اوليدك اتهدم صدك حيله
ويله الي جرح دلالي ياويله

من طبروك مقصدهم يريدونه
حسينك حيل يتعذب يشوفونه
****
ياروحي
كون الطبره ابراس حسينك
ياروحي
اولاشوفه احمر بويه جبينك
ياروحي
فدوه حسين ايروح العينك

خلوني ميت بس عدل
كلش سهل
عدهم تهل
دمعاااتي .....
ليلي يريدونه اليجن
يكظي ابحزن
حاير واون
باهااااتي ....
===============
انه كلبي
نبضاته اختلفت واحواله
انه كلبي
حسيته انكطعن اوصاله
انه كلبي
ظل تسعر ناره ابهالحاله

هالحاله كسرلتي الظهر
فرني الدهر
عشته ابقهر
شبااااابي .....
يردون افارك ضحكتي
وبحسرتي
كل دنيتي
ابعذااااابي .....
==========
بيه تدري
اخلافك ماعيشن تدريني
بيه تدري
موحلوه ابلياك اسنيني
بيه تدري
بغيابك همي اليلفيني

يصعب علي شم الهوه
وابلا ضوه
وابلا دوه
واعاااني ....
خلوني معلول البدن
ميت عسن
ليش الزمن
رماااااني ...
=============
يحسيني
تاذيني اوليدي ابدمعاتك
يحسيني
ايعز اعليه اسمعها اهاتك
يحسيني
يحسين اشيحمل وناتك

يوليدي هيجته الوجع
دمعي وكع
كلبي شلع
من دمعك ...
ماهمني راسي المنطبر
وكت الفجر
بس الكسر
من وضعك ....
==========
ضم دمعك
باجر اصعب يوم اتشوفه
ضم دمعك
من عباس اتطيح اجفوفه
ضم دمعك
كسراتك تصبح مكشوفه

يحلالك اهناكه الدمع
اصعب وضع
ذبلت شمع
يذبلونك .....

جم طبره راسك ينطبر
يوم الغدر
ابخيل الكفر

يسحكونك ....
========
ياحسىره
يومك اصعب من الشفته
ياحسره
من عبد الله اتفطر شفته
ياحسره
جاي اتخيل طفلك شلته

تطلبله كطره ابكربله
بس حرمله
ابسهم البله
يطك نحره ....

ويشك قماطه امن الالم
مثل الحمم
حار السهم
صعب امره .....
========
من توكع
صورة جسمك تتراوالي
من توكع
عالكاع ايوذرونه الغالي
من توكع
زينب تندب وينه الوالي

يومك فلا مثله يصح
اصعب جرح
ماينشرح
صعب يومك .....

عاري تظل اعله الترب
كلش صعب
وسط الغرب
بله اهدومك ......
============
كلمات محمد سعد الراشدي

‏الشاعر ظاهر حبيب الهليجي (ام البنين ع)
‏
‏طاهره وخلدها دم شبانها
‏اربعه السبط النبي قربانها
‏*
‏موعواطف هل مدح لا بل يقين
‏وحده ما الها شبه أم البنين
‏والدليل أربع ولد لجل الحسين
‏والطفوف الشاهده العنوانها
‏*
‏هيه ضحت بلشبول ألاربعــــــه
‏الهسه آثار الوفه إعله المشرعه
‏والتلاثه أجساد تدمي مگطعه
‏هاي ثمرتها البقت بغصانهـــــه
‏*
‏ويـــــن مثل الانجبت ذاك الگمــــر
‏الطاح گبل حسين دامي اعله النهــــر
‏مــرجعيــه بالفخــر أم الفخـــــــــر
‏اي وحــگ دم الكتــــب عنوانهــــــه
‏*
‏ولذالك الله جازاها بجزاء
‏من اجل ما قدمت في كربلاء
‏للنخاهه حتمآ ايحصل عطاء
‏دوم مفتوحه الكصد بيبانها
‏*
‏صارت الكل حاجة مضرب للمثـــــــل
‏مــا يخيـــب النخه لا والكفـــــل
‏لــــو نخـــاها الحاجتـــه تكظـي بعجـــل
‏اي وحگ كل ذره من تربانها
‏

جرحك صدك ماذينه..ياحيدر ..بعدك تره انذلينه ..ياحيدر
..ياحيدر ياحيدر
&&&
ادموعي هلن يالولي..اندب واصيحن ياعلي
انه وعمامي وكل هلي..كثر الزلم تولينه
&&&
وصيت كلتنه الصبر..معروف يجري هالامر
تنطبر انته بالغدر..والحزن هل علينه
&&&
ياعيد ماعيد بعد..جافانه طيرك يالسعد
اشلون اوفي بالوعد..الضحه بحياته لدينه
&&&
اركان طاحت يالسمه..والارض حنته الدمه
من طاح راعي الغانمه..بعدك منو يشجينه
&&&
حيدر افراكك صعب..لكل واحد موالي ويحب
يادنيه بيج من العجب..بسرعه بعجل تجفينه
&&&
جرحك بقه مد الدهر.. ينذكر بافضال الشهر
رمضان موعد للقدر..رمضان من يلفينه
&&&
اهات ولالام وشجن..رغم المصايب والفتن
نذكره لو دار الزمن..نذكر طبر والينه
&&&
ايتام تربي لجيتك..وعيون ثكله فكدتك
تبت الايد الغدرتك..غيرك منو اليروينه
&&&
اكلوب ظلت حايره..وايتام ليل مناطره
بمصابك اللي مادره..اعيونه تسئل بينه
&&&
من شال نعشك كل ملك..اندار وياك الفلك
والظالم بغيه هلك..واكبر ملك ينعينه
&&&
صوت السمه هز الارض..القران يشهد والعرض
حيدر ركن هوه وفرض.. وبهديهم يهدينه
...
خادم اهل البيت
الحاج ابو علي السعيدي

شدي احزامچ يزينب موفرح باچر نياح
ينطبر باچر ابونه گبل لا يلفي الصباح
ــــــــــــــــــــــــ
شدي حيلچ خويه زينب باجرنياح وللطم
باجر امخضب ابونه وراسه باجر ينجسم
من الزغر سولفنه بيهه من النبي عدناعلم
بسيف بن ملجم يزينب دم علي باجريباح
ــــــــــــــــــــــــــــ
شدي حيلج خويه باجـــر ينطبر کبل الفجر
مصحف الباري بعظمته باجـــر وياه ينطبر
وادري گلبج يبت حيدرمن المصيبه ينفطر
وانه راح استعد خويه للسيوف.وللرماح
ـــــــــــــــــــــــــــــــــــ
شـــــدي حيلج يالعقيله لو علي باجر وگع
صبر مايكفينه باجر وحته مايكفي الدمع
صوت جبريل بسمانه لونعه الكل يستمع
والصبرباجرهدفنه.وندري بيه اعظم سلاح
ــــــــــــــــــــــــــــــــــ
باجر ابطرت فجرهه تلفي بآآهات وكدر
باجر انودع ابونه باول اليالــــــي. القدر
هذا قالع باب خيبر بالصلاه وسفه انغدر
باجر اموادع يزينب والسفر بعيونه لاح
ــــــــــــــــــــــــــــــــــ
سفرة الوالد طويله مسافر وماظن يرد
فرگة الوالد يزينب تمــــرد اگليبي مرد
چنه للعيد انتفكر. ونحسب ايام ونعد
بعد لاعيداليمرنه.وي الابوا ياخويا راح
ــــــــــــــــــــــــــــــــ
لخادمكم ابو باقر الصالحي
علطور اشرب الماء وعجل