Наманган вилояти судида “Китоб – маънавият кўзгуси” танлови ўтказилди. Суд тизимида “Коррупциясиз соҳа” лойиҳасини амалга ошириш доирасида ташкил этилган мазкур танлов судья ва суд ходимларининг маънавияти ва дунёқарашини юксалтириш, улар ўртасида китобхонлик маданиятини кенг оммалаштириш, китоб ўқишга бўлган қизиқиш ва интилишларини қўллаб-қувватлашга қаратилди.

Мазкур танловда Наманган вилояти суди ҳамда вилоят маъмурий судидан 30 нафар судья ва суд ходимлари иштирок этдилар.

Танловда иштирокчиларнинг китобхонлик маданияти икки шарт бўйича баҳоланди. Биринчи шартда судья ва суд ходимлари ўзбек ва жаҳон адабиёти ёзувчилари асарларининг мазмун-моҳияти, ғояси ва аҳамиятини шарҳлаб бердилар. Иккинчи шартда китобхонлар коммиссия аъзолари томонидан тузиб чиқилган саволларга тезкор тарзда жавоб бериш билан ўз қобилиятларини намойиш этдилар. 

Ҳакамлар ҳайъати томонидан ҳар бир иштирокчининг бадиий асар ҳақидаги нутқи, саволларга тўғри ва тўлиқ жавоб бериши адолатли тарзда баҳолаб борилди.

Танлов ғолиблари мустақиллигимизнинг 33 йиллик байрам шодиёналари арафасида эълон қилиниб, вилоят судининг диплом ва эсдалик совғалари билан тақдирланади.

Sayt | Telegram | Instagram | Facebook |Twitter | YouTube

Бугун, маданият вазири Озодбек Назарбеков Наманган вилоятида бўлиб, вилоят ҳудудидаги 6 та маданият бўлимларига “Дамас” русумли автотранспорт воситаларини топширди.

Маълумот ўрнида, Президентнинг 2022-йил 2-февралдаги “Маданият ва санъат соҳасини янада ривожлантиришга доир қўшимча чора-тадбирлар тўғрисида”ги 112-сонли Қарорида белгиланган вазифаларнинг ижросини таъминлаш мақсадида, республикадаги барча ҳудудларга босқичма-босқич жараён амалга оширилмоқда.

Вазир Озодбек Назарбеков томонидан вилоятнинг Давлатобод, Янги Наманган, Мингбулоқ, Норин, Наманган, Тўрақўрғон туманларининг маданият бўлимлари масъулларига “Дамас” русумли автотранспорт воситаларининг калитлари тантанали топширилди.

2023-йилда эса вилоятнинг 8 та (Поп, Чуст, Косонсой, Чортоқ, Уйчи, Учқўрғон, Наманган шаҳар, Янгиқўрғон) туманларида фаолият юритаётган маданият бўлимларига “Дамас” русумли автотранспорт воситалари топширилган эди.

Наманган вилояти Маданият бошқармаси Матбуот хизмати

Sayt | Telegram | Instagram | Facebook |Twitter | YouTube

Президентимиз Шавкат Мирзиёев Парижда ўтаётган ёзги Олимпия ўйинларида дзюдо бўйича беллашувларнинг 52 килограммгача вазн тоифасида барча рақибаларини енгиб, олимпия терма жамоамизга биринчи олтин медални келтирган Диёра Келдиёрова билан телефон орқали мулоқот қилди.

Давлатимиз раҳбари Ўзбекистон тарихида ёзги Олимпия ўйинларида аёллар ўртасида биринчи марта чемпион бўлган спортчи қизимизни тарихий ғалаба билан қизғин табриклаб, ота-онаси ва мураббийларига миннатдорлик билдирди.
—
Президент Шавкат Мирзиёев провел телефонный разговор с Диёрой Келдиёровой, принесшей нашей олимпийской сборной первую золотую медаль, победив всех соперниц в состязаниях по дзюдо в весовой категории до 52 килограммов на летних Олимпийских играх в Париже.

Глава нашего государства горячо поздравил нашу спортсменку, ставшую первой олимпийской чемпионкой из Узбекистана на летней Олимпиаде, с этой исторической победой и выразил благодарность ее родителям и тренерам.

Prezident.uz|Facebook|Instagram|YouTube|X

Иқтисодий жиноятларга қарши курашиш департаментининг Наманган вилояти бошқармаси бошлиғи А.Халилов вилоят солиқ бошқармасида Наманган вилоятида яширин иқтисодиётни олдини олишга қаратилган вазифалар ижроси, белгиланган прогноз кўрсаткичларини тўлиқ бажарилиши ва боқимандаларни қисқартириш юзасидан йиғилиш ўтказди.
Мазкур йиғилишда вилоят солиқ бошқармасининг барча бўлим бошлиқлари иштирок этди. Шунингдек, вилоятнинг прогноз кўрсаткичларини бажарилишида орқада қолаётган Наманган, Чортоқ, Мингбулоқ, Янгиқўрғон ва Уйчи туманларига алоҳида урғу берилиб, мазкур туманларга бириктирилган бўлим бошлиқларига тегишли тартибда маслаҳатлар берилди.
Ўз навбатида, солиқ турлари бўйича прогноз кўрсаткичлари жисмоний шахслардан олинадиган даромад солиғи, ҚҚС ва бошқа солиқларни ўз вақтида бажарилишини ҳамда боқиманда қарздорликларни ой якунига қадар ундириш масалалари юзасидан кўрсатмалар берилди.