استكثرك وقتي عليّ وغدا بك
عادة زماني كل ما طاب هوّن

ليت الذي ودّاك يا زين جابك
تشوف عقبك كيف الأيام سوّن

طوّيتني طي الورق في كتابك
‏حتى معاليق الحشا لك تطون

‏اشتقت لايام الهوى في جنابك
‏يوم الشموع بليل الاحباب ضوّن

‏واشتقت اقول لهاتفك مرحبا بك
‏واشتقت لغيوم الصحاري تكوّن

‏عوّد ترى داعي الهوى عند بابك
‏وارو القلوب اللي بعد ما تروّن

على عيد انكساري في غرامك قبل عامين
تذكّرتك وقلت اكلمك والنيه النيّه
الو لبيه يا اغلى من ذبحني قبل عام الفين
ومت ولا حييت الاّ على ذكره وطاريّه
احبك وين ما سجّت عيوني في الزمان الزين
وسجّجني الزمان اللي متاهاته خياليه
رعى الله كل يوم مرّنا ما قبل ذاك الحين
على ذمّة صفى الأيام والأحلام ورديه
يوم انك تستحي تذكر ان عمرك وصل عشرين
وانا ما طاب لي إلاّ ما ورى العشرين بشويه
ياحلو أحلامنا ومراهقتنا والبلا بعدين
كشفنا ضحكة أول حلمنا ودموع تاليّه
ولكن ما ندمنا، ليه؟ لأن العالم الحلوين
يعيشون الغلا وفق القوانين السعوديه
عفا الله عن ملذات الهوى والعشق والتخمين
وسجّات الغرام ولذة الحب الحقيقية
فديتك يوم تاخذني معك ولا أدري وين
معك من وين ذعذع هواك ومالت الفيّه
غدينا كنّك الشاعر وانا واحد من الغاوين
نهيم بكل واد من العليّا للعزيزيه

الله يسامح من جعلني في موادعك أستهين
‏ اللي يقول الوقت ما ياقف على فرقا حدا

‏توقفت من بعد فرقاك الأماني والسنين
‏ قصه حياتي كلها قصت وراك التذكـره

لمت الزمان ولايم الوقت غلطان
حوادث الايام من فعل اهلها
كل يغني مع زمانـه على شان
هذا يميــلها وهذا عدلها
وانا نديم الوجد في ليل الاشجان
اجاذب نجوم الليالي غزلها
ياما جرحت بونّتي ليل الاحزان
ياما سمع منّي وياما حملها
وياما رقص مع نغمة الحب نشوان
ينفض عن النجمات وحشة مللها
قصيدتي رحشة خفوق ووجدان
صوّت بها السّاري وردّد مثلها

انا لاتباطيتك علي الوله ينشاف
‏يبين على العاشق وينشاف فعيونه

‏احبك جعل حبٍ يجي من بعدك يعاف
‏وانا حالفٍ حبك مع الوقت ماخونه

‏ليا شفت وجهك والله انه ماعلي اخلاف
‏فلا تنشد اللي شاف غايته وش لونه

‏عيونك مثل مجدٍ قصر دونه اللي خاف
‏وانا اللي يحب المجد ويموت من دونه

H

اثر المولّع دمعته تجرح القاع
‏واليا ذكر ما فات هلّت دموعه
‏يفزّ قلبي تالي الليل مرتاع
‏اخاف تبعد عن ربوعي ربوعه
في غير شوف العين ما نيب طمّاع
حقّه علي أمشي بدرب المطوعه
‏ابو عيونٍ رمشها سود ووساع
‏في ذبحها العاشق فتون وبتوعه
‏😢

عيني بها هزمٍ من الناس ما اشوف
‏وان شافت الغالي، تطلّق نظرها

‏نفسي بها عن هرجة الناس عاصوف
‏ولا الله على غير الحبيّب سخرها

‏قلبي كما عشبة نفودٍ بشفشوف
‏صلَّب عليها القيظ وافخت مطرها

لي صاحبٍ منّه تبي تطلع الروح
‏خبلٍ ومن هي مولعه فيه خبلة

‏عامين ألمّح له مع الجدّ ومزوح
‏واقول يا عنتر تناديك عبلة

‏طال المدى ثم قلت انا اغليك يا لوح
‏مجروحةٍ جرحٍ مخاطره عجلة

‏دنّق وقال انا من العام مجروح
‏واشّر لجرح مبطيٍ وسط رجله 🤷🏻‍♀️

يانور نجد ومن سكن في ثرى نجد
وحشتك وحشه ياسليل الاماجد

فرقاك ضيم وغيبتك كلها وجد
ياللي بقلبي من غلاه متواجد

عشرتك مجد ان كان لااهل الهوى مجد
كنّك وحد ! لوغيرك الناس واجد

اعذب من الغادق كلام العتب بجد
مثل السحاب اللي سرى الليل هاجد

ياحي لك عندي دقاق الغلا رجد
صدقة كريم وزّعت بالمساجد

وليلٍ كموج البحر أرخى سدوله
‏عليَّ بأنواع الهُموم ليبتلي
‏فقلت له لما تمطَّى بجوزه
‏وأردف أعجازًا وناء بكلكلِ
‏ألا أيَّه الليل الطَّويل ألا انجلي
‏بصبحٍ وما الإصباح فيك بأمثلِ
‏فيا لك من ليلٍ كأن نجومه
‏بكل مغار الفتل شُدَّت بيذبلِ
‏كأن ثريا عُلِّقت بمصامها
‏بأمراس كِتان إلى صُمِّ جندلِ

عيّنت قلبي ؟مااوصفولك حراويه
‏ياكيف ضيعته وهو معك امانه

‏لومك على اللي سلّمه لك بأياديه
‏واوما عليه وفي يده خيزرانه

متغانم ٍ عمره ومتزاهدٍ فيه
‏ما تسمع الا جوضته وانهتانه

‏مالك على مثله كلام ومشاريه
‏صبٍ صويب وذاهبٍ ذيهبانه

انت سويت فيني شي ماهو قليل
‏حتى عيني بدمـع الحـزن بللتهـا

‏قلت احبك ولا سويت فيني جميل
‏قلتهـا مـن لسـانـك ، بس مثلتهـا

‏في دروب المحبه الف درب وسبيل
‏لـو فعـلا تبينـي .. " كـان كملتهـا "

‏ليش وقفت ، ليش تمثل انك خليل
‏ليش الاشـواق يـوم تعيش ، كبلتها ؟

عليك المشاعر صايرٍ قلبها حسّاس
‏لو تشوفها عيون المخاليق بكتها

‏احبك واعرف اني بدونك بدون احساس
‏من بداية دروب الغلا لا نهايتها

‏لو ان العيون اللي تشوفك ماهي بنعاس
‏تشوفك ملذات الحياه وسعادتها

‏انا كيف اخاف من الليالي واخاف الناس
‏وانا قوتي من قوتك . . مستمدتها

ماني ضعيف إيمان لكنّي انسان
‏تجرحني الكلمة ويقتلني الظن

‏قصة مشاعر خلفها ألف خذلان
‏عاشت وكبرت مثل مايكبر السن

‏أنا ضحية صمت في ظلم الازمان
‏صابر واقول الجاي يارب أحسن

‏ياكثر شرهاتي على مـاضيٍ كان
‏وياكبر هقواتي على أحلام ما جن