លោកជំទាវ ឡោក ខេង ដឹកនាំកិច្ចប្រជុំពិនិត្យសម្រេចបែងចែកការលើកឡើងជាមតិយោបល់លើប្រធានបទទាំងបីក្នុងអង្គសមាជរដ្ឋសភា និងព្រឹទ្ធសភា
—————————
លោកជំទាវ ឡោក ខេង ប្រធានគណ:កម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា និងជាប្រធានក្រុមទី១២សមាជិកសមាជរដ្ឋសភា និងព្រឹទ្ធសភា ជំនួយការគណ:កម្មាធិការសមាជរដ្ឋសភា និងព្រឹទ្ធសភា នាព្រឹកថ្ងៃទី២៩ ខែឧសភា ឆ្នាំ២០២៥ បានអញ្ជើញដឹកនាំកិច្ចប្រជុំពិនិត្យសម្រេចលើការបែងចែកភារកិច្ចដើម្បីលើកជាមតិយោបល់ក្នុងអង្គសមាជរដ្ឋសភា និងព្រឹទ្ធសភា លើប្រធានបទទាំងបីរបស់សមាជ។
សមាជរដ្ឋសភានិងព្រឹទ្ធសភា នឹងប្រារព្វធ្វើឡើងនៅថ្ងៃទី២ ដល់ថ្ងៃទី៣ ខែមិថុនា ឆ្នាំ២០២៥ នៅវិមានរដ្ឋសភាក្រោមរបៀបវារៈសំខាន់ៗចំនួន៣៖ទី១-ស្ដីពីប្រព័ន្ធគាំពារសង្គម ,ទី២- ស្ដីពីសេដ្ឋកិច្ចក្រៅប្រព័ន្ធ និងនិងទី៣- ស្ដីពីវិស័យកសិកម្ម ។
កិច្ចប្រជុំនេះ មានការចូលរួមពីសំណាក់ឯកឧត្តមអនុប្រធាន ឯកឧត្តម លោកជំទាវជាសមាជិក សមាជិកាគណ:កម្មការទី៨ និងឯកឧត្តម លោកជំទាវជាសមាជិក សមាជិកា ក្រុមទី១២ នៃសមាជិកសមាជរដ្ឋសភា និងព្រឹទ្ធសភា ៕

😍ភ្ជាប់ទៅកាន់បណ្តាញសង្គមរបស់រដ្ឋសភា៖
😒 Facebook
😏 Telegram
😟 Instagram
😱 (X) Twitter
😎 TikTok
🙁 YouTube
🌐 Website

ឯកឧត្តម វង សូត អនុប្រធានទី២ រដ្ឋសភា ផ្ញេីសារលិខិតរំលែកមរណទុក្ខ ជូន ក្រុមគ្រួសារនៃសពព្រឹន្ទបាលឯក សួន រ៉ោន ដែលបានទទួលមរណភាព នាព្រឹកថ្ងៃពុធ ២កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៨ ខែឧសភា ឆ្នាំ២០២៥ ក្នុងជន្មាយុ ៤៧ឆ្នាំ ដោយហេតុការណ៍ប៉ះទង្គិចគ្នារវាងកងទ័ពកម្ពុជា-ថៃ នៅព្រំដែនតំបន់មុំបី ស្ថិតក្នុងខេត្តព្រះវិហារ។

😍ភ្ជាប់ទៅកាន់បណ្តាញសង្គមរបស់រដ្ឋសភា៖
😒 Facebook
😏 Telegram
😟 Instagram
😱 (X) Twitter
😎 TikTok
🙁 YouTube
🌐 Website

ឯកឧត្តម កែប ជុតិមា ប្រធានគណៈកម្មការទី៤ នៃរដ្ឋសភា ផ្ញេីសារលិខិតរំលែកទុក្ខ ជូន ក្រុមគ្រួសារសពព្រឹន្ទបាលឯក សួន រ៉ោន ដែលបានពលីជីវិតក្នុងការផ្ទុះអាវុធជាមួយទាហានថៃ នៅតំបន់មុំបី ស្ថិតក្នុងស្រុកជាំក្សាន្ត ខេត្តព្រះវិហារ កាលពីព្រឹកថ្ងៃពុធ ២កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៨ ខែឧសភា ឆ្នាំ២០២៥។

😍ភ្ជាប់ទៅកាន់បណ្តាញសង្គមរបស់រដ្ឋសភា៖
😒 Facebook
😏 Telegram
😟 Instagram
😱 (X) Twitter
😎 TikTok
🙁 YouTube
🌐 Website

ឯកឧត្តមបណ្ឌិត ហ៊ឺ វីរៈ អញ្ជើញជួបជាមួយបងប្អូនខាងសេដ្ឋកិច្ចក្រៅប្រព័ន្ធ និងអញ្ជើញចូលរួមបុណ្យសពប្រជាពលរដ្ឋ នៅស្រុកកំពង់ត្រឡាច
—————————
ឯកឧត្តមបណ្ឌិត ហ៊ឺ វីរៈ តំណាងរាស្ត្រមណ្ឌលខេត្តកំពង់ឆ្នាំង នៅថ្ងៃទី២៨ ខែឧសភា ឆ្នាំ២០២៥ បានអញ្ជើញចុះជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្សដែលកំពុងសិក្សាជំនាញកាត់ដេរសម្លៀកបំពាក់ សាឡន និងភ្លេងពិណពាទ្យ នៅមជ្ឈមណ្ឌលសិក្សាសហគមន៍ឃុំអូរឫស្សី។ ការជួបសំណេះសំណាលនេះក៏មានការអមដំណើរដោយក្រុមការងារចុះមូលដ្ឋានស្រុកកំពង់ត្រឡាច លោកប្រធានការិយាល័យអប់រំយុវជន និងកីឡាស្រុកកំពង់ត្រឡាច រដ្ឋបាលឃុំអូរឫស្សី ឃុំតាជេស និងឃុំថ្មឥដ្ឋ។ ឯកឧត្តមបណ្ឌិត បានឧបត្ថម្ភថវិកាមួយចំនួនដល់លោកគ្រូ អ្នកគ្រូចំនួន ៣នាក់ និងសិស្សានុសិស្សចំនួន ៤១នាក់ ផងដែរ។
បន្ទាប់មកឯកឧត្តមបណ្ឌិត បានអញ្ជើញចុះជួបសំណេះសំណាលជាមួយក្មួយៗដែលជាកុមារកំព្រា និងមានជីវភាពខ្វះខាតចំនួន ២២នាក់ ដែលកំពុងស្នាក់នៅមជ្ឈមណ្ឌលកុមារក្តីសង្ឃឹមថ្មី ស្ថិតនៅភូមិស្វាយក្រោម ឃុំតាជេស។ ក្នុងឱកាសនោះឯកឧត្តមបណ្ឌិត បានឧបត្ថម្ភអង្ករចំនួន ១០០ គីឡូក្រាម ភេសជ្ជៈចំនួន ៣កេស និងឧបត្ថម្ភថវិកាមួយចំនួនទៀត។
បន្ទាប់មកឯកឧត្តមបណ្ឌិត ក៏បានបន្តអញ្ជើញចូលរួមពិធីបុណ្យសពប្រជាពលរដ្ឋចំនួន ២សព។ សពទី១ ជាប្រធានប្រជាការពារភូមិស្នងមុំ ឃុំថ្មឥដ្ឋ ដែលបានទទួលមរណភាពដោយរោគាពាធ និងសពទី២ ជាប្រជាពលរដ្ឋ ស្ថិតនៅភូមិស្វាយក្រោម ឃុំតាជេស ដែលបានទទួលមរណភាពដោយជរាពាធ។
ស្ថិតក្នុងឱកាសដ៏ក្រៀមក្រំនេះ ឯកឧត្តមបណ្ឌិត បានចូលរួមរំលែកទុក្ខដល់គ្រួសារសពដែលបានបាត់បង់សមាជិកជាទីស្រឡាញ់ និងសូមបួងសួងដល់ដួងវិញ្ញាណក្ខន្ធសពទាំងពីរ បានទៅកាន់សុគតិភពកុំបីអាក់ខានឡើយ។ ឯកឧត្តមបណ្ឌិត ក៏បាននាំយកអង្ករចំនួន ២៥ គីឡូក្រាម មី ១ កេស ទឹកត្រី ទឹកស៊ីអ៊ីវ និងបច្ច័យមួយចំនួនចូលរួមរំលែកទុក្ខផងដែរ៕

😍ភ្ជាប់ទៅកាន់បណ្តាញសង្គមរបស់រដ្ឋសភា៖
😒 Facebook
😏 Telegram
😟 Instagram
😱 (X) Twitter
😎 TikTok
🙁 YouTube
🌐 Website