#infografika

🇺🇿O‘zbekiston Respublikasi Prezidenti Shavkat Mirziyoyevning 2024-yil 25-26 mart kunlari Namangan viloyatiga tashrifi chog‘ida viloyatining iqtisodiy-ijtimoiy rivojlantirish uchun belgilab bergan chora-tadbirlari.

Matbuot xizmati.
Telegram | Instagram | Facebook

#huquqiy_targibot

Yangi qonunlarni o'rganamiz

“To‘lovga qobiliyatsizlik to‘g‘risida”gi O‘zbekiston Respublikasi Qonuni qabul qilinganligi munosabati bilan ayrim ayrim qonun hujjatlarga o‘zgartirish va qo‘shimchalar kiritildi.

🔹Fuqarolik kodeksiga kiritilgan qo‘shimchaga ko‘ra, jismoniy shaxs pul majburiyatlari bo‘yicha kreditorlarning talablarini to‘la hajmda qanoatlantirishga yoki soliqlar hamda yig‘imlar bo‘yicha o‘z majburiyatlarini bajarishga qodir bo‘lmasa, sud tomonidan to‘lovga qobiliyatsiz deb topilishi mumkin.

🔹Soliq kodeksiga kiritilgan qo‘shimchaga ko‘ra, to‘lovga qobiliyatsizlik to‘g‘risidagi ish bo‘yicha sud sanatsiyasi yoki tashqi boshqaruv jarayonida yuzaga keladigan barcha turdagi joriy soliq to‘lovlarini to‘lash, sud ajrimi asosida joriy etilgan sud sanatsiyasi yoki tashqi boshqaruv tartib-taomilining muddatida to‘xtatib turiladi (bundan mehnat shartnomalari (kontraktlari) va fuqarolik-huquqiy xususiyatdagi shartnomalar bo‘yicha olingan daromadlar solig‘i, shuningdek ijtimoiy soliq mustasno).

🔹Bu holda sud sanatsiya qiluvchi boshqaruvchining yoki tashqi boshqaruvchining hisobotini tasdiqlagan va to‘lovga qobiliyatsizlik to‘g‘risida ish yuritishni tugatish haqida ajrim chiqargan sanadan e’tiboran mazkur soliq qarzlari 6 oy ichida teng ulushlarda bo‘lib-bo‘lib to‘lanadi.

🔹Shuningdek, bankrot deb topilgan qarzdor yuridik va jismoniy shaxslarning yoki yakka tartibdagi tadbirkorning mol-mulkini sotishdan tushgan mablag‘larining qarzni to‘lashga yo‘naltirilgan qismi daromad sifatida hisobga olinmasligi belgilandi.

🔹“Davlat boji to‘g‘risida”gi qonunga kiritilgan qo‘shimchaga ko‘ra, sud boshqaruvchisi to‘lovga qobiliyatsizlik to‘g‘risidagi ish jarayonida o‘z huquq va majburiyatlarini amalga oshirishi uchun da’vo arizalar hamda boshqa arizalar bilan davlat bojini to‘lamasdan sudga murojaat qilishi mumkin bo‘ldi.

Asos: O‘RQ–911-son, 22.02.2024-y.

Matbuot xizmati.
Telegram | Instagram | Facebook

#huquqiy_targibot

YER KODEKSINI O'RGANAMIZ

1-modda. Yer to‘g‘risidagi qonunchilikning asosiy vazifalari

🔹Yer umummilliy boylikdir, O‘zbekiston Respublikasi xalqi hayoti, faoliyati va farovonligining asosi sifatida undan oqilona foydalanish zarur va u davlat tomonidan muhofaza qilinadi.

🔹Yer to‘g‘risidagi qonunchilikning asosiy vazifalari hozirgi va kelajak avlodlarning manfaatlarini ko‘zlab yerdan ilmiy asoslangan tarzda, oqilona foydalanish va uni muhofaza qilishni, tuproq unumdorligini tiklash va oshirishni, tabiiy muhitni asrash va yaxshilashni, xo‘jalik yuritishning barcha shakllarini teng huquqlilik asosida rivojlantirish uchun sharoit yaratishni, yuridik va jismoniy shaxslarning yer uchastkalariga bo‘lgan huquqlarini himoya qilishni ta’minlash maqsadida yer munosabatlarini tartibga solishdan, shuningdek bu sohada qonuniylikni mustahkamlashdan shu jumladan korrupsiyaga oid huquqbuzarliklarning oldini olishdan iborat.

Matbuot xizmati.
Telegram | Instagram | Facebook

#OAV_biz_haqimizda

🔴 Jonli efirda - Kadastr yangiliklari

🇺🇿O‘zbekiston Respublikasi Prezidentining “O‘zbekiston — 2030” strategiyasi to‘g‘risida”gi Farmonidagi davlat xizmatlarini rivojlantirish yo‘nalishiga taalluqli maqsadlar yuzasidan “Aholi va tadbirkorlarga zamonaviy kadastr xizmatlari ko‘rsatish uchun yaratilgan qulayliklar” mavzusida Namangan teleradiokompaniyasining FM 103.6 "Oltin Zamin" radiosida suhbat bo‘lib o‘tdi.

🔹Ushbu suhbatda Davlat kadastrlari palatasi Namangan viloyati boshqarmasi jamoatchilik bilan aloqalar bo‘yicha bosh mutaxassisi Ibrohim Usmonov yuqoridagi mavzu yuzasida jurnalistlarning savollariga jonli efirda javob berdi.

Matbuot xizmati.
Telegram | Instagram | Facebook