❗️❗️❗️
လေယာဉ်ပေါ်တွင် အမျိုးသမီးတစ်ဦး သေဆုံးသွားပြီးနောက် ကျန်ခရီးသည်များ ရုပ်အလောင်းနှင့်အတူ (၁၃) နာရီကြာ နေခဲ့ရ

လန်ဒန်၊ မတ်၂၁-
လန်ဒန်ကို ပျံသန်းတဲ့ ဗြိတိသျှလေကြောင်းလိုင်း (British Airways) လေယာဉ်ပေါ်မှာ ခရီးသည်တွေဟာ ရုပ်အလောင်းတစ်ခုနဲ့အတူ ၁၃ နာရီကျော်ကြာ အချိန်ဖြတ်သန်းခဲ့ရပါတယ်။

The Sun, Daily Express နဲ့ The Standard သတင်းတွေအရဆိုရင် မတ်လ ၁၅ ရက် တနင်္ဂနွေနေ့က ဟောင်ကောင်ကနေ ထွက်ခွာလာတဲ့ လေယာဉ်အမှတ် BA32 ပေါ်မှာ လေယာဉ်ထွက်ပြီး တစ်နာရီလောက်အကြာမှာပဲ အသက် ၆၀ အရွယ် အမျိုးသမီးတစ်ဦး သေဆုံးသွားခဲ့တယ်လို့ သိရပါတယ်။

ဗြိတိသျှလေကြောင်းလိုင်းက ပြောရေးဆိုခွင့်ရှိသူတစ်ယောက်က PEOPLE မဂ္ဂဇင်းကို ပြောပြ တာကတော့ "လေယာဉ်ပေါ်မှာ ခရီးသည်တစ်ဦး ဝမ်းနည်းဖွယ် ကွယ်လွန်သွားခဲ့ပါတယ်။ ဒီလိုခက်ခဲ တဲ့အချိန်မှာ ကျန်ရစ်သူ မိသားစု၊ မိတ်ဆွေတွေနဲ့ ထပ်တူ ဝမ်းနည်းရပါတယ်။ လေယာဉ်ဝန်ထမ်း တွေကို လည်း လိုအပ်တာတွေ ကူညီပံ့ပိုးပေးနေသလို၊ လုပ်ထုံးလုပ်နည်း အားလုံးကိုလည်း မှန်မှန်ကန်ကန် လိုက်နာဆောင်ရွက်ခဲ့ပါတယ်" လို့ ဆိုပါတယ်။

ဒီအမျိုးသမီး သေဆုံးသွားပြီးနောက်ပိုင်း မိသားစုဝင်တွေရော လေယာဉ်ဝန်ထမ်းတွေပါ အရမ်းကို စိတ် ဆင်းရဲပူဆွေးခဲ့ရတယ်လို့ သတင်းရင်းမြစ်တစ်ခုက The Sun သတင်းစာကို ပြောပြပါတယ်။ ဒါပေမယ့် ခရီးသည်က သေဆုံးသွားခဲ့ပြီ ဖြစ်တဲ့အတွက် ဒီအခြေအနေကို "အရေးပေါ်အခြေအနေ" လို့တော့ မသတ်မှတ်ခဲ့ပါဘူး။

"ရုပ်အလောင်းကို ဘယ်လိုထားရမလဲဆိုတာ ဆွေးနွေးခဲ့ကြပါတယ်။ လေယာဉ်မှူးခန်းဘက်က ရုပ်အလောင်းကို အိမ်သာထဲမှာ သော့ခတ်ထားဖို့ တောင်းဆိုပေမယ့် လေယာဉ်ဝန်ထမ်းတွေက လက်မခံခဲ့ ပါဘူး" လို့ အဲဒီသတင်းရင်းမြစ်ကပဲ ပြောပါတယ်။ "ဒါကြောင့် သူတို့က ရုပ်အလောင်းကို သီးခြားခွဲထားဖို့ ပိတ်စတွေနဲ့ပတ်ပြီး လေယာဉ်အနောက်ဘက်က မီးဖိုချောင်ခန်း (Galley) ထဲကို ရွှေ့ထားခဲ့ရပါတယ်။"
----------------------—
❗️❗️❗️❗️❗️
https://yangonmediagroup.com/index.php/local-news/world/woman-died-in-midair

❗️❗️❗️❗️❗️❗️❗️

အစိုးရဝန်ထမ်းများ အပတ်စဉ် ဗုဒ္ဓဟူးနေ့တိုင်း ရုံးမတက်ဘဲ အိမ်ကနေ အလုပ်လုပ်ကြရန် ကြေညာချက် ထုတ်ပြန်
———————-
နေပြည်တော် မတ်၂၂- လာမယ့် မတ်လ ၂၅ ရက်နေ့ကစပြီး အစိုးရဝန်ထမ်းတွေအားလုံး အပတ်စဉ် ဗုဒ္ဓဟူး နေ့တိုင်း ရုံးတက်စရာမလိုဘဲ မိမိတို့ရဲ့ နေအိမ်တွေကနေပဲ အလုပ်လုပ်ကြရတော့မှာ ဖြစ်ပါတယ်။

အမျိုးသားကာကွယ်ရေးနဲ့ လုံခြုံရေးကောင်စီကနေ စက်သုံးဆီချွေတာရေးအတွက် အသစ်ထုတ်ပြန်လိုက် တဲ့ ညွှန်ကြားချက်တွင် ဖော်ပြပါရှိတာ ဖြစ်ပါတယ်။ အဓိက အကြောင်းရင်းကတော့ အရှေ့အလယ်ပိုင်း ဒေသမှာ ဖြစ်ပွားနေတဲ့ ပဋိပက္ခတွေကြောင့် နောက်ဆက်တွဲအနေနဲ့ စက်သုံးဆီ ရှားပါးမှုတွေ ဖြစ်လာနိုင် တာကို ကြိုတင်ကာကွယ်ဖို့အတွက်လို့ ဆိုပါတယ်။

လက်ရှိမှာ စက်သုံးဆီ အရန်အတားက လုံလုံလောက်လောက် ရှိနေသေးပေမယ့် အနာဂတ်မှာ ကြုံလာရနိုင်တဲ့ စွမ်းအင်အခက်အခဲတွေကို ရင်ဆိုင်နိုင်ဖို့ အခုကတည်းက ကြိုတင်ပြင်ဆင်တဲ့အနေနဲ့ ဆီသုံးစွဲမှုကို လျှော့ချချင်တာကြောင့် ဒီလို Work From Home စနစ်ကို ကျင့်သုံးရတာ ဖြစ်တယ်လို့ ကြေညာချက်မှာ ဖော်ပြထားပါတယ်။

အဲဒီအပြင် အစိုးရဝန်ထမ်းတွေအနေနဲ့ ဗုဒ္ဓဟူးနေ့လို အိမ်ကနေ အလုပ်လုပ်ရမယ့်ရက်မျိုးမှာ တာဝန် ကိစ္စကလွဲရင် အပြင်သွားတာမျိုး ဒါမှမဟုတ် ကိုယ်ပိုင်ကား၊ ဆိုင်ကယ် သုံးစွဲတာမျိုးတွေကိုလည်း အတတ်နိုင်ဆုံး ရှောင်ကြဉ်ကြဖို့ကိုလည်း တိုက်တွန်းထားပါတယ်။

အစိုးရဌာနတွေတင်မကဘဲ ပုဂ္ဂလိက ကုမ္ပဏီတွေ၊ လုပ်ငန်းရှင်တွေကိုလည်း ဒီလိုပဲ အိမ်ကနေ အလုပ် လုပ်တဲ့စနစ်မျိုး (Work From Home) ကို အတတ်နိုင်ဆုံး ပူးပေါင်းဆောင်ရွက်ပေးကြဖို့ တောင်းဆို ထားတာ တွေ့ရပါတယ်။

ဒီအစီအစဉ်ဟာ နောက်ထပ် အမိန့်တစ်စုံတစ်ရာ ထပ်မထွက်မချင်း အပတ်စဉ် ဗုဒ္ဓဟူးနေ့တိုင်းမှာ ဆက်ပြီး အကျိုးသက်ရောက်မှု ရှိနေမှာ ဖြစ်ပါတယ်။
#ymg/knl

❗️❗️❗️❗️❗️❗️❗️
စက်သုံးဆီဝယ်ယူမှုကို QR စနစ်ဖြင့် ကန့်သတ်မည်ဖြစ်ပြီး တစ်ပတ်လျှင် အများဆုံး ၂ ကြိမ်သာ ဝယ်ယူ ခွင့်ပြုတော့မည်
--------------
နေပြည်တော်၊ မတ် ၂၂- အရှေ့အလယ်ပိုင်းဒေသ စစ်ရေးပဋိပက္ခများကြောင့် ပြည်တွင်းစက်သုံးဆီ သုံးစွဲမှု အခက်အခဲမရှိစေရန်အတွက် လာမည့်ရက်သတ္တပတ်မှစတင်ကာ ယာဉ်အမျိုးအစားအလိုက် တစ်ပတ် လျှင် အများဆုံး (၂) ကြိမ်သာ ခွဲတမ်းစနစ်ဖြင့် ဝယ်ယူခွင့်ပြုတော့မည်ဖြစ်ကြောင်း စွမ်းအင်ဝန်ကြီးဌာနက ယနေ့ သတိပေးထုတ်ပြန်လိုက်ပါတယ်။

စွမ်းအင်ဝန်ကြီးဌာန၏ ထုတ်ပြန်ချက်အရ စက်သုံးဆီဝယ်ယူရာတွင် ပိုမိုစနစ်တကျရှိစေရန်နှင့် အဆင်ပြေချောမွေ့စေရန်အတွက် ယာဉ်၏ အင်ဂျင်စက်စွမ်းအားအပေါ် မူတည်၍ တစ်ပတ်အတွင်း ဝယ်ယူခွင့်ရှိမည့် ဆီပမာဏကို ကန့်သတ်သတ်မှတ်သွားမှာဖြစ်ပါတယ်။

တစ်ပတ်အတွင်း သတ်မှတ်ထားသော ဆီပမာဏကို တစ်ကြိမ်တည်းဖြစ်စေ၊ အများဆုံး (၂) ကြိမ်ခွဲ၍ ဖြစ်စေ Bar Code နှင့် QR Code စနစ်အသုံးပြု၍ ဝယ်ယူရမယ်လို့ ကြေညာချက်မှာ ဖော်ပြထားပါတယ်။

မော်တော်ယာဉ်များအတွက် Bar Code Scan ဖတ်ခြင်းနှင့် ဆိုင်ကယ်များအတွက် QR Code ထုတ်ပေးခြင်းစနစ်ကို လာမည့်အပတ်အတွင်း အပြည့်အဝ စတင်အကောင်အထည်ဖော်မယ်လို့ဆိုပါတယ်။
-------------—
❗️❗️❗️❗️❗️
https://yangonmediagroup.com/index.php/myanmar/qr-system-fuel-rationing-myanmar

❗️❗️❗️❗️

Myanmar NDSC Orders Weekly Work-From-Home Day and Rationed Fuel via QR System

NAY PYI TAW, March 22 – The National Defense and Security Council (NDSC) and the Ministry of Energy have jointly announced sweeping measures aimed at conserving fuel amid ongoing Middle East conflicts that threaten energy supply lines. These measures include a mandatory weekly work-from-home day for government employees and a new rationed fuel purchasing system for all vehicles.

According to a directive from the NDSC, starting March 25, 2026, all government employees will perform their duties from home every Wednesday, rather than commuting to their respective offices. The directive emphasizes that on these designated days, employees must avoid non-essential travel and minimize vehicle usage to maximize fuel savings. Private sector enterprises are also urged to align with this effort by implementing similar Work-From-Home (WFH) arrangements wherever possible.
————————————-
❗️❗️❗️❗️❗️
https://yangonmediagroup.com/index.php/eng-section/weekly-work-from-home-day-and-rationed-fuel