😀😀😀😀
နိုင်ငံတော်သမ္မတ ဦးမင်းအောင်လှိုင် ပြည်ထောင်စုလွှတ်တော်တွင် ကျမ်းသစ္စာကျိန်ဆို

၁၀ ဧပြီ၊၂၀၂၆

နိုင်ငံတော်သမ္မတ ဦးမင်းအောင်လှိုင်သည် ဒုတိယသမ္မတများဖြစ်သော ဦးညိုစော နှင့် ဒေါ်နန်းနီနီအေး တို့နှင့်အတူ ယနေ့ဧပြီ၁၀ရက်မနက်က ပြည်ထောင်စုလွှတ်တော်တွင် ကျမ်းသစ္စာကျိန်ဆိုကြသည်။
သမ္မတနှင့်ဒုတိယသမ္မတများ၊ပြည်ထောင်စုအဆင့်ပုဂ္ဂိုလ်များ ကျမ်းသစ္စာကျိန်ဆိုပြီးသည်နှင့် အမျိုးသား ကာကွယ်ရေးနှင့်လုံခြုံရေးကောင်စီ၊ နိုင်ငံတော် လုံခြုံရေးနှင့်အေးချမ်းသာယာရေးကော်မရှင်အပါအဝင် ပြည်ထောင်စုအဆင့်အဖွဲ့အစည်းများ ဖျက်သိမ်းကြောင်းလည်း ပြည်ထောင်စုလွှတ်တော်နာယကက ကြေညာခဲ့သည်။

😀😃😄😁😆
ကာ/လုံက ကျင့်သုံးခဲ့သည့် နိုင်ငံတော်အာဏာကို အစိုးရအဖွဲ့သစ်သို့လွှဲပြောင်းပေးအပ်ပြီး ယခင်အစိုးရအဖွဲ့အည်းအဆင့်ဆင့်ကို ဖျက်သိမ်း

၁၀ ဧပြီ၊ ၂၀၂၆

အမျိုးသား ကာကွယ်ရေးနှင့် လုံခြုံရေးကောင်စီက နိုင်ံတော်အာဏာကို အစိုးရအဖွဲ့သစ်ထံလွှဲပြောင်းပေးအပ်ကြောင်းနှင့် ယခင်အစိုးရ အဖွဲ့အစည်းအဆင့်ဆင့်ကိုဖျက်သိမ်းကြောင်း ယခင်အစိုးရ ယာယီသမ္မတ၏ အမိန့်ကို ပြည်ထောင်စုလွှတ်တော်နာယကက ဖတ်ကြားကြေညာခဲ့ရာ အောက်ပါအတိုင်းဖြစ်ပါတယ်။


၁။ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေနှင့်အညီ ဖွဲ့စည်းသည့် ပြည်ထောင်စု လွှတ်တော်၊ ပြည်သူ့လွှတ်တော်၊ အမျိုးသားလွှတ်တော်တို့တွင် ဥပဒေပြုရေး၊ အုပ်ချုပ်ရေး၊ တရားစီရင် ရေးဆိုင်ရာ ပြည်ထောင်စုအဆင့် အဖွဲ့အစည်းများနှင့် ပုဂ္ဂိုလ်များအား ဖွဲ့စည်းပုံအခြေခံဥပဒေ၊ သက်ဆိုင် ရာ ဥပဒေ၊ နည်းဥပဒေနှင့်အညီ ဖွဲ့စည်းဆောင်ရွက် ရွေးချယ်တင်မြှောက်ခြင်းနှင့် လွှတ်တော်၏ သဘော တူညီချက်ရယူခြင်းများကို ဆောင်ရွက်ပြီး ဖြစ်ပါသည်။

၂။ သို့ပါ၍ ဖွဲ့စည်းပုံအခြေခံဥပဒေ၊ သက်ဆိုင်ရာ ဥပဒေ၊ နည်းဥပဒေနှင့်အညီ ရွေးချယ် တင်မြှောက်ခြင်း နှင့် လွှတ်တော်၏ သဘောတူညီချက်ရယူခြင်းကို ဆောင်ရွက်ပြီးဖြစ်သည့် ပြည်ထောင်စုအဆင့်ပုဂ္ဂိုလ်များအား ၂၀၂၆ ခုနှစ်၊ ဧပြီလ ၁၀ ရက်နေ့ ပြည်ထောင်စုလွှတ်တော်တွင် ကတိသစ္စာပြုပြီးသည့် အချိန်မှ စ၍ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၄၂၇ အရ အမျိုးသား ကာကွယ် ရေးနှင့် လုံခြုံရေးကောင်စီက ကျင့်သုံးလျက်ရှိသည့် ဥပဒေပြုရေး၊ အုပ်ချုပ်ရေးနှင့် တရားစီရင်ရေး အာဏာများကို လွှဲပြောင်းပေးအပ်လိုက်ကြောင်း ကြေညာလိုက်သည်။

၃။ အထက်အပိုဒ် ၂ ပါ အတိုင်း ပြည်ထောင်စုအဆင့် ပုဂ္ဂိုလ်များ ကတိသစ္စာပြုပြီးသည့်အချိန်မှစ၍ ပြည် ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၄၂၇ အရ အမျိုးသားကာကွယ်ရေးနှင့် လုံခြုံရေးကောင်စီကဖွဲ့စည်းခဲ့သည့်နိုင်ငံတော်လုံခြုံရေးနှင့်အေးချမ်းသာယာရေးကော်မရှင်၊ ပြည်ထောင် စုအစိုးရအဖွဲ့၊အုပ်ချုပ်ရေးနှင့်တရားစီရင်ရေးဆိုင်ရာ ပြည်ထောင်စုအဆင့်အဖွဲ့အစည်းများ၊ တိုင်းဒေသ ကြီး သို့မဟုတ် ပြည်နယ်အစိုးရအဖွဲ့များ၊ ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရ ဒေသ ဦးစီးအဖွဲ့တို့အား ဖျက်သိမ်းလိုက်သည်။

ယာယီသမ္မတ