😀😃😄😁😆
ဒီဂျစ်တယ်အခြေပြုထိန်းကျောင်းခဲ့သဖြင့် စက်သုံးဆီသုံးစွဲမှု ၂၉ ရာခိုင်နှုန်း လျှော့ချနိုင်ခဲ့ပြီး နိုင်ငံခြားငွေ ဒေါ်လာ ၂ ဘီလီယံခန့် နှစ်စဉ် သက်သာမည်ဟု စွမ်းအင်ဝန်ကြီးဌာနပြော

ရန်ကုန်၊ ဧပြီ၆၊၂၀၂၆

ပြည်တွင်းစက်သုံးဆီဖြန့်ဖြူးရောင်းချမှုကို ဒီဂျစ်တယ်နည်းပညာအခြေပြုစနစ်များဖြင့် ကြပ်မတ်ထိန်း ကျောင်းခဲ့ရာ နေ့စဉ်သုံးစွဲမှု ၂၉ ရာခိုင်နှုန်းအထိ သိသာစွာလျော့ကျသွားပြီး တစ်ရက်လျှင် နိုင်ငံခြားငွေ ဒေါ်လာ ၆ သန်းခန့် သက်သာစေမည်ဖြစ်ကြောင်း စွမ်းအင်ဝန်ကြီးဌာနက သတင်းထုတ်ပြန်လိုက်သည်။ ထို့အပြင် ပြည်တွင်း၌ စက်သုံးဆီဖူလုံမှု ရက် ၄၀ မှ ၅၀ အထိရှိနေပြီး ယခုလ (ဧပြီလ) အတွင်း ဆီသင်္ဘော ၂၆ စီး ထပ်မံရောက်ရှိမည်ဖြစ်ကြောင်း အသိပေးထားသည်။

၂၀၂၆ ခုနှစ် ဖေဖော်ဝါရီလ ၂၀ ရက်နေ့မှစတင်ကာ ယနေ့အထိ စာရင်းများအရ နေ့စဉ် ပျှမ်းမျှ စက်သုံးဆီ သုံးစွဲမှုသည် ၃.၅၄ သန်း ဂါလန်မှ ၂.၅ သန်း ဂါလန်သို့ ကျဆင်းလာခဲ့သည်။ ယင်းကဲ့သို့ နေ့စဉ်သုံးစွဲမှု ၂၉ ရာခိုင်နှုန်းအထိ လျှော့ချနိုင်မှုကြောင့် တစ်ရက်လျှင် နိုင်ငံခြားငွေ ဒေါ်လာ ၆ သန်းခန့် သက်သာစေမည့် အပြင် အရံဆီကိုလည်း နောက်ထပ် ၁၀ ရက်စာ ပိုမိုသိုလှောင်လာနိုင်မည်ဖြစ်သည်ဟုသိရသည်။

ပုံမှန်အားဖြင့် နိုင်ငံတော်အနေဖြင့် နှစ်စဉ် စက်သုံးဆီတန်ချိန် ၅ သန်းခန့် တင်သွင်းရန်အတွက် အမေရိ ကန်ဒေါ်လာ ၅ ဘီလီယံကျော် သုံးစွဲနေရခြင်းဖြစ်သည်။ သို့သော် ယခုကဲ့သို့ စနစ်တကျ ပြောင်းလဲသုံး စွဲလာနိုင်သည့်အတွက် နှစ်စဉ် ဒေါ်လာ ၂ ဘီလီယံခန့် လျော့နည်းသက်သာစေမည်ဖြစ်ကြောင်း သိရသည်။ လက်ရှိ ပြည်တွင်းအရန်ဆီ လက်ကျန်အနေဖြင့် ဓာတ်ဆီ ရက် ၄၀ စာနှင့် ဒီဇယ် ရက် ၅၀ စာ ရှိနေပြီး ဧပြီလအတွင်း ဆီသင်္ဘော ၂၆ စီး ထပ်မံရောက်ရှိရန် စီမံထားရှိပြီးဖြစ်သည်ဟုလည်း သတင်းထုတ်ပြန်ထားသည်။
—————————————-
❗️❗️❗️❗️❗️
https://yangonmediagroup.com/index.php/myanmar/fuel-save-by-digital-management

😀😃😄😁😆
နိုင်ငံတော်သမ္မတကျမ်းသစ္စာကျိန်ဆိုပွဲသို့ အိန္ဒိယအစိုးရ ကိုယ်စားလှယ် တက်ရောက်မည်
နယူးဒေလီ-ဧပြီ၆၊ ၂၀၂၆
ပြည်ထောင်စုသမ္မတမြန်မာနိုင်ငံတော် အစိုးရရဲ့ ဖိတ်ကြားချက်အရ၊ အိန္ဒိယအစိုးရကိုယ်စား အိန္ဒိယ နိုင်ငံ၏ နိုင်ငံခြားရေးနှင့် ပတ်ဝန်းကျင်၊ သစ်တောနှင့် ရာသီဥတုပြောင်းလဲမှုဆိုင်ရာ ဒုတိယဝန်ကြီး ရှရီ ကီရတီ ဝါဒန်ဆင်း(the Minister of State for External Affairs and Environment, Forest & Climate Change Shri Kirti Vardhan Singh) ဟာ နေပြည်တော်မှာ ၂၀၂၆ ခုနှစ် ဧပြီလ ၁၀ ရက်နေ့ ကျင်းပမယ့် နိုင်ငံတော် သမ္မတသစ် ကျမ်းသစ္စာကျိန်ဆိုပွဲ အခမ်းအနားကို တက်ရောက်ဖို့ ၂၀၂၆ ခုနှစ် ဧပြီလ ၈ ရက်နေ့ ကနေ ၁၁ ရက်နေ့အထိ မြန်မာနိုင်ငံကို လာရောက်မှာ ဖြစ်တယ်လို့ အိန္ဒိယနိုင်ငံခြား ရေးဝန်ကြီးဌာနက ယနေ့ ဧပြီ၆ ရက်နေ့က သတင်းထုတ်ပြန်ပါတယ်။
----------—
❗️❗️❗️❗️❗️

https://yangonmediagroup.com/index.php/myanmar/india-send-state-minister-for-myanmar-presidency

😀😀😀😀
အီရန် အပစ်အခတ်ရပ်စဲရေး သဘောတူညီချက်မိုဂျ်တာဘာ ခါမေနီ အတည်ပြု-
သောကြာနေ့တွင် အစ္စလမ်မာဘတ်မြို့ ၌ အမေရိကန်နှင့် ဆွေးနွေးမည်

၈ ဧပြီ၊၂၀၂၆
တရုတ် ဝင်ပါလာပြီးနောက် ပါကစ္စတန်က ကြားခံပေးတဲ့ အပစ်အခတ်ရပ်စဲရေးကို အီရန်က လက်ခံလိုက် ပြီလို့ သိရပါတယ်။ တီဟီရန်ဘက်က အချက် ၁၀ ချက်ပါ အစီအစဉ်ကို တောင်းဆိုနေချိန်မှာပဲ ဧပြီလ ၁၀ ရက်နေ့မှာ ပါကစ္စတန်နိုင်ငံ အစ္စလမ်မာဘတ်မြို့တွင် မေရိကန်နဲ့ ဆွေးနွေးပွဲတွေ လုပ်ဖို့ စီစဉ်ထား ပါတယ်။ နှစ်ဖက်စလုံးက သဘောတူတယ်ဆိုရင် ၁၅ ရက်ထက်လည်း ကျော်လွန်သွားနိုင်တယ်လို့ အီရန် အရာရှိတွေက ပြောပါ တယ်။ ဆွေးနွေးပွဲတွေရဲ့ အဓိကရည်ရွယ်ချက်ကတော့ အီရန်ရဲ့ စစ်မြေပြင်က အောင်ပွဲတွေကို သတ်မှတ် ထားတဲ့ အချိန်ကာလတစ်ခုအတွင်းမှာ နိုင်ငံရေးရလဒ်တွေဖြစ်လာအောင် ပြောင်းလဲဖို့ပဲ ဖြစ်ပါတယ်။
-------------—
❗️❗️❗️❗️❗️
https://yangonmediagroup.com/index.php/local-news/world/iran-us-ceasefire

🟠🟠🟠🟠🟠
ဖောက်ပြန်ခဲ့သည့် ယောကျ်ားတစ်ဦး၏နာရေးတွင် ရည်စားလုဖက်မှန်းသိသွားကြပြီးနောက် အမျိုးသမီးနှစ်ဦး အခေါင်းဘေးတွင် လုံးထွေးရန်ဖြစ်

၉ ဧပြီ၂၀၂၆−

ဖောက်ပြန်ခဲ့တဲ့ ယောက်ျားတစ်ယောက်တည်းနဲ့ သူတို့နှစ်ယောက်လုံး ချစ်သူတွေဖြစ်နေမှန်း သိသွားပြီး တဲ့နောက် အမျိုးသမီးနှစ်ယောက်ဟာ သေဆုံးသူ အဲဒီယောကျ်ားရဲ့ အခေါင်းရှေ့မှာပဲ ကိုယ်ထိ လက် ရောက်သတ်ပုတ်ခဲ့ကြပါတယ်။

အဲ့ဒီ အံ့သြစရာကောင်းတဲ့ ရန်ပွဲက သေဆုံးသွားတဲ့ ယောက်ျားရဲ့ နာရေးမှာ ဖြစ်သွားခဲ့တာဆိုတော့ နာရေး လာတဲ့သူတွေ အကုန်ကြောင်အမ်းအမ်း ဖြစ်ကုန်ကြပါတယ်။ အမျိုးသမီးတစ်ယောက်က အခေါင်းဘေး နားမှာရပ်ပြီး သေဆုံးသွားတဲ့သူကို ရင်ထဲကလာတဲ့ နှုတ်ဆက်စကား တိုးတိုးလေး ပြောလိုက်မတာကနေ ရန်ပွဲစဖြစ်ကြတာပါ

အဲဒီအမျိုးသမီး က "အချစ်ရေ.. နင့်ကို လွမ်းနေရတော့မှာပါပဲ" လို့ ပြောလိုက်ပါတယ်။ အဲသလို လွမ်းလွမ်း ဆွေးဆွေး နှုတ်ဆက်လိုက်တဲ့စကားက အဲ့ဒီမှာရှိနေတဲ့ တခြားအမျိုးသမီးတစ်ယောက်ကို ချက်ချင်း သံသယဝင်သွားစေပါတယ်။ ကြားလိုက်တဲ့အမျိုးသမီးက ချက်ခြင်းပဲထပြီး မျက်ရည်ကျနေတဲ့ သူစိမ်း အမျိုးသမီးကို "ရှင်ကဘယ်သူလဲ" လို့ သွားမေးပါတော့တယ်။ အဲ့ဒီအမျိုးသမီးက သူဟာ သေဆုံးသွား တဲ့သူနဲ့ ချစ်သူတွေပါလို့ ဝန်ခံလိုက်တဲ့အခါမှာတော့ အခြေအနေတွေ ပိုဆိုးသွားတာဖြစ်ပါတယ်


---------------------—
❗️❗️❗️❗️❗️
https://www.facebook.com/share/p/1aocP4P5eR/