لكل من يسأل عن طريقة تفعيل ياندكس جو بدون رقم روسي، هذي الطريقة🌸

فعالية الطيران الرياضي، افضل طريقة لرفع مستويات الادرينالين😍
للحجز تواصل @Nadim_Ru

فعالية البقي البرمائية متاحة حاليا
للحجز تواصل معي
@Nadim_Ru

نظرا لبعد الزحليقة الصيفية عن موسكو، وتكرر الرغبات بزيارتها، انشأت جدول للمرور ب3 فعاليت بنفس الطريق
1- فعالية البقي (الدبابات الكبيرة) + الهاسكي
2- الزحليقة
3- المنطاد
تقدر تحذف منها الي ما يناسبك، ولكن جمعتها بطريق واحد عشان ما يصير مشوارك ساعة ونص عشان زحليقة فقط

فعاليات بسانت بطرسبرغ ضروري تزورها

blok
هذا المطعم ممتاز اكل وخدم واسعارة كلحوم وستيكات مقارنة بالاسعار عندنا جدا ممتازة

ومطعم تندور، من اكثر المطاعم الي عليه مدح



افضل متحف في روسيا ومن اشهرها في اوروبا ضروري تزوره متحف الارميتاج فيه اكثر من 3 مليون قطعة فنية
State Hermitage Museum

مول فيه فعاليات مثل الكارتينج ومزرعة الفراش وتسوق
ТРЦ «Питерлэнд»

مكان للاطفال فيه فعاليات وتجارب علمية وفيزيائية
Парк чудес Галилео Санкт-Петербурга

مدينة ملاهي ممتازة
https://maps.app.goo.gl/hxyBtZZ7ufaBQJVe7?g_st=com.google.maps.preview.copy

بجنبها على طول فيه
جزيرة السناجب (حديقة كبيرة وجميلة جدا فيها استئجار قوارب)
yalagin island

لكل من يسأل عن البرد والطقس والثلج⛔

كثرت بالآونة الاخيرة أسألة حول البرد والثلج وهل هو محتمل او لا في نهاية السنة، لذلك هذي رسالة لعلها تكون مرجع لكل سائح.


بداية، الثلج متوقع نزوله من نصف نوفمبر الى نهاية فبراير (مجرد توقعات والعلم عند الله) ❄️

هل البرد متعب؟ نعم
هل تقدر تتحمله؟ نعم🏂

في كل الأماكن المغلقة، بدون استثناء، بيكون فيه تدفأة ممتازة ولا تحس انه شتا

تماما مثل الصيف عندنا، في كل مكان مغلق وكل سيارة وكل محل يكون فيه تكييف، نفس الشي بروسيا، التدفأة تكون شغالة وممتازة
لذلك مهما كانت درجة الحرارة، فيه حلول
حتى لو كنت تتمشى وحسيت ببرد، ادخل اي كافية تدفى وكمل مشي

غير كذا، جيب معك جاكيت واحد ثم تقدر تشتري من روسيا جاكيت وثيرمال وشوز وتصير تعرق وانت بالثلج، البرد تحس فيه بس بوجهك

الفعاليات البعيدة عن السنتر لا تروح لها الا وانت ماخذ جاكيت وثيرمال من روسيا، الجاكيتات حقتنا ما تنفع هنا

الملابس الروسية تختلف عن ملابسنا، يكون فيها بطانة تدفي بشكل عجيب + طبقة خارجية تمنع دخول الهواء تماما، لذلك ما تحس بالبرد بجسمك نهائيا

الفعاليات الثلجية جدا ممتعة، مثل التزلج والهاسكي والسنوبيل وغيره، السنة الماضية الاف العوائل وصلت مع بزرانهم وماكان فيه مشاكل الحمدلله، بالنهاية ماراح تروح غابة، حتى اماكن الهاسكي يكون عندهم بيوت خشبية تقدر تدخلها اذا قعدت تنتظر التكسي

طيب من وين تشتري الجاكيتات والثيرمال؟
فيه عدة ماركات وعدة انواع
المكان الي انصح فيه هو سبورت ماستر
Sportmaster
Спортмастер
اغراضهم ممتازة، وعندهم فروع بكل روسيا، واسعارهم حلوة

☃️☃️☃️☃️☃️
ايضا، عرض خاص عندي ولعملائي
@Nadim_Ru
☃️☃️☃️☃️☃️

في حال كان مجموع اغراضك من محلات سبورتماستر فوق 15 الف روبل، تقدر تتواصل معي (قبل تروح الكاشير)
واسويلك خصم على مشترياتك (تصور الاغراض الي تبي تشتريها، وخلال نصف ساعة اسويلك خصم على طلبك وتحاسب عند الكاشير وتاخذ اغراضك)

#شمس موسكو
https://www.youtube.com/shorts/uWSuy1Boe1I

#بانوراما 360
أطول مبنى بانوراما في اوروبا
التذكرة تشمل ايسكريم وشوكولا ومشاهدة الاطلالة
https://www.youtube.com/shorts/uWSuy1Boe1I

@Nadim_Ru

⛔️⛔️⛔️بخصوص الاكراميات بروسيا⛔️⛔️⛔️
بكثير مجالات بروسيا نظامهم مثل اوروبا، مدخول الموظف يعتمد بشكل كبير على الاكرامية، لدرجة اذا جيت تتوظف، يقلك راعي المطعم مثلا ان راتبك 1700 ريال، والمدخول المتوقع من الاكراميات نهاية الشهر خلنا نقول 1500 ريال
فالمجموع هو الي يعيشك، اما ال1700 ريال ما تعيشك، وهذا نظامهم وكلهم يعرفه ويتقبله، والروس كلهم ان دخلوا مطعم ولا غيره عارفين هذي السالفة ويتركوا اكرامية 5% - 20% حسب ميزانيته، واعرف طلاب روس يحرمون نفسهم من شي ودهم فيه بحيث يتركوا اكرامية للموظف
طبعا هلشي ماهو طيب، ولكن هم لهم ثقافتهم، واحنا، الحمدلله، ربي يعز السعودية ولا قصور بباقي الدول، عندنا نظام مختلف، الموظف ياخذ راتب يكفيه ولا هو بحاجة للاكرامية عشان يعيش لآخر الشهر

وهنا تصير المشكلة، لما موظف بمطعم يشوف ان كل الروس يدفعوا، الا العرب ما يدفعون، فيصير يبي يوضح ان ترا عندنا فيه اكراميات، فيكتبها على ورقة ولا بنهاية الفاتورة ولا غيره، مب جشع منه ولا انه بيستغل العربي ونظرية المؤامرة وتخرب على نفسك سفرتك ولا تجربتك عشان 10%، لكن للروس ما يكتبها لانهم عارفين هذا الشي وحاول لاحظ ان الظرف الي يحطوا فيه الفلوس ياخذه الموظف ثم يرجعه لهم ثم يرجعوا يحطوا مبلغ، المبلغ الثاني الي ينحط هذا الاكرامية

نفس الشي بالنسبة للإبتسام، مجرد اختلاف ثقافات، الشعب الروسي مر بحروب وسنوات طويلة من الفقر والجوع وغيره من الأشياء الي ما تكفيني سطور التلجرام حصرها، فثقافتهم انك ما تبتسم للغريب، وان احد غريب ابتسم لك، فهذا شي يقلق
اما عندنا فالإبتسامة صدقة، ولو جيت تتوظف بمطعم عربي فخم، يدربوك ان لازم تبتسم ولازم تقول بعض الجمل اللطيفة على مسمع الزبون، بالمطاعم الروسية يغلبها الرسمية، شي يتناسق مع الثقافة الروسية، ولكن بمجرد ما تخرج من دائرة الرسمية مع اي احد روسي راح تلاقي انه شعب يحب المزح والضحك، ولكن مب مع الغرباء

ماكتبت هذا الكلام لفترة طويلة لان بعض المحدودين عقلياً مباشرة يرفع اصابع الإتهام ويقلك انت تسوق لهم لانك منسق، وردي الوحيد انها مب دولة ابوي عشان اسوق لها، ولكني معاشر الثقافتين، والحاجز اللغوي والثقافي قد يسبب بعض الازعاج، وانا هدفي الوحيد ان *الي يجي روسيا* ينبسط، ويفهم هذي الاختلافات عشان تكون رحلته لطيفة، انا شغال بهذا المجال الحمدلله من فترة طويلة، والناس تدخل هذي المجموعة وغيرها ولما تخلص سفرته يخرج، الحمدلله مشاركاتي كثيرة رغم تقصيري بالفترة الأخيرة

توضيح اخير، كلامي هذا مب للمطاعم الي تزيد اطباق ولا تزيد السعر، انا كلامي فقط على موضوع الاكرامية، ماهو شي اجباري قانونياً ولا يحق لهم يجبروك، ولكن هذي ثقافة الدولة، مثل ما ان باليابان الاكرامية تعتبر وقاحة وشي غير مقبول، وعندنا شي غير مطلوب، بروسيا شي اساسي

ربي يسعد الجميع، نفيد ونستفيد منكم اذكروا تجاربكم برحابة صبر وتقبل اختلافات الثقافات🌸