❗️❗️❗️❗️❗️
ဓာတ်ဆီ၊ ဒီဇယ် ဈေးနှုန်းကြီးမြှင့်မှုကို အခွင့်အရေးယူ၍ ယာဉ်စီးခပိုမိုတောင်းခံသော CNG Taxi များအား သုံးစွဲခွင့်စာရင်းမှ ပယ်ဖျက်မည်ဟု စွမ်းအင်ဝန်ကြီးဌာန သတိပေး
———————————
နေပြည်တော်၊ မတ် ၁၅
နိုင်ငံတော်မှ သက်သာသောဈေးနှုန်းဖြင့် ရောင်းချပေးနေသည့် သဘာဝဓာတ်ငွေ့ (CNG) ကို အသုံးပြုပြီး ဓာတ်ဆီ၊ ဒီဇယ် ဈေးနှုန်းကြီးမြှင့်မှုကို အခွင့်အရေးယူ၍ အများပြည်သူထံမှ ယာဉ်စီးခပိုမိုတောင်းခံ နေသည့် Taxi ယာဉ်များကို CNG သုံးစွဲခွင့်စာရင်းမှ ပယ်ဖျက်သွားမည်ဖြစ်ကြောင်း စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်က ယနေ့ ကျင်းပသည့် လုပ်ငန်းညှိနှိုင်းအစည်းအဝေးတွင် ပြောကြားလိုက်သည်။

စက်သုံးဆီဈေးနှုန်း ကြီးမြင့်မှုကို အကြောင်းပြကာ CNG သုံး Taxi များက ခရီးသည်များထံမှ ယာဉ်ခတိုးမြှင့်တောင်းခံကြောင်း တိုင်ကြားမှုများ ရှိနေသည့်အတွက် ယခုကဲ့သို့ အရေးယူရန် ဆုံးဖြတ်ခြင်းဖြစ်သည်။ သတ်မှတ်စည်းကမ်းဖောက်ဖျက်သည့် ယာဉ်များကို စာရင်းမှပယ်ဖျက်၍ အမှန်တကယ် စည်းကမ်းလိုက်နာမည့် အခြားယာဉ်များကို အစားထိုးခွင့်ပြုပေးသွားမည်ဟု ဝန်ကြီးက ဆိုသည်။
—————————————
❗️❗️❗️❗️❗️

https://yangonmediagroup.com/index.php/myanmar/warns-cng-taxi-for-advantage-energy-crisis