Ijoollee Addaamii fi Hewwaan (Seera Uumamaa 4)

👇👇👇

Ijoollee Addaamii fi Hewwaan (Seera Uumamaa 4)
===
Addaamii fi Hewwaan ijoollee baay’ee qabu turan. Ijoolleen isaanii warri jalqabaa Qaayinii fi Abeel turan.

 

Qaayin guddatee qotee bulaa ta’e. Abeel yommuu guddate, tiksee horii ta’e.

Gaaf tokko Qaayinii fi Abeel kennaa Waaqayyoof fidan.  Iddoo aarsaa irratti kennaa isaanii guban. Kun akka isaan itti kennaa isaanii Waaqayyoof kennanii dha. Abeel hoolota isaa keessaa kanneen gaggaarii Waaqayyoof kenne. Qaayin garuu midhaan isaa keessaa isa gaarii Waaqayyoof hin kennine.

                                                                                                                        
Waaqayyo kennaa Abeeliitti gammade. Sababa inni isaaf hin abboomamneef, Waaqayyo kennaa Qaayinitti hin gammadne. Qaayin aaree Abeeliin ajjeese.

“ Obboleessi kee eessa jira?’jedhee Waaqayyo Qaayiniin gaafate.

 

Qaayin” Ani hin beeku. Obboleessa koo eeguuf dirqaman qabaa?” jedhee deebiseef.

Waaqayyo, “Cubbuu hojjechuu keetin obboleessa ajjeefte”, Qaayiniin jedhe.

: Kunoo biqilaawwan maasii kee keesssaa sirriitti hin guddatan. Bakka jireenyaa hin qabaattu. Bara jireenya kee isa hafe keessatti iddoodhaa gara isa kaaniitti adeemta” ittiin jedhe.

 

Kanaaf Waaqayyo Qaayiniif eegumsa gochuuf mallattoo itti tolche. Namoonni yommuu mallatticha argan Qaayiniin hin ajjeesan.

 

Waaqayyo Addaamii fi Hewwaaniif ilma an biraa kenneef. Maqaan isaa Sheet jedhama. Erga Sheet dhalatee, Addaam itti dabalee waggoota 800 jiraate. Inni ijoollee dhiiraa fi durboota hedduu qaba ture.

Addaam waggoo 930 jiraate.

Argitanii ijoolle,
👉Abeel garaa/onnee guutuudhaan waan gaarii ta'e Waaqayyoof aarsaa waan dhi'eesseef  Waaqayyo aarsaa isaa fudhate. Kanaafuu, aarsaan Waaqayyoof dhi'eessinu wanta hundumaarra gaarii ta'uu qaba, garaa/onnee guutuudhaan ta'uu qaba.
👉Qaayin hinaaffaadhaan obboleessa isaa ajjeese, hinaaffaan gaarii miti, irraa of eeggadhaa, cubbuurraa fagaadhaa.

Kutaa qu'annaa Kitaaba Qulqulluu 2Qor. 9:6-8 qu'adhaa.
 
#Gaaffii:
1.       Kennaa eenyuutu Waaqayyoon gammachiise?

Waaqayyo akka Qaayin obboleessa isaa ajjeesuu isaatiif qalbii jijjiiratee dhiifama gaafatu barbaade. Waaqayyo Qaayiniif eegumsa guchuuf maal hojjete?                                    

👇👇👇

Deebii keessan nuuf barreessaa! Namni barumsa shan wal duukaa ykn wal faana deebii sirrii deebiseef badhaasni kitaabaa qophaa'eera.

Guyyaa gaarii eebbaan guutuu isiniif haa ta'u!

http://www.mysundayschool.org
https://t.me/MYSundaySchool

''እነሆ፥ ልጆች የእግዚአብሔር ስጦታ ናቸው፥ የሆድም ፍሬ የእርሱ ዋጋ ነው።'' መዝሙር 127:3

''Ilaa ijoolleen kennaa Waaqayyoo ti, dhala godhachuunis bu'aa Inni namaaf kennuu dha.'' Faarf. 127:3

''Children are a heritage from the Lord, offspring a reward from Him.'' Psalm 127:3

Photo: EECMY Bethel Djemo Congregation