သမိုင်းများစွာဖြတ်သန်းခဲ့သည့် ပဲခူးရွှေမော်ဓောစေတီတော်မြတ်ကြီး ဘက်စုံပြုပြင်မွမ်းမံနေ

မြန်မာပြည်၏ ဥာဏ်တော်အမြင့်ဆုံးဖြစ်သော ပဲခူး တိုင်း၊ ပဲခူးမြို့ရှိ ရွှေမော်ဓောစေတီတော်မြတ်ကြီးအား ဘက်စုံ ပြုပြင်မွမ်းမံမှုများပြုလုပ်လျက်ရှိသည်။

အဆိုပါ စေတီတော်မြတ်ကြီးသည် တောင်ငူဘုရင် တပင်ရွှေထီး နားထွင်းလိုသည့် ဟံသာဝတီ ကစေတီတော်ဖြစ်ကာ တိုက်ပွဲတစ်ခု၏ စိတ်ဓါတ် အကြောင်း ပြန်ပြောင်းပြောစရာ ရာဇဝင်ထဲက စေတီတစ်ဆူဖြစ်ပြီး မင်းအဆက်ဆက်ပြုပြင်မွမ်းမံခဲ့ကြသည်။

လွန်ခဲ့သည့်(၉၆)နှစ်က ပဲခူးငလျင်ကြီးလှုပ်ခတ်မှုတွင် စေတီမြေခခဲ့သည့်ဖြတ်သန်းမှုများမှ ၇ရက်သားသမီးတို့၏ သဒ္ဒါတရားရုန်းကြွ မှုနှင့်အတူ သပ္ပာယ်စွာ ပြန်လည် ဖူးတွေ့ နေရပြီး နှစ်စဉ်လည်း ဘက်စုံ မွမ်းမံလျှက်ရှိသည်။

နိုင်ငံအတွင်း စက်သုံးဆီဖူလုံမှုရှိပြီး ပြတ်လပ်မှု မဖြစ်ပေါ်နိုင်ကြောင်း စွမ်းအင်ဝန်​ကြီးဌာန အသိပေး


အရှေ့အလယ်ပိုင်းဒေသအတွင်း ဖြစ်ပေါ်လျက်ရှိသော စစ်ရေးပဋိပက္ခအခြေအနေများကြောင့် ကမ္ဘာလုံးဆိုင်ရာ စက်သုံးဆီတင်သွင်းမှုလမ်းကြောင်းများတွင် အခက်အခဲများ ဖြစ်ပေါ်နေသော်လည်း မြန်မာနိုင်ငံအတွင်း စက်သုံးဆီပြတ်လပ်မှု မဖြစ်ပေါ်နိုင်ကြောင်း စွမ်းအင်ဝန်ကြီးဌာန က မတ်လ ၄ ရက်နေ့တွင် အသိပေးထုတ်ပြန်လိုက်သည်။

ထုတ်ပြန်ချက်အရ မြန်မာနိုင်ငံသို့ တင်သွင်းနေသော စက်သုံးဆီများမှာ ထိုင်းနိုင်ငံမှ မဟုတ်ဘဲ စင်္ကာပူနှင့် မလေးရှားနိုင်ငံများမှ ပင်လယ်ရေကြောင်းဖြင့် အဓိကတင်သွင်းနေခြင်းဖြစ်ပြီး စက်သုံးဆီဖြည့်ဆည်းမှုကွင်းဆက် (Supply Chain) တစ်လျှောက်တွင် အခက်အခဲများ မဖြစ်ပေါ်စေရေး ကြိုတင်စီမံဆောင်ရွက်ထားရှိကြောင်း သိရသည်။

လက်ရှိတွင် နိုင်ငံအတွင်း စက်သုံးဆီဖူလုံမှုရှိစေရေးအတွက် ရက်ပေါင်း ၄၀ ခန့်စာ တင်သွင်းသိုလှောင်ထားရှိပြီးဖြစ်ကာ သီလဝါမှ နိုင်ငံတစ်ဝှမ်းသို့ ဆီတင်ယာဉ်များဖြင့် ဆက်လက်ဖြန့်ဖြူးပေးလျက်ရှိကြောင်းလည်း ထုတ်ပြန်ချက်တွင် ဖော်ပြထားသည်။

ထို့ပြင် ကြိုတင်စီမံထားသည့် အစီအစဉ်အရ သီလဝါဆိပ်ကမ်းတွင် သင်္ဘော ၂ စီး ရောက်ရှိနေပြီး လမ်းခရီးတွင် သင်္ဘော ၆ စီးရှိကာ ဆီတင်ရန် စောင့်ဆိုင်းနေသည့် သင်္ဘော ၈ စီးလည်း ရှိနေကြောင်း သိရသည်။

ပြည်ပမှ စက်သုံးဆီသင်္ဘောများ စဉ်ဆက်မပြတ် ရောက်ရှိစေရေး သက်ဆိုင်ရာအဖွဲ့အစည်းများနှင့် ညှိနှိုင်းဆောင်ရွက်ထားရှိပြီး အရေးပေါ်အခြေအနေများ ဖြစ်ပေါ်လာပါက ဖြေရှင်းနိုင်ရန် နည်းလမ်းများကိုလည်း ချိတ်ဆက်စီမံထားရှိကြောင်း ဆိုသည်။

အဆိုပါ ထုတ်ပြန်ချက်တွင် ပြည်သူများအနေဖြင့် စက်သုံးဆီပြတ်လပ်မည်ဟု စိုးရိမ်ကြောင့်ကြမှု မဖြစ်စေရန်နှင့် တရားဝင်ထုတ်ပြန်ထားသည့် သတင်းအချက်အလက်များကိုသာ ယုံကြည်ကြရန် တိုက်တွန်းထားသည်။

ထို့အပြင် တရားမဝင်ကောလာဟလသတင်းများကို မယုံကြည်ကြရန်နှင့် မလိုအပ်ဘဲ စက်သုံးဆီ ဝယ်ယူသိုလှောင်ခြင်းများ မပြုလုပ်ကြရန်လည်း မေတ္တာရပ်ခံထားသည်။

သီလဝါရှိ Terminal များတွင် စက်သုံးဆီတင်သင်္ဘောများ ဝင်ရောက်လျက်ရှိစဥ်။
ဓာတ်ပုံ- စွမ်းအင်ဝန်ကြီးဌာန

အီရန်ဒုံးကျည်နှစ်စင်းကို ကြားဖြတ်ဟန့်တားရေးဒုံးကျည်ပေါင်း ၄၀ ခန့်ဖြင့်ပစ်ချခဲ့ရ

အစ္စရေးနိုင်ငံ တဲလ်အဗီးဗ် (Tel Aviv) မြို့သို့ အီရန်ကပစ်လွှတ်လိုက်သည့် ဒုံးကျည်နှစ်စင်းကို ပစ်ချရန်အတွက် ကြားဖြတ်ဟန့်တားရေးဒုံးကျည်အစင်းပေါင်း ၄၀ ခန့်ကို အသုံးပြု၍ ပစ်ချခဲ့ရ။

NOM