كوثر بانفعال : شو جاية اشتري دابة ملوكية أني ؟!!

غضب لؤي من كلامها فصرخ بوجهها :

لؤي : قلتلك ما دخلني عشو جاية عم تتصرفي هيك معي و تتهميني؟؟؟ فوق ما تبرعت ساعدك عم تهيني بالحكي!!

عندها سمع لؤي صوت رجولي جدًا ، هزّ أركان سمعه و رجاله .. نظر للخلف فوجده ينظر إليه بشراسة كالوحش القاتل ، و الطريقة وحدها التي يقف بها يجعلك تخاف منه ، هيبة مخيفة فعلًا ..

حسن : صوتك ما عاد ترفعو ع البنت، اتركها تروح بحالها

لؤي : حسن ما تدخل

حسن : اني بعرف انك ورا كل شي صار ، و حاجي نكذب على بعض !! خلص بقى ، ما بدنا منك شي ، افتحلها طريق خليها تفل

سمع منه لؤي و فتح الطريق أمام كوثر ، عندها ذهبت و وقفت وراء حسن و قد اعتلتها الرجفة

حسن : خلص امشي و تهكليش الهم ..

مشت و ذهبت للطريق العام ، عندها تذكر حسن أن يغضب :

حسن : مفكرة رح تحلي القصة اذا اجيتي لهون ؟؟!! شو جابك على مطرحة فيها شباب

كوثر : أحيانًا الانسان بيضطر يجي عشان في حياة زوجية رح تخرب من وراه

حسن : ولو كان !! في رجال بيجو ، عيب تعملي هيك ، وين عفة البنت ؟! وين كرامة السيدة زينب عندك ؟ ليش عملتي هيك ؟؟

كوثر : ممكن ما تدخل ؟ مفكر ما بأنبني ضميري؟ بس والله تعبت تعبت

حسن : مش حجة هذه ، و آخر مرة بتعملي هيك و ما عاد اسمحلك تعملي هيك ، تفضلي روحي مشي و أني وراكِ بالسيارة ، الله أعلم اذا حطك براسو كمان


ذهبت كوثر و بقيت كلماته تتردد في رأسها ، هو محق ، لكن بأيّ حق يتكلم معها بصفته ولي أمرها ، لماذا كل هذا الانفعال ، انتبهي يا كوثر، أوليست عفة الحوراء ع تحتاج انفعال ؟! أوليس الخطأ بهذه الأمور يحتاج انفعال من أحد يغار على عفة الأنثى و حيائها ؟ ولو كان علي او هادي لفعلا ذات الأمر ..

أما حسن فصار يكلم نفسه :

حسن : يا الله دخيلك ، ليش عصبت عليها هيك بهالاسلوب عزا شو خصني فيها ، بس هيي غلطت ..
بس أني غلطت لما وقفت معها يا الله كنش لازم احكيها كان لازم راعي الإختلاط بهالشغلة ، يا الله والله العصبية فش أبشع منها بتخلي الواحد يغلط بأمور .. آخ بسسس


وصلت كوثر للبيت ، أما حسن فعاد الى مخبأه :

علي : وين رحتي ؟!

كوثر : ر .. رح .. رحت

علي : ايه؟؟

كوثر : رحت لعند مخبأ لؤي

علي : يا الله 🤦🏻‍♂️

هادي : شو أخذك يا كوثر

كوثر : عشان تنحل الشغلة من الجذور

علي : و شو طلع معك ؟

كوثر : الوش علاقة بالموضوع

أخذ علي نفسًا عميقًا ملأه الغضب ، ثم أفرغه في الهواء ، و قال لأخته بهدوء :

علي : أذوكِ شي ؟

هادي : ما بعتقد ، لأنو :


☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️
فاطِمة : هاادي ، الحقو كوثر مشان الله

هادي : لوين راحت ؟!!! من أيا ميلة

فاطِمة : ما بعرف ما انتبهت اجيت عيطلك

هادي : يا الله !! كيف بدي اعرف اسا

حسن بصوت خفيف : بست، هادي

وضع هادي يديه على رأسه على أنه يفكر ، و نظر لحسن دون أن يراه أحد ... و أشار له بأن يتكلم :

حسن بصوت خفيف و بالاشارات : أني شفتها لوين راحت و من أيا ميلة

فاطِمة : آااخ ، يا اميي عم انمغصصص

هادي : روح وراها الله يوفقك و اني ح شوف اشبها المرأة ، و اوعك تقول شي لعلي عشان ما يخوت .. بوثق فيك و بتصرفاتك

حسن : تمام تهكلش الهم
☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️☁️

علي : كيف اجيتي ؟

كوثر : مشي

علي : و حسن بالسيارة مشي وراكِ ؟

كوثر : ايه

علي : اففف ، كوثر ، ماعش تنعاد هالشغلة فهمتي ؟ لأنو انتِ مش بس غلطتي اجتماعيًا ، دينيًا غلطتي ، و مش بحاجة اشرحلك غلطك

كوثر : والله انفعلت و كنش فيي اتحمل شوفها عم تبكي و هيي مظلومة أني متأكدة

علي : هادي ، اني رايح شوف محمد

هادي : طيب ماشي

علمت كوثر أن علي لا يريد أن يتكلم بالموضوع حتى .. و كأن العقل الشيطاني قد استحوذ عليه و منعه من التفكير بإيجابية .. كل هذه الأحداث جرت في الحديقة ، و بعد ذهاب علي ، دخلت كوثر للمنزل و بقي هادي جالسًا في الحديقة يفكر .

أما علي و كما قال ، ذهب لمنزل محمد

علي : شو الوضع ؟ عمك ممشي الحال ولا كيف؟

محمد : ايه بس بحسو مرات عم يتصرف معي بطيبة قلب بس مش من قلبو ، كأن في حدا دافعلو ليسايرني 😂

علي : هههههه ، شو بدك فيه ، المهم انت و العروس تجتمعو ببيت واحد و الله المسلم

محمد : الله يسمع منك ....


و بعد دردشات بينه و بين محمد و بعض الضيافة كما في كل زيارة ، عاد علي للمنزل بسيارته
و لكنه كان يقود و رُقيّة في رأسه بالفعل .. كان يتذكر كل اللحظات ، المناقرات و المشاكل و حتى اللحظات الحنونة ، و تذكر كيف تم عقد القران و لماذا و، و كيف حملها بكل اهتمام و أخذها للمستشفى ، و كيف و كيف و كيف ..
حتى جائت تلك السيارة اللعينة و اصطدمت به ..

على الهاتف :

هادي : نعم !!

لؤي : هههه الله ينعم عليك ، روح ، يا بتلحقو يا ..


#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرف بمحتوى القصة ..

شقراء كشقيقها رضا، و هما صاحبي العيون الخضراء ..

وصل كيان علي مع رضا للمنزل ، ولكنه لم يرَ ريحانة البتة

كيان علي : هذا بيتك ؟

رضا : ايييه

كيان علي : و بعد تنسى تخبر أهلك ؟

رضا : لا بس هالمرة نثيت (نسيت) لأن اختي ضلت للثبح(صبح) عم تدرس و ما حكيت معها

كيان علي : ايه شو متسجلة هيي؟

رضا : متثجلة بالجامعة !!

كيان علي : هههههه ، و شو بتتعلم بالجامعة ؟

رضا : ما بعرف شي عن علم النفس هيي فايتة بِ تو (٢) اختصاص

(اعتبرو كل حرف س و ص بقولهم رضا (ث) بلا ما نقعد نكتبن كلن ) 😂

كيان علي : والله برافو 😂

أعجب كيان علي بكلمات الطفل و شعر كأنه دخل لأعمق نقطة في قلبه .. كما رضا ، الطفل الذي تعلق بالشاب الذي أنقذه و أحبه حبًا شديدًا ..

رضا : عمو الحلو، اني كثير حبيتك ، انت شو اسمك ؟

كيان علي : خليه سِر شو رأيك 👀

رضا : طيب بركي اختي سألتني؟ مين بقلا وصلني ؟

كيان علي : قلها شب حلو كثير وصلني ، و اذا سألتك شو اسمو ، قلا ما بعرف

رضا : اسمك ما بعرف ؟

كيان علي : هههههه ، انت قلها هيك ، اوكي؟

رضا : أوكيي

لا تعليق على كلام رضا فهو ذو كلام طفولي و بريء ، أما كيان علي ، فلم يلفظ اسمه فقط لأنه يحب الاحتفاظ بعمل الخير لله تعالى و لا يحب أن يعرف أحد أنه قام بخدمة الناس و مساعدتهم


نزل رضا من السيارة ، التي لم يفتح كيان علي شباكها ، و عندما شاهدته ريحانة :

ريحانة : ليش جايي بكير ؟ مين جابك ؟

رضا : ما تزعلييي

ريحانة : مش قلتلك ما تطلع مع حدا غريب ؟؟

رضا : ما هوي أنقذني ، هوي بطلي

ريحانة : أنقذك ؟

رضا : اييه شب كثيرر حلو و عيونو زرق ، حبيتووو

ريحانة : شو صار ليش ؟

رضا : بعدين بقلك ، بدي اكل جوعاان

ريحانة : طب شو اسمو بتعرفو شي ؟

رضا : اسمو ما بعرف

ريحانة : ها ؟!

رضا : هيك قلي 🤭

ريحانة : اممم ، طيب يلا حبيبي تعى لطعميك

في الطريق :

كرار : وين كاين ؟

كيان علي : كنت عم سوي شغلة

كرار : شغلة شو في شي؟

كيان علي : في ولد صغير كان ضايع و وصلتو على بيتو بس هيك

كرار : عنجد ؟ كيف هيك

كيان علي : بعرفش

كرار : عكل حال جهزلي حالك السهرة اليوم عند قاسم

كيان علي : امم ان شاء الله ان شاء الله

ذهب كيان علي لمنزله ، استقبلته أمه كالعادة بابتسامة و كلمة تزيح عنه عبق الدنيا ( الله يعطيك العافية حبيب قلبي )

كيان علي : يعافيلي قلبك يا رب ، شو فيه أكل جوعان

__ في مجدرة اليوم

كيان علي : عالعشى ؟

__ ايه بقيت من الغدى قلت منتعشاها

كيان علي : مع انو فش بالعادة طبخ عالعشى بس عال الحمدلله ، رح غير ثيابي و حطيلي أكل الله بعينك بدي عذبك

__ له لو ما تقلي رح حط لحالي

كيان علي : او قلك ، اني بحط ، فوتي ارتاحي ، بحس بالذنب اذا حطيتي انتِ الاكل

__ حبيبي يا أمي الله يرضى عليك ، و يفرحني فيك

كيان علي : بكيرررر

__ شو بكير يا أمي صار عمرك 27 سنة لأيمتا بدك تنطر

كيان علي : ت الله يبعت النصيب

__ على خير ان شاء الله

بعد العشاء و مساعدة الوالدة في غسل الأواني ، ارتدى ثيابه السوداء و ذهب لمنزل قاسم ، حيث التقى بأصدقائه قاسم و كرار و أمير

كيان علي : كيف الشباب

أمير : والله يا خيي الوضع مقلقزني شوي

كيان علي : شو فيه ؟

أمير : مغتالين واحد اسرائيلي كبير ، و شكلن ما بدهم يسكتو

كيان علي : ايه يا هلا و مرحب ، مع انو بحس ما بيطلع من أمرهم شي

قاسم : بعد حرب طوفان الأقصى ما عاد يسترجو يعملو علينا حرب

أمير : ايه بس برضو نحن ما فينا ناخذ هالكلام بعين الإعتبار ، أول شي تعلمناه بهالخط إنو ما نستخف بعدونا

كرار : معك حق ، لازم ننتبه على تحركات أيا شخصية مننا ، و كمان نضل مترصدين

كيان علي : أكيد جماعتنا بيعرفو هذا الحكي ما بدهم مين يقلهم


قاسم : لحظة ، بو علي جعفر عم يحكي من الجهاز سكتو شوي

قاسم : ايه حاج معك

بو علي جعفر : فداء ، انت و الشباب بكرا بتلزقو عالحدود ، الوضع مش منيح و احتمال يعملو حرب على غفلة مننا ، عشان بفكرهم انو ح تكون ضربة قاسية علينا و نحن مش صاحيين ، لازم نضل جاهزين و مترقبين

فداء : ولا يهمك يا حاج اسا بحكي الشباب و بخبرهم

بو علي جعفر : بكرا من الفجر و قبل ما تطلع الشمس بتكونو فوق

فداء : أيا منطقة ؟

بو علي جعفر : روحو ٤ صوب الراهب بعيتا الشعب ، و ٤ صوب الحدب ، و ١٦ رح وزعهم على المواقع ، و باقي الشباب منوزعهم على المناطق الحدودية بعدان بخبرك

فداء : اتكلنا على الله


*#يـتـبـ؏ ...*

*؏ـهـد فـرحـات*📝
*آيـة حـجـازي*📝
*⚠️غير مسامح شرعاً إزالة إسم الكاتبة أو التصرّف بمحتوى القصة ...*              

سِراج : ليك يا خيي ، الفراق صعب ، و انو نترك عبق الحياة على النسوان لحالها كمان صعبة ، و انو نبكّي أمهاتنا و نسواننا و نيتّم ولادنا صعبة كثير مش شوي ، بس في الله ، الله شايفهم و بيرعاهم لأن نحن قدمنا نفسنا في سبيله ، و شهداء مش أيا موتة ، و كلنا منتمنى نختم حياتنا بالشهادة لأنو فعلًا مسك الختام

يحيى : أقل شي الله بسامحنا على كل تقصير تجاهو ، و بنوّر طريقنا

سِراج : بس حق الناس غير ، المهم انو نحن نخلي روحنا تطير من الدنيا ، ما نتعلق فيها ولا نفكر فيها حتى ، و أد ما صعبت علينا الأمور ، كله في عين الله

يحيى : لك شو ها

سِراج : شو فيه

يحيى : في بنتين

سِراج : بعدني عم قلك اترك الدنيا بلشت تهلوس بالبنات ، عكل حال اذا وقفت عالبنات تهكلش الهم في حور العين بالجنة 😆

يحيى : ولا انت بتقشعش ، طلّع لهونيك عشو اجينا على غرفة المراقبة

نظر سِراج و فعلًا صدّق كلام يحيى

سِراج : شكلن مش عارفين بقصة الاغتيال لصار او نو مش محملين القصة لمرحلة الحرب و الخطر

يحيى : لازم نزعبن عشان ما نبتلى ؟ او شو

سِراج : لا اوعى ، مش لازم حدا يشوفنا هون ، اذا لقيناهن قربو كثير ساعتها منتدخّل

لا ندري لماذا انجذب كيان علي لريحانة ، رغم أنه مجرد ما رآها أدار وجهه عنها بسرعة ، إلا أنّ تلك اللمحة علقت في رأسه ..
و عندما شاهد تلك اللمحة القصيرة ، انتبه للورقة التي وقعت من جيبها ..

أسينات : هون حلوة الصورة

ريحانة : مش كأنو قربنا زيادة ؟

أسينات : لا لا هون تمام

يحيى : ههههه شو رايقين جايين يتصورو

سِراج : لك حاجي تطلع فيهن ، شو بعرفهن هني بالوضع يا زلمة

يحيى : كيف يعني ماعش طلع فيهن بركي قربو و صارو تحت الخطر

بقي يحيى يراقب دعسات الفتاتين حتى غادرتا المكان ، عندها خرج سِراج من المكان الى الخارج :

فداء " قاسم " : ولا سِراج لوين رايح

سِراج : ششش ، بس بدي اخذ شغلة

يحيى : اممممممم اخذت الورقةةةة

سِراج : بركي رسالة لحدا ، لازم رجعلا ياها

يحيى : اذا شي مهم رح ترجع البنت تدور عليها ، اذا مش مهم بتكون شي درس عربي

سِراج : ههههههه ، بايخ

انتظر كيان علي حتى المساء و لم تعد الفتاة لأخذ الرسالة ، حاول أن لا يفتحها لكنه عزم على فتحها بهدف إجاد كلمة او أي شيء يوصله لصاحبة الرسالة ليعيدها لها .. لكن لا ننكر أن هذا الجميل صاحب المحاضرة الجميلة أخطأ في هذه الحركة

فتحها و كان قد كُتب فيها باللهجة العراقية :

إشتاقيت .. باحضانك اغفى بلا خوف
بعدك ضاعت نسمة بريح
شيبة بقطن و انت تلقيني
ايه حنّيت.. بالهوى يحنّ الغرقان
خنقة البُعد رد يا هواي
وجهك نفس شوفه يحييني..

فداء : حلوة هالرسالة

غريب : يا ترى مين بتقصد

سِراج : كاتبيتها لبيها ، لأن مكتوب تحت بخط صغير كثير ، أبي الشّهيد

غريب : حرام

يحيى : ايه والله ، لازم ترجعلا ياها أكيد بتكون مضيعيتها و مش عارفة اذا تركتها هون

سِراج : يا الله كنش لازم افتحها

يحيى : نحن البشر هيك ، بس نعمل عملتنا منقول كنش لازم نسوي هيك

سِراج : كيف بدي أوصلها اسا

غريب : مندور هون بعيتا كل يوم بينزل سِراج مع واحد فينا لأن فيناش نترك كلنا

فداء : مفكر عيتا حارة و حارتين انت

سِراج : بس مضطرين نعمل مثل ما قال

فداء : فإذًا بكرا انت و اني منروح

سِراج : اتكلنا على الله


#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...             

أم رضا : مطعم بهالصقعة يا رضاا

ريحانة : ما بأثر في مطاعم بتكون مجهزة للبرد ، رضا بقالنا من ريحة بيي بلا ما نحرمو من شي

أم رضا : ااخ اخ يا بو رضا 😭

ريحانة : هنيئًا الو يا أمي فيناش نعمل شي، الله حبو و اختارو شهيد💔

أم رضا و هي تمسح دموعها : لك أحلا مطعم لأحلى رضا بالمجرة ، يلا روحو البسو

رضا : يثثثثث (يسس😂)

ذهب كيان علي لمنزله بعد أيام شاقة من السهر و المراقبة:

كيان علي : شو حجةةة ، مجهزيتلي حالك اليوم ؟

الوالدة : ليش ؟

كيان علي : بدنا نروح عالمطعم عازمك عالغدى

الوالدة : بعدك اليوم جايي من الشغل يا أمي ، أجلها لترتاح

كيان علي : أمي حبيبتي ، بتعرفيني بالشغل ما بتعب لأنو بتعرفي أديش متعلق بشغلي ، لهيك أني آخر رواق اسا ، يلا البسي عليكي و جهزي حالك ، رح البس و انطرك بالجيب

ارتدى ملابسه الرمادية التي تتناسب مع طوله (195سم) ، و ارتدى نظارة جميلة ، للمرة الأولى يرتدي نظارة ، لم يدري ما السبب لكنه رآها في المحل و أعجب بها فاشتراها ..
و لا ننسى العطر الفاخر و الشعر و كل الترتيبات التي يقوم بها الشاب الذي يهتم بنفسه ، و كانت أمه جنبه كابنته من ناحية الطول😂

الوالدة : شو هالعوينات الحلووو

كيان علي : ههههه ، عجبني

الوالدة : مع انو الطقس مش خرج مطاعم يا أمي

كيان علي : عارف بس مش حابب عذب اديكي الحلوين بعملان الأكل اليوم

الوالدة : تقبرني يا أمي 🥹


#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...          

كيان علي : و انت حبيب قلبي ، والرفقة بيعطو بعض هدايا صح ؟

رضا : ههههه اييي ☺️ بس اني شو بدي جبلك 😞

كيان علي : انت خليك عم تضحك و بكون اني مبسووط اوكيي

رضا : اوكييي

ضمه و قبله على رأسه و أمسك وجنيه و لاعبهما قليلًا ، ثم مسح على شعره بطريقه جميلة

كيان علي : يلا أني رح فل لأنو الحجة ناطريتني ، ما تروح و تترك اختك يا حلوو

رضا : اوكي يا حلووو ، بس ما بدك تقلي اسمك ؟ بركي قالتلي اختي مين عطاك ياهن ؟

كيان علي : ههههه، قلها شب حلو كثير عطاني ياهن

رضا : و اسمو ما بعرف 😂

كيان علي : 😂😂

ذهب كيان علي و خرجت ريحانة على صوت ضحكات شقيقها:

ريحانة : عشو عم تضحك ؟ شو هاا ، مين جبلك هني هودي ، مش قلتلك ما تقوم ؟

رضا : ما رحتتت هني اجو لعندي

ريحانة : مين جبلك هني ؟

رضا : شب حلو كثيرر عطاني ياهن ، اسمو ما بعرف ☺️

ريحانة : شو؟ هوي هون ؟؟

رضا : ايييي

ريحانة : لا حول ولا قوة الا بالله مين هذا بدي افهم ، رضا ، احكيلي شو صار باليوم لوصلك فيه عالبيت

رضا : كان في واحد عم يقلل ادب معي و اخذلي الشنطة ، ام اجى و عيط عليه و رجعلي ياها ، و لأنو كنت لحالي وصلني عالبيت

ريحانة : عنجد ؟

رضا : اييه ، اسا كان هون و نزل شوي لتحت ، جبلي المشترى و سلم عليي و قلي انو امو هون معو

ريحانة : نزل لحالو او مع امو

رضا : لا لحالو ، بس في مرأة لحقتو

عندها يرن هاتف ريحانة :

ريحانة : ألو؟


ريحانة : شووووو


ريحانة : ي ي يلا يلا يلا ، ج جايين


بدأت تبكي ، تركت الحساب على الطاولة و أمسكت بيد شقيقها و بدأت تركض ، شاهد كيان علي هذا الأمر ، لم يرَ وجهها لكنه انتبه لرضا و هو يركض ، فعرف أنه حدث أمر سيء

كيان علي : أمي ليكي ، رفيقي قاسم اجى من شوي هوي و العيلة ، اني لازم فل طرأ عليي شي ، قعدي معهم اني بقلو يوصلك

الوالدة : خير يا امي في شي ؟

كيان علي : لا حبيبتي كل خير تهكليش الهم

قاسم : أهلييين حجة ، هوه ليكي يا أمي اجى مين يسليكي

نظرت له والدته بقلق ، شاهدته و هو يذهب مسرعًا ، فشعرت أنه هناك خطب ما ..

كانت ريحانة تذهب ركضًا ، لأن مَن يسمع بهكذا خبر ، لن يبقى عقله معه البتة
وصلت للمنزل و شاهدت الفاجعة أمامها ، وقفت متسمّرة في مكانها ، و كأن الصدمة و المشهد جعلا عروقها تتجمد ، كذلك الأمر بالنسبة لرضى ..

بعد وقت ، وصل كيان علي ، شاهد ما شاهده فتوسعت عيناه ، المسعفين جميعهم في الأرجاء ، و الاطفائية يبذلون جهدهم لإطفاء الحريق الكبير الذي شبّ في منزل صديقه الصغير رضا

استفاقت ريحانة من صدمتها و كانت النيران لا تزال مشتعلة ، لذا حاولت أن تدخل للمنزل و بدأ المسعفون يمنعونها :

__ لو سمحتِ ما تقربي ، رح تتأذي هيك

ريحانة : تركوني فوت شوفها ، افتحولي طريققق لازم فوت شوف أميي

لم يتمالك نفسه ، أغضبه هذا التصرف ولو أنه قدّر وضعها ، الا أنه لم يحتمل ، فذهب اليها :

كيان علي : لو سمحتِ !! قلك ما تقربي كيف يعني هالحكي ؟

نظرت اليه ريحانة و الدمع بلل عيناها و وجهها ، عندها توسعت مجدّدًا عينا كيان علي ، لأنه عرف أنها نفس الفتاة صاحبة الرسالة ، و أن والد رضا شهيد ، أما ريحانة فلم يكن عقلها بحوزتها لتشخص أن ذاك الشخص هو الشاب الجميل صديق شقيقها رضا ، و الدخان قد ملأ المكان اذلك لم تره جيدًا

ريحانة : شو ؟ انت كمان بدك تحاول تمنعني فوت ؟

كيان علي : لا مش رح حاول ، رح امنعك تفوتي ، ما بجزلك تعرضي حالك للخطر

ريحانة بدموعها : بدي فوت لعند امي ليش ما عم تفهمو عليي!!!!

كيان علي : خلصينا بقا ، امك ضهروها ، هياها بالاسعاف ، امك توفت خلص بعدي عن الحريق

بقيت أصداء تلك الكلمات في صدمة ربحانة و رضا : " امك ضهروها ، هياها بالاسعاف ، امك توفت "

رضا : لااا ماماااا 😭

نزل كيان علي لمستوى رضا :

كيان علي : رفيقي الحلو ، شو رأيك ما تبكي ادام الكل ، شو رأيك تجي عالسيارة ؟

رضا : آااهااا😭😭😭😭

حمله و أخذه الى السيارة ، و جلس معه ليفرغ خزان دموعه ، لم ينكر كيان علي أن وضع رضا جعل دمعته تخونه و تنزل على وجنتيه الحنطاويتين ، فهو فعلًا يحب رضا كثيرًا ، و لنعطيه حقه ، هو لم يصرخ بوجه ريحانة أبدًا ، بل فقط تكلم معها بقليلٍ من الإنفعال لكي لا تخاطر بحياتها ..

أما ريحانة ، فبقيت جالسة أرضًا تحاول استيعاب ما سمعت .. بقيت عيناها مفتوحتان و الدموع تنزل ببطء و حرارة و وجع ، لم تستطع تحمل كل هذا فغابت عن الوعي

رآها كيان علي فمدّ رأسه من النافذة و صرخ للمسعفين كي يأخذوها للمشفى ..


#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...          

كيان علي : لحد اسا هني عند رفيقتهم بعيتا ، بس بكرا بدهن يرجعو عشان الأجر

قاسم : لا رح يودعوها من عيتا و يدفنوها هون ، يويليي والله انقهرت عليها للحجة أم رضا ، عانت كثير بعد استشهاد الحاج كانو كثير يحبو بعض

أمير : كنا ناخذهم قدوة نحن

كيان علي : ليش أني ما بعرف هالعيلة ؟، بس بو رضى عرفتو لما استشهد

كرار : مش شايف ابنو أديش متعلق فيك و بحبك ، اوعك تخسرو

كيان علي : لا أكيد ، اني كثير حابو للصبي و من زمان بس كنتش بعرف انو ابن الشهيد

قاسم : الله يهدّي البال ، غيرو هالسيرة جا يفقع قلبي

أمير : اه بدك احكي السر ؟

قاسم : لااا ، خلي تمك مسكر ، انت عنجد واحد ندل ما بتتأمن ع سر

أمير : يا خاين عم بمزح معك ، شن تندب عليك شو هالعشرة هذي

قاسم : بعرفك بتحب تجرصني بهيك مواقف محرجة 😒

كرار : ليش تحكيلو

قاسم : زلة لسان ، هوي شافني و عرف انو في شي براسي

كرار : كأنو بلشت افهم ؟

قاسم : لا لا مش لبالك تخفش

أمير بهمس : مش لبالو هااا

قاسم بهمس : خراس😬

الشباب : ههههههه 😂

في اليوم التالي ، ذهب الجميع لتأدية الواجب في أجر المرحومة أم رضا .. كانت ريحانة تجلس على الأرض جنب النعش ، و تضم شقيقها بيدها كي لا يبعد عنها ، تضع رأسها جنب رأس والدتها و تبكي بكاءً ليس كمثله بكاء ..
و عند رفع النعش نطقت بكلمات الوداع ، بدموعها .. و جليت على كرسي لاستقبال كلمات و مواساه الناس ..

كان كيان علي ينظر من بعيد ، ينتظر حتى ينتبه رضا لوجوده ..
شعر بتعب ريحانة ، فأحب أن يأخذ رضا قليلًا كي لا يلهيها او يتعبها ، فاقترب ليأخذه
لكنها ما إن شاهدت كيان علي ، حتى تمسكت برضا و منعته من الذهاب

كيان علي : رضا تجي معي ؟

ريحانة : لا ، رح يضل معي

رضا : ليش ؟ أني تعبان بدي روح معو

ريحانة : من أيمتا بعيد كلامي؟

كيان علي : بس بدك تجي تعى ، أني ناطرك حد السيارة ماشي ؟

رضا : ماشي 😞

ذهب كيان علي و جلس في سيارته حتى المساء ، شاهد رضا قد خرج من منزله :

كيان علي : مبين اجيت ؟ سمحتلك اختك ؟

رضا : ايه ، و أساسًا مخنوق🥺

كيان علي : يلا تعى نروح

رضا : لوين ؟

كيان علي : امممممم🤔 ، نروح عالبحر؟

رضا : بس الدنيا برررد

كيان علي : أحلاا ، يلا نروح ؟

رضا : أوكييي

كانت أسيل في الخارج ، طبعًا كل المراسم أقيمت في منزل أسيل في عيتا الشعب ، و لكن تم دفن الجنازة في بلدتها .. و نظرا انه ليس هناك منزل لتودع ريحانة أمها ، فودعتها في منزل صديقتها العزيزة التي تكون أمها صديقه أم رضا العزيزة أيضًا ..

المهم ، لنعد لما يحدث الآن ، كانت أسيل في الخارج تحاول أن تجدَ حلّاً لهذه المصيبة ، و كانت شديدة التوتر و دموعها تنزل و ترتجف من الخوف فشاهدها قاسم من بعيد ، و ذهب ليفهم القصة

قاسم : شو فيه ؟؟

ارتعبت أسيل لأنها لم تتوقع قدومه

أسيل : لللا لا ، ولا اشي ولا اشي

قاسم : امبلا في شي ، ليش خيفانة؟ و ليش عم ترجفي ؟

أسيل : يعلّي، كأنو في عزا اسا ؟

قاسم : مش صحيح ، مش هذا السبب ، صاير شي ، و الا ليش واقفة هون مثل لناطر شي او عم يدور ع شي

أسيل : انت لاش انشلشت ؟ شو بدك ؟

قاسم : بركي منقدر نساعدك بشي

أسيل : .........

قاسم : احكي شو فيه

أسيل : صراحة رضا مختفي مش مبين

قاسم : شو 😳

أسيل : اييه ، من شوي قلّها لأُختو بدو يشرب ماي ، ام اختفى، و مش عارفين لوان راح

قاسم : يا الله ، شو هالشغلة اسا

أسيل : أبعرفش ، بديش ريحانة تعرف أحسن ما تخوث اسا

قاسم : لحظة شوي ، دقيقة انطري

ذهب قاسم باتجاه سيارة كيان علي ، و عندما لم يجدها ، عرف مكان رضا ، فاتصل به :

قاسم : الو ؟

كيان علي : ايه قاسم

قاسم : رضا معك ؟

كيان علي : ايه ليش؟

قاسم : وينكم انتو ؟

كيان علي : عالبحر ، فيه شي؟

قاسم : رضا سأل اختو قبل ما يجي ؟

كيان علي : ايه قلي ايه

قاسم : اووف الحمدلله


المصيبة عندما تعرف ريحانة أن رضا ذهب دون علمها ..


#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...          

ريحانة : اخ اخ يا رضا ، خلص المهم انك بخير و ماعش تعيدها ماشي؟

رضا : حاضر

ريحانة : رح اطلع لعند البنات ، خلص اكل و تعى

كان كيان علي يقف خلف النافذة ، و ما ان اختفى صوت ريحانة ، حتى طرق على النافذة بهدوء، فقفز رضا اليه :

رضا : عمو الحلووو

كيان علي : رفيقي الحلو كيفك ؟

رضا : مشتقلك أد البطيخة

كيان علي : هههههه ، ليك شو جبتلك معي

رضا : ياااي ، شكرا كثيررر كثيررر

كيان علي : يا زنخ ما قلتلك ما تخبرها ؟

رضا : ما بدي ياها تزعل منك و انت مظلوم

كيان علي : ههههه يلا اني مستعجل خليني اعبطك و فل

رضا : اوكييي

أسيل : رضا حبيبي عم تسولف مع حالك ؟

عندها خبأ رضا كيس السكاكر :

رضا : ايه عم بحكي مع ماما

أسيل : يا حبيبي

أتت و ضمته ، عندها وقعت عينها على كيس السكاكر تحت الطاولة

أسيل : امممم شو مخبي تحت الطاولة يا حلوو

رضا : 😬

أسيل بهمس : مين عطاك ياهن ؟ 👀

رضا : تقوليش لاختي ، بطعميكي معي اذا بدك

أسيل : هههههه ، لا مبخبرهاش ، عمو الحلو جبلك هني؟

رضا بهمس : اييي

أسيل بهمس : فرجيني شو جبلك ؟

كانت ريحانة قد أتت لأن شكوكها لا تزال تلعب برأسها باتجاه جلوس رضا في المطبخ


#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...

كيان علي بصدمة : ايه خلصنا

ريحانة : أديش عمرك انت ؟ بعدك صغير لتعمل هيك حركات ؟!

كيان علي : لا مش صغير ، بس قلبي متعلق بالولد و فييش ما شوفو ، و لما تمنعيه يشوفني هيك رح نعمل

ريحانة : بس أني حكيت كلمتي

كيان علي : ببساطة كلمتك ما بتمشيها عليي

ريحانة : رضا خيي!!

كيان علي : و مثل خيي

ريحانة : بس هوي خيي

كيان علي : بس هوي متعلق فيي و بحبني

ريحانة : ماعش بدي هالشي ينعاد

كيان علي : ماشي ، لازم نحلها لكين

ريحانة : ما فهمت ؟

كيان علي : ولا شي ، خلي رضا يعيش عنا

ريحانة : شوو؟؟؟ عم تخبص او كيف؟

كيان علي : مش عم خبص ، اذا رضا ما فيه بلاكي ولا فيه بلايي

ريحانة : ايه ؟!

كيان علي : فإذًا لازم نجتمع سوى

ريحانة : شو عم تخبص انت ؟

كيان علي : غير هالحل ما عندي ، و رضا اذا ما شفتو و شافني رح يمرض

رضا : معو حق انا بحبو كثير


القرار الآن لريحانة ، لنرى ماذا ستقرر !!



#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...

كيان علي : الله عطاني جمال و عطاني أخلاق و كل شي ، و العالم بتحبني ، بس لحد اسا بعدها مفكريتني شايف حالي ! ليش يا ريحانة ، معقول شوف حالي بخلقة ربي يلي بياخذها مني بأيا وقت ؟
يا ريت لو بقدر احكي معها و قلها هالشي ، أقل شي بعبطو لرضا و ... و بشوفها ..
أوووووف يا رب اعطيني الصبر يا رب توكلت عليك يا رب .. ما بدي اعمل شي ما بتحبو يا ربي ، بس صدقيني يا ريحانة انتِ جبرتيني سوي اللي رح سوّيه بهالكم يوم ..



#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...

ركض بتعب نحو الباب و لحقت به الفتيات ، فتحت الوالدة باب المنزل لتجد كيان علي مع والدته عند الباب

نظر كيان علي لرضا الذي يكاد يقع أرضًا بسبب الدوخة التي أصابته عند قيامه ، أصابه منظره بالصاعقة ، وجهه أصفر و وقوفه متعَب ، كما و عيونه شديدة الذبول و صحته تراجعت ، و أصبحَ ضعيفًا أكثر من الأول ، بدأ رضا يقع على الأرض عندها ركض و جلس على ركبتيه أمام رضا و أمسك به و ضمه لصدره و أغمض عينيه بألم و اشتياق و حزن :

كيان علي : شو صاير معو ؟؟ ليش هيك ؟

أسيل : ما بدو ياكل لحتى يشوفك ، ضل يومين بلا أكل و مشتقلك فمرض

أسينات : كنا ناويين ناخذو عالمستشفى

كيان علي : يا الله يا رضا 😥 تعى لقلبي ، لو سمحتو اذا ممكن طعميه

والدة أسيل : ايييه اكيد ، أسيل جيبي صحن الأكل

جلس على الكنبة و وضع الطفل على ركبته

كيان علي : يلا يا رفيقي الحلو بدنا ناكل نم نم نم

رضا : 🥹

كيان علي : طارت الطيارة طاااررت طااارت و فاااتت بتم رضااا

أكل رضا الطعام بشهية عندها بدأت أخته تبكي ..
نظر اليها كيان علي نظرة تسألها (بعد أن رأيتِ بعيونكِ ما حصل ، ألا زلتِ على قراركِ هذا ؟)

جلس الجميع في الصالون ، و بعد وقت من ملاعبة كيان علي لرضا ، و بعد أن سمع له رضا سوَر الفلق ، و الناس ، و الفاتحة ، اتفق مع كيان علي على أن يعلمه سورة الأحد ..

المهم ، بعد كل هذه الأحداث ، بدأت والدة كيان علي بالحديث عن سبب الزيارة :

الوالدة : اني كنش معي خبر ، فجأة ابني بقلي البسي و تعي معي ، و عالطريق حكالي

والدة أسيل : حبيبتي يا حجة أهلا و سهلا بأيا وقت (قالتها و لا زال فضول معرفة سبب الزيارة في رأسها )

الوالدة : الدنيا ما هيي الا متاع و غرور ، و افضل شي الواحد يعمل لآخرتو ، و الزواج هوي مهم مشان الآخرة ، و نحن جايين نطلب ايد العزيزة ريحانة لابني كيان علي ، و شو بتطلبو نحن حاضرين ، و لو في حدا من عيلتو كنا يعني عملنا اكثر من هيك و جبناهن معنا

نظر كيان علي لريحانة ليرى ردة فعلها ، ريحانة التي أصابتها الجمدة مما سمعت ..

والدة أسيل : أهلا و سهلا يا حجة حضرتو و بيحضر واجبكم، أكيد ما فينا نقرر عن البنت ، برأيي يقعدو سوى شوي بالجنينة و يحكو

والدة كيان علي : و اني من رأيك

خرجت ريحانة و هي لا تستطيع أن ترمش بسبب الصدمة .. و بالطبع فرحت أسيل فرحة كبيرة و أسينات بهذه المبادرة الفخمة من كيان علي ، و فهمتا أنه لا يتسلى و لا يتلاعب ..



__ هذا جدّ مزعج ، الجهاز الذي وضعناه في النمر الصغير لا يصدر أيّ صورة ، بل هناك فقط صوت

__ يبدو أنني أخطأت في تركيبه

__ لعنك الله ، كيف نعرف موقعهم الآن ، فهواتفهم ليست معهم في العمل أيها الغبي

__ماذا يتكلمون هل تسمع شيئًا ؟

__ انهم غير طبيعيين!! يتكلمون بمزاح و كأنهم في لعبة الكترونية ، ما هذه العزيمة عندهم ، نمر أمامهم و لا يزال طليق!!

__اسمع يا هذا ، يجب عليك أن تنادي النمر قبل ذهابهم للعمل بليلة ، ثم يجب أن تخبره بالذي سأقوله لك ، فنحن لن نستطيع شن حرب على لبنان ، و لن يمكننا أن ننتقم الا بهذه الطريقة

__ حسنًا يا هذا ، أخبرني بما تنويه


في عيتا الشعب، كانت ريحانة شديدة الانفعال ، أما كيان علي ، فيرى تصرفه جد عادي و لا يعطيه أهمية ، لذلك كان مزاجه هادئ جدًا، و لا ننكر أنه سعيد برؤية رضا و ريحانة و هذا من أسباب هدوئه :

كيان علي : بداش تعصيب عادي صرش شي

ريحانة : بداش تعصيب !! كيف بتعمل هيك ع ايا أساس ؟ مش قلتلك بديش اياك

كيان علي : و بعدِك على قرارك بعد ما شفتي رضا بهالحالة ؟

ريحانة : .....

كيان علي : جاوبيني



#يـتـبـ؏ ...

؏ـهـد فـرحـات📝
آيـة حـجـازي📝
⚠️غير مسامح شرعاً إزالة إسم الكاتبة أو التصرّف بمحتوى القصة ...