهدت فيه العروستان من أجل التجهيز للبيّت،
(من غير المحبس وسلسال وخاتم العقيق😅)
قد عوضته الوالدتان ( أم مريم وأم محسن) بإقنتاء طاقم لإبنتيهما، بالإضافة للجدة التي أعطت سلسال لمريم، وإصورتيها لولاء...
والمفاجأة التي لم تخطر في البال ، هي مفاجأة أخوال العروستين الذين قدمو من الضيعة..
فهم أوضاعهم المادية ميسورة بالإضافة إلا أنه 5 إخوة وأخر العنقودتين هما أم مريم وأم محسن ، فإن هديتهم كانت مميزة لامست قلوب العروستين❤️
فالخال الأكبر قدم قبل أسبوع من العرس إلى بيت أختيها يسأل عن حاجاتهم ليكون العضد في فرحتهم..
وبينما يمازح ويتحاور مع أصغر الحفيدات   في عائلتهم مريم و ولاء ..
ذُهل لبساطتهن وتواضعهن وكأنهن قدمن من زمنٍ بعيدٍ، فهو زوج أبناءه وبناته وحضر زواج أبناء إخوته ولم يرى من النساء من طلبت مثلهن !!
فأردف : شوفو ياخالو ، الرزق ل اللٰه وهبني ياه و تجارتي  لكبيرة كنت بمبدأ أنو الفرصة مابتتعوض ولما نستغلا
وهلأ بعرض عليكم شي عرضتو من بناتي
اطلبوا أي شي يخطر عبالكم هدية لعرسكن:
ذهب، سفر لوين مابدك و لأخر الدنيا..✈️
أي شي بدكم ياه..

مريم ممازحة: أكبر أمنيتي بعزم القائد والسيد حسن للعرس😂

الخال:له طلع طلبكن خيالي🤣

ولاء: ولو شو طلبنا تحرير فلسـ.ـطين

الخال بعد ثواني من الضحك😅:
ياعمي ماتطلبو بس قولولي عن أمنياتكن

مريم: إنتَ خالو مش عمو😜😂

الخال: وإنتِ مهضومة مش مريومة🤣

ضحك ثلاثتهن ثم ماعاد الخال يطرح سؤاله يرتجي منهم الإجابة من دون مزاح

فأجابته ولاء: الصراحة ياخالو نحنا أكبر أمنياتنا أنال رضا مولانا صاحب الزمان، ويكون عرسنا مبارك بفوت السرور عقلب مولاتنا فاطمة الزهراء سلام الله عليها 🌸
وعنجد هيك أمنيتنا و معم نتواضع
وإذا طالبين منك شي هو تدعينا بالإخلاص لنال مُنانا

🎞⏳🎞

•عندما عَلم الخال أنَّ مُنى بنات أختيها الإقتداء بالسيدة فاطمة سلام الله عليها قررا يفاجؤهما بما يفرحُ قلبيهما❤️
فقبل ثلاثة أيام من العرس وفي الصباح الباكر🌅☀️
رأيتُ مريم تُمدد عضلاتها بوهنٍ وتتثاوب🥱..
فهذا ليس موعدُ نهوضها لكن الضجيج الذي يصعدُ من الحديقة يثيرها للنهوض..
وما إن اقتربت للنافذة وفتحتها حتى رأت تجمع العائلة مع خالها وعجليّن🐂🐂
فركت عينيها متعجبة، وأعادت  النظر للمرة الثانية
ومعها على نداء أمها : يلا بسرعة بكفي نوم وكسل في ورانا شغل كثيير

ولم تجب حتى أضافت خالتها أم محسن: اي يلا متل ماقالت إمك وبسرعة روحي فيقي ولاء ، دلع لسنين رح يطلع فيكن اليوم

مريم يتعجب: ليش

أم محسن: ماخالك حب يحقق حلمكن فحنذبح العجلين ونتصدق باللحمِ للجيران و المتعففين
ومن تشوفو الشغل والتعب الحقيقي😅

صعدت مريم إلى ولاء فوجدتها نائمة والبسمة على وجهها..
فأردفت : شكلو حلمك رح يطلع كابوس يارفيقتي من شغل لناطرنا اليوم😅
فحملت مسبحة كانت فوق مكتب ولاء..
و وضعت الخيُوط الرقيقة التي فيها على أنفها تدغدغها
( أحسن طريقة فيك تفيق فيها حدا هي بخيوط المسبحة، حولو تجربوها وشوفو الشعور كيف🙃🤭)
تعكر وجه ولاء وسرعان ماوضعت يدها تضربُ أنفها.
وماإن فتحت عينها حتى رمت بقطراتٍ من الماء متبقية في الكأس وأردفت:
لك ياأختي بكرا حتعيشي مع علي وجربي تفيقيه هيك وشوفي فنون الرد، شو ذنبي أنا لأحمل جنونك

مريم: ما مستحيل فيقو هيك، هو من دون ولاشي  بفيق مفزوع😅
تخيلي إعملا معو ....والله لصير من عداد الجرحى و المعوقين🤣🤣

ولاء😂😂😂

ثم أخبرت مريم وولاء بمفاجأة خالهاوأردفت: وهلأ خليني أتصل بعلي ليجي يساعد وأنتِ تصلي بهادي
ولنخبر الصبايا كمان

ولاء: يعني مافي إستراحة اليوم🙁

مريم : مافيش يلا😅

🎞🎞🎞🎥🎥🎥🎞🎞🎞

إجتمع الشباب" هادي، علي، أحمد، محسن" وحتى "إحسان" الذي بادر سريعا في المساعدة عندما قرأ رسالة أحمد في مجموعتهم الخاصة في الوتساب📲
ومعهم أبو مريم وأبو محسن والخال الذي كان خبيرا في كيفية الذبح
ومع تلاحُمهم وتعاونهم وأجواء المرح التي بينهم لم يتعبوا بقدرِ ماتصوروا لاسيما وأن حجم كل عجلٍ كبير..

بينما النساء والأمهات إنهمكوا بشغل البيتِ الكبير🤯🤯
وعندما كانت تجلس إحدى الفتيات لتستريح قليلا كانت تردف الجدة: ليوم واحد ومجتمعين سوا مش قدرانين
جيل أخر زمان، كيف حتتملو مسؤلية الزواج والشغبدل لحالكن
لاسيما أنتِ وأنتِ(تقصد مريم و ولاء) ببلاد برا
فكانت تجيب ولاء: لي ياستي حنذبح كل يوم، بعدين مسؤلية الزواج بس شغل البيت

ولتغيظ أم محسن إبنتها قربت لها (البطن أو الكرشة أو الدوارة🤣) لصراحة لاأدري ماإسمها أعلمُ فقط أن رائحتها عكسُ منعشة وزكية🤭
وأخبرتها أنها يجب أن تغسلها مع مريم
ولاء كانت تقول : لا مستحيل
وأردفت في سرها ( ياربي دخيلك)
و لحسن حظهما انقلبت معدة نور  من الرائحة حيث كانت تحملُ في أحشائها طفلها ولا ربما طفلتها 
ومعها تحججت الفتاتان بصعوبة المهمة..

🌌🌌🕊️🕊️🕊️🪔🌌🌌🕊️🕊️🕊️🪔🌌🌌

إنها ليّلة العشق، ليلة 15 من شعبان ليّلة ولد  المخّلِص في هذه الليّلة التي تلت ليله القدر من الفضل...✨
تتزين ملائكه السماء
في مشهد رهيبٍ من القداسة ،لا اظنها تتوقف للحظةو هي تكتب في سجل الاعمال حسنات العاشقين.
وهي تحمل أدعية ورجاء الداعين🤲🏼
تسمع مناجاة الوالهين وتراتليهم لإمام الزمان عجل اللٰه تعالى فرجه الشريف 🌹

هذه الليلة كانت مميزة جدا لأبطال روايتنا..

• فمن جهة هي أخر ليلة لهم قبل الإرتباط وكم يُرجى من اللٰه الدعاء للتوفيق في مشروعه المقدسِ المبارك...

•ومن جهةٍ أخرى هي ليلة  يبلغ العشقُ والذوبان أشده في المناجاة الشعبانية
" هبلي كمال الإنقطاع إليك...
حتىٰ تخرف أبصار القلوبِ حُجُب النورِ
وتصير أرواحنا معلقةً بعزِ قُدسك "

فبعد أن جهز  الشباب بيت الجدة الكبير وزينوا  الساحة بأضواء و ورود متناسقة مع بعض الكراسي والطاولات لكي يجلس الرجال..
أما داخل المنزل فمخصص للنساء التي خُصصن لهن  الصالون الكبير وما جاوره من غرف ، التي زُينت بورود وبالونات مختلفة الأشكال والألوان تجهيزاً ليوم غد
🎉🎊🎀🎈🌼🌸🪷🎉🎀🎈
وضعت الفتيات اللحم داخل أكياس مخصصة، ومعه جهزن أكياس لبعض الحلويات وبطاقة كُتب فيها
" مبارك عليكم مولد الإمام المهدي 🎀"
لاتنسوه من الدعاء بالحفظ والسلامة وتعجيل الفرج
ومعها إختر رقم من 1 إلى 5 واقلب الصفحة
ومايلي الصفحة عمل عبادي إهداءً
للإمام، أو ترك عمل كالغيبة أو الكذب من أجل الإمام...

لا تستطيع حروفي ولا أدري ماالكلمات التي أصفُ بها شعور السعادة وفرحة هؤلاء الشباب  نساءًا ورجال وهم يقمون بهذا العمل  لإفراح قلب إمامهم...
والفرحة الأكبر كانت من نصيب من عرسهم اليوم الذي يليه🌸

🎞🎞⏳⏳🎞🎞

بعد أن عاد كل واحد إلى بيته بعد الدعاء والتضرع للٰه في هذه الليلة المباركة..
وبينهم هادي تفاجأ بالإتصال خطيبته📲

يتبع...

@tahira_50_313

   ᯽~⊰᯽⊱┈──╌•╌──┈⊰᯽⊱~


✍🏻م .طــــاه‍ـــــرة♡~
✍🏻"أمن المتوكلون"♡~
            
               ᯽~⊰᯽⊱┈──╌•╌──┈⊰᯽⊱~

و كأنّهُ روحي 🕊️

❄️الـقـسـ¹ـم❄️

👵🏻 : شوف بنتك بضلها نايمة يا حاج ما بيمشي الحال معي هيك أني

👴🏻: تركيها طيب شو في وراها لاحقة تبلش جامعة

👵🏻: صارت ع وج خطبة مين بدو يطلّع فيها اذا هيك بتعمل ، تقوم تشوف العالم شوي

👴🏻: ييي علينا ياا حجةة

علي : خير شو فيه ؟

👵🏻: علي طلاع فيّق إختك لو سمحت و قلها تحكيش معي اليوم

علي : لا طولي بالك ، ههههه بدنا نروق ، يلا رح فيقها


صعد علي لغرفة أخته ، و بيده كوب الماء :

كوثر : أحححح علي شو اشبككك

علي : بدّيش بِح قلبي لتفيقي ، عيب عليكي رح يأذن الظهر صار و انتِ بعدك نايمة

كوثر : هوهوو كل يوم نفس الدباجة

علي : الشاطرة لازم اكثر اشي وقت صلاة الظهر تكون مخلصة شغل البيت ، فزّي و صالحي إمك بداش تحكي معك

عندها جلست كوثر على السرير و فركت عيناها :

كوثر : ليششش ؟؟

علي : لأنك خمخومة ، ما بيمشي الحال معها هيك

كوثر : يااا الله

علي : دخيل إسمو ، يلا قومي

كوثر : ايييه يلا

علي : لشافعلك انو شكلك طيوب .. لو ما هيك يا اختي

كوثر : الحمدلله على نعمة الطياب

👵🏻👴🏻 : خلصتو سوالف ؟

علي و كوثر : ايه ايه

👵🏻: ايه يلا لكين


أثناء تناول الفطور :

👴🏻 : بتعرفو مين جايي اليوم ؟

علي : ع أساس لا كلام على الطعام

👵🏻: سكوت خلي بيك يحكي

👴🏻: انت بتعرف انو رفيق عمرك و حبيب قلبك هادي ابن عمك حسن ، متزوج ع جديد و مستقر بلبنان ، و أهلو من زمان مسافرين انتو ما بتعرفوهن ، فبكرا جايين

كوثر : سؤال ليش عمي حسن عايش برا انو ليش ما عرفنا ع ولادو ؟ و هادي ليش ما سافر مع أهلو ؟

👵🏻: عمك صحلو من شي عشرين سنة شغل برا ، كان هادي عمرو شي ٦ سنين ، و مرت عمك حامل باول شهر ، ساقبت سافرو و تحسنت احوالو و استقرو برا

👴🏻: و لما هادي تعرف على خيك علي من الفيديو كول بين الأمهات، و كان صاير عمرو شي ٨ سنين.. كفي يا علي

علي : قنعتو يفوت بالكشاف معي عشان ما يخرب بالغربة ، و ساقبت بيي حكى عمي و قلو انو بيبقى معنا ، كنتيش خلقانة انتِ كانت أمي حامل كمان، فرجع هادي و دخلنا بالكشاف و تخرجنا عالجبهة سوى دورات و قصص ، و لما خلقتي انتِ و صار عمرك ٩ سنين، كان صاير هوي شي ١٧ او اكثر شوي

👵🏻 : من معاشو اشترى بيت و استقر فيه عشان بحال كبر و تزوج ياخذش بيت اهلو .. و ضلت صحبتو مع علي تزيد ، و اسا أهلو جايين ، امو جابت بنت من جيلك اسا ، بتتعرفي عليها

كوثر : ياااي

👴🏻 : الحلو انو السلفات مثل الاخوات الحمدلله ، و امي متوفية يعني فش جقجقة عالحماية

👵🏻: هههه الله يسامحك يا بو علي

علي : يلا أني رايح عند الشباب بدنا نساعد هادي بالتجهيزات، وصونا

الجميع : الله معك ..


في منزل حسن (والد هادي و عم علي) :

علي : و شو بدك تسوي بالكِلس اللي بالحنفيات

عماد : انت يا زلمةة اسا انتبهت لهالقصة الواحد من جمعة ببلش فيهن

هادي : اييه شو بعرفني لو ما يخبروني مبارح

علي : بسيطة بتنحل ، اسا بحكي الحاج بيجي بظبط الوضع ماشي

هادي: ماشي ، اني رايح جيب مد بقشطة خليكم

علي : ماشي

عماد : رح دق لهاشم يجي يحرك حالو شوي ، اسمو بحب المد بقشطة

علي : اذا بيجي هاشم بتحلا القعدة

عماد : يلا لدقلو


هاشم : عبنا عطلة مبين عم تدقلي

عماد : عم نصبحك ممنوع ؟

هاشم : تصبحني ؟؟ من أيمتا هالسالفة ، أكيد بدك شي

عماد : 😂 ، المشكلة انك ذكي

هاشم : عم قووول مش ل الله هالتصبيحة

عماد : تعى ع بيت أهلو لهادي نحن هونيك

هاشم : عبِنا بكرا بدن يجو ؟ عزا بتستحوش لزقتو عندن تركوهن يرتاحو

عماد : ولا عم نظبطلن البيت بعدن ما اجو الجماعة

عندها أخذ علي الهاتف من عماد :

علي : خيي بدك تجي ولا لا ؟ هادي راح يجبلك مد بقشطة

هاشم : عشر دقايق بكون عندك

عماد : سبحان لخلاك تصير نشيط ، ناطرينك

في منزل أبو علي :

كوثر : يعني بالليل منروح منشطف البيت ؟

👵🏻 : ايه لكانو خلصو الشباب

كوثر : ايه و يشطفوه هني ماشالله فيهم عزم عالفرك و التعزيل

👵🏻 : سكري تمك يا بنت انجق يلحقو

كوثر : مش لازم فاطمة مرت هادي تساعدنا ؟

👵🏻: المخلوقة مع امها بالمستشفى اشبك بدك ياها تترك امها و تجي تعزل

كوثر : يي نسيت والله ، حرام فطومة بضلها هكلانة هم اهلا من ميل و بيت عمها من ميل

👴🏻: خلصتو حكي ؟

👵🏻: ايه خلصنا

👴🏻: مش رح ابعت حدا يعزل بالليل ، الشباب رح يعزلو اسا، البيت منيح بعدو بس بدو تهواية أكثر و تزبيط للسقف و تغيير حنفيات

👵🏻 : اه والله

👴🏻: ايه ف علي و الشباب رح يعزلو البيت و يشطفوه و ينظفو كل شي

كوثر : بدي دق لهادي وصيه يصورلي علي هوي و عم ينظف الحمام

👵🏻 : ههههه عادة الشماتة بينك و بين خيك ما بتتبطل

كوثر : كيف بيرتاح الواحد الا ليضحك ع اخواتو

👴🏻 : ههههه يلا لكن لروح جيب غدى، و بس يجي علي خلوه يرتاح رح يجي مكرسح أكيد

في منزل الحاج حسن (أبو هادي) :

عماد : ع أساس مد بقشطة ؟ مبين جايب المحل كلو

هادي : ولك لا بس قلت بجيب عصير و بسكوت و شوكولا من الدكانة كمان اسمو بدكم طاقة للتعزيل

هاشم : عذمتي انت بتفهم ، قلت اني مش رح ناكل مد بقشطة عالناشف

عماد : شو قلت حبيبي ؟ تعزيل ؟ مش ع أساس نغير حنفيات و نحكي الزلمة يظبط قصة السقف ؟ مبين صرنا من العمال

هادي : انو ولووو اعتبر حالك بالمركز و عم يعاقبك الحاج منصور

عماد : حبيبي اني حريص شو مثلك

علي : خلص اذا ما بدك، اني باكل حصتك و بشتغل عنك

عماد : لا لا بدي ، بس يعني عم ندردش

هاشم : اممممم قالولييي

عماد : نقطنا بسكوتك انت بدمك الإحراج

هاشم : لك روح تزوج انت و احلا نقطة لنقطك

عماد : مين هذا يا شباب بتعرفوه ؟

هادي : خلصونا 😂 كلو و بلشو شغل لروح دق للزلمة

علي : مش اذا انت صاحب البيت تعمل علينا راس ها ، مناكل ع رواق منسولف و منشتغل

هاشم : ايه و منحط أناشيد ثورية لنتحمس ، تحمستتت

عماد : تحمست ها ، بلا ما قلك بمين ذكرتني

الجميع : 🤣🤣



#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرف بمحتوى القصة ..

يتبع..

و كأنّهُ روحي 🕊️

❄️الـقـسـ²ـم❄️

تناول الشباب طعامهم و من بعده المحلى (المد بقشطة ) بعدها تساعدوا بتعزيل البيت و غسل الأبواب و النوافذ ، و بالطبع لا ننسى الأناشيد الثورية و حرب المياه و الدهان كي تصبح الأعمال اجمل 😁

هاشم (بعد أن ملأ عماد بالدهان) : عماد ع علمي قلبك أبيض مش ثيابك و شعرك 😆

عندها حمل عماد دلو الدهان و أفرغه على رأس هاشم :

عماد : ولك شو مبين شايب عبكير

هاشم : شايب ولا زومبي ، شايب قال

عماد : أقل شي ثيابك بينلبسو بعدهم

هادي : الله لا يعطيكم العافية شو عاملين ببعض

عماد : في ماي صخنة 😁 ؟

هاشم : و شامبو جونسون للاطفال عشان عماد بدو يتحمم

عماد : سمالله عليك على أساس وجهك بوِج وَج

هاشم : هههه ايه ، أبيض شق اللفت

علي : شو ها 😂، نقزت فكرت رجعنا ألف سنة لورا

عماد : هلأد مبينين وحوش

هادي : ديناصور آكل اللحوم

هاشم : ارتعبت يا علييي ، وين رجولتك يا خالتي

علي : تدقش بالرجولة لو سمحت

هادي : هههههههه ، هاشم خليك بالمد بقشطة بكون أحسن

هاشم : خليت قطعتين لأمي و اختي

عماد : ع أساس عندك اخت انت يا فناص

هادي : و أمك مش على بنا بالعراق

هاشم : خلص خزنت لوقت الضرورة ييه

عماد : عم قول ليش ما سأل عن ماي صخنة ليتحمم ، تاريه مخزن

هاشم : حبيبي حدا بخزن أكل بثيابو ؟ بدك ياني قمّل

عماد : ليش مخزن بشعراتك لتقمل ؟

علي : يلا تحممو ما فيكن تشطفو بهالمنظر بتوسخو الأرض، الماي اذا شافتكم بتنشف على هالمناظر

هادي : ايه و الحشا ..


بعد ساعات و ساعات ، حلّ منتصف الليل ، أنهى الأصدقاء عملهم و تمددوا على المقاعد في الحديقة :

هاشم : حلمت انو نسينا ننظف الحديقة قلولي لا عليك يا عزيزي إنه مجرد حلم 😩

عماد : لا عليك يا عزيزي إنه ليس حلم

هادي : لأنك لم تغفو يا عزيزي

هاشم : آخ يا عزيزي

علي : خلص اني و هادي منظف الحديقة بداش شي

وقف هاشم وقفة الصمود

هاشم : لاا ، عملنا خير منكملو للأخير ، ولا لا يا عماد ؟

عماد : لا

هاشم : طول عمرك نكد انت

عماد : عم بمزح أكيد بنظف معكم بس حبيت افنسك بالأول

هاشم : قلبي تعود عليك بس عقلي كل مرة بقلي البطو لرفيقك صار بدو لأن ..

عماد : ايه يلا يلا ، خلونا ننظف الجنينة و نقعد عاد 😂


بعد الانتهاء من أعمال التنظيف و تصليح السقف و الحنفيات ، عاد علي لمنزله عند الفجر بالكاد يرى أمامه من شدة التعب و النعس ، لا أخفي عنكم ، إنه شعور جميل ، النوم بعد تعب عميق فعلًا شعور رائع ، خاصة عندما تذبل العيون من الثقل و التعب ، و عندما يكون الجسد منهك و يشعر صاحبه بأنه خزّان ثقيل ، فيرمي بنفسه كالقتيل على فراشه
لكن علي مجرد أن وصل لغرفته و تمدد على سريره ، دخلت أخته من النافذة :

علي : كوثر ليش فايقة

كوثر : ليش تأخرت غلي قلبي

أجابها علي بلسانه الثقيل المنهك:

علي : بكاا منحيي (بكرا منحكي)

كوثر : ها ؟ .. علي ؟ .. شو قلت ؟ غفل خيي علي ، حرام شو تعبان يا عمري اني

بقيت كوثر حتى طلوع الشمس، دلّكت أقدام شقيقها و أكتافه كي يصحى بصحة جيدة في اليوم التالي..


و بالفعل في اليوم التالي :

👵🏻: علي نايم لأنو حقو ، هلك مبارح انهد حيلو ، بس كوثر شو منيمها لإسا

👴🏻 : يا ام علي بدك تضلي طالعيتلا بالسحبة لكوثر ، سهرت و نطرت خيها بتعرفيش انها كثير متعلقة بعلي و بتخاف عليه

👵🏻 : يدلي سهرت كل الليل ، لفوت شوفها

دخلت لغرفه كوثر ، شاهدت عيناها الحمراوتين و وجهها المتعب ، فعلمت انها لم تنام الا لوجه الصباح ، لمست رأسها و شعرت بحرارته

👵🏻 : يا الله عليها حرارة و الدوا خالص ، لروح فيق علي

👴🏻 : شو علوش ليش فايق ، ان شاء الله مرتاح ؟

علي : ايه والله فقت مرتاح كنت حاسب حساب تعضيل او شي ، بس لا الحمدلله

👴🏻 : ايه لأنو اختك كوثر سهرت عليك كل الوقت تدلّك فيك انت و نايم

علي : والله ؟؟ شو عرفك

👴🏻: مرقت لاتوضى و شفتها

علي : يا الله يا كوثر شو حنونة

👵🏻: علي حبيبي ، كوثر طالعة حرارتها ، الله بعينك جيب الدوا من الصيدلية اذا مش تعبان

علي : حتى لو تعبان رح جيبو مانها تعبت من ورايي ، يا الله يا كوثر تعذبتي عشاني

👵🏻: بسيطة يا امي الاخوة لبعض

👴🏻: بكونو بيت عمك وصلوا كمان ، خلينا نروح سوا ، منستقبلهم بأول الضيعة

علي : يلا تفضل

ذهب الأب و ابنه ، استقبلا عائلة أبو هادي في أول القرية ، كان الحاج حسن (أبو هادي) و الحاجة زينب (أم هادي) و معهما ابنتهما رُقيّة ، التي تبلغ من العمر عشرون عامًا ، ناعمة الشكل ، محتشمة اللباس ، حافظ أهلها على دينها و أخلاقها رغم الفسوق في الغربة .. محترمة و شديدة الجمال ..

👴🏻 : والله و نورت لبنان يا خيي

أبو هادي : حبيب القلب يا خيي والله كبران

عانق الأخان بعضهما عناقًا حارًا و طويلًا .. فضفضا فيه عن شوقهما و حزنهما لفراق بعضهما .. كما و سلم علي على عائلة عمه

أبو هادي : كبران ولا علي كنت بعرفك ابن خمس ست سنين ، أديش صار عمرك

علي : ههههه ، من جيل إبنك هادي أني

أم هادي : سمالله سمالله ، العمر ما أسرعو

علي : تفضلوا تفضلوا يا جماعة

👴🏻 : ماشالله بنتك مثل القمر ، شو اسمك يا عمي ؟

رُقيّة : اسمي رُقيّة ☺️

👴🏻: حبيبتي شو ناعمة ، شايفة الغربة يا عمي حرمتنا نتعرف عليكي و نلعبك قبل ما تكبري

رُقيّة : بسيطة يا عمو هلأ بفرجيك على صورتي أني و صغيرة

الجميع : 😂😂

ذهب الجميع للمنزل ، ترك علي و والده العائلة ليرتاحوا قليلًا و يشبعوا من هادي

هادي : والله زماان يا حاج 🫂

أبو هادي : حبيب القلب أبو حسن 🫂 والله اشتقتلك كثير

أم هادي : تعى لقلبي يا امي 😞

هادي : هيك ، ما بتجو ولا زيارة على لبنان ، هيك بتخلوني اشتقلكم ، و ما شوفكم الا فيديو كول

أم هادي : شو بدنا نسوي يا امي الحياة جبرتنا

هادي : ولي رُقيّة تعي لهون كبرانة يا فصعونة والله مشتقلِك

رُقيّة : و اني مشتاقيتلك لدرجة خيفانة حط ايدي بإيدك و سلم عليك

أم هادي : هههه مستغربيتك لأنها ، بتعرفك بس لما كان عمرها شي سنتين كنت انت صغير كمان

رُقيّة : كل ما اجي بدي حكيه فيديو كول بقوم بيتشغل ، بحكي معو بس صوت كنت ، شو هالابن لعندك مثل خزان الماي المفخوت بضل يشتغل

هادي : صايرة لغتك طليقة يا بنت ، بتعرفي تحكي ما اشبك شي

أبو هادي : مخففين عنا عبق تنظيف البيت، مين منظفو معك

هادي : علي و عماد و هاشم رفقاتي

أبو هادي : الله يسلم دياتكم ، يلا هادي لكن منرتاح و بكرا بتاخذ اختك بتبرمها شوي بالضيعة بتعرفها عالبلد ماشي

هادي : ماشي ، ارتاحو اسا لروح جيب فاطمة تساعدكم اذا بدكم شي

أم هادي : جيبها لنتعرف عليها مش لتساعدنا ، و بركي بكرا بتجي أم علي والله مشتاقة لشوفتها دخيل قلبها شو بحبها

هادي : ههههه ، يلا ماشي ، ارتاحوا انتو ، ركبنا تخوتة جوا مبارح ، فوتو ناموا شوي


#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرف بمحتوى القصة ..

يتبع ..

و كأنّهُ روحي 🕊️


❄️الـقـسـ³ـم❄️

هادي : ولي رُقيّة تعي لهون كبرانة يا فصعونة والله مشتقلِك

رُقيّة : و اني مشتاقيتلك لدرجة خيفانة حط ايدي بإيدك و سلم عليك

أم هادي : هههه مستغربيتك لأنها ، بتعرفك بس لما كان عمرها شي سنتين كنت انت صغير كمان

رُقيّة : كل ما اجي بدي حكيه فيديو كول بقوم بيتشغل ، بحكي معو بس صوت كنت ، شو هالابن لعندك مثل خزان الماي المفخوت بضل يشتغل

هادي : صايرة لغتك طليقة يا بنت ، بتعرفي تحكي ما اشبك شي

أبو هادي : مخففين عنا عبق تنظيف البيت، مين منظفو معك

هادي : علي و عماد و هاشم رفقاتي

أبو هادي : الله يسلم دياتكم ، يلا هادي لكن منرتاح و بكرا بتاخذ اختك بتبرمها شوي بالضيعة بتعرفها عالبلد ماشي

هادي : ماشي ، ارتاحو اسا لروح جيب فاطمة تساعدكم اذا بدكم شي

أم هادي : جيبها لنتعرف عليها مش لتساعدنا ، و بركي بكرا بتجي أم علي والله مشتاقة لشوفتها دخيل قلبها شو بحبها

هادي : ههههه ، يلا ماشي ، ارتاحوا انتو ، ركبنا تخوتة جوا مبارح ، فوتو ناموا شوي


في اليوم التالي ذهب علي لإحضار الدواء لكوثر لأنه انشغل و نسي أن يحضره من الصيدلية ، و ذهب أبو علي للفرن ، أحضر معه طعام الفطور 🫓🥖 ، ثم اتجه و زوجته لمنزل شقيقه أبا هادي ، و بقيت كوثر في المنزل بداعي التعب و المرض🦠💊


أبو هادي : والله نورت 🫂

👴🏻: حبيب القلب 🫂

أم هادي : يا أهلا و سهلااا والله زمان يا أم علي 😢

👵🏻 : هيك يا أم هادي 🥺

رُقيّة : أهلا و سهلا عمو تفضلوا

👵🏻: ماشالله شو حلوة حبيبة قلبي اللهم صلّ على محمد و آل محمد

رُقيّة : ☺️

أم هادي : شو وينها بنتك كوثر ما عرفتينا عليها

👵🏻: والله كانت بدها تجي بس ما خليتها مريضة و عليها حرارة بديش تضربها الشمس

أبو هادي : سلامة قلبها الف سلامة يا رب ، لكن أكيد علي راح يجبلا الدوا

👴🏻: ايه شو عرفك

أبو هادي : مبارح سهرنا مع هادي كل الليل حكالنا عنكم كثير و شرحلي شخصية علي كيف بالظبط فخمّنت انو ح يجبلا الدوا

👵🏻: يا منيلي سهرانين كل الليل لكن مجوتنا كانت مش بوقتها يا بو علي

أم هادي : بعدك بهالعادة يا ام علي ، سكتي سكتي بلا كثرة حكي

👵🏻: لفيه عادة أبغيّرهاش يا ام هادي ولوو حارتنا ضيقة و منعرف بعض

👴🏻: شو لوين راحت الأمورة

أبو هادي : موعودة تروح مع خيها يفرجيها عالضيعة ، رح قلو يرجع يوصلها على بيتك تطل ع كوثر و تتعرف عليها

👴🏻👵🏻: يلا خير ما عملت

👵🏻: لنقوم نبلش بالترويقة قومي يم هادي

أم هادي : يلا هوه ، توكلنا ع الله


كان هادي قد قام بفتلة مع اخته رُقيّة في قريتهم (مجدل سلم)
قبل أن يذهب الى عمله في اليوم التالي في بلدة ( مركبا )

المهم ، عرّفها على القرية و ما فيها ، بعد ذلك رن هاتفه :


هادي : ايه فاطمة

فاطِمة : هادي الله يوفقك أمي طالبة تشوفك شكلها عم تودع😭

هادي : يا الله !! لا حول ولا قوة الا بالله

فاطِمة : عجل لتلحق تشوفك و تحكي معك

هادي : يلا يلا

هادي : تروحي معي عالمستسفى ؟

رُقيّة : دخيلك اني بخاف من المستشفى بصير ارجف اذا رحت و شفتا

هادي : طيب ليكي ، خالتك أم حسين دكانتها هون ، أمينة و منعرفها منيح ، اقعدي عندها مضطر روح و فش وقت لوصلك عالبيت

رُقيّة : ماشي حبيبي تهكلش الهم ..


هادي : خالتو ام حسين هذي اختي تعرفي عليها اني رايح مشوار مهم يلا باي

أم حسين : هلا و غلا والله ، اني مفكرة هادي وحيد ، حكيلي انتِ وين كنتِ عايشة أيمتا خلقتي

رُقيّة : ههههه ، يلا اسا بحكيلك و بتعرفي كل شي

كانت تلك الدكان ، مواجهة للصيدلية (لنفترض ذلك في خيالنا) ✨


عندها ، وصل شاب للدكان يظهر عليه أنه صاحب مشاكل .. يُدعى لؤي


__ اعطيني ربطة خبز

أم حسين : ايه يا ابني تفضل

__ شكرًا

أم حسين : حقها 50 الف

__ كلها ربطة خبز بدك حقها كمان ، لو شي محرز بقول الواحد ، العما وين صرنا

أم حسين : كل شي الو حقو ، ما بدك تدفع رجعها و الله معك

__ والله يا حجة الخبزات صارو بإيدي ، لا مصاري رح اعطيكي ، ولا رح رجعها ، عن اذنك غود باي

رُقيّة : لحظة شوي ، انت بتقدر تعطي شغلة من رزقك لحدا بلا ما تاخذ حقها ؟؟ بتقدر؟

__ أكيد لا

رُقيّة : فإذًا تفضل ادفع حقها و الله معك ، و لعلمك حقها 60 بس الحجة نزلتلك فيها

__ و انتِ شو الك علاقة يا بنت ؟

رُقيّة : ليك ، اذا جايي تكبر راس ع الحجة ما تفكر انو مش رح يجي مين يكسر راسك

__ اسا انتِ بدك تكسري راسي ؟ روحي روحي ، ترفعيش راسك ادامي عم تفهمي

رُقيّة : و اذا رفعتو ؟

عندها وصل علي للصيدلية بعد أن ذهب و سلم على هاشم ، شاهد تجمع حول دكان أم حسين فتدخل ليرى ما القصة :

علي : شو عم بصير هون

أم حسين : هوه اجا علي ، خلص روقي شو بدك فيه

رُقيّة : مش شايفيتو كيف عم يقلل احترام !!

صعق علي عندما شاهد ابنة عمه هي صاحبة العلاقة في المشكل :


علي : انتِ شو عم تعملي هون ؟

رُقيّة : ناطرة خيي هادي

علي : لوين آخذك هادي ؟

رُقيّة : ع بيتكم لطل ع كوثر !!

علي : ايه شرفي ، أني بوصلك

رُقيّة : لا ما بأثر ، بس يجي هادي بياخذني

علي : يعني حلوة قعدتك هون !!!! خلصينا طلعي بالسيارة مش غريب اني ، رح وصلك بلا ما تقعدي بالشمس

رُقيّة : ما بأثر، و لو سمحت ما بقى تحقق معي يا علي

احتدّت عينا علي

علي : رُقيّة ، ما تخليني عصب ، عم قلك طلعي أني بوصلِك

عندها قلبت عيناها ، ثم صعدت السيارة :

علي : ممكن افهم ليش علقتي معو للشب ؟

رُقيّة : قلل احترام مع الحجة ، بسكتلو ؟

علي : ما تدخلي مرة ثانية ، لأنو هذا الانسان قليل أخلاق ، منيح ما سمّعك شي كلمة مش لازم تسمعيها

رُقيّة : يسمّع الحجة أحسن يعني

علي : لا حول ولا قوة الا بالله ، خلص مرة ثانية ما بتدخلي لو سمحتِ و نحن منحطلو حد ، و ماعش بدي شوفك قاعدة على ميلة الشارع ، بتقعدي جوا ، هون العالم بتحكي

رُقيّة : بس انا ما غلطت بشي ، و اللي بيغلط ادامي ما بسكتلو اهلي هيك علموني

عندها أوقف علي السيارة و نظر اليها بغضب :

علي : هون غير برا !! خذيها قاعدة بحياتك ، و اللي بقلك عليه بدو يتنفّذ

رُقيّة : بصفتك ؟

رفع علي صوته قليلًا :

علي : ابن عمك و أكبر منك و أعرف منك بالمنطقة و الناس ، و اللي بقلك عليه بتعمليه !


شعرت رُقيّة أنها خافت منه ، لذلك التزمت الصمت و كتمت غيظها ، أوصلها علي لمنزلهم ثم ذهب لمنزل عمه أبو هادي الذي دعاه الى هناك


رُقيّة : سلام عليكم ، خيك علي بعتلك الدوا

كوثر : وعليكم السلام ، ايه قلي ، انتِ رُقيّة ؟

رُقيّة : ايه صح

كوثر : حبيبتي أهلا و سهلا ، تفضلي

رُقيّة : شو صاير معك سلامة قلبك

كوثر : الله يسلمك يا رب ، والله حرارة و إنحطاط و وجع راس و هيك

رُقيّة : من هالأخ لعندك أقل شي تطلع حرارتك

كوثر : قلتي شي ؟

رُقيّة : آاام ، وين المطبخ ؟

كوثر : جوا هونيك عاليمين ، ليش؟

رُقيّة : رح أعملك خلطة صغيرة و حطن بفنجان القهوة ، رح تصحي بس تشربيها

كوثر : شو هيي ؟

رُقيّة : شوية حامض مع رشة ملح ، بعبو ربع الفنجان ، بتشربيهن و بتصحي ، هيك كنا نعمل نحن

كوثر : حلوو يلا لكين اعمليلي



#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرف بمحتوى القصة ..

يتبع ..

و كأنّهُ روحي 🕊️

❄️الـقـسـ⁴ـم❄️

رُقيّة : شو صاير معك سلامة قلبك

كوثر : الله يسلمك يا رب ، والله حرارة و إنحطاط و وجع راس و هيك

رُقيّة : من هالأخ لعندك أقل شي تطلع حرارتك

كوثر : قلتي شي ؟

رُقيّة : آاممم ، وين المطبخ ؟

كوثر : جوا هونيك عاليمين ، ليش؟

رُقيّة : رح أعملك خلطة صغيرة و حطن بفنجان القهوة ، رح تصحي بس تشربيها

كوثر : شو هيي ؟

رُقيّة : شوية حامض مع رشة ملح ، بعبو ربع الفنجان ، بتشربيهن و بتصحي ، هيك كنا نعمل نحن

كوثر : حلوو يلا لكين اعمليلي

رُقيّة : يلا هوه ..


في منزل أبو هادي :

👴🏻: بكيرر

أبو هادي : خلصنا ترويقة يزلمة

علي : والله انشغلت بشي

أم هادي : لشاغل بالك يتهنى والله

علي : الله يهنيها لكين

👵🏻 : يهنيها ؟؟

👴🏻: مين هيي هذي ؟

علي : رُقيّة بنت عمي حسن

أبو هادي : اشبها رُقيّة ؟ ليش شاغلة بالك

علي : كانت ممشكليتها مع لؤي بالدكانة ، لا و قاعدة مع ام حسين على ميلة الشارع ، وصلتا عالبيت و فهمتها ما عاد تدخل بشي ولا تقعد هونيك

أم هادي : يه ، ما هيي راحت مع هادي كِفتى لحالها بالدكانة

أبو هادي : رُقيّة مثل خيها هادي ، ما فيها تسكت عالغلط ، أكيد انت عصبت يا علي

نظر علي للأرض ثم نظر لعمه نظرة شبه حادة :

علي : لما شوف بنت عيلتي عم تدخل بهيك أمور اجباري عصب ! لأنو اذا سِمعت شي كلمة مش لازم تسمعها ساعتا رح يصير شي كثير مش منيح !!

👴🏻: خلص يا علي

أم هادي : لا ليش خلص ؟ معو حق ، رُقيّة بعدها ما بتعرف العادات هون بلبنان و بالجنوب خاصة ، و اني انبسطت بس علمها علي ، معليش

أبو هادي : ايه صحيح ، و اني حبيت غيرتك يا علي ، بتضلها بنت عمو بالنهاية

علي : يلا شو بدكم تحلّونا بمناسبة مجوتكم ع لبنان ؟

أم هادي : بعرفك بتحب المد بقشطة ، هيك قلي هادي

علي : سمالله هادي مش ناسي شي مش حاكيلكم اياه ، ايه والله رفيقنا هاشم عدانا صرنا كلنا نحب المد بقشطة

👴🏻: ههههه عسلامتو هاشم مهضوم

👵🏻: ايه والله اني شايفيتو مرتين بس و حبيتو

👴🏻: شوو ام علي ، حبيتيه قلتيلي

أبو هادي : اووه اشتغل شرش الغيرة

👴🏻: ههههه عم نمزح ، يلا قومو صار لازم نرجع عالبيت

أم هادي : ويين قاعدين

👵🏻: ان شاء الله الأيام جاية


عاد أبا علي و عائلته لمنزلهم ، و تفاجأوا بما شاهدو ، الكراسي و الطاولات الخاصة بغرفة الطعام أصحبوا في الحديقة ، و مقاعد الحديقة وُضعت قرب المسبح

علي : شو ها ، ليش عاملين هيك

👵🏻: عجبني الديكور ، لنشوف شو عاملين جوا

علي : كيف يعني عجبك ؟ بس يجو رفقاتي وين بقعدن ؟ مستحيل خليهن يقعدوا هون بوج الباب

👴🏻: لوقتها منزحلك هني شوي


دخلو للمنزل ، فوجدوا غرفة الجلوس أصبح نصفها في المطبخ ، و نصفها الآخر وزّع بشكل جميل في المكان
و الأرض شُطفت و لمّعت تلميع

علي : لا حول ولا قوة الا بالله شو عاملين بالبيت

كوثر : أهليين اجيتوو

👴🏻: شو يا كوثر صحّيتي؟

كوثر : اييه عملتلي رُقيّة خلطة بالحامض دغري مشي حالي

علي : كنت بلا ما اطرق مشوار و جيب الدوا

كوثر : سمعتك أني

👴🏻: آاام شو كوثر شو مسويين

👵🏻: والله برافو عجبني الديكور الجديد

كوثر : أفكار رُقيّة و تنفيذنا 😌

علي : يا عيني ، كملت اذا هيك

رُقيّة : عفوًا ؟؟

علي : ولا شي ، يلا أني رح فل

كوثر : لحظة يا علي ، حبيبي بطريقك وصّل رُقيّة عالبيت لأن بدا تساعد أمها دقتلا و قالتلا جاييهن ضيوف

علي : 🙄 ماشي ، تفضلي

رُقيّة : فش مشكلة بروح مشي

علي : ع أساس بتعرفي الطريق يعني ، خلص أني بوصلك

رُقيّة : مماااشي 🙄

صعدت رُقيّة بسيارة علي مرة أخرى و أبقت النافذة مغلقة ، عندها اقترب علي من بوابته و أسند يده على النافذة و أنزل رأسه و قال :

علي : ليش مسكرة الشباك ؟

رُقيّة : بلشت تصقع الدنيا

علي : طيب ، انطريني شوي بس بدي غسل وجي و شعراتي... مشوّب


أحسّت رُقيّة أن علي تقصّد الحديث عن الحَر و الشوب ليجاكرها و يخبرها أنها (دلوعة)


رُقيّة : خوذ وقتك 😒

ذهب علي و أخذ كلّ وقته فعلًا ، بقي حوالي الأربعين دقيقة ، غسل شعره بالماء و الشامبو (بالجنوبي بقولو قرص راسو أو حمّم شعرو)
ثم بدّل ملابسه و سرّح شعره ثم وضع العطر و ذهب للخارج و صعد بالسيارة

علي : تأخرت ؟

رُقيّة : لا أبدًا بس كنت رح نام هون

علي : ايه معليش انشغلت

رُقيّة : اففف ، ليش مثقّل ريحة هلأد ، دوختني

علي : ايه منيح افتحي الشباك

رُقيّة : بشو زاعجك هالشباك بدي افهم ؟؟

علي : مش زاعجني عادي رواق

رُقيّة : اففف يا ويليي هلأد لبدو يطس يا علي


شغّلت رُقيّة المكيّف فأطفأه علي ، ثم شغّلته فأطفأه ..

رُقيّة : انو ليشش

علي : بيزعجني المكيّف ، دوخانة افتحي الشباك

رُقيّة : والله لو شو ما تسوّي مش فاتحيتو للشباك

علي : حلو ، تمام

عندها أخذ قنينة العطر و بدأ يرشٍ على ثيابه و في اجواء السيارة ، بقي يرشّ حتى استهلك كل العطر الذي بالزجاجة ، و ليزيد الأمر سوء ، أغلق النافذة التي على جهته

علي : إسمِك رُقيّة و دوري المكيّف

سيطر الدوار عليها ، فما لها إلا أن شغّلته بسرعة و وضعت يدها عليه

علي : شيلي ايدك عنو

رُقيّة : اعذرني مش رح شيلا

علي : تخلينيش عصب

رُقيّة : رح تعصب اجباري عشان ما صار مثل ما بدك

كانت تتكلم و تنظر اليه و كأنه اكثر من علي واحد .. الذي بدأ يشعر بالدوار أيضًا ..
بعد دقيقتين وصلا لمنزل أبو هادي .. نزل علي من السيارة و فتح باب جهة رُقيّة لأنه أحس أنها غير قادرة ..

علي : قادرة تمشي ولا بعيّط لمرت عمي ؟

رُقيّة : بديش منك تخدمني بشي لا تعيط لأمي ولا شي

علي : الواحد بقول شكرًا

رُقيّة : شكرًا


تركها علي و ذهب ، اتصل به هادي و أبلغه أنه سيغيب عن العمل ليوم واحد لأن والدة زوجته توفيت ..

علي : لا حول ولا قوة الا بالله

هادي : خبرت أهلي و رح يدفنوها بكرا ، كلنا على هالطريق

علي : أهم شي تضل حد مرتك انت ، عوّضها

هادي : أكيد بديش توصاية يلا سلام

علي : الله معك


رُقيّة : ألو ؟

كوثر : شو كيف وضعك ؟ دايخة ؟

رُقيّة : سكتي خيك علي دوخلي راسي

كوثر : شفتو بالبيت لما عبى ثيابو ريحة

رُقيّة : مانو عبى السيارة كمان

كوثر : ليش ؟

رُقيّة : عشان جاكرتو و سكرت الشباك

كوثر : ليكي خيي علي بطبيعتو لازم كل شي بدو ياه يصير ، لو شو ما عملتي لازم تسمعي كلمتو ، و الا بحطك براسو

رُقيّة : عفكرة حسيتو عنيد ، و عندو شوفة حال ، بلا ما يقلك " اذا ممكن تفتحي الشباك "
بروح بطس ريحة لتختنقي و تفتحيه

كوثر : ايه يا حبيبتي ما بيتنازل و بيطلب من حدا

رُقيّة : عكل حال بدنا بكرا نتسجل بالجامعة

كوثر : صح دقيتلك لاسألك ايا ساعة بدنا نروح

رُقيّة : مفروض بكير ، أهلي رح يحضروا الدفن و أني وياكي منروح

كوثر : و أهلي كمان رايحين ، لكن منروح بالبوسطة

رُقيّة : تمام



#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرف بمحتوى القصة ..

يتبع ..

و كأنّهُ روحي 🕊️

❄️الـقـسـ⁵ـم❄️

رُقيّة : عكل حال بدنا بكرا نتسجل بالجامعة

كوثر : صح دقيتلك لاسألك ايا ساعة بدنا نروح

رُقيّة : مفروض بكير ، أهلي رح يحضروا الدفن و أني وياكي منروح

كوثر : و أهلي كمان رايحين ، لكن منروح بالبوسطة

رُقيّة : تمام

في اليوم التالي ، ذهب هادي مع والديه و زوجته لمنزل أم فاطمة للقيام بالعزاء ، و ذهب أيضًا أبو علي و أم علي .. فيما ذهب علي للعمل مع أصدقائه ، و البنات للجامعة من أجل التسجيل

هاشم : شو علي جايي ناشف فش بالعادة

عماد : وينو هادي

علي : توفت حماتو

هاشم : اه والله ، أديش ح يعطل

علي : بكرا جايي

هاشم : امم طب سؤال عماد ليش ما بريحنا منو شي يوم

عماد : قاعد على قلبك أني

هاشم : اذا توفت حماتي بيعطوني بس يوم واحد ؟

عماد : خذلك على شو سانن سنانو هذا

علي : انت تزوج و يصير عندك حماية ساعتها بتموتها فقع

هاشم : ليش شو بني عين الله عليي

عماد : ايه بتجيب الجلطة أد مانك حلو

هاشم : ايه انتبه تنجلط

الحاج منصور : شوو هاشم شايفك عم تسولف

هاشم : اييه ماا عم نستقبل علي

الحاج منصور : اهاا لكن تعا لقلك بدي منك تستقبل البديل كمان

هاشم : بكير عالبديل بعدنا اسا اجينا نحن

عماد : بدو ياك تعزل الزلمة شو بدك

الحاج منصور : اممم و الشبابيك بدن غسيل يا عماد

عماد : شو خصني أني

الحاج منصور : لتتعلم تدخل بغيرك

هاشم : 🌝😈

عماد : حسابك يا هاشم

علي بينه و بين نفسه : لروح بلش شغل أحسن ما يلحقني الدور

الحاج منصور : علي لوين رايح ؟

علي : بدي بلش شغل يا حاج

الحاج منصور : الله يعطيك العافية حبيبي

علي : يعافيلي قلبك يا حاج

عماد : شفتلك الحاج جايب معو مد بقشطة ، حاطتن بالبراد

هاشم : احلف

عماد : عزا تدخلش الحلفان بهيك قصص ، روح شوف البراد

هاشم : ايه والله ، عامرة السهرة كنها

عماد : أبصر

الحاج منصور : ارفعو الحصيرة و حطو السجاد بس تشطفوا ، لأن بلشت تصقع

هاشم : 😒

عماد : بأثرش يزلمة منخفف شطف لبعدين

هاشم : اذا ما بشيّلنا السجادة لنشطف تحتها شي يوم ما بكون اسمي هاشم

عماد : عال بلش دوّر على اسم

علي : على مين الحراسة يا حاج اليوم ؟

الحاج منصور : على رفقاتك

هاشم : عبنا واحد بيحرس

الحاج منصور : عبالي يحرسونا ٢ ، بدي اسهر اني و علي بمأمن

عماد : بتعرف شو يعني هالحكي ؟

هاشم : الحاج منتقم منا

عماد : فش مد بقشطة يعني

هاشم : أكيد رح ناكل ، بتشوف بالليل شو بدي سوّي ، خلينا نعزل بلا ما نضيع وقت

عماد : عفكرة علي كثيرر بحب يقاهر و يجاكر

هاشم : مثل حية التبن بيعقص و بيلبد ، ولا كأنو كب سموم مجاكرة بيحكي عالرايق 😂

علي : سامعك انت وياه ، اشتغلو أحسن ما عيط للحاج

عماد : لا دخيلك نحن بمطبخ بشطف و شبابيك مش خالصين اسا بقلنا البواب و الحيطان و السيارات

هاشم : و بيت الجيران و شارع الحارة و باب بيتو

عماد : ليش باب بيتو

هاشم : بعرفش خطرلي

علي : حاااج

عندها ركض الشابين للعمل بطريقة هستيرية مضحكة

كان علي قد أعطى أخته كوثر رقم المركز الداخلي للحالات الخطرة فقط ، عندها رن الهاتف :

علي : ألو ؟


علي : يلا يلا جايي


الحاج منصور : شو فيه ؟؟

روى له علي الحكاية فأعطاه الإذن على الفور ليذهب هناك ..

علي : يا رب لاقيهن قبل ما يرجعو الأهل عالبيت و يسمعو الأخبار يا رب


👵🏻: الله يصبرك حبيبتي يا فطومة

👴🏻: عظّم الله اجرك يا عمي

فاطِمة : الله يسلمكم يا رب و يرحم أمواتكم

أم هادي : حبيبتي يا فطومة ، هذي حال الدنيا

فاطِمة : 😭🥺

أبو هادي : تعي 🫂

👴🏻: يلا تفضلوا لعنا عالبيت

أم هادي : لا بدنا نرجع بتكون فاطِمة بدها مساعدة

👵🏻: لك لازم ارتاحي اجريكي ورموا و فطومة بتقدّر تعبك يا ام هادي

ام هادي : شو يا حاج تروح ؟

أبو هادي : بما إنو بيت خيي أقرب اسا منروح لأن فعلًا هلكان

أم هادي : طيب ماشي

👴🏻: يلا تفضلوا



علي : ألو هادي

هادي : ايه علوش ، مبين مهرب التلفون ؟

علي : مرقت عالبيت أخذتو ، هادي!!

هادي : شو فيه ؟!!

علي : بعرف انك مشغول بس في مصيبة و حياة و موت ، بسرعة ادعس ع صور

هادي : شو صاير ؟؟

علي : اختي و اختك .. لك عجّل!!

صعق هادي بعد سماع تلك العبارة فكبس بكل سرعته الى الموقع الذي أرسله له علي ، فوصل في 20 دقيقة فقط .. ركض نحو علي و قال له بلهفة :

هادي : شو فيي ؟؟ شو بهن ؟

روى له علي الحكاية :

هادي : شو !! دورت عليهن ؟

علي : دوّرنا يا خيي

هادي : يعني ممكن يكونو عايشين صح ؟!

علي : منقول ان شاء الله .. لازم ندور اني لحالي بكفيش


عندها تأتي فتاة يظهر من منظرها أنها مصابة فركض الشابان اتجاهه :

علي : انتِ منيحة ؟؟

هادي : صرلك شي ؟؟

_ انا الحمدلله منيحة بس لحقو البنات

علي و هادي : وينن ؟؟؟؟؟

_ كوثر هياها تحت بس رُقيّة ما بعرف وينها

هادي : يلا يا علي !!