🛑🛑Sual: Valideynlərimi görmək üçün Bakıdan İrana gəlmişəm və işimdən təkcə 8 günlük icazə almışam. Hazırda atamın evindəyəm. Burada oruc tuta bilərəmmi❓

✨✨Cavab: Atanızın şəhəri sizin doğulub böyüdüyünüz şəhər deyilsə, orada namazınız qəsrdir, orucunuz da düz deyil. Yox əgər doğulub böyüdüyünüz şəhərdirsə və oradan eraz etməmisinizsə, həmçinin gələcəkdə ora qayıdıb yaşayacağınıza ehtimal edirsinizsə, namazınız hər vaxt gəlsəniz bütövdür və orucunuz da səhiddir.

📝Sual: Haram oruclar hansılardır?

🛑Haram oruclar aşağıdakılardan ibarətdir:

1. Qurban bayramı günü tutulan oruc;

2. Fitr bayramı günü tutulan oruc;

3. Minada olan şəxs üçün təşriq günlərinin orucu;

4. Ramazan niyyəti ilə şəkk gününün orucu (bilinmir şə`banın axırıdır, ya ramazanın əvvəli)

5. Susmaq orucu;

6. Gecə-gündüz tutulan oruc;

7. Qadının ərin hüquqları ilə zidd olan müstəhəb orucu;

8. Övladın ata-ananın əziyyətinə, narahatlığına səbəb olan müstəhəb orucu;

9. Xəstə şəxsin, orucun zərərli olduğu şəxsin tutduğu oruc;

10. Müsafirin orucu (səfərə gedən şəxs, istisna olmuş yerlərdən başqa).✨✨📜

🛑Sual: Oruc tutması ruzi qazandığı işinə mane olan şəxsin hökmü nədir❓❓

📝✨✨Cavab: Hər hansı bir şəxsin oruc tutması onun ruzi qazandığı işinə mane olursa, misal üçün, onu işləməyə taqəti qalmayacaq dərəcədə zəiflədir və ya su içməməyə dözməyəcəyi həddə susuzluğa və digər bu kimi çətinliklərə düçar edirsə, bu halda əgər həmin şəxsin işini dəyişməsi, yaxud onu, ya ehtiyatda olan puluna, ya borca, ya da başqa bir vasitəyə etimad edərək, dayandırması mümkün olsa, (bunu edib) oruc tutmalıdır. Əks təqdirdə isə (yəni, işini dəyişmək və ya dayandırmaq imkanı olmadığı halda), orucun vacibliyi onun boynundan düşür. Lakin, vacib ehtiyata əsasən, bu halda o, işləməsi üçün tələb olunan və özünü ağır, məşəqqətli vəziyyətdən çıxara biləcəyi ən az miqdarda yemək və ya içməklə kifayətlənməlidir. (Ramazan ayından) sonra isə bu şəxs, ona müyəssər olduğu təqdirdə, tutmadığı (fövtə verdiyi) həmin orucların qəzasını tutmalıdır.📜

🛑Sual: İfrat dərəcədə zəiflik halında orucu pozmaq olar❓❓

📝✨✨Cavab: Zəiflik, hətta ifrat həddə olsa belə, orucu pozmağın caiz olması üçün yetərli əsas deyil. Yalnız çıxılmaz vəziyyət yarandıqda, eləcə də zəiflik, başqa işlə məşğul ola bilməyən bir insanı, qazanc əldə etməsi üçün gərəkli olan işinin qarşısında aciz qoyduqda, yaxud işləyən şəxs, susuzluq onu üstələdiyindən, oruca davam edə bilmədikdə orucu pozmağa icazə verilir və sonra onun qəzasını tutmaq vacibdir. Lazım ehtiyata əsasən, bu hallarda yalnız zəruri olan miqdarda yemək və içməklə kifayətlənməli və əlavə qidadan imsak edilməlidir.✅

🛑Sual: Ramazan ayının qəzasında diqqətsizliklə və səhvən bir şey yeyərəmsə, bu, orucu pozurmu❓

✨Cavab: Xeyr, orucu pozmur.

Bu höküm qəza olmasada Ramazan ayında olsa belə eynidir

🛑Sual: Universitetdə (oranın yataqxanasında) bir il yarım qalmağı qarşısına məqsəd qoyan tələbənin namaz və orucunun hökmü nədir❓

✨✨Cavab: Əgər orada bir il yarım, yaxud daha çox müddət qalmağı qarşına məqsəd qoyarsa, oraya yerləşdikdən sonra həmin yer onun vətəni hökmünü daşıyacaq. Lakin vacib ehtiyata əsasən, birinci ay namazlarını həm qəsr, həm də bütöv qılmalı, eyni zamanda orucunu həm tutmalı, həm də sonra onun qəzasını etməlidir. Amma on gün qalmaq niyyəti edərsə, orucunu tutub, namazını da bütöv qılacaq.

Qeyd:burda yanlız universitet şamil deyil hansısa başqa bir yerə getsən öz vətənindən başqa yerə orda bu hal olsa höküm bucur olacaq!!

🛑Sual: Təqiyyə edərək orucu tərk edənin hökmü nədir❓❓

✨✨Cavab: Əgər oruc tutan şəxs yemək, içmək və cinsi əlaqəyə ikrah ilə (məcburən) orucu pozarsa, orucu batildir. Bu hökm o, təqiyyə etmiş olsa da eynidir. Təqiyyə, istər — bayramları günü təqiyyə edərək orucu pozmuş olduğu kimi — orucun tərkində, istərsə də — məğribdən öncə orucu pozmaq kimi — orucun tutulmasında eynidir. Bu halda onun orucu pozması gərəkir, lakin qəzası vacibdir. Amma (yuxarıda ) qeyd etdiyimiz üç haldan qeyri tərzdə, yaxud da təqiyyə ilə orucu pozarsa, orucunun batil olmasında irad vardır. O, orucu tamamlama və qəza kimi ehtiyatın gərəkdirdiklərini tərk etməyəcəkdir.

🛑Sual: Mən 4 ildən çoxdur ki, təhsilimi təkmilləşdirmək üçün Bakı şəhərinə gedib gəlirəm. Bu gediş-gəliş hələ 5 il davam edəcək və dərs günlərində həftədə 2 yaxud 3 gün gedib gəlirəm (bəzən gecələr Bakıda qalıram, bəzən də rayona qayıdıram). Qeyri-dərs günlərində isə ən azından ayda bir gün gedirəm.
Mənim sualım bundan ibarətdir ki:
1. Mənim oruc və namazlarımın hökmü necədir
2. Namaz və oruclarım tamamdırsa, Bakı mənim ikinci vətənim sayılırmı? Yəni dərsdən başqa işlər üçün Bakıya getsəm, namazlarım tamamdırmı? Yoxsa yalnız dərs üçün gedərkən (dərs olan günlərdə) namaz və orucum tamamdır?
3. Mənim həyat yoldaşımın vəziyyəti necədir Çünki o bəzən bu səfərlərdə mənimlə gəlir.❓❓

✨✨Cavab: 1. Əgər il ərzində üst-üstə 90 gecə-gündüz ya daha çox Bakıda qalırsınız, namazlarınız bütövdür və oruclarınız Bakıda düzdür
.
✨✨2. Birinci cavabdakı kimi olsa, bəli, qeyri-dərs günlərində də namazınız Bakıda bütövdür.

✨✨3. Əgər Bakıda qaldığı günlərin məcmusu ildə 90 gün olsa, Bakı onun vətəni hökmündədir. Belə olmasa, namazları qəsrdir və orucları düz deyil.

🛑Sual: Səfərdə namaz və orucun hökmü necədir? Çox səfərə çıxanların (kəsirus-səfər) namaz və orucu necədir❓

✨Cavab: Əgər hər ay ən azı 10 gün səfərə gedirsinizsə, yaxud səfərdəsinizsə və 6 ay və yaxud daha çox belə davam etmək istəyirsinizsə, “kəsirus-səfər” (çox səfər edən) sayılırsınız. Bütün səfərlərinizdə namazınız tam qılınmalı və orucunuz tutulmalıdır. Amma səfəriniz ayda 8 və ya 9 gün olarsa, ehtiyat vacibə əsasən bütün səfərlərinizdə namazı həm tamam və həm qəsr qılmalısınız. Həm oruc tutmalı, həm də qəzasını yerinə yetirməlisiniz. Lakin 7 gün və ya daha az olsa, bu səfərdə namazlarınız qəsr qılınmalı və oruclarınız düzgündür.

🛑Sual: Sualım xəstəlik halında oruc tutmaqla əlaqədardır. Mən xəstəyəm, oruc tutanda vəziyyətim ağırlaşır və həkim də oruc tutmağıma icazə vermir. Amma oruc tutmaq istəyirəm. Bilmək istərdim ki, oruc tutsam orucum səhihdir❓❓

✨Cavab: Xəstə insanın oruc tutmasının ona ziyanı varsa (xəstəliyin çoxalmasına səbəb olarsa və yaxud müalicənin zamanını uzadarsa, yaxud da ağrını çoxaldarsa) oruc səhih deyil. Söz yox ki, onların hamısında ziyan o qədər olmalıdır ki, adətən ona dözmək olmur. Ziyanı olacağına əminliyinin ya da gümanının olmasının hökmdə heç bir fərqi yoxdur. Hətta ehtimal etsə belə hökm eynidir. (Söz yox ki, bu ehtimal qorxuya səbəb ola biləcək formada olmalıdır. Bu ziyan qorxusu da aqil insanların nəzərində qəbul edilən formada olmalıdır, misal üçün həkim rəyi ya təcrübə ya bu kimi yollarla) Xəstə sağalandan sonra həmin günün qəzasını tutmalıdır. Kəffarə ona vacib deyil. Əgər xəstəlik gələn ilin Ramazan ayına qədər davam etsə, qəza da boynundan götürülür. O, hər gün üçün 750 qram (yemək) çörək və ya makaron və ya buğda və bu kimi qidaları bir fəqirə (yoxsula) fidyə verməlidir.
Demək, nəinki xəstəliyin meydana çıxmasına yəqini olan şəxsin, hətta xəstəliyin meydana çıxacağından qorxuya düşən sağlam adamın da orucu səhih deyil. Amma oruc tutmağın ziyanı olmayan xəstə mütləq oruc tutmalıdır və orucu səhihdir

🛑Məsələ 1: Axıcı (maye) vasitə ilə imalə etmək, çarəsizlik üzündən və müalicə üçün olsa da, orucu batil edər.✨

Məsələ 2: Oruc tutan bilərəkdən qussa, əgər xəstəlik və bu kimi səbəblər vasitəsilə çarəsizlik üzündən olsa da, orucu batildir. Amma ixtiyarsız və ya səhvən qussa, eybi yoxdur.✨

Məsələ 3: Əgər gecə bir şey yesə və bu yemək vasitəsilə gündüz ixtiyarsız olaraq qusacağını bilsə, orucu düzgündür.✨

Məsələ 4: Oruc tutan şəxs bacarırsa, qusmağının qarşısını alsın və əgər onda bu hal yaransa, onun qarşısını alması lazım (vacib) deyildir.✨

Məsələ 5: Oruc tutan şəxsin boğazına milçək getsə və yemək deyilməyəcək qədər boğazdan aşağı enmişsə, onu çıxarmaq lazım deyil və orucu da düzgündür. Amma əgər bu qədər aşağı getməmişsə, qusmaqla olsa belə, onu çıxarmalıdır. Amma qusmağın ona zərəri, ya artıq məşəqqəti olsa, çıxarması lazım deyil. Bu halda onu qusub çıxarmasa və udsa, orucu batil olar. Əgər onu qusub çıxarsa da, orucu batil olur. ✨

Məsələ 6: Əgər oruc tutan səhvən bir şeyi udsa və mədəsinə çatmamış oruc olduğunu yadına salsa, aşağıda olduğundan yemək adlanmayacaq qədər onu mədəsinə daxil etsə, onu bayıra çıxarması lazım deyil və orucu da düzgündür.✨

Məsələ 7: Əgər gəyirməklə bir şeyin boğazından çıxacağına yəqin etsə, bu, qusmaq adlanacaq tərzdədirsə, bilərəkdən gəyirməməlidir, amma yəqin olmasa , eybi yoxdur.✨

Məsələ 8: Əgər oruc tutan şəxs gəyirdikdə boğazına və ya ağzına bir şey gəlsə, onu çölə tökməlidir. Əgər ixtiyarsız udsa, orucu düzgündür.✨

بِسْمِ اللهِ الرَّحْمَنِ الرَّحِيمِ
📚 Dərs: Əhkam

📖 Mövzu: Namazın müqəddimatı
5 vacib əməl

Qiblə və onun hökmləri
Məsələ 200-204

t.me/nacafsistani

بِسْمِ اللهِ الرَّحْمَنِ الرَّحِيمِ
📚 Dərs: Əhkam

📖 Mövzu: Namazın müqəddimatı
5 vacib əməl
(3) Namazda paklıq

Məsələ 205-208

t.me/nacafsistani

بِسْمِ اللهِ الرَّحْمَنِ الرَّحِيمِ
📚 Dərs: Əhkam

📖 Mövzu: Namazın müqəddimatı
5 vacib əməl
(3) Namazda paklıq

Məsələ 208-210

t.me/nacafsistani