(بسـم تعالى)
بـدايـة جـديده مع الله (والله غفوࢪ ࢪحيم)

سؤال||

السلام عليكم
اريد نصيحه منج
اني كل يوميه اسوي ذنوب وكل مااتوب ارجع اسوي نفس الغلط وحتى صلاتي قاطعتها فدوه شنو اسوي 😔💔


جواب ||
عليكم السلام ورحمة الله

كل إنسان يسوي ذنوب وارتكاب الذنوب شيء ماكو مهرب منة بس ذنب عن ذنب يختلف

اكو ذنب متقصدة الإنسان واكو ذنب عن جهل وبدون قصد
اول خطوة حتى تتخلصين بيها من الذنوب
هو الصلاة انتي شلون تخلين نفسج ضمن حدود وتحسين بشعور المسؤلية اذا ماتصلين
انتي حاليا تائهه ومراح تستقرين اذا ماتصلين

الصلاة هي المنقذ والمهرب من كل شيء

هي مومجرد فرض عبادي والسلام
صلي حتى لو ركعتين لوجة الله بعد متخلصين الصلاة والتسبيح اكعدي واحجي لله سبحانة عن كل شيء
واحجي بعامية وابجي كلشي احجي كولي يارب اني اريد اقدم الك كل تقصيري وماكو حل بدونك انت وحدك القادر على كل شيء احجي ذنوبج كولي اني سويت هيج ذنب وهيج شسوي شلون اتوب ياربي اذا ماتقبل توبتي اني اضيع وإني ماريد ابقى على حالي هذا اريد اتغير يارب

بعدها قرري قرار حقيقي انو راح تبدين من جديد بعون الله وقوته
وثم بشفاعة محمد وآل محمد الطيبين الطاهرين
ابدي صلي الواجبات واستغفري دائما
سلاحج الاستغفار ادفعي صدقة شكد متكدرين حتى لو ربع دينار ابسط شي بنية التوفيق والتوبة لوجة الله تعالى
وبعدها حاربي نفسج الإمارة بالسوء
حتى لو رجعتي سويتي ذنب لا تكَطعين الصلاة ارجعي صلي واستغفري وحاولي بس كون فعلا تلتزمي وتحاربين الشيطان اللعين

وبالنهاية اكلج
الله يوفقج ويسهل امرج
بحق النبي وآله عند الله 🌻✨

"إنَّ صَاحِب الزَّمان مُطلع عَلى أحوالنّا
وَيساعدنا بِطريقةٍ أو بأخرى ولكِن نحنُ مَن يَعيش الغِياب والغفلة تجاهه..

قل دومًا " السّلام عليك يا صاحب الزمان " ، سيلتفت إليك، ولن يتركك وحيدا أبدا ...💙

اللهُمَّ البِـشارات التي تُحِبُـها قلوبـنا ولأيام التي تُسرُّنا والرَّحمَات التي تَتَوالى والعَافية التي تَدوم والخَير الذي لا يَـنقطع 🦋.

‏﴿ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَارًا ﴾

شلون أترك الأغاني واطلعهه من بالي ؟ :
الأغاني تُلهيك عن القرآن
‏الأغاني تُلهيك عن العبادة
‏الأغاني تُلهيك عن ذكر الله
‏والله أنَّ مفاسد الأغاني وآفاته كثيرة لا
تُحصى منها أنَّه يفسد القلب ويمحو من
القلب محبة القرآن، وتعلم أنَّه لا يجتمع
في قلب واحد محبة القرآن ومحبة
الأغاني لأنهما متضادان. وأعظمه أنَّه يصد
عن ذكر الله !.