ما شاء الله = كان.
وما لم يشأ = لم يكن.
الحكم حكمُك، والملك ملكُك، ولا حول ولا قوة لنا إلا بك!

إن لله عبادا فطنا.. إنا لله وإليه راجعون!

"عالم الغيب والشهادة الكبير المتعال"

https://www.facebook.com/share/r/18hUVuy1u3/
.
افتكرت أخي الأكبر، الله يبارك في عمره ويحفظه، اول مرة سمعت الابتهال ده كنت طفل صغير جدا وكان من تلفون نوكيا بأزرار كان تلفون أخويا...

رؤية الكعبة وزيارة مكة مهما سمعت عنها اشتياقك لها مش هيكون بقدر اللي زارها قبل كدا..

الله يرزقنا حجة مقبولة

الفترة دي عمال أفتكر مروان الله يرحمه برغم وفاته قبل ٦ سنين رحمة الله عليه، عمري في حياتي ما شوفت طفل بجمال مروان، كان جميل الخلقة رحمه الله، لما كنت في سنة ٢ ثانوي كان هو في ابتدائي وكنت بروح مكتب الشيخ عبدالمنعم عشان أساعده في التسميع، وكنا تحديدا في رمضان بعد العصر، ويجي مروان يسمع عليا سورة تبارك رحمه الله، سبحان الله حبيبي لو كان عايش كان زمانه في جامعة او شيء لكن قدر الله عز وجل انه أصيب بمرض -لا أحب ذكر اسمه- و أخد جلسات من الكيماوي والعلاج وبعدها رحمه الله توفي، مات مروان وهو في ٢ اعدادي بعد صراع مع المرض ممكن سنتين او اكتر او اقل في أيام حظر التجول بسبب جائحة -أيضا لا أحب ذكر اسمها- في شهر رمضان ١٤٤٠ كنت عند خالي بصلي التراويح هناك لأنه كان أول رمضان مع إغلاق المساجد..
ملامحه الجميلة و وجهه البريء ودمعته على خده لما حد في المكتب ضربه وجه يشتكي لي ومسح دموعه بإيدي اللي بتكتب عنه دلوقتي، كلها ذكريات بتخلي القلب يرق ويحن يا مروان..
الله يرحمه رحمة واسعة ويجعله ذخرًا لوالديه.

من الأمور اللطيفة اللي ممكن بها مزاجي بقى حلو النهاردة وانا قاعد من شوية لقيت شيخي عماد بيتصل يطمن عليا في مكالمة بسيطة لا تتعدى ٣ دقائق دعى لي فيها دعوة أسأل الله أن يرزقنيها وإياه.. الله يرضى عنه ويجعل كل حرف اتعلمته منه وعلمته للناس في ميزان حسناته💙☺️

https://youtu.be/_D9oetcRwfY?si=udewyNtnED0FYahf
.
زعلان، لكنها أقدار والحمد لله، مفتقد العيد في مصر جدا، قدري أن كل أجازة من الأجازات اللي فاتت بنزلها كانت في أيام غير رمضان والعيد.. الله يعوضنا خير ونعيد مع أحبابنا في مصر الأعياد الجاية..
.
اما الفيديو ده هيخليك تحن لعرفات")

الحمد لله بنعصيه وبيسترنا ونتعاهد اننا مش هنعصيه تاني وبنخلف العهد وبيرحمنا ويسامحنا بس احنا نتوب بس

سبحان الله، سبحانه حيِيٌّ ستير..
عارفين يعني ايه حياء؟ يعني القدرة على فعل الشيء أو تركه مع إرادة فعله، الله عز وجل حيِيّ، يستحي أن يرفع العبد يديه إليه ويردها صفرًا خائبتين..
مع أن الله عز وجل قادر على ردها صفرها لكن صفة الحياء صفة كمال لله عز وجل فلا يرد السائل أبدًا وهذا بإرادة الله سبحانه وتعالي.
أما الستير، فهو كثير الستر، يستر عباده ويمهل لهم ولا يأخذهم بذنوبهم بل إن تابوا يبدل سيئاتهم حسنات..

يعني ايه صفة كمال؟
فيه صفات نقص للبشر لو اتصف بها الله عز وجل تبقى صفة كمال..
مثلا قول الله عز وجل "ويمكرون ويمكر الله والله خير الماكرين"
الله عز وجل يمكر؟ نعم يمكر بنص القرءان ولكن دا صفة كمال لله عز وجل وفي نفس الوقت صفة نقص للبشر.

مثال تاني أوضح شوية..
قول الله عز وجل "لا تأخذه سنة ولا نوم"

عدم النوم او السنة (سنة يعني غفلة او بالبلدي راسك تتقل وتنعوس) للبشر صفة نقص ولا صفة كمال؟ صفة نقص لان الإنسان السليم هو اللي بينام ويصحى لكن المختل ده اللي بيفضل صاحي بالأيام أو ممكن المريض وفي المستشفى يعني شخص فيه علة، لكن عدم النوم بالنسبة لله عز وجل صفة كمال.. وهكذا

زمان كان فيه تطبيق بحبه جدا اسمه اسك اف ام عرفته بسبب محمد عزمي الله يسعده وهو اللي كان عمل لي حسابي فيه في ٢٠١٦ كانت بدايته جميلة لحد ما بقى مستنقع قذارة وتركته تقريبا في ٢٠٢٠ برغم انه كان موطن لخواطري وكياني.

حاليا الفيس بوك نفس مستنقع القذارة ده ويميت القلب ويذهب الحياء ويمنع رجفة الخوف من المعاصي كأنه أمن ألن يهلكه الله عز وجل..

ربما كلامي عن الفيس تحديدا لان معنديش اي وسائل سوشيال تانية غيره بعد ما فتحته مؤقتا لسبب معين والمفروض كنت اقفله بعد نصف ساعة من فتحه لكنه شدني بشكل عجيب برغم حرصي ومازال مفتوح بقاله مدة تجاوزت ٣ أسابيع تقريبا ولسه حاذفه الان، ويمكن التطبيقات التانية من تويتر وانستغرام وخلافه فيها نفس مستنقع القذارة، لكن الحقيقة اللي مفيش خلاف عليها هي ان مستحيل انسان يتفوق او ينجز أي شيء في الدنيا وهو في وسط الكم الهائل من القذارات و الملهيات والمشتتات والشبهات اللي قدام عينه ليل نهار دي.

كان عبد الله جميل")

توقفت حياتي للحظة وعيشت في العالم التاني ده دخل جوايا رعب شديد وحزن وعجز ومشاعر كتير في نفس الثانية ، مبقاش على لساني الا دعاء واحد "اللهم اجعل خير أيامي يوم ألقاك، اللهم اغفر لي ، اللهم ارحمني ، اللهم هون علي سكرات الموت"
الاختلاف بين المرة دي بالذات والمرات الي قبل كدا في التفكير ،هي ان قبل كدا كنت بفكر في الموت نفسه لكن المرة دي كنت بفكر في حالي وانا بموت وانا بخرج الروح .. فرق شاسع بين ده وده

المرة دي انا عيشت التجربة وتخيلتها ، وده يا دوب تخيل بس وعيشت دقيقة في رعب وبكاء بسببه ، اي نعم هي دقيقة واحدة بس لكن حسيتها زي يوم كامل

وقتها فكرت ان مفيش حاجه في الدنيا تستاهل وكل الناس مش مهمين ، انا مش عاوز حاجه غير ربنا يرضى عني ومش يهلكني بسبب تقصيري وذنبي ..
مش مهم بشر ، مش عاوز حاجه من لذات الدنيا ، مش عاوز الا ان ربنا يرحمني وأعدي من سؤال الملكين على خير واطمن وانا في قبري اني دخلت الجنة ومن شدة رعبي في اللحظة دي الدموع انهمرت من عيوني

الحمد لله الدقيقة الطويلة اوي دي خلصت وأول حاجه قلتها لنفسي انت الحمد لله لسه عايش ، انت لسه في الأمنية ..

كان يوم عرفة، ونصف الخاطرة مفقود
.
تقريبا دي قبل ٧ سنين، كنت شاطر ومخي صغير بس قلبي عسلية😂