Ҳар бир инсон эътиборда

Камбағалликни қисқартириш ва Бандлик бош бошқармаси бошлиғи З.Икрамов томонидан Наманган тумани Олахамак маҳалласида хонадонбай олиб борган ўрганиши натижасида, маҳалланинг Гулзор кўчаси 26 хонадонида истиқомат қилувчи 1995 йилда туғилган Россия давлатида ишлаб қайтган Давронбек Насриддинов билан яқиндан суҳбатлашди.

Суҳбат давомида бошқарма бошлиғи хорижда ишлашдан ташқари ўз оиласи бағрида яшаб ва ишлаб, рўзғорга кўмаклашиш мумкинлиги хусусида фикр билдирди.

Албатта бугун аҳоли бандлигини таъминлаш ва камбағалликдан чиқариш борасида юртбошимиз ташаббуслари билан изчил ислоҳотлар хаётга тадбиқ этилмоқда.

Шу куни бошқарма бошлиғи Давронжонга аввало унинг ўз қизиқишидан келиб чиқиб, ўзини ўзи бандлигини таъминлашига яқиндан кўмаклашиш мақсадида мотокультиватор тақдим этди.

Энди Давронжон нафақат ўзи учун балки маҳалладошларининг ҳам оғирини енгил қилиб, яқиндан кўмаклашади ҳам даромад топади.

Тўрақўрғон туманида дастлабки тонналар омборга тўкилди

Жорий йилда туманда 92 нафар фермер хўжаликлари томонидан 4109 гектар майдонда пахта етиштирилди.

Бугунга кунда ҳосил етилган 11 та фермер хўжаликларида терим бошланган.

Дастлабки тонналар ортилган карвон "Наманган тўқимачи" агрокластер омборига етиб келди. Шу муносабат билан сектор раҳбарлари, нуронийлар, фермерлар иштирокида ташкилланган тадбирда илк ҳосил тарозига қўйилди.

Туман ҳокими Аҳрорбек Мансуров пахта теримида карвонбошилик қилган "Бахтиёр, Неъмат, Шавкат","Файзиобод кўркли диёри"," Аҳмаджонов Абдуллажон" фермер хўжаликлари ва Наманган пахтачилик тажриба станцияси раҳбарларига эсдалик совғасини топширди.

Кемеровода Усмон Носир ҳайкали очилди

Баргдек узилиб кетсам,
Унутмас мени боғим:
Ишимни ҳурмат қилур,
Гуллардан ҳайкал қурур.
Минг йиллардан кейин ҳам
Унутмас мени боғим!

2023 йилнинг 4 сентябрь куни Россия Федерацияси Кемерово вилоятининг Мариинск шаҳрида ўзбек халқининг оташин шоири Усмон Носир ҳайкали очилди.

Ҳайкал муаллифи Константин Зенич шоир Усмон Носирнинг ўзига хос сиймосини ярата олган.

Ўзбекистон делегацияси Мариинскдаги ўрмонзор қаридаги қатағон қурбонлари мозорида дафн этилган Усмон Носирнинг қабрини зиёрат қилди. Қуръон тиловат қилиниб, ўтганлар хотираси ёд этилди. Шоирнинг қабрига гуллар қўйилди.

Тадбирда Кемерово вилояти губернатори Сергей
Цивилёв, Ўзбекистоннинг Россиядаги фавқулодда ва мухтор элчиси Ботиржон Асадов, Ўзбекистон Ёзувчилар уюшмаси раиси, Ўзбекистон халқ шоири Сирожиддин Саййид ва Новосибирскда таълим олаётган ўзбекистонлик талабалар, хорижда яшаётган ватандошлар, маҳаллий ижодкорлар ва Кемерово вилояти Мариинск шаҳрининг кенг жамоатчилик вакиллари иштирок этдилар.

Янги Наманган тумани профилактика инспекторларига замонавий компьютер тўпламлари топширилди

Янги Наманган тумани ҳокимлиги мажлислар залида туман ҳокими ва туман ИИБ раҳбари ҳамда ҳудуддаги профилактика инспекторлари иштирокида мулоқот ўтказилди.

Учрашув давомида жиноятчиликни жиловлаш, ҳуқуқбузарликларни олдини олиш, жамоат ва йўл ҳаракати хавфсизлигини таъминлаш борасида аниқ ва манзилли вазифалар белгилаб олинди.

Шунингдек, профилактика инспекторларини моддий техника базасини янада яхшилаш мақсадида намунали хизмат қилган бир гуруҳ ходимларга компьютер тўпламлари топширилди.

Янги Наманган тумани ҳокимлиги ахборот хизмати